وصفة صداقة
تتلخص الوصفة في هذه النقاط :
1. المحبة في الله فاذا راعيت شعور صديقك ولم تجرحه وحفظت سره ولم تتحدث عنه بسوء في غيابه وبادلك هو أيضا نفس الشئ واحبك في الله فلن تنقطع هذه الصداقة أبدا مهما طالت الايام . 2. مراعاة المشاعر عنصر أساسي للمحافظة على الصداقة فعامل صديقك كما تحب أن يعاملك . 3. المودة والحب فيجب أن تشعره باهتمامك به وان تسأل عنه باستمرار وتزوره حتى تزيد المودة بينكما . 4. الصراحة وتجنب الكذب ، فالكذب يحطم كل شئ جميل في الحياة واذا انكشف فسوف يقضي على الثقة بين الاصدقاء واذا استمر سيؤدي الى دمارها بالتاكيد ولن تستمر صداقة مبنية على الكذب . 5. تعرف على طباعه حتى تعرف كيف تعامله دون ان تضايقه ولتفهم تصرفاته حتى لا تفسرها تفسيرا خاطئا وتحدث مشاكل بسبب هذا التفسير الخاطئ . 6. التغاضي عن الاخطاء البسيطة ضرورة من جانب كل طرف من طرفي الصداقة فلا يوجد انسان معصوم من الخطأ ، ولا شك ان هذا التسامح سيجعل الصداقة تسير بصورة طبيعية وتلقائية دون ان يكون كل واحد مقيدا في كلامه وتصرفاته خوفا من الخطا . ........... اختيار محب من قصر المحبة |
ندى حدود المدى خانم :
شوهي وصفة وراشيتة أحسن النا نقلبها صيدلية وبدل ما نبيع دواء لتساقط الشعر منبيع دواء لمنع تساقط الاصدقاء بس على فكرة مو ضوع كتير حلو وقيم شكرا الك ندى حدود المدى خانم بس المشكلة انو انا ماعندي ولا واحد اجرب عليه هل الوصفة عم بمزح معك رمضان كريم تؤبريني |
اهلين لينكس
مزحك كثير حلووووووو .....ما عندك حد تجرب عليه الوصفة؟؟؟؟ انتظر لما تحصل حد مو مشكلة تحيـ ندى ــــــــــاتي |
ندى حدود المدى خانم :
المشكلة يا تحيـ ندى ــــــــــاتي مو بمين الواحد يطبق الوصفة المشكلة مين هو الدكتور يلي بدو يكتبنا الوصفة .. رمضان كريم تؤبريني |
حلينا مشكلة الاصدقاء اللي بتجرب عليهم الوصفة......طلعت لنا مشكلة الدكتوووووووور
لينكسسسسسسسسسس أفندي شو هالحكي تحيـ ندى ـــــــــاتي |
والله ياندى انتي ولينكس وضعك مأساة
انا انقطعت فترة وهلأ رجعت وماني ملاقيه غيركم هون الله يغينكم ويعينا خلص انا بتبرع وبكون الدكتورة الي راح تكتبلكم الراشيته عيشوا وعمر ماحد حوش تحياتي |
يعني ياسلام وحدة دكتورة ووحدة صيدلانية وعمكم لينكس بيكون الضحية ......
وانا اعلن هربي لأنو وعلى قولة المتل : الف كلمة جبان ولا كلمة الله يرحمو رمضان كريم تؤبروني |
مرحبا بالدكتووووووووورة مون
بس ما عليك امر..... سكري الباب حتى لا يهرب لينكسسسسسس |
ندى حدوووووووووووود المدى خانم :
يعني حتى ولو سكرتو الباب انا متل الزيبق . رمضان كريم تؤبريني |
لينكسسسسسسسسس
شفت اللي مسك الزئبق وحطه مكانه المخصص ..... انا اللي عطيته الخطة.... يعني اقدر امسكك لا تتحرك......حضرب بالمليان |
ندى حدود المدى خانم :
شوفي حتى ولو كنتي انتي واضعة خطة مسك الزيبق . وحطيتي بميزان الحرارة . بس انا زيبق مزيبق يعني كتير صعب تمسكيني هيدا يلي مسكتيه بيكون ابن عمي مو أنا . رمضان كريم تؤبريني |
لينكسسسسسسسسس طيب تحياتي لابن عمك
وانت لازم امسكك وبعدين اقول لك كيييييييييييف http://www.aljalsah.com/ |
شو هل الحكي
كتير صعب انو انا انمسك وخاصة بعد ما وصلتني رسالة تهديد من ؟؟؟؟ . رمضان كريم تؤبريني |
لينكسسسسسسسسس شوي شوي لا تطلع بحااااااااااالك
وراك وراك تحيــ ندى ـــــاتي |
طيب ندى حدود خانم :
وانا قبلت التحدي انتي جربي تمسكيني وساعتها لكل حادث حديث بس صقيني كتير صعب انو تمسكيني لأنو انا زئبق شفاف . رمضان كريم تؤبريني |
ياجماعة وين المرضى؟؟
الدكتورة مون تنادي اما من مجيب؟؟ |
موووووون خانم :
الممرض لينكس برى وما عم بيشوف ولا مريض . شو رأيك أطلع لبرى وأضرب كم واحد مشان يجو ويتعالجو عندك . (لينكس صاحب النوايا العدوانية ) رمضان كريم تؤبريني |
لينكس العدواني
الظاهر مافي غير هيك يعني الواحد عنده مصاريف اعمل اللزم وجيبلي مرضا من تحت الارض |
يالله لينكس روح اضرب لك كم واحد حتى تبدأ الدكتورة بالعلاج
ما يصير تظل عاطلة عن العمل |
ندى ياحبيبتي
ميرسي أوي أوي أوي وماتخافيش ياحبيتي حقك محفوظ اما الواد الي اسمه لينكس ده فأنا حوريه اوعي تكلميه احنا خلاص مخاصمينه خدي بالك من نفسك ياحبيبتي لا اله الا الله |
شكرا مون بس انت وينك ما شفتك صار لي كم يوم؟؟
ندى |
عذرا يا جماعة بس انا ماني رايق ويمكن انو اترك اي ساحة للحوار أو يمكن مابعرف هلأ شو بدي أقول .
بس كانت معرفة كتير طيبة بيناتنا . وسامحوني اذا شي مرة زعجت اي واحد من بيناتكون بكلمة او تعليق بس صدقوني انا ابدا ماكان قصدي انو احكي اي كلمة كانت تجرح اي واحد بالعكس كنت دوما بحاول انو يكون تعليقي خفيف ومهضوم . ومرة تانية سامحوني أرجوكم ...... رمضان كريم تؤبروني |
لينكس ( شو هالحكي )
اخاف احنا اللي زعلناك وما ندري بالعكس انت كنت طيب وردودك حلوة ومهضومة وبعدين على ايش نسامحك انت ما اخطات يا لينكس يالله تعال شاركنا مواضيعنا ولا تروح عنا ندى حدووووووووووود المدى |
مرحبا يا مون ويا ندى ويا lynx ارجو ان تقبلوني صديق معكم
|
|
موضوعك جميل جدا لأنه بالنسبة لي يضع يده على الجرح فأنا في سنة اولى جامعة بالأردن و مالي عم لاقي اصدقاء اوفياء متل الي كانوا معي بالمدرسة....و لقد اكتشفت انو اي واحد بدو يصاحبني
بيكون بدو مصلحة اما محاضرات او في موضوع ما فهمه بدو اشرحله اياه.........ااااه وين ايام زمان بالمدرسة كنا اصدقاء عن جد |
موضوعك جميل جدا لأنه بالنسبة لي يضع يده على الجرح فأنا في سنة اولى جامعة بالأردن و مالي عم لاقي اصدقاء اوفياء متل الي كانوا معي بالمدرسة....و لقد اكتشفت انو اي واحد بدو يصاحبني
بيكون بدو مصلحة اما محاضرات او في موضوع ما فهمه بدو اشرحله اياه.........ااااه وين ايام زمان بالمدرسة كنا اصدقاء عن جد |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.