|
مواقف مضحكة.... شاركوا معانا...
المواقف المضحكة هي إستراحه من عناء الحياة.. تمر علينا فتحول صيفنا إلى ربيع وحرنا إلى شتاء.. وصحرائنا إلى حديقة غناء..
وأنا علي يقين بأن الكثيرين من رواد الخيمة واعضائها دمهم خفيف ويحبون المرح... فما رائيكم أن يقوم كل واحد منا بتسجيل مواقف مضحكة مرت عليه أو مرت بغيره ، المهم اننا نعيش بجو من المرح، على فكره مرات المواقف المضحكة تكون محرجه بسسسسس بعد اضحك،، وش رايكم نبدأ. من اليمين أنا اول وحده على اليمين:- (1) مره وأنا راجعة من الدوام ونحن بالشارع والسايق هو الى يسوق السيارة، (مو انا علشان ما اضرب خلق الله) وإذا بسيارة ورانا عند الإشارة ويحاول صاحبها أن يلفت انتباهنا وصاحبها شاب لم يتجاوز ال23 من عمره، كان يضرب هرن بيــــــب بيــــــــــب، ويضحك، بينى وبين نفسى قلت مين هذا؟؟ الرجل مو من العائلة وهو مع سيارته غريب، وكنا وصلنا حارتنا فتقدم سيارتنا ودخل حرتنا قبلنا ( يعنى الرجل عارف مكانا) وأنا مستغربه مين هذا؟ قلت لا يكون قيس بن الملوح، بس قيس مات من زمان, ولو طلع فجأة كان بدت عليه اعراض مو فجأة يلاحقنا بالشوارع من غير مقدمات،، المهم أن الأمر اطور والشاب بدأ يأشر لنا وش هالمصيبه؟ خويتكم عاد واثقة من نفسها هذا يا واحد من الأهل يبى يسوى مقلب مثل الناس الى بالخيمة، يا واحد غلطان. بس كيف غلطان ؟ لا ووقف على مقربه من بتنا السايق طبعا وقف عند البيت وأنا كلى استغراب!!! المشكلة أن الأخ نزل من سارته وتوجه إلى سيارتنا وشاق الوجه مبسسسسوط ..... ويتقرب........ تعرفون بعدين وش صار؟ ؟ ؟ ؟ ؟ والله مو مقلب .... ؟ ؟ مثل ما يسوووون فينى بعض الناس ويخلنوا على اعصابى.... هين المهم يا أخوانى، أنا عاد قررت انزل والى فيها فيها ابشوف و أخرتها معاه.... ولما فتحت الباب ونزلت من السيارة..... فجأة وقف مكانه وانصدم صدمه رهيبه..... وركض إلى سيارته الى لازال بابها مفتوح، وركب فيها وطار بعد ما لقط وجهه، من الفششششششششششله. سيارتنا عليها مخفى والأخ كان يتوقع واحد من الشباب الى متعودين يسوقون السيارة. :D :D :D الحين : دوركم انتووووووووو شاركوا معانا...... |
السلام عليكم.......
فكرة جميلة اختي alreem ........... بس من كثر المواقف ما اذكر الا واحد الحين و لي رجعة بعدين : احنا عندنا مزرعة في عنيزة ... وايام الثانوية كنت احب اشتغل مع العمال في المزرعة .. المهم .... ذاك اليوم كنت قاعد اخرف ( الخراف هو عملية تحصيل الرطب من النخل للي ما يعرفون :p ) ... المهم ابوي اسمه سـعد يا حبي لابوي ............ :D:D:D:D انا و انا قاعد اخرف الرطب(( الا من زود الطرب الله لايواخذنا )) ...... و يالله خذ يا غناء ....... يا سعد لو تشوف الشيب ماني بشايب ... لابسات البراقع يا سعد شيبني الا و ابوي تحت النخلة و يقول لي الله يكون في عونك و انا ابوك :rolleyes: عاد تدرووون وش صار فيني في ذاك الموقف؟؟ 7 7 7 7 7 ابد ستر الله و تلعثمت و من عقبها و ابوي كلما نجلس في مجلس ونتذكر ايام زمان نذكر ذاك الموقف ... ونروووح فيها وناسة و سعة صدر الله يا كريم انك تجعل ايامنا و كل اوقاتنا سعادة في سعادة:D اختي alreem تشكوراااااااااااتي كلبوها :D ;) :D |
هههههههههههههههههههه
يضحك اخوى العاشق من جد هالموقف:D اتاريك شاعر من يومك وانت تحب الشعر:D وللحديث بقيه .... ننتظر باقى مشاركاتك |
مرحبا االريم مرحبا العاشق كيفكو ياجماعة انا الحين ماني متذكر
لي عودة بس بقيت اقول للريم موقفها حلو بس الشاب اش كان يحسب ياليت توضحي على شان مافهمت:D تحياتي ;) |
والله انا ما اذكر موقف يفشل ويضحك اكثر من اللي صار لي بالراشد هذاك اليوم
كنت كاشخه ومستانسه اخر يوم بالاختبارات كان وكانوا رايحيين معي اخواتي وصديقاتنا وماما وامهم المهم تسوقنا والساعه 10 ونص رحنا فوق نتعشى.. توني داخله مكان الأكل الا مكرميين مكرمييين تنقطع نعالي تخيلوا شكلي وانا ادور بالراشد بنعال مقطوعه؟؟؟ ههههههههههههههههه المهم اخذت نعال ام صديقتي ورحت اطلب عشا اكلت وشبعت ورجعت لها النعال عاد الطامه الكبرى هي كانت شلون نزلت ورحت للسياره!!! احسن شي ان الوقت كان متاخر وماكان في احد!! واللي يموووووووووووت ضحك ان صدديقتي كانت شاريه نعال وماتذكرنا الا قريب الباب :) هذا موقف عمري ماراح انسااااااااااااااااااااه وتسلمييين ريمي على هالموضوع الرووووووووووعه |
هلا فيكم:
أحمد تذكر وشارك معنا بموقف مضحك ولا تتوهنا بأسئلتك:D دلوعة بابا عن جد الموقف يضحك، بس الله ستر انى ما كنت معاكم وإلا كان كل الناس درت، بقعد اضحك واعلق واطالع النعال المقطوعة طول الوقت، ما تدرين يمكن فجأة يئنبها ضميرها على الى سوته فيك وتتعدل وتصير نعال،هههههههههه:D ننتظر المزيد من مشاركاتكم |
ويـــــــــــــــن باقى أعضاء الخيمة ؟
ليش ما تشاركون؟؟:mad: :D :D :D |
مرحبا ريموه اعصابك علي يا بنوته انا قصدة فعلاً ماني فاهم كلمة (مخفي)بس انا قصدة افهم الموقف على شان اكون معكم في الفورمة:D
على كلاً ولايهمك خذي هذا الموقف عندك بعدين تعالي قوليلي فيه عندنا بنوتتين الريم وريم انتي ايات فيهم .. اليكم اللي صار لي ونا ذكرته مره بتالخيمة عندما طلب احد الأخوان ذكر احرج المواقف التي مرة علينا ..... موقف مر علي بس لاتضحكون علي اني مره من المرات جيت ابي اصرف فلوس من مكائن الصرف اللي بالشوارع وعند الأسواق هي بابها قزاز ومن كثر ماهو نضيف وشفاف تخيل لي انه ما فيه حاجز قدامي وانا مندفع صدمت بالباب بكل جسمي وطاحت المحفضه والشماغ وكل شي وطحت على ضهري دايخ مادري اش السالفه اللي اذكره ان فيه ناس ماسكين سرى وراي والصراف يطل على محلات تجاريه والا والناس اللي يضحك واللي يساعد في اقوم وانا ابي ادخل جوت ملابسي من الخجل وطبعاً انتو عارفين لما احد يشوف موقف او حادث ايش اللي يسير يلتمو عليه الناس من كل جهة المهم ماحسبت الملم اوراقي ومحفضتي وشماغي وفكه من بين الناس ولا صرفت الا بعدين بعدها بوقت بعد ما ارتحت ومن صراف ثاني على شان ما احديقول هذا اللي ما شاف الباب وصقع فيه وطول ماني ماشي بالسياره فاطس ضحك من اللي سار وماني متخيله نفس الموقف لشخص آخر وبصراف آخر كنت انتضر انا ابي اصرف وفيه ناس جايين يبو يصرفو وهو داخل جالس يكمل اجراءات الصرف وانا اناضره من الخرج استناه يخلص الا وشوي خلص وهو خارج الضاهر انه نسى الباب او مسرح او ما ادري بالزبط المهم شوي الا وهوصاقع بالباب واقوى من صقعتي وعلى وجهه بعد انا استنيته يدوخ من قو الصدمه الا فتح الباب والفلوس بيده ماسكها وآخذ عقاله بيده ومن الأحراج اللي هو فيه الضاهر انه نسي المه وهو معدي قال ياخي دوختني الفلوس قلتله الله يعينك تسير دايم وخصوصاً مع النوعيه هذي من الزجاج والمصيبه انه زجاج ضد الكسر يعني تنكسر انت وهو لا بس بصراحه شي يفشل وكثيره المواقف اللي تفشل بس الشباب لا يستحو ترى العمليه عمليه تذاكر لأبرز المواقف المحرجه او المضحكه وشكراً على فكرة الموضوع ياريموه ;) |
يا مرحبا بأحمد،،،
هههههههههه، صح انك قلت لا تضحكون بس الموقف يضحك، على فكره صار لوحده صديقتى بس على خفيف مررره، وهم ضحكنا عليها. انا يا أحمد اسمى الريم من الإمارات وفيه اخت لنا ايضا بالخيمة اسمها ريم من السعودية،، الفرق بينا الالف والام الى بأسمى. على فكره الأسماء عندنا بالخليج متشابهه،، ويمكن هالشئ يربطنا ببعض اكثر،، سألتنى وش يعنى مخفى، المخفى الله يسلمك هو تغميج جامات (نوافذ) السيارة يعنى فيه ورق لونه اسود او بنى غامق ينحط على نوافذ السيارة ليحمى من الشمس وهو فى نفس الوقت يخفى من فيها، لذالك سمى مخفى، وش تسميه انت يا أحمد ؟ تسلم على المشاركة،، وننتظر المزيد من مشاركاتك،، يعطيك الف عافية |
يوم ميلادي
هلا وغلا :)
على فكره اليوم هوووو يوم ميلادي،، مو عيد قلنا يوووووم،،، واحب اتذكر هاليوم علشان اشوف وش سويت بالعام الى فات، وحتى لو ما تذكرته عندى صديقة ما عندها شغله من يجى الصيف إلا تسالنى ها متى ،هههههههههههه الله يخليها لى يا رررررررب. حبيت اعمل حفله بسيطه لاهل الخيمة بسسسسسس الكل معزوم:) فيه كيك وحلوووووويات وعصاير فرررررش بكل انواعها،،، على العموم الحفله بخليها تستمر لمدة 3 ساعات من الأن والى يحبنا يزورنا ويسجل اسمه معانا،،، http://noruae.com/real/mehad/al3am-aljadeed.ram |
مرحبا الريم يسعد مساك بكل خير اهاااا الحين عرفت كلمة مخفي احنا نسمية عندنا تظليل يعني زجاج مظلل:D عفوا ان ضايغتك باسالتي ولكي مني اعتذار وتحياتي لك..
|
هلا أحمد،،
لا عادى ما ضيعتنى ولا شئ افا عليك،، المهم انك فهمت الفيلم الهندى الى صار لى:D واى كلمة ما تفهما خبرنى ارسل لك الترجمة الفورية على طوووووول:D خليجنا واحد وشعبنا واحد يعيش يعيش الله واكبر يا خليجنا، الله واكبر، هههههههه ، هذه الاغنية كنا نسمعها لما كنا صغار،،، :D :D :D |
:D :D ... ...
مواقف أحسن من رائعة .. و أتمنى أقراء المزيد من الضحك :D مشكورة يا الريم .. موضوع يفتح النفس :D |
تسلمي ريومة والف شكر على الترجمة وموضوعك مررررررره حلو
ويفتح النفس زي ماقال كوكتيل وخلاص يعني صافية لبن :D منتي متململة:D تحياتي :) |
هلا فيكم،،،
كوكتيل شكرا لك هذا من ذوقك،،،، بسسسسس شارك معانا بموقف:D علشان نضحك اكثر،، أحمد :- مانى متململة بالعكس انت تامر، ومشاركتك مرررررره حلوه،، إذا عندك موقف غيره قووووووله:D علشان نضحك،ههههه |
ابشري أختي :
حذوا هذا الموقف اللي ما أنساه مره .. كنت رايح انا و خوالي و كلهم كبار في السن .. كنا رايحين نزور واحد في المستشفى .. دخلنا المستشفى فوقفنا عند الاستعلامات .. و كان فيه وحدة فلبينية فقل لي خالي : اسألها عن رقم غرفة الرجال .. بالانجليزي قلت : سم أبشر .. فسالتها عن غرفة المريض و علمتني و بعدين سألتها عن دورة المياة (( أكرمكم الله )) فعلمتني ايضا و لاني كنت مجتاج اروح ضروري لدورة المياة :( .. فصرت أهرول بسرعة و نسيت أن خوالي معي .. و هم المساكين .. يدرعمون وراي .. و أنا حاط رجلي .. حتى دخلت دورة المياة و ما دريت إلا خالي يصرخ عليّ ألحين جابينا ركض و أخرتها تودينا في دورة المياة :mad: أثرك ما تعرف أنقليري :o أنا تمنيت أن الارض .. تبلعني من الفشيلة فطلعت من دورة المياه .. و رحنا للرجال و زرناه و يوم خلصنا من الزيارة .. إستأذنتهم اروح لدورة المياة و ياساتر .. يا تلحق يا ما تلحق :D و من يومها .. و أنا التفت وراي في المستشفيات لا يكون معي أحد :D خبلوني خوالي .. :D |
صباح الخير الريم انتي بعد اتحفينا بمواقف ثانية معقولة ما مرت عليك غير هيك فلم .
اسمعي يا ستي مررررررره رحت اسدد فواتير مدري علامي ذاك اليوم مضيع ومن غرابة الحظ ان جنب البنك مكتب خطوط طيران يعني مكتب حجز ومن سوء الحظ اني لما نزلت من السيارة ماانتبهت او دققت بدل ما ادخل البنك واسدد الفواتير دخلت مكتب الحجز وكلهم فيهم سرى يعني طابور وقفت بالصف وانا على نيتي امفكر ان هذا الشباك شباك البنك حوالي 20 دقيقة ولما وصلت الموضف اعطيته الفواتير واقوم اطلع المبلغ المطلوب واشوف الرجال يطالع في ويضحك واقوله خير يابو الشباب ويضحك وبعدين انا انجنيت وبدة اعصابي تفلت مني قلتله انت تستخف دمك علامك تستخف بالناس وبرضه يضحك الين مارجع ورى على الكرسي وقرب يطيح قالي ياخوي ترى البنك جنبنا احنا مكتب الحجزواعطاني الفواتير وقالي عرفت الحين اش يضحكني وانا ودي اخش في جوة هدومي من الخجل وكل اللي وراي بالسرى يضحكو ويتغامزو علي وعينك ماتشوف الا النور وارب سيارتي ولا سددة الا بعد اسبوع من الفشيلة :D هااااااااا ريومة اش رايك طلعت صاحب مواقف تفشل:D تحياتي لك |
مساء الورد ،،
كوكتيل انا مره شفت واحد يركض بالمستشفى لا يكون انت؟:D بسسسسس موقف جنان يضحك،،،، الف شكر لك احمد: ياااااااااه من جد يفششل بس بينى وبينك يضحك،،، سوووووووالف احمد سوالفك حلوه ان شاء الله دووووووم انكون مبسسوطين ونضحك،،،:D |
:D
|
لانك طلبتنى أحمد موقف مضحك آخر فما راح اردك ولا يهمك، فلكم جميعا هالموقف بس ترى ما صاير لى لوحده مصرية حكته لى،،
هذه الله يسلمكم حكاية وحده مصرية اسمها حسنية وزوجها اسمه حسنى، عندهم اطفال وعايشين فى تبات ونبات، وحسنيه هذه عندها ثقة بنفسها ما تتخيلونها، مره هى وزوجها حسنى قاعدين فى جو صافى ومبسوطين الجماعة إلا وحسنية تقول لحسنى:- لو مت يا حسنى حتتجوز علي؟ قالها: - امال اعيش بالحرام؟ عصبت حسنيه :mad: على حسنى بشده ،،،،، وقالت له : - روح يا شيخ الهى تموت ئبلى(قبلي) هههههههههه شاركو معانا وينكم ......... :) |
كل سنة وانت بخيييييييييييييييييييييير وبصحة وسلامة
على العموم دام السالفه فيها كيك ووناسه بجي هههههههههههههههههههه بس الظاهر انا متاخره صح؟؟؟ المهم كل سنة وانت بخير وصحه مره ثانيه :D |
هلا بالغالية:)
وانت بألف خير وصحة وسلامة مشكوره حبيبتى ما تقصرين،،،، نحن كم دلوعة عندنا ولا يهمك انجيب كيك غيره ،،،، انت تامرين بس;) وكلك ذووووووق دائم |
تسلمي حبيبتي
احرجتييني يالله بقول لك سالفه صارت مع ماما قلتها من قبل بس يالله اقولها مره ثانيه "لا تقولوون لماما ؟لأنها بتذبحنييييييييييييي" مره ماما كانت بالبقاله مع بابا تتبضع للبيت المهم كانت ماسكه الرعبيه حاطه فيها الأغراض وتحط ومدري ايش راح بابا يجيب شي وبقت ماما في مكانها تنقي الأجبان المهم خلصت ماما وراحت تمشي شوي الا رجال وراها يناديها لو سمحتي لو سمحتي يا اختي وماما استعدت للحرب واعلنت الطوارئ لفت عليه نعم؟؟؟؟ قال لها العربيه اللي عندك عربيتي!!!!!!!!!!!!!!!!!!!!!! تخيلوا عاد انتوا لموقف!@!@!@!@!@!@!@!@!@ موقف لا تحسد عليه يالله نبي نسمع مواقفكم |
ههههههههههههههههههه
حلوه دلوعة ما بنخبر ماما بنخبر بابا ،:D تصدقين صار لى نفس الموقف مره كنت بمحل قماش واشتريت قطعة بس شووووو قطعة حلووووه،، المهم بعد ما حطها صاحب المحل فى الكيس، وإلا وحده وهى طالعة أخذتها بطريقها و راحت بالغلط انا بينى وبينك ما بغيت افشلها بس القطعة حلوه ما تتعوض، وكل الى شافها بعدين اثنى عليها، قلت الها يا أختى الكيس:D قالت: اووووووووه ورجعته،هههههههههه |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.