|
لا لا لا وين رايح ؟؟ لازم تدخل ....
السلام عليكم ورحمة الله وبركاته
مساكم الله بالخير هذا بالنسبه للي يداومون في المساء اما انتوا ياللي تداومون الصبحيه فصباحكم فل ولا تنسون فيروز على الصبحيه فيه ناس بينتقدون هالكلمه بس منيب ما سحها :rolleyes: خلونا نرجع للموضوع جيت اليوم فتحت الجهاز وجا ببالي فكره قلت لازم اطرحها لكم يمكن تعجبكم ولو ما عجبتكم عادي يعني لا احد يرد مجامله اتفقنا :D ترى ابشع شي المجامله نرجع للموضوع وش كنت اقول ياربي ايه تذكرت :D جات ببالي فكره بس ترى مو كل مره تجيني فكره احيانا تجي واحيانا تروح بس لما تروح بترجع اكيد المهم جا ببالي فكره وانا اشوف قطار الاصدقاء وقريت فيه شوي ما تلاحظون انه تغير التوقيت :D مو مهم التوقيت بس المهم المضمون لا تدققون عاد الفكره تقول كل واحد وتكلم عن بلده او منطقته او حتى عن حارته وش رايكم لو كل واحد فينا يجي ينقي له يوم من الايام ويقول لنا وش سوى فيه بس مو ينصب علينا ويقول رحت وجيت وسويت وهو ما سوى شي حتى لو انك نايم من الصبح قول نمت وانقلبت على جنبي وبعدين جاني كابوس اسمه عسى ماشر عادي ولا الثاني اللي يقول جالس على النت علمنا وين دخلت ووين رحت ووين جيت يمكن تدلنا على مواقع تفيدنا يعني شي زي كذا مو بالضروره ان الواحد يجيب كل شي لا مانع من التمليح شوي ادري طولت عليكم بس صدقوني لو اني ما ني مضطر اطلع كان قفلتو النت بالمره مو بس الموضوع عموما شوفوا الموضوع وقولو ينفع ولا لا عشان لو فيه ناس كثير بنسوي جدول عشان نروح مع صديقنا لكل مكان يروحه اكيد مو اصدقاء والصديق ما يخلي صديقه يروح لحاله :D :D :D نشوفكم على خير |
بصراحة , ما فهمت حاجة :confused:
|
رشود
يالله حيه :D ليه من قال لك اني انا فاهم شي :D بس على ما اذكر اني كتبت الموضوع وانا راجع من العمل فيعني تعرف انت الوضع الكلام يركب بعضه فوق بعض :D :D :D المهم انا بعد جهد جهيد تذكرت ان الموضوع تحت عنوان يوميات الاصدقاء :D :D لا تاخذون الموضوع على محمل هزلي ;) يعني فكروا شوي قبل ما تحكمون على المظهر فيه ناس كثير ما تعرف تنظم وقتها مثل حالاتي :rolleyes: وممكن استفيد من غيري من الاخوان لما اعرف هو وش يسوي وممكن تلاءمني طريقته اتوقع معظم من قرأ الموضوع اخذه على محمل الهزل وما الومه طريقه الطرح شوي فكاهيه ولكني لا استطيع الكتابه بالفصحى لوقت طويل لاحترامي لها انشاء الله فهمتوني ؟؟ |
اخي عسى ما شر
انا فهمت ان الموضوع ( مفكــــرات يوميـــــــة ) يعني كل واحد اذا حب يكتب لنا عن يومه ايش سوى فيه والا انا غلطانه:confused: يومي اليوم كان عادي لكن بكره يوم العمل ان شاء الله بقولكم ايش سويت ولكم التحية :) ;) :) |
السلام عليكم......
اخي العزيز عسى&ى&ى ماشر . فكرة حلووووة :D . الله الله حطني في قائمتك ان شاء الله .. تحياتي لك :D ;) :D |
عسى&ى&ى ماشر
تسلملي ... ما قرات موضوعك الا الان وانا اريد ان اعمل ( شاتدون):) بالانكلش:) يعني بين اني فهمت وما فهمت اعود غدا له ان شاء الله وتصبحون على خير |
تصدقون
ادري تصدقون اجل بتكذبوني في وجهي بعد :D هلاااااااااااااااااااا وغلاااااااااااااااااا الجدول مزحوم وش رايكم تراجعوني بكره انا هذي قصتي اليوم رحت لواحد باداره معينه قلت له بالله تشوف الموضوع الفلاني قال راجعني بكره بالله وش رايكم؟؟؟:rolleyes: هلا اختي العنود انتي اول وحده بالجدول بكره لك نبي تقولي لنا وش سويتي يعني ممكن تساعدي احد على ترتيب وقته اخوي العاشق خلاص اخوي راح ندرجك في الجدول ولا يهمك بس الله بيوم من الايام الحافله يعني نبي يوم تكون مريت فيه على السوده ودلغان والقرعاء ولو تقدر تمر على الحبله ما عليه:D :D اخوي ابو طه يالله حيه انت ماشفت شي بس لما تجي لا تنسى الملف الاخضر العلاقي لازم عشان لزوم الشغل:D اخواني ننتظر مشاركاتكم صدقوني ابي ارتب وقتي ولما الاقي واحد يناسبني ترتيبه راح يكون قدوتي وراح اقول له شدو حيلكم فيه واحد ممكن يقتدي بكم:D وننتظر اخواننا في المنتدى لنرى ما هو مفيد تحياتي:D |
...موضوع حلو...
حطني في الجدول ...مع ان اليوم نفس امس ...وبكرة نفس اليوم كل يوم نقوم الصبح ....نروح الجامعة ....يجوا الدكاترة وينفخوا رؤسنا ...نرد البييت وناكل بندول ونخمد لليوم الثاني....: SLEEP: :SLEEP: اما التفاصيل الجامعية ...لين تحطوني في الجدول ....تقرونها :D :D بـــــــــــــــــــــــــــــــــــاي |
خوله ما اشوفك جبتي ملف علاقي:mad:
وجامعيه عاد اقول ملف علاقي يعني علاقي:mad: كذا كانو يسوون المدرسين وحنا في الابتدائيه عاد انا لازم اسوي خايف عشان بكره ما اروح المدرسه;) والقى عذر للغياب اوكى خوله وش رايك بعد اسبوع :rolleyes: يعني رتبي حالك وهات من نصبات البشريه اللي بالجامعه واذا فيه احد ينام بالمحاضره عادي قولي لنا عليه يمكن يشوف اسمه هنا ويبطل مع اني احس انك اول وحده :SLEEP: ننتظرك خوله وننتظر جميع الاخوان |
السلام عليكم......
مساء الورد لكل الورد .... مساء الغلا ... وكلمة هلا ... مساء الورد ... وعظيم الود ... مساء الشوق يا كاملين الذوق ;) ... رسالة وصلتني على الجوال و اعجبتني و انا اعتقد و اجزم بانكم تستحقونها و ان شاء الله تصل الى المستوى اللي تسوونه كلكم :D اخوي عسى&ى&ى ماشر :gun: ... اجل حطيتني في الجدول و اول واحد :mad: .. طيب ... طيب :rolleyes: اليوم سلمك الله من بعد صلاة الفجر ... اخذت لي غطيطة حتى الساعة السادسة صباحاً ... بعدها ذهبت للعمل الساعة 6:30 و كنت اول الواصلين و كلي نشاط و حيوية ... انجزت بعض الاعمال ... بعدها مريت السناك بار و اخذت لي بعض الافطار ... بعدها اكملت العمل ... الساعة 11:30 رحنا نتغدى انا و ربيعي في المطعم ( الدايينق هول ) .. وعدنا 12:10 .. صلينا الظهر و اتممت بعض الاشغال ... حتى الثالثة عصراُ ... و بعد الصلاة رجعت مكتبي و قعدت على الكمبيوتر اتمم رسمات هندسية و خلصتهم حوالي 3:35 .. بعدها جيت البيت و سويت لي قهوة و شاي و قعدت على الكمبيوتر ... اتصفح الجرائد و المنتديات و ايضاً اكمل محاضرة ساقوم بالقاءها قريبا امام مدير الادارة.. بين المغرب و العشاء قرات شيئا من القران و ا جريت بعض الاتصالات بالشلة .. و هكذا اتممت اليوم ... عسى الله ان ينفعنا بما عملنا و ان يكون لنا لا علينا .... هاااه طيب و انت اخوي عسى&ى&ى ماشر ... وش سويت اليوم :D تحياتي للجميع :D ;) :D |
ارحبوووووووووووووووو
يالله حيهم :D الحقيقه برنامج حافل بكم مشتريه :D لا بس حركه انا اتخيل شكلك منكس العقال قدام المدير وناسه والله تصدق شكلي بجي مو عشان شي بس ابشوف المدير وانت تتكلم ابد انا لا جديد قمت اليوم على الساعه 630 ورحت العمل بس تصدق حلوه حيويه ونشاط خاصه انك رايح قبل ما تطلع الشمس :D رحت الدوام ولا لقيت لي شغله يعني على قولتهم بطاله مقنعه قلت اوكى انا فاضي بروح للادمي اللي قال لي تعال بكره رحت مالقيته يقولون موب فيه :rolleyes: مواعيد عرقوب :D رجعت العمل لين الساعه 3 تقريبا ورجعت البيت وش اسوي وش اسوي؟ فكرت فكرت ما لقيت شي اسويه قمت فتحت البتاع قصدي الجهاز لين المغرب بعدين رحت صليت ومريت على الراشد قلت يمكن الاقي اللي قلت لي عنهم :D بس مالقيت احد جلست هناك واخذت كوفي في سينابون تعرفه ;) وبعدها رجعت لكم :D ادري احسن طله :D |
السلام عليكم........
يا حبي لك و اسلوبك ;) عاد تدري اني ما اعرف الكوفي شوب اللي رحت له ...<<<< يلمح يبيك تعزمه :rolleyes: تسلم و انشاء الله تكون ايامك حافلة لانشاط و الحيوية :D ;) |
اسلوبي :D
طيب طيب لا على بالك صدقتك انا طيب بكره اعزمك هناك وش رايك وبالمره نمر على المكان اللي شفت فيه البتاع ;) ;) كيف الحركه 7 7 7 7 7 7 7 7 7 صرت اعرف صفقوا لي :D 7 7 7 |
يا بن الحلال ما ودنا نكلف عليك ... :rolleyes:
بس ما دامك ملزم ... مرة مرة .... خلاص اقول تم :D :rolleyes: و ابشر باللي يخليك تسنتر في البتاع و يدخلك ذاك الجو ;) تحياتي :D |
اقووووووووول خلاص اتفقنا
بكره حدد الوقت اوكى وبرضه فرصه نجي نقول للبشريه وش سوينا يعني يوميات مشتركه :D لا تعتذر ارجوك ما عاد فيني حيل هههههههههههههه وش قاعد اقول انا ;) |
و لا يهمك...
ما يرد الكريم .. غير .... و ان شاء الله ماني منهم .... ;) |
اتفغنا على قوله اخواننا السودانيين :D
|
الا وش رايك نعزم اليمامة و نخليها تروح مكان العوايل :p
و اتفغنا على قولتك :D |
تذكرتها من جده على حسابها :D
اذا كذا انا موافغ وراجع رسائلك الخاصه ;) |
طيب و نحن الان متوجهين للرسايل الخاصة ;)
|
شكراً لك و الان توجه الله لا يهينك الى رسائلك الخاصة ;)
|
سلام
يقول لك كان فيه واحد طلع من البيت ما يدري وش يبي المهم يمشي بالشارع لقى واحد من اخوياه جلسو وسولفو واللي عليهم بالخير بعدين راح ورجع لنفس الحاله هذا انا وموضوعي بدا مدري كيف بعدين لقينا الموضوع وبعدها رجعنا مثل اول بنرجع للموضوع من بكره ونقول لهم مغامراتنا :D :D اما راح ننصب عليكم نصب طبعا العاشق اللي راح ينصب انا ما اعرف :D يالله سلام العنود ترى كان المفروض انتي اليوم بس سجلناك غياب وتولى المهمه اخوي العاشق:D بكره دورك على بال ما نفبرك قصتنا :D:D |
عسى&ى&ى ماشر ;) ;) ;)
|
ما وصلتك الاضافه؟؟
;) |
:gun: :mad: ليش غياب:mad: :gun:
انا مش غايبة هاي حضووووووووووووووووور :D ;) :D |
الاخت عنود
بكره نبي جدول منتاز :D على فكره انتي جبتي الملف ولا لا <<<<<<<< معاناه مع الملف ننتظر يومياتك بكره انشاء الله :D |
منتظرة دوري
عندي سوالف جامعية عجيبة:D :D :eek: :D |
عنود بتجين ولا نحظر الفلكه؟؟
:eek: :eek: :eek: :eek: |
هلا خوله
زي ما انتي شايفه عم ننتظر :D اذا ما جت عنود لين بكره انا اتوقع اني برسل خطاب لولي امرها يراجعني ما صارت عاد :p خوله اول مره تجين اكتبي اللي عندك ولا مانع من اضافه الملح والبهارات للسوالف:D :D |
وانا بعد دام اني فاضي
ولافيه احد في التحدي ارفع ضغطه والامير تاخر علينا بالسؤال بقول لكم مقتطفات من يومي الحافل :D :D جميل ان تداوم ولكن الاجمل انك ما تطلع الا بعد العصر :D جميل ان تطلع من الدوام ولكن الاجمل ان سيارتك تبنشر بعز الحر :D جميل انك ترجع البيت وودك ترتاح لك ساعه او ساعتين ولكن الاجمل انك ما تصحى الا على العشا :D هذا يومي بكل اختصار :D |
اشوف نسانا ابو طه
والعنود وخوله عسىىى ماشر؟؟ :D |
صباح الورد..
كيف الحال...اكيد كلكم الحين مشغولين..(حتى انا):D على العموم بما انه ما عندي محاضرة الحين بقول لكم ايش صار يوم الاربعاء.. كنت قاعدة بروحي في الطابق الثالث ....وفي زاوية وما احد يشوفني ((فلم رعب))...وبعدين طلع لي المارد الاخضر...:D :eek: :D لا لا امزح ...لا تعصبون ...:mad: نرجع للسالفة ..وبعد شوي وقف المصعد وطلع منه اثنين ...((ولد وبنت)) وجلسوا في الكراسي اللي قدامي ...((لاحظوا انهم ما يشوفوني))..و بدؤا يتكلمو ..وعيونهم فعيون بعض ...وبعدين مسك ايدها ...وهي سوت نفسها تستحي... والباقي اقول لكم بعدين ... :p ;) |
:rolleyes:
في الانتظار :SLEEP: |
لا يطلع مثل اللي كان في الراشد
تطلع بنته الصغيره :D |
السلام عليكم........
هلا اخوي عسى ماشر ;) الا عسى ماشر و ينك لك يومين غاطس :confused: ... لايكون رايح الراشد تدور اللي على بالي بالك ;) تحياتي :D |
لا انت تعرفني ما اروح اسواق
خايف بنت تلاقيني وتخطفني من زيني عاد :p :p :p |
ايه انت القمر لو يشوفك كان يقولك الله يرحم والديك تعال خلك مكاني :p :p
عارفك و خابزك و عاجنك :rolleyes: تحياتي :cool: |
لا ما عرفتوا الباقي ....
القصة احلى ... وبعدين ..................قام يقول لها تدرين اني احبك، ليش ما تثقين فيني ...تراني صدق احبك ...ومن هالكلام اللي يدوب(بالمصري):D وبعد ما فكرت ...زقالت له خلاص اللي تبيه يصير ( ايش يبي هذي ما عرفتها) :eek: :eek: وهو ما صدق عمرة:D .....كان بيطير من الفرحة ...واسنانة طلعوا من كثر ما فتح بوزه وقام يملس شعرها ويهمس في اذنها ....ومرة واحدة انتفضت البنيه ...وفتحت عيونها:eek: قالها ايش فيه بعد ما احنا اتفقنا خلاص ... وهي مثل اللوح لا تتحرك ولاتتكلم وعيونها مسمرة اثاري رجال الامن واقفين وراهم .... وصارت فضيحة في الجامعة الله لا يرويكم ...لان البنيه طلعت من بنات الحمايل ..وابوها من اللي:gun: ولا زدنا شفنا صورتها في الجامعة بعد ذاك اليوم وسلامتكم... .................................................. ................. والجامعة هذي السنة مليانة بالفضايح:mad: |
سلامي عليكم جميعا...ياحليلك ياخولة..القصة تهبل...
تخيلي البنوتة بتموووووت من الخوف والله تلاقيها صفرت وخضرت وحمرت بس صراحة..جابته لنفسها...الله يعينها على روحها... وياريت تحكيلنا زيادة مثلها..... وسلامتكم :) :) :) |
السلام عليكم........
الله يهديها و هذا جزاهاااا ... بس ان شاء الله ينتبهوا غيرهم لما هو صح و ما هو غلط .. يعطيك العافية اختي خولة .. و ننتظر المزيد ;) تحياتي :D |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.