|
ترررا ررا ررااااا
طبعا انا جايه اقول لكم عن موقف حصل معي السنه هذي .. قبل كم يون يعني .. قلت لكم انا سالفه الغبار .. وهذي الجزء الثاني لها .. دخلت المدرسه ورحت سشويه متأخره .. لأن سواقنا جديد ..وعبقري حبتين .. نقول له لف يمين يروح سيدا :D تقول له روح المكان الفلاني تعرفه ؟؟يقول ايوا في معلوم .. ولما يوصلك طريق مبهم ومجهول يقول ماما انا مافي معلوم ..انا وين يبغى روه ؟؟ المهم ما وصلني المدرسه الا الساعه 6 و25 دقيقه طبعا طول الطريق وانا احن !! الحين بجلس ورا :D انا احب اقعد بالقروب اللي على ا ليسار تحت المكيف الأول .. يعني الصفه الثانيه أمووووووووووت بهالمكان ..احسه يصلح للهذره والسوالف :D المهم دخلت المدرسه ..وانا مسويه شعري وكاشخه ..تعرفون اول يوم .. دخلت والا اشوف مدرستنا مصبغه !! صارت عيوني :eek: وأخييييييييييييرا غيروا فيها وصبغوها ؟؟ عاد الله لا يرويكم اللون .. وعوووووووووووووووووووووه يقرف بس اسمهم صابغينها .. صابغين عند فصولنا الدور الأول لون بني فاتح ..يناسب مع المراييل :D والحدايد لونهم ذهبي .. أما عند غرفة المديره قدام هناك ..صابغين برتقالي.. كشخه ادري .. هههههههههههههه المهم رحت اشوف باي فصل انا .. ويوم اني لقيت الفصل صرت :D من قلب .. لأني اكتشفت انهم ما فتحوا الفصول ومحد دخل .. يعني محد خذ مكاني ههههههههههههههههههههههههههههههههههههههههه المهم قعدت بسطت عند الباب دق حنك مع البنات .. وقبل لا يفتحون الباب قلت للبنات .. اسمعوا ..علم ياصلكم ويتعداكم ..مكاني حق السنه الماضيه لي انا ..ومحد بياخذه فهمتوا ؟؟ ويوم انهم افتحوا الباب ..البنات طرررررررررررررررررررر طيراااااااااااااااااان علىا لكراسي خذوا كل الأماكن الا مكاني .. خافوا مني :D والنحيسه انا ما قعدت بمكاني رحت وقعدت بالصفه الثانيه تغيير :p المهم جينا نقعد..طبعا انتوا صرتوا تعرفون قصة الغبار اول ما سويت مسحت طاولتي وكرسيي اللي جبته من فصول ادبي .. وانا ماشيه في وحده (دافوره) :D حاطه جدول الحصص على طاولتها ..انا مدري انها تبييه .. مريت وانا شايله الكرسي اخذته ورحت ابقعد مكاني.. الا البنت يطلعون جنانوتها .. قامت وقالت بعصبيه : يا (...) هاتي الجدول !! قلت لها زين خلني اخلص بعطيك اياه قالت انا قاعده اكتوب .. قلت لها انزين ما بتطير الدنيا..[خلص وبعطيك .. وماعطيتها الا يوم خلصت وليومكم حاقده علي المهم الله عاقبني.. نظفت كرسيي وطاولتي .. وحطيت عباتي بالدرج .. آخر الدوم جيت اطلع عباتي الا صايره كانها الكلاب المنقطه هههههههههههههههههههه مليــــــــــــــــــــــانه غبار قلت بخاطري والله عيونها وحوبتها هههههههههههههههههههههه هذا اللي صار معي اول يوم في هذه السنه الدراسيه .. تحياتي لكــم .. دلــع |
هههههه:D:grin:
دايم العجه والغبرة وراك وراك ههههههههههههههههههه زين ماملاك الصبغ |
ايه اضحك علي ..
مو انا المسكينه اللي ادرس ويبهدلني الغبار وانتوا تضحكون علي .. يالله معليه .. انا اللي جبته لنفسي .. احد قال لي اروح مدرسه حكوميه ؟؟ على العموم نكبر وننسى اشوفكم الويكند الجاي .. دلــع |
بدون عجه وبدون غبره:D
بقولك على موقف طريف صار لي ايام كنت باول ابتدائي مدرستنا كانت اولى ابتدائي يدرسونا ابلات:D كنت دايم اعاند الابله (ابله رجاء):Dالى هذا اليوم ماانساها كانت تطلعني للسبوره عشان اكتب كنت ابدى بالمقلوب يعني مثلا تقولي اكتب محمد ابدى بالدال ثم الميم ثم الحاء وانتهاء بالميم كانت دايم تهاوشني وانا اصر على كتابتي في يوم من الايام استدعت الوالده وقالت ابنك يعاد نابغه بكتابته بالشكل هذا بس لازم تعوده انه يكتب صح زي العالم والناس قالت لي الابله يالا قم اكتب زرع كتبتها زي العالم والناس عشان الوالده موجوده:D طاح وجه الابله وقالت والله هو دايما بكتبها بالمقلوب والوالده تناظرها بنص عين. :D:D |
الله لا يكتب علي واصير مدرسه ..
وان جار علي الزمن وصرت ..الله لا يعطيني تلميذ زيك يالعنيد !! الله يذكر ابله رجاء بالخير :D دلــع |
الله يعطيكم العافية، وتسلم اخوى دايم العلو على هالموضوع الرائع
وتسلمى يا دلوعة على هالتواصل الجميل انت وكل الاخوان:) بالنسبة لى أعزائى اول يوم لى بالمدرسة كان عمرى 4 سنوات لما سجلوني اهلى بالروضة (رياض الأطفال) وقضيت سنتين فيها اما بالنسبة لاول ابتدائى فما واجهت مشاكل فيه لانى تعودت على نظام المدارس (كراف سنتين:D) أول يوم لى بالرياض، وصلتنى امى وقعدت تنتظرنى عند باب الفصل ووعدتنى انها راح تنتظرني لاخر الدوام(وهى صادقة)اختكم عاد دخلت الفصل بثقة واناظر الاطفال وكلهم ماشاء الله كانوا هادين، وجلست بمكاني والمعلمة تهلل وترحب فينى، بعد اشوى بدت الظنون السيئة تدور في خاطرى واقول الحين امى راحت البيت عنى وتركتنى، وفجأة اوقف وابى اطلع بكل ثقة وعنفوان الطفولةهههههههه وتصدت لى المعلمة ولكن ما فيه امل عملت لها مصارعة عالمية لين طلعت، هالقوة طلعت اول يوم بس باقى الايام كل يوم ارجع البيت مضروبه واشتكى، أول ما طلعت من الفصل لقيت امى تنتظرني (واه فشلاه) وسويت نفسى طالعة اطمن عادى ما كنى مسويه شئ ورجعت الفصل والمعلمة سوت نفسها زعلانه على وجلست بمكاني (ما اعرف اعتذر ذيك الايام تونى في بدايتى :D) اسفه على الإطالة بس لكم وحشه يا اعضاء الخيمة أختكم الريم |
أخوي العنيد : شكرا لمشاركتك
أثرك عنيد على اسمك حتى من يوم توك صغيرون :D إقتباس:
لوني من الوالده كان شفت شغلي مع الأبله رجاء يعني ليه وليدي ناقص ولا يعني ناقص يوم تتهمينه بانه يقلب الحروف والكلمات :mad: موقف لا تحسد عليه أبلا رجاء الله يذكرها بالخير ... |
الأخت الريم : شكرا لمشاركتك
وهذي فائدة الثقة الزايدة تدهور الواحد في كثير من الأحيان ..:D |
اول يوم في الدراسه؟؟؟؟؟؟؟؟
اوكي اول يوم هذه السنه اوكي؟؟؟؟؟؟؟ دخلت الفصل, ثم سلمت على الاستاذه ,وتكلمنا شويه :D:D:D ( كل الاساتذه يعرفوني , :D يعني تكلمنا شويه عن الاجازه وكيف الحال, و بعدين :( راح تعرفوا بعدين ( على فكره عدد الطلاب 7 او 8 ما ادري, لانهم كثير و ما اقدر اعدهم , لكن حوالي 7 او 8 :p ) لكن في اول يوم كان العدد 5 :D المهم قعدنا ,و كالعاده من اول يوم دراسه وواجبات :o وما في فرق بين اول يوم ولا اخر يوم لانهم كلهم نفس بعض تحياتي |
اول يوم انا في دراستي اني فكرت ان اقذف بجميع حقائب الطلاب من الصف للخارج وفعلا فعلتها حتى حقيبتي معهم .. والامر من هذا انه في احد الايام عجبتني الطباشير الملونة وفي نهاية الحصة اخذتها معاي وقبل وصولي للبيت لونت وشكلت جزمتى بجميع الالوان وما ان وصلت قرب البيت وامي تنطرني من مسافة ثلاثون متر قلت يمه شوفي جزمتي ملونه ,, فعلا عطتني لكمات على وجهي وعلقة ساخنة منها وانا اقول ايش السالفة ؟ المفروض انها تفرح لكن ليش ضربتنى اتاريها ما حبت الالوان اللي انا حبيتها , على فكرة يا دلوعة جزمتى رموها زباله ,, |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.