وهكذا أخواني واخواتي المشاهدين تنتهي الحلقة الأولى من مسلسل خالد ونوره ( واللي يبلاهم بالطقاقه) ولكن لا تنسون أن تكملوا القصة من (دار ابوكم) عشان نوره لسه مشغوله بتثبيت خصلات شعرها اللي تدلن .. فنترككككككككككم مع تخيالاتكم فلا تبخلوا علينا..

أختي سامية لي تعليق بسيط على القصة ممكن أقوله بوساعة صدر ؟؟؟؟؟؟؟

القفلة بتاعةالقصة كانت ضيقة شوية وياريتك واللي يسلمك زودتي العيار شويه
خامسا : العراوي اللي ربطت بين الأحداث كانت مريحة جدا .

تاسعا : والله يا بنات حوا إنكن بتخوفن لما اتكونوا فاضيات ..

لك مني كل تقدير وبجد وبجد موضوع ممتاز وفيه الكثير ما بين السطور.......... والباقي على الشيومة ....

أخوكم : جمال

اخي المر
اردت لفت نظرك بان التشابه ينحصر بين الموضوع اليتم للمشارك المذكور وموضوعك نظرية المؤامرة ...حتى لاترهق نفسك في البحث فالرجاء اهمال الموضوعات الممله خاصتك التي تلت ذلك الموضوع..دعابه
اخي وسيع الصدر
اشكرك للتعليق ونزولاً على طلب الجمهور (كلهم ثنين او ثلاثه) ساضع نهايه للقصة في وقتاً لاحق..

ابومحمد جزاك الله خيراً على التعليق وسنوافيكم بالنهايه فور الانتهاء من تصويرالمشاهدالخارجيه حيث سيموت البطل من القهر وطبعا ستكون الشرطه وصلت بعد ظهور كلمة النهايه..

أختي سامية :

بعد مراجعة الوثائق الرسمية و الدراسات التخطيطية و الاحصاءات التحليلية ( الرجاء عدم الاحراج و طلب شرح لما سبق ) اكتشفت أن عندنا ثلاث جاليات فقط.
صدقيني لم أجد أي تشابه ، فالأخ كان يجرح في حين كنت أنا أنتقد فقط ، و الذي أذكره أن اعلان الحرب كان قد سبق موضوعي نظرية المؤامرة ، بدأت أعتقد أن كل ما كان في الأمر أن إسمي لم يعجبك فقررت التخلص مني (دعابة).
أما بالنسبة لمواضيعي المملة ، فعندما أرى مواضيعك أنت ، يراودني احساس بأني جاحظ زماني مقارنة بك ، و من شاف بلاوي غيره ، هانت عليه بلاويه ( دعابة ، فكلنا في الهوا سوى).

نياههههههههههه هاه
اول شيء خلاص انا سامحتك ههههههههههه
ثاني شيء معك حق وش جاب لجاب اما اسلوبك ههههههههههههه
تصدق عاد ان لغتك العربيه جيده اكيد دارس في مدارس اجنبيه
هههههههههههههههه
ثالث شيء الاتصال عندي كل شوي يفصل وان ما فصل فهو بطيييييء

"نياههههههههههه هاه"

Lion King ما شاءالله

"اول شيء خلاص انا سامحتك ههههههههههه"

شكراً ( و إن كنت لا أعلم على ماذا ؟؟!!!!)

"تصدق عاد ان لغتك العربيه جيده اكيد دارس في مدارس اجنبيه"

ما أدراك ؟ نعم أنا خريج المدرسة الهندية النموذجية ، قسم اللغة السنهالية.

"ثالث شيء الاتصال عندي كل شوي يفصل وان ما فصل فهو بطيييييء"

هذا يذكرني بأول عهدنا بالانترنت ، من كل ساعة استخدام رسمية في الفاتورة الشهرية كان الاستخدام الفعلي لا يتعدى بضع دقائق فقط.

المشهد الاخير :
تمت مراسيم الخطبة وذلك بعد اجرى الفحص الطبي للعروسين كما هو المعتاد(ايه هين) حرصاً منهما لتجنب أي عوائق قد تلحق باطفالهما في المستقبل وكان ذلك اخذاً بالاسباب الذي لا يتنافى مع وجود التوكل على الله والثقة به , واتفق والدي خالد ونورة على ان يكون بحث تفاصيل اتمام الزواج امر يخص العروسين فقط دون دخول اطراف اخرى وليكن ذلك بالتنسيق بينهما من خلال الهاتف.
خالد: وش رايك يانورة نعيش مع اهلي وكذا تكونين قريبه من اهلك بعد؟
نورة:الي تشوفه يا خالد.
والدة نوره تحور وتدور جنب نورة تنتظرها تسكر الخط وتاشر بيدها يعني خلصي…
نورة بعد ان ودعت خالد: الحين وش فيه فشلتيني مع خالد من كثر ما تزنييين علي حتى اسكر التلفون اظن ان اتصاله ما فيه أي شيء و بعد الملكه صار زوجي شرعاً!!!!…
ام نورة: انا سامعه وش قالك من الخط الثاني وهذا الي هبل بي وانت تقولين له الي تشوفه!!
نورة: ليه ما تبيني اسكن مع اهله ؟؟ ابوه وامه ذوق وساكنين لحالهم واخوانه وخواته كلهم يجونهم زيارة…وبعدين انا ما احب احد يتسمع على مكالماتي….
ام نورة: بكرا تندمين ترا الشيء على اوله ماهوب كل ما قالك قلتي الي تشوفه ترا يصير مالك قيمه عنده , وبعدين هل تظنين انك تبين تكونين سعيده في بيت مالك فيه الا غرفه وتاكلين على كيفهم وتستقبلين ظيوفهم كان لك مزاج اومالك مزاج وحتى مارح تاخذين راحتك بملابسك. والي تدخل مطاطيه من اولها مارح تقدر ترفع راسها بعد كذا…..
سكتت نورة بعد حديث والدتها واحست ان والدتها معهاحق في بعض ما قالت واخذت تفكر…
خالد: وش الي غير رايك؟؟؟؟؟
نورة: انا اشوف انه افضل لو…
خالدمقاطعاً: نوره اتمنى انك تاخذين قراراتك بنفسك وما تخلين احد ياثر عليك ترا انا اكره صفة التردد………… (نقره بين خالد ونوره انتهت بزعل كلاً منهما من الاخر)

وبعد فترة تدخلت والدة خالد للاصلاح بين الطرفين وابدت رغبتها باستقلالهما في منزل اخر..

تم الزواج وبدأ خالد ونورة حياتهما الورديه ونسى كلاهما ان امهاتهما يشعرن بالوحده بعد زواجهما وكانت اشدهما تاثراً والدة خالد التي احست بالفراغ والحزن لفراق خالد(اخر العنقود)وفضى عليها البيت بل احست ان حياتها لم يعد لها قيمه (كبرت وراحت عليها ونورة اخذته منها) بدات تحس برغبة بالبكاء وبدا خالد يلاحظ هذا التغير لوالدته ورغم حبه لها الا ان حياته الجديدة تملك عليه كيانه بل ولكثرة شكوى والدته لغيابه عنها وبكاءها اصبح خالد يقلل الذهاب الى منزل والديه خوفاً من سماع نفس الحان العتب التي تفسد عليه ما هو فيه من سعادة…..
نورة:وش فيك ياخالد ليه ضايق صدرك؟
خالد: الوالده يانوره مادري وش فيها ؟
نورة: وانا حسيت بهذا الشيء بس قلت يمكن مشكله عائليه وماحبيت اتدخل…
خالد:عائليه!!! خلاص الكلمه هذي تشيلينها من قاموسك لانك صرتي وحده من العائله…
نورة: صحيح يا خالد انا صرت وحده منكم الا انه فيه جانب لكل انسان ما يحب احد يتدخل فيه وانا اخاف ان تدخلت امس هذا الجانب…
خالد: القضيه وما فيها ان الوالده صارت تعتب علي كثير وتسمعني كلام يضيق صدري مثل نسيتني والا اشوى انك ذاكر ان لك ام و من هالكلام الي يغم اذا رحت ازورها…
نورة: تصدق انك غلطان في بعض تصرفاتك قدامها…
خالد:كيف
نورة: انت الان طاير فيني(شهر عسل طبعاً) ولما نكون عندهم تبين اهتمامك بي اكثر من اللازم ورغم ان هذا يسعدني الا اني اشوف ان هذا الاهتمام لابد يكون فيه نوع من …لااعرف كيف اعبر لك لكن اكيد امك تغار لما تشوفك تسوي كذا وهذا شيء طبيعي وغريزي في بنت حواء يعني المفروض يكون هناك مراعاة لشعورها كام وعلى العكس لازم يكون الاهتمام اكثر بامك طالما حنا في بيتها يعني لاحقين على بعض…الى جانب امر مهم وهو ان الحريم بهذه الفترة من العمر يمرون بظروف صحيه معينه بسبب نقص بعض العناصر او هرمونات معينه تسبب لهم حاله من الاكتئاب وهذا امر صار ممكن علاجه بمراجعة المختصين والافضل انك تقترح على وحده من اخواتك انها تساعد امك في هذا الموضوع حتى تجتاز هذه المشاكل الخاصة بالنساء في هذا العمر لان اختك اكيد تكون اقرب لامها من غيرها…
خالد:تدرين يا نوره ان اهم مايميزك ان ما عندك صفة حب التملك ….
نورة:حب التملك موجود في اغلب الناس بس لابد من السيطرة على انفسنا حتى لاتدمرنا هذه الصفه وتدمر الي حولنا وتنفرهم منا..مثال انا احب انك تقعد معي في البيت طول اليوم بس بطريقة النق وكثر الكلام رح تدفعك انك تكثر مفاخت من البيت وان قعدت فيه فانت ياعند مباراة او تشتغل على الكمبيوتر وفي النهايه نصل الى مرحلة من المشاكل نتبادل خلالها الاشرطة انت تهديني طحت من عيني لراشد وانا اهديك كرهتك للطيفة….ليه؟؟؟؟؟؟؟؟؟؟ الطيب احسن….
ودارت الايام وعاش الاثنان في سبات ونبات وخلفو صبيان وبنات وتوته توته خلصت الحدوته…

حكاية حلوة سامية
انا ما علقت على القصة في البداية لأني كنت انطر
نهايتها. تبي الصراحة تنفعي تصيري كاتبة
(كخخخخخخ,,,, صدقتني) <مزحة ثقيلة دم>

هدهد الطيوبة
h1alsaieq@hotmail.com

مشكوره ياهدهد .......
ودمك زي العسل.

سامية51
ليش ماتشاركين معنا فى موضوع الاسماء المستعارة ودنا نعلق على
أسمك ,عطينا الوافقة أذا رغبت فى موضوعنا وقعى هناك


عبدالله