مواقف مضحكه تعجبكم 0000تفضلو
 

بسم الله الرحمن الرحيم

اعزائي اعضاء المنتدى 00

كثيرا ما يتعرض الانسان لمواقف مضحكه

وانا هنا اريد ان اعرف هذه المواقف

اذا ما كان هناك اي ازعاج او تدخل في اموركم الشخصيه

للفكاهه فقط لا غير000

ولكم مني اجمل التحيات 000

شوشو
%%%%%%%%%%%%%%%%%%%%%%%%%%%%%%%%%%%
وانا ابدا هذه المواقف :
مرة كنت في السوق وكان الجوال معي طبعا مبسوطه
لأنه كان لسه جديد توني مطلعته وحاطته في الشنطه
المهم سمعت الجوال يدق خرجته من الشنطه وافتحه مافي
احد لأني اكتشفت انه مو جوالي اللي بيرن جوال راجل
قدامي والصدفه انه كانت رنة جواله مثل جوالي 000بس
والله اتمنيت وقتها انه الارض تنشق وتبلعني لأني بقيت مثل
مايقولو المصريين (في نص هدومي) والرجال يضحك عليا طبعا
كيف بنت يحصلها موقف مثل هذا وقدامه كمان
بس هذا كان موقفي واتمنى اني اسمع مواقفكم انتو كمان0000

سلالالالالالام
موقف بصراحه لاتحسدي عليه هههههههههههههههههههههههههههههههههه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
احلى باي

دلال

تحيات ودوود على طول

باقل لم موقف حقيقي حصل الي ، بس أرجوكم لا تضحكوا وايد.

مرة من المرات كنت أنا والمدام رايحين مطعم في بلد أجنبي وطبعا عارفين المكان مفتوح والناس تشوف بعض، سحبت الكرسي علشان أجلس عليه، بس يظهر المدام تعرف في الاتكيت أكثر مني وفكرتني ساحب الكرسي علشا نها تجلس عليه هي الي صار جلسنا مع بعض على نفس الكرسي وصرنا نضحك على بعض لدرجة انه ماقدرنا ناكل شيئ وطلعنا من المطعم واحنا نضحك، والى الآن اذا أذكر الموقف أضحك.

ايش رايكم؟ اذا ما عجبكم اكتب غيره.

خلونا انشوف مواقفكم بسرعة يالله

مع تحيات ودوود على طول

مواقف مضحكه فعلا ..

لا يحضرني الان الا موقف مضحك يا شهد حصل امامي وانا اشاهد الموقف .يتعلق بالجوال .

يوم العيد الجميع يتصل يعايد والتلفونات ما تبطل رن المهم احد اخواني طلب رقم لمعايده شخص وضرب رقم بالغلط ورن تلفون اخي الاخر في نفس الغرفة... وصارت بينهم محادثة رسمية مضحكة .... ووالدتي تدعوا الله ان يعوض عليها

ودوود موقف محرج ومضحك يا أخي ليتك تتابع

ودووووووووووووووود

وينك يا رجل من زمان ما شفناك لا سلام لا كلام.

سويت زي اللي يجي العمل متأخر ما يسلم علشان الناس تظن

انه موجود من زمان......صح؟

أنا الموقف اللي حصل لي مرة كنت في السوق

ودق الجوال دخلت يدي في جيبي علشان ارد عليه

صدقوا ما احد رد.

السسسسسسسسسلام

مواقف حلوة يا شهد وسامية وصياد وودود.
ام انت يا ودود طبيت ولا حدش سمى عليك.

المهم..
حصل لا احد لاصدقاء موقف وانا معاه.
مرة اذن الظهر ورحنا نصلي وبعد اقامة الصلاة ما جاء الامام. واكثر المصلين شيبان فقدموا صديقي وهو بطبيعة الحال ما قدر يقول لا .
المهم وقال (الله اكبر) الحمدالله رب العالمين... بصوت جهوري.
وحنا نقول سبحان الله وهو يرجع ويعيد قراءة الفاتحةو نقول سبحان الله وهو مصمم على قراءة الفاتحة.
المهم الرجال طفش وما يدري وش الخطا، على طول كبر للركوع وبعدين السجود ونشوف الرجال ما قام من السجود..تاخر في سجوده.
ونرفع رؤوسنا الا والمحراب فاضي.
اثاري الرجال شمر ومن فوقنا وحنا ساجدين.

اما انك ساحر صحيح، كيف عرفت اني أروح العمل متأخر؟ أكيد الرئيس قال لك، تعرفه؟ قول لا أحسن.

ودود

كثرة الضحك تميت القلب

!

السلام عليكم

اذكر عندما كنت في الثانوية

انني استيقضت الساعةالسادسة والنصف قبل الغروب

وتاهبت للخروج وذهبت الى المدرسة ظنا مني اننا في الصباح

وكانت ايام اختبارات الله لا يوريكم

المهم بعد ما وصلت المدرسة لقيت الابواب مقفلة

والشارع فاضي ومافي احد

ولا شوي الا اسمع اذان المغرب فكنت اقول في صدري

ايش الفجر ياذن مرة ثانية

وبعد شوي حسيت ان الدنيا بدت تظلم

وبعدها بات استوعب في ذهول انها صلاة المغرب

وليست الفجر وعدت للبيت وانا في غاية الضحك
هاهاهاها

وثاني يوم خبصت في المتحان

هاهاهاهاها

اخي العمودي بالله عليك غير اسلوبك العقيم

مرات علامة استفهام

ومرات تعجب........والله أنك تضيع وقتك ووقتنا معك

السلام عليكم .. .. بودي أن أشارككم !!


كنت أيام الثانوي مره من المرات خارج من الفصل في نهاية الدوام وقد حان وقت صلاة الظهر .. .. وبينما كنت أسير داخل المدرسه رأيت جماعة من الطلاب يصلون الظهر .. .. قلت في نفسي :أصلي معهم ..فلما صليت معهم .. وأثناء الصلاة ركع الامام (وكان طالباً) فركعت طبعا أنا والمصلين ... وفجأةً ..إذ بالامام والمأموميم يقطعون الصلاة ( أثناء الركوع ) ركضاً ويفرون ..حتى بقيت لوحدي في المصلى راكعاً أريد أن أقوم ... أقطع الصلاة ..أضحك ... أفعل أي شيء !! .. .. لا ينقصني ذاك الوقت الا كاميرة فيديو ...

يظهر أن الطلاب كانوا مغصوبين على الصلاة من قبل مدرس ..فلما رأوه خرج افرنقعوأ من حولي .. هداهم الله

الهايم

!

موضوع حلووووووووووووووووووووووومره يا شهدالحلوه
اتذكر مره وانا فى الجامعة اخر الدوام استنى السياره كان فى جوال يرن ومو راضى يوقف رنين و قلت للبنات هاذي مرة فرحانه فى جوالها ليش ما ترد وتخلصنا وفى بنات جالسين جنبنا سمعوني وانا اقول هلكلام وفى الاخير طلع الجوال جوالي وجلسو يضحكون علي .

!

السلام عليكم ورحمة الله وبركاته:
اختى الصغنونه شهد الاموره شكرا على هذا الموضوع الشيق وبما انه شيق حبيت اشارك وقصتي هي كالتالي
منذ مبطي كنت مخطط اروح لامريكا عشان ادرس لغة انجليزية وبعد عناء وجهد جهيد لاقناع الشايب الله يخليه ذخر وافق (حب خشوم وتزلف وبعض الاحيان ارسل ام ابراهيم تقنعه بطريقتها الخاصه لا احد يفكر غلط تراها عجوز الله يطول بعمرها) ويوم وافق ابوي وانا اطير من الفرحه والله وبتروح امريكا من قدك يا ولد (ترا ولا واحد من عيال حارتنا قد راح امريكا) ***وبعد ما حجزت التذكره ما بقى الا خطوتين الاولى اني اشتري خلقان (ملابس) والمشكله اني ما اعرف في البناطيل والحركات هذي قلت يا ولد من هو اللي يعرف من جماعتنا ما لقيت احد غير سواق جيرانا الهندي ورحت معه للبطحا وتنقيت على ذوق ابو هنود الملابس وش اسوي اول مره اشتري بناطيل (شي احمر وشي اخضر تقول علبة تشكليه المهم انتهينا من الخطوه الاولى وباقي الخطوه الثانية وهي اني اسال واحد قد راح لامريكا وما لقيت الا عزوز الاجرب ويوم سالته قالي وبكل ثقه اهم شي اذا رحت لامريكا لا تعتمد على احد عشان يترجم لك حاول انك تتكلم بنفسك قلت اوكي مستر اجرب وقالي بعد لا تمشي مع عرب عشان تقوي لفتك قلت اوف كورس اجرب وحانت ساعة الصفر وقرب موعد اقلاع الطائرة وبدات الافلام الهندية امي تبكي وابوي ينصحني من عيال الحرام والبنات واخوي عزيو يوصيني على بويكمن وفطوم على دمية واقلعت الطائرة تراهي (بوينج 777) ويوم وصلت قلت لازم استاجر سيارة عشان المشاوير وفي يوم من الايام كنت داعس ماشي مليون وما دريت الا والدورية وراي (على جنب يا راعي الكابرس) تراه يقولها بالانجليزي وبعدها جاني العسكري وقالي انت خالفت القانون وابعطيك قسيمة وراح احولك على المحكمة المرورية قلت اوكي منها نتعلم انجليزي وتقوى لغتي على راي حمد الاجرب وبعد اسبوع رحت للمحكمة ومسكت سرا مع الناس لين جاء دوري ودخلت على القاضي واستلمني اساله واول سؤال كان تعرف تتكلم انجليزي قلت له يس اوف كورس سير قالي القاضي متاكد والا تبي مترجم قلت لا انا اعرف اتكلم وبطلاقة (يا شين الثقة الزايده) وبعدها قام القاضي يتكلم بسرعة سؤال ورا سؤال وانا ناقة الله وسوقياها وكانت كل اجاباتي يس سير يس سير واخر شي قالي وقع هنا وقعت وانا ما صدقت على الله اني افتكيت
خذيت الاوراق ومعها الورقه الخاصه بالحكم ورحت البيت وانا رايح البيت قلت خلني امر مطعم عربي اكل شي يوم دخلت طلبت وكليت وانا طالع احاسب قلت ليش ما اسال العامل خله يترجم لي وش حكم القاضي جب الورقه وعطيتها العامل قراها **تعرفون وش الحكم
*
*
*
*
*
*
*
*
*
*

*
*
الحكم غرامه الف دولار وسحب الرخصه وادرس في المدرسة المرورية لمدة ثلاثة اشهر (حسبي الله عليك يا حمد الاجرب)

**تعرفون وش طلع سؤال القاضي **
لقد تجاوزت السرعة القانونية وعرضت روحك وارواح السائقين الاخرين للخطر يس اور نو (وانا على بالي فاهم يس اوف كورس )

ما اقول الا حسبي الله عليك يا حمد الاجرب قال ايش قال اعتمدت على نفسك

اتمنى ان الموقف اعجبكم واسف على الاطالة