|
تراي قلت ابجرب يوزري بها القصة..فرجاء لا أحد ينفخ عليّ:(
سلاااااااااااااااام...
يا شين الواحد اذا هوعايش في امان الله وجاه ما يعكر صفو حياته.. وهذا اللي صار لي مع نورة بنت جيران خالتي(مشوار انا عارف)..  انا عارف انكم متحمسين وكل واحد قاعد يقرا وهو متحمس ولو يناديه اي واحد كان يقول:وش تبي انا مشغول انقلع مانيب فاضي لك الحين..ولو دق عليه جوال صكه في وجه المتصل..ولو يدق عليكم واحد في البيت قلتوا صرفوه..لكن تحملوا..(اقول ترفق بس)ابدخلكم معي معاناتي اللي ما راح انساها مهما طال بي الدهر(ابوك يالبلاغة)...  ********* في يوم من الايام وفي احد الخميسات كنت مصفر في غرفتي نايم لاني كنت جاي متأخر وساحبها نومة وانواع الشخير..وما دريت الا واسمع صفق الباب وافز واقول : مين..قالت امي: افتح يا وحيد نبيك تودينا نزور خالتك في المستشفى مصخنة..... قلت يا حووول على ذا الخالة العلة ما سلمنا منها وهي طيبة لا وهي مريضة واجيك واشيل الشرشف ويالله سحبت خشتي من المخدة لان السعابيل كانت مسوية حلقة وصل بين خشتي وطرف المخدة(وعععع) المهم واقوم والبس فنيلتي(يا روحي على البنغالي نايم بدون فنيلة) والبس ثوبي وانزل.. يوم نزلت واشغل الموتر(200ال)..واقعد انواع الصراخ والبواري حتى ركبت امي... وادوس... ولو تشوفون شكلي ..لابس ذاك الثوب الكويتي(ابو صفطة)..ولابس ذيك الطاقيه اللي ما فيه امل اخوياي يستغنون عنها لانها المفتاح السحري في فك غطاء المندي..وفوقه القعال والشماغ العقل اللي على كيفك على الكتف وفاك الزرار(يرحم ام الشكل).. وادوس على المستشفى وانواع المشاكل مع البشرية.يا اخي عندك هنا شعب مفروض يخلونهم يمشون رجليّه..يعني عندك مثلا اتحداك تاقف عند اشارة ماسك السيد اليمين يعني حق اللي يبون يلفون يمين وتبي تحتري الاشارة تفتح اتحدى وانا مسؤول عن ما اقول... اتحداك يجي وراك واحد وينتظر حتى تفتح الاشارة..ما فيه امل..بالمشمش ..لو تطير..اللي يشوفه هو وخشته يقول وراه مليون شغلة..ذاك اليوم وقفت وانا عارف ان الاشارة باقي عليها ثانيتين او ثانية وتفتح ويجيني ذاك الطعس وانواع البواري والقلق..لو امي مهيب معي كان نزلت عليه بأبو عفطة من تحت الكرسي(منتب عاقل يا سلامة العبدالله) المهم فكه الله..وين رحنا.خلوني اكمل لكم السالفة... وصلنا المستشفى وانزل مع الوالدة وادخل المستشفى وانواع التميلح عند السساتر واستخفاف الدم..المهم وبعد ساعة من الفلسفة اللي ما لامها داعي عرفت رقم الغرفة.. ورحنا انا وامي ويوم وصلنا باب الغرفة وادخل(عادي امون على خالتي) من غير احم ولا دستور..ويوم دخلت واشووف ذيك البنت اللي ما قد شفت في حياتي مثلها..اللي تقول لنيكول بردويل وباسكال خلوكم ورا عند العفش(ابوك على التشبيه يا شيخ) ..انا تأكدت لحظتها انهاما فيه امل تصير من بنات خالتي لاني اعرفهم ما فيهم ملح ابدا (الاشباه وحدة).. المهم صار اكشن خفيف البنت قامت واخذت غطوتها ونقزت وابعدت عني ..انا سويت فيها اخلاق ورجعت خطوة وحدة(يا روحي على الاخلاق).. جت امي ودخلت وسحبتني وطلعتني من الغرفة واطلع واروح واطلع وانا لا زالت عيونهاوهي تناظرين مرسومة في مخيلتي الطاهرة ..وانتفاضتها اللي كأنها انتفاضة فلسطين(اقول لا يكثر)....طلعت وانا اهيم بين اسياب المستشفى..والسساتر يناظروني واسمعهم يقولون:غريبة ما جاء يتميلح عندنا هاللزقة... تركتهم وانا انتظر نهاية موعد الزيارة..ويوم قربت نهاية الزيارة وانا واقف عند الباب واسمع امي تقول لامهم خلونا نوصلكم.وامهم تقول لا اخاف فيه كلافة على وحيد..نطلت(طبعا نطلت تحمل على معناها الشقراوي) وجهي عليهم وقلت لا يا خالة ابدا ما فيه كلافة..المهم نشبت في حلوقهم حتى وافقوا ..واسمع العجوز تقوللبنتها:يا نورة البسي عبايتكي وتعالي بسرعة ..الله اسمها نورة...اسم حلو مهوب اسمي.. قال ايش قال وحيد وععععععع لا حتى ابزر واحد في حارتنا يجي يتميلح يقول: وش يقرب لك المفتش وحيد اللي ايدينه طوال ..والله عالم اخر زمن..يالله انا ودي اغير اسميالى وائل بس ابوي رافض (اقول خلك على وحيد اصرف).... واجيك واجيب الموتر عند باب الزوار واوقف عند باب الزوار وانزل وافتح الباب لنورة وتجي امها فرحانة وطايرة تحسب اني فاتح الباب لها وتركب وانا انواع السب في ذي العجوز وراحت نورة وركبت مع الباب الثاني..وركبت امي قدام(صحيح؟؟)..واجيك وانا في الطريق مسوي فيها زعاطة عشان اوري نورة اني قوي..وانواع السب والتلعين للبشرية ..المهم يوم زهقت وما احد عطاني وجه وبغيت اروح فيها يوم بغى ينزل علي واحد عبد لكن ربك ستر وانحشنا وقعدت اسبه وعائلته برمتها(ابوك ياللغة) على بالي مخليه رأفة فيه.. المهم....انتابنا في السيارة حالة صمت حاولت افتح موضوع عشان تتكلم نورة لكن امها اللزقة كل ما قلت شئ نقزت في حلقي..يوم ما دريت الا وتسألني ذاك السؤال اللي اضاء لي الامل من جديد..قالت لي وين تدرس يا وحيد؟؟قلت في نفسي فرصة شكل هالبنت جامعية وتعرف سواليف الجامعة خلني اقعد اتفلسف واخلي العجوز ماتدري وش السالفة واخلي نورة تتكلم..(مخ).. واجيك واقولها بنبرة فيها الكثير من الثقة:اني انا طالب جامعي..وما تدري اني حفرت في هالجامعة حتى قلت امين..المهم خذتها فرصة وقعدت اتكلم عن نظام الجامعة وعن انظمة الجامعة اللي ما اعرف فيها الا نظامين الحرمان والحمل ..والعجوز تدربي دمجتها وتقول ما شاء الله ما تدري اني من جنبها..المهم والبنت ساكتة قعدت افكر وشو الحلالله يخلي البنت تتكلم.وفجأةقلت يارب ينفقع الكفر عشان اوقف واخذ لهم ليموزين عشان افتح لها الباب واخليها تقول لي شكرا(الله على الفكرة)..و شمشون الله يهديه(هذا اسم الدلع حق موتري) ذاك اليوم صاير كانه شبح ما طاع يخرب..قلت في نفسي وش الحل يا ابو جزر قربنا من بيتهم والبنت ما نطقت ولا بكلمة ..قلت ما يبيلها الا التلميح عشان تفهم شعوري نحوها..واجيك واطلع شريط حجاب اللي في السيارةواحط اسمحيلي يالغرام حقت عبدالله رشاد..عشان تفهم..وقلب الشريط اربع مرات وامي تشاخر جنبي والبنت ما جابت خبري..ويوم وصلنا بيتهم وقفت عند الباب عشان ينزلون وفتحت الام الباب وهي تتشكر من الوالدةوانا انتظر من نورة كلمة شكر والبنت لازالت معطيتني اشكل ..ويوم نزلوا والتفت عشان اخذ كرتون المناديل من الرتبة الورانية عشان امسح خشمي(اقول ادع بسلامة الشماغ) ويوم التفت..والقى؟؟؟؟؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ تخليوا عاد انتم وش لقيت لاني صراحة تعبت من الكتابة تحذير صحي: *اخي القارئ ان المغازل يضر بصحتك وهو السبب في امراض القلق والوسوسةفننصحك بالامتناع عنه.. |
والله إنك صادق الموضوع مشوق جدا جدا .وأبيك تخلصنا وش إلي شفت؟؟
|
السلام عليكم ورحمة الله وبركاته
والله يا وحيد القصة تهبل وصفك يجنن لاحداث القصة شف يا اما لقيت كرشتها قدامها(حامل) يمكن يكون مستبعد لانك شفتها لما فتحت لها الباب أو يمكن لما وصلتوا لقيت زوجها يستناها على العموم الله فكك من امها القشره اما بالنسبة لالتحذيرالصحي أتنمنا من جد الشباب يفهمونه |
ياهلا بابو جزر..اسفرت وانورت
ياحليلك انت وسوالفك =====> يمووووت بهالسوالف اجل صار شوية اكشن هاااااااااهههههه ياخي البنات مايتركون حركاتهن..يعني انت تبي تاكلها اقوووووول السالفة حلوة واخلص علينا وقل وشلقيت.. لاتقووووول لقيتها.. - - - - - - - - - - - - - - - - - - - - - - - - - - - حاطه الرقم على المرتبة..(منت بعاقل يالاطخم )اما سالفة التحذير ..كثر منها |
ياربي وانا اقول منهو الي يمر من شارعنا على 200l والبنات يتطيحون يمين ويسار,,,,,
يقولون من زينه يسطع في وجهك كنه الشمس,,,ياربيييييه اثره صديقي في الخيمه الاطخم ,مولع قلوب ا لسساتر, يا عمري يا وحيد(بس مو كن الاسم شوي بارد ,يعني معليش ماله داعي) ========================= انااقول يمكن لقيتها ناسيه شنطتها,,اكيد بتكمل سوالف الغرام تموت على السوالف,بس والله مانت بصاحي يا وحيد.آخر روقان سووووبر |
سلااااام.. يازين الواحد اذا كتب موضوع ولقى اطناب يردون عليه
قيصر العرب: هلا قيصر..ومشكور على ردك يالغالي..بس والله التكملة صعبة اني احطها والله انا ما بعت يوزري عشان احطها  dalo3aty: هلا والله اخوي..وشكرا على ثناءك اللي افتخر به..بس مسألة انها حامل او متزوجة شيلها من مخك..لاني مضبط اموري DAYEM:يا اخي انا غلطت يوم حطيت هالموضوع عند مراهقين هههههههه تراي امزح يالغالي..ومشكور على ردك..وابشر بها السوالف بس انت ضبط الجو مع الروس الكبيرة supervisor: وانا اقول منهو اللي يطلع مشخص ولا احد يعطيه وجه ومعه سيكل والله انكم يالاوتاد مانتم مضبووطين شكرا لك يالغالي..ودمت لاخوك.. |
الأخ العزيز wa7eed
أهلا وسهلا بكم وكم أسعدتنا باسلوبكم الشيق وبقصتكم الأكثر من رائعة ...ويبقى شئ في نفسي أود أن أعلمه لكم وهو أن القصص المكتوبة هنا يجب أن تكون من إنتاج الشخص الداخل بإسمه وإن كانت منقوله عن موقع أخر على النت فيلزم على ناقلها التنويه للمصدر المنقول منه اي موضوع وهذا للأمانة في حفظ الحقوق لاصحابها ..... اخي العزيز : نحن لا نقول هذا الكلام للتشكيك بكم أو للإقلال من قدراتكم - حاشى لله - ولكن بصفتي مشرف عام على الخيام أرى أنه من واجبي التنويه لهذه النقطة لجميع الأخوة المشاركين .. لما يترتب عليها من أساءة لسمعة خيامنا في حالة مخالفتنا لقوانين حفظ حقوق الكتاب ....... بارك الله بكم ونحن ننتظر بقية القصة .... ( إلا على فكرة.. وايشلقيت ؟؟؟؟؟؟؟ معلش مشرف حويطي ويظل يزوع كبده لين يعرف ابو السالفه لا وامها بعد )أخوكم المشرف العام |
وعليكم السلااااااام wa7eed
انا اقوووووووووول شفت . .. . . . . . . . . . . . . . . . . . . . . . . . . . . . مادري والله لاني ما كنت معك wa7eed لاااااااازم في نهاية القصة تسوي لنا مثل كتاب العربي للكلمات الصعبة........ يعني تحط الكلمة معناها.....OK مثل الحين انا محتارة ايش يعني خشتك : البواري: السعابيل : ============= واحنا في انتظااااااااار بقية الأحدااااااااث باين عليها خطيرة من يوم ما شفت التحذير ندىىىىىىىىىىىىىى تقووووووووول لك تحياااااااااتي |
السلام عليكم ورحمة الله
القصة حلوة ومشوقة بس نبي نعرف النهاية تكفى يا وحيد وعلى فكرة ما تغير اسمك وما يهمك من احد...الى اللقاء مع النهاية |
السلام عليكم
قصة حلوة جدا بس وقت الاكشن خليتنا معلقين المهم استانس الاطناب والاوتاد والكل رد عليك حتى المشرف شخصيا بسمة امل |
بااااااااااك..اعذرونا والله الاختبارات ما تخلي احد بحاله..
<----- محو ابويه مشرف:لالالالالالالالالالالالالالالا مو معقول راعي الحلال بكبره في موضوعي يا هلا ومرحبا..يا قيصر العرب قم صب القهوة للرجال ...اخوي مشرف شكرا لتنويهك..بس اتحدى احد يجي ويقول ان ذا موضوعه..اذا جاك احد انت بس حوّله عليّ وانا اوريه وشلون يقول هالحتسي..والله ذا يالغالي موضوعي وانا كاتبه..بس تراي مواضيعي ما احطها في منتدى واحد..يعني في عدة منتديات.. (ايه لا تصرف) <--- شكسبير الغفلة وشكرا على ردك يالغالي.. ندى اس اثنين : مرحبا اختي..بس فيه سؤال ؟؟انتي من اي قارة عشان تسأليني هالاسئلة؟؟ <---- شكله يبي يجيه كف على سؤاله البايخ ولا يهمتس يالغالية نبين معاني الكلمات... خشتك: فمك او بؤك او ما كان في وسط الوجه ويدخل فيه الاكل<-- هذا تعريفه اللغوي البواري: هذه اصوات تخرج من السيارات للتنبيه وما اعرف لها الا ذا الاسم السعابيل والله البلشة وشلون نرقعها هالحين )السعابيل هذه عظمة في الساق يسمونها عندنا السعابيل وتحياتي لكي يالغالية عبير الورد:هلا بكي اختي ومن قال اني ابغير اسمي..اصلا اسمي احسن من اساميهم <---بزر بسمة امل: هلا والله بكي اختي..ومشكورة وتراي مبسوط بس مسوي فيها ثقل حبيتين |
ياأخوي تعبت من صب القهوه.........................
علمنا بعد وش شفت ؟؟؟؟؟؟؟؟؟ |
حخخم
|
.
|
.
|
.
|
صراحـــــــــــــــــــــــــه تفرقع من الحلاوه والأبداع
بس ترى عفستنا واحنا نستنى نشوف وش لقيـــــــــــــــت وتراي ما احب الثقل وعجل علينا تكفى ترآي احب القصص وتحياتي للحلوين الوحشين لالالالالالالالالالالالالالالالا وعلى فكره ترآي ماني عارف انطق بأسمك قولي اناديك بأيش وسلام ياصاحبي...... |
ما شاء الله..فاتحين موضوعي صفحة تجارب
احمد وش ذي النقط والا عشانك مراقب؟؟؟ <======== شكله يبي يصور هو ويوزره بكرة ونادني وحيد قيصر تراك ازعجتنا والله لافصلك واسفرك خروج نهائي ان ما سكت (يا حبي لك يا قيصر) |
اهلين wa7eed طنب الخيمة
كيف الحاااااااااااال انشالله طيب معك ندىىىىى من قارة آسيا..... اهلا وسهلا .... لالالا شكراً انا مرتاحة الحين ولا يهمتس = لغة نجد.........OK واشكرك على توضيح معاااااني الكلمااااااااات الصعبة بس ايش جااااااااااب عظمة الساااااااااااق عند فمك ؟؟؟؟ البواري = الهرن .........OKالبواري هي جمع ولا مفرد يالله الحين عطنا النهاااااااااية واخلص ...... ترا ما نحب اللعب بالاعصاااااااااب ياااااااااا wa7eed ندىىىىىىىىىىىىىىىىىى تقوووووووووول لك تحياتي |
لا,لا تكفى لا تسفرني
(وش أخبار الإختبارات معك) |
ما هداك الله وتعلمنا وش شفت(f)
أختكdalo3aty |
ترانا بعد نستنى .................ها علمنا ايش اللي صار
اقول ندى البواري جمع بوري على ما اعتقدوبعدين هذه السعابيل مو زي ما بعض الناس فسروها ....لو تبي تفهمي معناها اقراي الجملة اللي مكتوبة فيها مرة تانية .......مع اطيب تحية |
باااااااااااااااك...
يا حبي لكم والله انكم ناس طيبين اوي اوي اوي ندى اس اثنين: هههههههههههههه ولا يهمتس...احلى والله تطورنا..ومشكورة على تواصلتس يالغالية.. وحيددددددددددددددددد يقول لتس تحياته قيصر العرب: أبشرك قضيت امس..يووه يالله انفكينا والله كأنها سنة يخوك..المهم ما علينا انت وش اخبارك؟؟؟ وبالنسبة للسفر لاتفكر ما راح القى احسن منك dalo3aty(ياناس والله اني منحرج من هالبنت كل ردودي عليها اقول يخوي احسبها ولد) مشكورة اختي(لاحظوا قلت اختي) والله يعطيتس العافية ومشكورة على الوردة عبير الورد: والله انتس فضيحة خليها تعدي يا هوووه لحوظة: أعلن انا وحيد وبكامل قواي العقلية..اني كتبت في اخر الموضوع دع النهاية ولخيالك..فان قيل كيف ذلك يا شيخ؟؟..فأقول:أي شف لك اقرب نهاية متصورة للقصة تجي على بالك..ولا تنتظروني لاني ما عندي سالفة..واعتذر على اضاعة وقتكم الثمين في قراءة خرابيطي..ودمتم اخوكم: وحيد |
يا زين سوالفك الشقراوي ... وبعد اسمك وليد!!!! ما ضنيته!!! اتوقع ان اسمك دحيم او العزي او عبيد المهم أتوقع انك لقيت علبة المناديل فلضيه ثم مشيت خشمك في ذراعك........ صح والا لا؟؟؟؟؟؟؟؟ |
أخوي وحيد لا تتفشل مني معليش عادي
 على العموم لا تتأخر علينا بسوالفك الحلوه والله يوفقك |
هلا بالشيخ وحيد wa7eed
إتصدق دخلت على قصتك اول ما كتبت وجيت اليوم الجمعه وقلت الحين القى القصه منتهيه. لالالا لازم لها نهايها. الصراحه اسلوبك مؤلف اصلي وخاصه وعععع. والطاقيه للمندي. بعدين إنت غلطان بالمستشفى ليش طلعت من الغرفه. أنا صارت لي سالفه مثلها تقريبا بس الفرق إني يوم ركبوا السياره وكانت الرضيعه معاي وضاعت معاليمي ولا قدرت انطق ولا كلمه . ورجلي على الكلج والبريك خلها على الله قاموا يهتزون مثل خصر الي ترقص على وحده ونص . ودقات القلب دبل عن الطبيعي بس متى نوصل عشان اتخلص من هالموقف. انت مطالب بالتكمله. |
وحيد
اهنيك على هذه القصة المميزة النهاية كانت ممتازة حيث تم تصوير البطل والبطلة في لحظات مفزعة عند سكة القطار (ادري ما فيه قطار بالقصة) وانقاذ البطلة في اخر لحظه وموت المخرج ومهندس الديكور واربعة مصورين. بكيفي ......أنت قايل كل واحد يحط نهايه على مزاجه اقول ترا اصرف لو تحط نهايه بنفسك. وبعدين من قال لك ان اسمك شين ! ماهوب شين بالحيل بالعكس عجبني وومن كثر ماهو عاجبني ناويه اسمي ولدي مستقبلا بــــ مدحت هههههههه (دعابة) تحياتي لك يا وحيد الله يوسع صدرك بالعافية. |
أهلين عبير ......شكراعلى التوضيح .....لكن معليش
ياااااااا وحيديا دبدووووووووووووب........... انشالله ما لقيت في السيارة حد يوم نزلت....... وتظل بنفسك وااااااااااقف في الشااااااااارع تتلفت يمين ويسااااااااااار وبعدين............ ) ساااااااااامية 51......تصدقين انك تجننيين وروووووووووووعة النهااااااااااية اللي حطيتها للقصة ماااااا شفت أحلىىىىىىى منها......... مت من الضحك وانا اقراها ندىىىىىىىىىى تقوووووووووول لكم تحيااااااااااتي |
ندى والله انت الي تجننين ورووووووووعه
تحياتي يا ندى |
جيت مسير: هلا بك يالغالي..ومشكور على ردك...اجل لقيت منديل ومشيت خشمي بذراعي ههههههه الله يرجك
ومشكور يالغالي.. dalo3aty: لالا تخافين انا ما فيه اوسع من وجهي(صدق بسرعة)..وشكرا يا اختي على رحابة صدرك خليجي:هههههههههههههه الله يقلع ابو الطفاقة يا شيخ(امون)..يا حليلك كأني اشوفك بعد اذنكم... ندىىى انتي وساااامية ما شاء الله تبارك الله..قالبين موضوعي شات ما تبون اجيب لكم شاهي عشان تسولفون براحتكم |
wa7eed انا ابي عصيررررررررر لو سمحت....
مالي نفس للشااااااااي ....... والله قاااااااال عظمة في السااااااااااااااق قاااااااااال ندىىىىىىى تقوووووووول لك شوووووووووف النهاية اللي حطتها لك والا اذا جيتك تعررررررررف شسوي فيك.......... |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.