هلا صعرور أفندي على طاري الطرارين وحركاتهم التي شيرت خذ ذي
مرة واقف عند الإشارة بس إشارة غثيثةلاقفلت قفلت ماعندها في احد الحاصل قاعد أسولف مع خوييي وأشوف ذى البزير اللي يطق على الدريشة وقام يقول الديباجة الشهيرة قلت له الله يعطينا ويعطيكم قال لالا لازم تعطيني أي شي قلت يابن الحلال توكل يوم أيسس إني مانيب معطية قال طيب عطني فصفص ((حب))يعني وقفة ذي لازم لها ثمن من الزباين أأقصد من اللي واقفين عند الإشارة والحين كل مامريت من عند ذي الإشارة أقابلة ولا دل يقربني ..
الأخت قوووت القلوب .
تحية طيبة وش ذولا المشافيح اللي تقولييين عنهم (((مهبل)))
وبعدين قوليلهم نصيحة دام إنك تحسين بإذيتهم واجد قوليلهم اي بنت في العالم ماتحترم الا الثقل والرزة واللي مايطير في العجٌة
واللي كل حركة منة تكووون مدروووسة صحححححححح .
أخوكم/المعلم

أدخلوا وشوفوا قصتي الي صارتلي من يومين؟؟
 

أول شي أحب أعرفكم اني جديد على هذا الحوار ..لكن ليس جديد شخصيا ً ولكن جديد أسماً فقط..ولا انا معكم منذ مبطي قلبً وقالباً
أبدخل في السالفه وبدون مقدمات
هذي السالفه صارتلي من يومين تقريباً..كنت في احد شوارع الرياض وكنت واقف عند الأشاره..وكانت ازره الباب ذاك اليوم مفتوحه..المهم مادريت الا واحد يفتح الباب ويركب بدون مايشاور او يستأذن؟؟؟
قعدت اناظره هو انا اعرفه ولا لا..المهم اناظر ؟؟ والله ياولد ماأعرفه
قلتله سم يابوي وش بغيت .. قال: أبغاك تكفى توصلني لمشيوير قريب هينا .... ورغم انه ركب بدون استاذان..لكني قلت ياولد خلك ازين منه ووصله نلقى من وراه الأجر
فتحت الأشاره ومشيت قلتله :وين تبغى اوصلك .. قال :قدام؟؟ وقعدت امشي وامشي وهو ساكت وكل ماسألته قال قدام ؟؟؟ أنا مااااش بدء الفار يلعب في عبـي .. قلتله : ألحين انا كل ماسألتك قلتلي قدام وشو قدام ذا..؟؟ لايكون حاره ولا حي وانا ماأدري..ألتفت علي وقال : والله انا مالي وجهه معينه؟؟؟؟؟؟ هو قالها ولا ماقالها وانا الي أسفط على جنب .. كني هاليموزينات الي إذا شافله زبون على طوول دق اشاره ولف بدون مايناظر ..
المهم وقفت وقلتله :انت وش تبي الحين بالظبط..قال: والله ياخوك الحال هاليومين صعب ..وماادري ايش المهم انه قام يشكيلي حاله ..الله يستر علينا وعليه ..يعني الزبده انه يبغى فلووس يعني(يطر،يشحذ)..قلتله: طيب وراء ماقلتلي من أول ؟ ليه تلف وتدور ؟؟
والمشكله انه مابان عليه انه وجه فقر بالعكس مشخص ومن احسن مايكون.. وانا وياه أبفهمه اني مامعي المبلغ الي هو طالبه ..لكن ماأقتنع..ليين قلتله تدري انك الحيين انت خسرتني على هالمشي بنزين ..وماأمداني أكمل كلامي الا وهو عاط .. لا ..ويرزح بالباب (يعني يصكه بقووه) يعني الولد معصب .. ؟؟ والله شي(شين وقوي عين)؟؟

والـلـه مشكله كل يوم والثاني طالعيين بطريقه يتسولون بها.. لأنـهـم مالقوا من يوريهم شغلهم ولا كان مايسوون كذا
حتى إشاره طريق الأمير عبدالله هذيك الأشاره دايـم احصل عندها ناااس من هالنمونه..بس ذووليك كلهم صغار .. والمشكله في ذوليك انك تصير منسجم وتحتري الأشاره تفتح ولو تلتفت شوي على يسارك ماتدري الا وهو حاشراً راسه وحاط خشمه على الدريشه وهو ساكت بدون مايتكلم ولا على الأقل يطق الدريشه .. والله ياكم مره ارتعت منهم( يعني قمصت ) بدال مااعطيهم فلووس اقعد اهاوشهم.. الـلـه يتوب عنا

وعلى العموم أقوللكم انتبهوا بس لااحد يخلي ازره الباب حقت السياره مفتوحه لا يصيرلكم مثل الي صارلي وتقولون ماقاللنا (صعرور)..
وعلى العموم انا آآآسف على الأطاله ،، وعلى ثقل الدم شووي

صـــعـــرور افـــنـــدي

اشكرك على هذه القصه (وخصوصا تقفيل االابواب)طبعا شيء مهم.

أكيد(قفل الأبواب...شيء مهم)...خصوصا للبنات فإحنا عندنا اللي يسون جذي...مو الطرارين(الشحاذين)لاوالله...عيال الديرة...يعني تكون الوحدة منا...ماشيه في حالها ومالها وماعليها...ورايحة مثلا للجامعة...ما تلاقي إلا ذاك اللي واقف عند الدريشة...وإيأشر لها ويقول...أبي أكلمك...وأبي...ولين طنشته...يحاول يفتح الباب...أو يحاول إيخرعها في هذه الحركه...فإشرايك ياأخ صعرور...بهذيله؟؟؟...شتقول عنهم....؟؟؟


وإشرايكم ياأعضاء الخيمة(الكويتين)طبعا الشباب.......؟؟؟؟؟؟؟؟


قوت القلوب
qoot20@hotmail.com

إلى ساميه:
لاشكر على واجــب
.................................................. ..........
قوت القلوب:
تقولين انهم يحاولون يفتحون الباب؟؟؟ ويكسرون الدريشه؟؟؟؟؟؟؟؟؟؟؟؟؟؟ أعوذ بالـلـه
يعني هو التعرف بيصير بالقوه؟؟؟والـــلــه شــي
أنا ماأنكر ان المغازل (المعاكسات) تصير في كل ديره .. لكن بهالطريقه أبد ماشفت؟؟ ألا نادراً ومتى يصير إذا كان الطرف الثاني عطتهم وجه أكثر من الازم....فأنا في هالحاله ماألومهم أبداً
لكن في هالوضع أنصحك تتبعين طريقه( طنش تعش تنتعش ) ترى مهنا بأزين منها .. وفعاله جداً
وقولي ماقاله (صعرور)


صـــــــعـــــرور افـــــنـــــدي

ماأدري عنهم...؟؟؟حتي التعرف بالغصب؟؟؟؟؟؟؟؟؟

بس والله يا أخ صعرور...يصير عندتا أكثر من جذي...والشباب صاروا ما يقدرون محترمه مو محترمه...يبي يتعرف وبس...

ترى آنه ما قلت يكسرون الدريشة...لاتبالغ؟؟؟؟؟....بس ما أعتقد أنه بعيد عنهم....

وعموما على قولت أمي تقول:حتي مغازلكم يا شباب هاليوم ماصخ مثلكم؟؟؟........صح لسانك يمه....


قوت القلوب
qoot20@hotmail.com

لااله الا الله .. سبحانه(يخلق من الشبه اربعيييييين)
اخي صعرور افكارك تذكرني بافكار اخ عزيز كان موجود في الخيمه ومن يوم ماخطب ماعاد سمعنا اخباره!!!!!!!!!!!!!!
والا وش رايك؟؟؟؟؟؟؟؟؟؟؟

صعرور أفندي..
أتصدق.. منذ أن قرأت اسمك..وانا أقول في نفسي.. لابد أن صاحبه غارق في الرومانسية..وكله احاسيس ومشاعر..
القصة رائعة..وتنم عن احساس مرهف..سلمت يداك ياأخي..فهكذا الحب والا فلا..
.................................................. .........
طبعا..اكيد تقول وش هالخبل..كلامه في وادي والسالفة في وادي..صح..كخخخخخخخخخخخخخخخخخخخخخخخخخخخخخخخخخخخخخ
ترا هذي حركة مسويها حتى أقولك اني مثقف بس..كخخخخخخخ (والله من الخرطي)..هههههه
ياهلا ومرحبا ياصعرور..مهما كان اسمك..أهم شي ترا احنا نموت في الضحك واهله..
السالفة حلوة..وكثر منها..اوكي.
تحياتي DAYEM.

اخي صعرور
علشان قصتك المفيدة والي تذكرنا بضرورة قفل الابواب اقدم لك هذه النصيحة
استخدم الثلج للكدمات و(الصعارير)فله مفعول ممتاز.
اشكرك وتصبح على خير....

صعرور ..مدري فلقه .... تسلم على السالفه .. وثاني مرّه خل العجرا جاهزه ... بعدين تعال هنا بقولك شي ....
.
.
.
.
.
.
.
.
.
.
.
. لو اللي راكبه بنت بتنزلها؟؟؟ هههههههههههههههههههههه

--------------------------------------

هلا ساميه ... من طول الغيبات؟؟؟

اهلين دايم ......

هههههههههههههههههههههه والله ماهو انا ورب الكعبه(جغ جغ) سيوف برقبتي علشان تصدقون هههههههههههه

إلى قوت القلوب:
انتي تقولين يحاولون يخرعونها ؟؟؟ ويخرعونها أخت يكسرونها مابينهم فرق كبير كلهم يأدون نفس الغرض..وعاد انتي لاتدققين (ولا تنسين تقولين لأمك يقول صعرور صح لسانك) ...
.................................................. ..........
ساميه:
أنتي قلتيها.. يخلق من الشبه أربعين .. والـلـه مااعتقد ان الي تقصدين هو انا
وبعدين الثلج ماينفع ..عندنا في هالرياض حراً يصلخ الجلد ..كان من يوم اطلع الثلج من الفريزر على طول يذوب في يدي قبل ماياصل راسي ...
.................................................. ..........
دايــــم:
حلووووووووة..الله يخس عدوانك خليتني ارجع أقراء موضوعي مره ثانيه توقعت اني كتبت قصه غرام وانا مادري
.................................................. ..........
إلى المنشق:
كركركركركركركركركركركركركركركركركركر
الله يلعن شيطانك قل آآآمين .. والله ياانا تمزعت من الضحك
وش هالسؤال والله ياهو احراج.. أقول لو ان الي راكب معي بنت ماظنتي اني ابقول السالفه ابد..كركركركركركركركر
تدري وش انا خايف منه ؟؟ اخاف يجيني ماجاء قوت القلوب (بس العكس) اخاف تجيني بنت وتحاول تكسر الدريشه... (( يحلفون ))
كركركركركركركركركر

اخي صعرور (امسك الارنب)اجل الثلج يذوب قبل لاياصل جبهتك من شدة الحراره في الرياض (وينك عايش فيه ياخوي في الحوش)!!!!!!!

بعديين نأسف لهذا الخلل لاعتقادي انك شخص اخر على العموم هذا شيء يسعدني اننا نكسب اخ حكيم وعاقل(وحده نصابه) مثل الاخ الي اعتقدتك هووبدال ما يكون فكاك اقصد حكيم واحد ليش ما يصيرون ثنين (دعابه)
وبما انك من سكان الرياض فياليت تدلني على طبيب عيون في احد المسارحه لان اللوز تاعبتني (لازم اشوف حل بالحاسه السادسه) والله شكلها مالامها داعي الي ما عمرها صابت ابد.لاتدق كثير.

إلى ساميه51:
كركركركركركركركركر
انا خابرلك مستشفى سنع ولا هنا بأزين منه بس مهوب فيذا في الطايف..يقاله شهااااااااار..
كركركركركركركركر (( دعابه )).. أحم واحد خايف


صـــــعـــــرور افــــــنــــــدي

اخي صعرور
يعجبني تواضعك لانه تعتقد كل الناس زيك لان شهار ما يستقبلون اي حاله بس شكلك اما زبون عندهم او واسطتك كبيره فاكيد مارح يدخلوني الناس مقامات وانا ضعيفه لالي واسطه ولامجموعي يدخلني .
اخي صعرور ....مانت ملاحظ انك اخذت علي اكثر من اللازم(دعابه).

ياكثر مااقترحت لمدير مستشفى شهار يرفعون سورهم شوي ..

وهذي النتيجه ... انحاش 2
هههههههههههههههههههههههههههههههههه

ياكثر مااقترحت لمدير مستشفى شهار يرفعون سورهم شوي ..ماسمع كلامي.............

وهذي النتيجه ... انحاش 2


هههههههههههههههههههههههههههههههههه

إلى الأخت ساميه:
كركركركركركركركركر ... وبرضه .. كركركركركركر

الله يخس شيطانك ياساميه قولي آآآمين .. حلوووووه (( زبون )) ..ماصار ذا مستشفى صار بقاله ..
ماتلاحظين اننا قلبناه (( تشات )) ماصار منتدى ذا ..
الا على فكره ياساميه .. تعالي تعالي !!!! وش سالفه الموضوع الي انتي كاتبته بعنوان ( قصه محزنه ) هاه .. كل ماحاولت أفتحه علق عندي الكمبيوتر وأضطر اني أقفل كل المواقع على شان أرجع وكررتها اكثر من مره وفي أوقات مختلفه ؟؟ وش السالفه صدق هو مني ولا منك
أمممممممممم.. والله ما أدري عنك انتي عقب مستشفى شهار صرتي تخوفين .. كركركركركركر (( كرتون دعابه ))
أشتر كرتونين وأحصل على واحد مجاناً .. أسرعوا فالكميه واجده
.................................................. ..........
إلى الأخ مـنـشـق :
على الأقل انا وساميه قدرنا ننحاش (( فطينين )) .. بس الشرهه عليك الي ماعرفت وشلون تتطلع
وبعدين وشلون تقول انك أقترحت للمستشفى يرفعون سورهم .. !! والله مهيب الهقوه انهم بياخذون راي المرضاء الي عندهم
كركركركركركركركركركر.. (( عشر طعش دعابه ))

اولا اشكر شهار على هذه اللفته الكريمه الا وهي ادخال خدمة الانترنت للنزلاء هناك.

اخي المنشق ترى كثير ممن بداخل شهار يظنون انهم خارجه.

اخي صعرور دخلت على موضوعي الذي اشرت اليه وظهر بدون اي مشاكل اعتقد ان المشكلة تكمن في جهاز صخر الذي تستخدمه.....دعابه

اركدوا يا شباب لانهم يبون يطردونا من الخيمه زي ما صار معكم في شهار.

والله يا سامية إنك بنت أبوكي

ترى هالفت مو من هالعجين ....

مرحبا بالصعرور ويا ريت تشاركنا بفندقن تونا فاتحينه جديد ..

يا حليلك.....يا صعرور....والله والبنات والشباب بسطوا على الحتسي حقك.......!!!!

بس راح أفضح سرررك يل تعبان......ما هو في كل منتدى رايح توزع هالموضوع.......الموضوع هذا قريته في الكيوكات.....وصار له صدى واسع......يكفي أنك معاقب بنات الكيوكات............"وش آخبار سارهالواويه...مها عبدالله....الشاهينه.."...تبيني أعلمهم عليك علشان يتورسلونك ضرب ومطاق........يا صعرور..!!!


معليش يمكن تكون مداخله قاسيه بس أستحمل....!!!

همس الغمام....@@@@
نشوفكم على خير,,