|
السلا عليكم أخي الوافي ...صبحك الله بالخير والله أدبت وفيت وماقصرت... ودخولك على الموضوع يزيده ويضيف له النور..... نعم ذكر القهوة وصورتها وهي محموسة... يقعد الراس... وفعلا... يا ما حلا الفنجال مع سيحة البال *** في مجلسٍ ما فيه نفسٍ ثقيله المسك |
يـاريف قلبي للمسـايير قم شب *** وحـط المنـاره في طويـل الضلالي عقب تشق لها لجزل الحطـب جب *** وهات النجر وأحضر جـداد الدلالي ثـلاثن الهن راعي الكيف يطـرب *** وسوطهـن ضمر والآخـر جـلالي وبطونهن ماخذن اسبوعن عن الرب *** وجنـوبـهن صـفرً تـلالا تـلالي والرابعـه ملقـامةٍ لونـها أصهب *** حيـث إنهـا للنـار دايم تصــالي ولاجبت كل شروطها اللي تطـلب *** إجلـس عليهـن يازعيـم العيـالي وإحمـس لنا بريـة ٍحبهـا أشهـب *** وبهـارهـا هنـدي ومـاهـا زلالي وإعـرف ترى قانونـها مايـخرب *** ونـدارهـا ينقـى وماهـا يكـالي تراه مايصـلح لهـا كل مـذهـب *** ولاتقـبل الراضـه ولا الاعتجـالي وليا حمست إحرص على حمسة الحب *** واعرف ترى الحمسه تبي وسع بـالي تاخذ على ادنى الجمر فتـره تقـلب *** لين العـرق يطـلع سـوات اللوالي ومن يـوم يطلع فالمبرد لـها كـب *** لـين النـدار ان كـان فيهـا يشالي وليا خذت مقـدار للنجـر قـرب *** ودنـه بصـوتٍ يسمعـه كـل غالي دنـه وخلـه للمسـايير يـجذب *** لاقـام صـوتـه لـلنشـامى يـلالي يـوحونـه الـجيران لاقم يقنـب *** ويجـيك الاقصى والقصـير الـموالي وعقـب تـدق البن لقـم وركب *** لين انـها تسمـح مـن الاجتــوالي وقبـل تبهـرها عـن النار تجذب *** وتركـد شـويه لين يصـفى الحثـالي وبـرويد في أحـدى المباهير تسكب *** مـن عقـب غـال الـهيل فيها يهالي واعـرف ليـا بهرتـها يالمشــبب *** تـراه يكفيهـا مـن النـار صــالي ثم اجـذها من يوم بالهيـل تقــلب *** ومـن يـوم تـركد صبهـا للرجالي حـتى يجي الفنجـال منهـا لياصب *** بين الشقـار وبين لـون الشعــالي أما اشقرٍ رايب مثـل بـول الارنب *** والا اشعـل يشـبه لـدم الغــزالي يطـرب لها من كان للكيف يشرب *** كيـف النشـامى اللي من العيب خالي واعـرف تراها عـادةٍ مـاتسيـب *** ولاينتقـدهـا إلا قصـير الحبـــالي احـرص تخـلي عـادة الجد والاب *** ما هم عـليه اول عـليه انت تــالي تـراك مـن كل المنـاسب معـرب *** مـابين جـدان وعمـام وخـــوالي وابيـك عـن منهاجهم مـا تجـنب *** ان كـان فكـنك بنـات الليــالي وسلامتكم المسك |
تسلم اخي Almusk على هذا الشعر;)
:D:D:D:D |
السلم عليكم
تسلم والله يا أخي الكريم لطيف...وأرجو انك تقهويت معنا ..واعجبتك القهوه مثل باقي الربع؟؟؟؟؟ والسلام المسك |
بصراحة أخوي المسك خليتني أحب القهوة ، وأنا اللي من أول ماواطن حتى ريحتها ،، لذلك يوم شفت الموضوع من يومين وأنا أقول ياليتني أحب القهوة عشان أرد !!
|
السلام عليكم
أخي دايم العلو...نورت المكان.. إقتباس:
حاضرين وأنا أخوك،،، خلاص كل يوم الصباح إذا دخلت النت مر علينا وخذ لك فنجان،،،،،الغالي يرخصك يا غالي.... وأقول لك...
إن كان ريح الهيل للضيف يشتاق.... دلالنا تبكي عليكم من الشوق
يا ما حلا الفنجال مع سيحة البال *** في مجلسٍ ما فيه نفسٍ ثقيله والسلم المسك |
السلام عليكم....
إن كان ريح الهيل للضيف يشتاق.... دلالنا تبكي عليكم من الشوق يا ما حلا الفنجال مع سيحة البال *** في مجلسٍ ما فيه نفسٍ ثقيله
يااا زين هالجلسة ويازين هالضو ودفاها..ويازين دلال الشاي والقهوة حوليها...وياا زين هاليمعة... مين يقدر يتوقع أنا أي واحد منهم:):rolleyes:....
المسك
|
فنجان قهوة بين الجبال عالكيف والشمس يكسيها السحاب الكثيفي لا هو شتا ولا هو خريف ولا صيف جو دفا والبرد لفح خفيفي يا طير شامخ رابض فوق المنيف وصل سلامي صوب أهل الخيام العفيفي |
تفضلوا القهوة...يالله حيهم المسك |
بمناسبة رمضان نريد من الأخوة المشاركة بأفضل طريقة لتحضير القهوة العربية..وكل واحد يفضل انه يذكر طريقتهم في تحضير القهوة والبلد ...نبي انشوف الطرق وأنواع القهاوي وأحسنها؟؟؟..طبعا راح أكون أنا الحكم:) ياكليب شب النار ياكليب شبـــــه -- عليك شبه والحطب لك يجابي وعلي أنا ياكليب هيله وحبــــــــــه -- وعليك تقليط الدلال العذابـــــــي وادغث لها يا كليب من سمر جبه -- وشبه إلى منه غفا كل هابــــــــي باغ ٍ إلى شبيتها بالمشبــــــــــــه -- تجذب لنا ربع سراة ٍ غيابي بنسرية ياكليب صلف مهبـــــــــه -- متكتفين وسوقهم بالعقابــــــي سراة ليل وناطحين مهبــــــــــــه -- لا نسنست يا كن به سم دابي خطو الولد لو به زبون وجبــــــه -- يأتي عليهم من حساب الزهابي لا باطن الهلباج خطو الجلبـــــــه -- ياحلو خبط اعصيهم بالركابي اطمر لهم وابدي سلام المحبـــه -- لاجو على هجن يديهم خرابـــــي مع كبش مصلاخ لك الله نجبه -- لادبر الهين متين العلابـــــــــــــي والوالمه ياكليب عجل بصبه -- والرزق عند اللي ينش السحابي منقول |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.