نصيحة .........بجمل
 

الاخوان الاعزاء
بعد حوالي الاسبوع سوف تطرح اسهم شركة الاتصالات السعودية في الاكتتاب العام بسعر 170 ريال للسهم .

ويقال انة مع بداية عام 2004 سوف يسمح بدخول الشركات العالمية للاتصالات بالمنافسة داخل السعودية والاسئلة الحائرة التي تحتاج الي اجابة هي :
1- ماهو مستقبل شركة الاتصالات ومن ثم اسهمها بعد دخول منافسين لسوق الاتصالات؟؟

2- هل طرح الاسهم في هذا التوقيت هو خوف الحكومة من منافسة الشركات الاخري ؟؟

3- هل المقصود بالبيع هو التخلص من شركة الاتصالات وجمع الاموال قبل بدء المنافسة ؟؟

4- هل سيتم تحسين اوضاع الشركة بعد التخصيص ؟ وكيف ؟ وماهي المؤشرات لذلك ؟؟ وخصوصا وان الشبكات تعاني من اختناقات في الاتصالات وخصوصا الجوال حيث ينقطع الارسال والاستقبال تماما في الايام الحرجة مثل الاعياد واواخر شهر رمضان وايام الحج ؟

5- وهو السؤال الاهم هل نشتري ؟ اما لا ؟

من هو الاقتصادي المحلل الذي يستطيع النصح لنا وجزاه الله خيرا مع ضرورة التحليل الموضوعي والاقتصادي المبني علي اسس علمية في اتخاذ القرار مع الشكر ...............ونوعد هذا المحلل في حالة نجاح توقعاتة نسبة بسيطة من الارباح :D :D :D

6 هناك توقعات ان يصل سعر السهم الي 1000 ريال فهل هذة بالونات ترغيب في الشراء ؟؟ نرجو الافادة مع الشكر الجزيل .

وين الشباب
 

وين الشباب ماحد رد ونصح يمكن خائف من الجمل .......ياجماعة النصيحة بدجاجة مهو جمل لاتخافوا

فهل نري اقتصاديا بارعا........يقدم لنا النصيحة

نرجوا ذلك.............وبسرعة

عذرا أخي لو كنت أعلم لأجبتك ..

لكن موضوع الأسهم هذا لا أسمع عنه إلا في المسلسلات ..

و هو ليس ضمن اهتماماتي ..

أنت أثرت فضولي رغم أني لست من ساكني السعودية ..

سأحاول الحصول على إجابة ..

و سأخبرك بما يجد معي بإنه تعالى ..

أخوك في الله ..
|: |: |: |:

أجري على الله لا أريد لا جملا و لا دجاجة

لكن ..

علي أن أعثر على الإجابة أولا ..

أخوي كيم كام . . .

بدأت موضوعك بكلمة : ويقال

ما دامت النظرية غير مؤكدة .. فتوكل على الله ..

فالإحتكار .. ربما يكون فيه فائدة للبعض أما عندما تتحول شركة الاتصالات
إلى شركة قطاع خاص .. فالفائدة للجميع .

و للمعلومية ..

فموعد طرح الأسهم للإكتتاب .. كان مقرر في غير هذا الوقت !!
و لكن لان الغالبية الكبرى من البشر كان ( يعيّد ) .. فقد تم تأجيل
الموعد لحين عودة الاموال .. قصدي المواطنين إلى قواعدهم سالمين .


و سلم لي على سابك ;)

شكرا ساعدة
 

شكرا اخي ساعدة

ونصيحة ان تبدأ وتجرب الاسهم خارج المسلسلات

لا ادري لم اري مسلسلا مصريا يتحدث عن الاسهم .......غريب

اذا لم تعرف الاسهم فاسال القوس :D :D :D

علي فكرة شباب وين القوس زمان عنة
ومن طول الغيبات جاب الغنائم .............لعل الغنائم هذة المرة اسهم الاتصالات ...........وتوزيع سهم لكل عضو :D :D من اعضاء الخيمة

وشكرا قوس سلفا:D

كوكتيل العزيز
 

النصيحة القائمة حاليا هو المساهمة ثم البيع المباشر بعد تداول الاسهم مباشرة دون انتظار .

فعندما تصل الي حد 300 ريال بيع ولا تنتظر

والنصيحة الاخري ان تبدأ بالشراء فور تداول الاسهم وقف عند حاجز سعر 250 ريال للسهم .

وعند بدء تجاوز السعر حاجز 300 ريال ابدأ بالشراء حتي 350 ريال

وبيع عندما تتجاوز حاجز 400 ريال للسهم

هذة تصوراتي ماراي كوكتيل والاخرين ؟؟

اية اخي كوكتيل صدقت سلم لي علي سابك والراجحي اما الباقي مغثة

مافيه اقبال كبير
 

لايوجد اقبال كبير علي الشراء ما السبب؟

اتوقع مد فترة الاكتتاب الي فترة اطول مما طرح في النشرات

طريقة الاكتتاب سيئة جدا حيث لابد ان تملأ الاستمارة امام موظف البنك وهذا قلص من عدد الراغبين بذلك .:D :D

ننصح بعدم الاكتتاب حتي اليومين الاخيرين للضغط علي تمديد المدة فلو تم التمديد فلا ننصح بالشراء مطلقا ............ويمكن الشراء بعد الاكتتاب من السوق ونتوقع بنفس السعر او اقل 10 ريال عن الاكتتاب لتوزيع وبيع الاسهم المكتتب بها عن طريق قروض البنوك .

الاخبار شباب
 

ماهي اخر اخبار الاكتتاب بشركة الاتصالات السعودية ؟؟؟؟؟؟؟

اليس بيننا عضو واحد مهتم بالاقتصاد لافادتنا ؟؟؟؟؟؟؟

نرجو ظهور احد ما حتي وان لم يكن اقتصاديا ؟؟؟؟

جاء في الصحف ان اكثر من 30% من المكتتبين حتي تاريخة من النساء

فهل نري احدي الاخوات المساهمات وتجربتها ونصيحتها ؟؟

اين قارون
 

اين الاخ قارون لافادتنا عن هذا الموضوع مع الشكر

كيم كام سبق ان انزلت موضوع في هذا المجال ولكن اليك ما يلي

1- السعر الرسمي للسهم 50 ريال و 120 علاوة اصدار = 170

2- مدة الاكتتاب ثلاثة اسابيع ولن يشارك الهوامير الا في الاسبوع الاخير
اي من 1 الى 6 يناير

3- كثير من البنوك اعطت تسهيلات بقيمة مساوية لما تستطيع الحصول عليه بضمان ما ستحصل عليه اي لو تتقدم بطلب 1000 سهم فان اغلب البنوك تعطيك الف اخرى بضمان الاولى

4- بناء على توجيهات ولي العهد فكل مكتتب له عشرة اسهم مضمونة
وحتى من هم موجودين بدفتر العائلة .

5- بيع البطاقات لن تنجح فكل وكيل له الوكالة عن عشرة اشخاص فقط بما فيها من هو داخل دفتر العائلة


توقعات السوق ان يتم تغطية السوق اربع مرات لأكثر المتفائلين ومرة واحد لأقلهم تفائل

الوضع السياسي في المنطقة سيكون له تأثير على سعر السهم
نسبة التغطية لها تأثير

من المتوقع ان سارت الامور على ما يرام ان يفتتح الاكتتاب على 230 - 250

هناك عرض للبيع بعد التخصيص مباشرة وسيكون اكثر من الطلب مما قد يتراجع بسعر السهم

هناك من يريدون السيطرة على شركة الاتصالات من خلال امتلاك اكبر كمية ممكنة من اسهمها وهؤلاء سيشترون كل ما ينزل الى السوق وبمنافسة

شركة الاتصالات من الشركات التي انهت مرحلة التأسيس وثابتة وليس لديها سوى مصروفات تشغيلية ما يعني نجاحها ربحيا

الشركات المنافسة ستدخل 2004 ولن تنافس سوى بالجوال


الرأي

اسهم شركة الاتصالا تعتبر استثمار ناجح ومغر

على المستوى القريب لن تتجاوز سقف ال 300 ريال

على المستوى البعيد وبعد ان يتغير مجلس الادارة برجال الاعمال الجدد وعلى مدار الثلاث سنوات القادمة سيقفز السهم الى حوالي 700 ريال

هذا والله اعلم وارجوا ان اكون قد افدتك يا كيم كام

شكرا اخي القوس علي هذة المعلومات القيمة

اثناء قرائتي لهذا الموضوع طرأت لي فكرة عن امكانية عمل خيمة اقتصادية للتداول في موضوعات الاقتصاد بشكل عام والاسهم والاراضي بشكل خاص ؟؟؟

ويتولي الصفحة المحلل الاقتصادي القدير اخونا قارون صاحب الملايين.
مارائيك اخي القوس لتكون الخيمة الاقتصادية مربعنا الدائم نبيع ونشتري والاجر علي الله :D :D ;) ;)

شكرا جزيلا علي معلومات شركة الاتصالات ...........وان كان الاقبال ليس كبيرا كما كان متوقعا .

رد على كيم كام في موضوع الاقتصادية
 

هلا كوكتيل وين جبت هالكلمة (غمر) صدق انك قديم ...انا ماني محلل اقتصادي

وترى كلمة محلل هذي ماهي زينة عندنا ومثلك عارف قصة التيس المستعار..

كيم لو لاحظت نفس النسب اللي توقعتها ... والسبت الجاي يفتح السوق بداية 170 واخر الاسبوع يكون طق ال 260 على الكثير


من الاشاعات ان اثنين في اخر يوم بس لحالهم غطوا الاكتتاب ...السعودية متجهة الى طبقية مادية بحتة وهذا شيء ما يريح ...

عموما اللي يبي مشروع كويس وخاصة انت يا كيم كام عليك ان تشتري هرافي الحين وتسمنها لمدة 20 يوم بكيماوي وغيره وتبيعها بعيد الاضحى ونسبتك بالقليل بتصير 40%( الله من زين المشاريع ,,, كل على همه سرى)

قوس خبير اقتصادي
 

القوس الخبير الاقتصادي في الخيمة .............تحليلاتك 100 %

اما بالنسبة للهرفي فقد سبق لي احضار شحنة من حفر الباطن .........الا انه لسوء الحظ نفقت نصفهم قبل البيع .......ومهما كنت شاطر فالشريطية اشطر من الشيطان .:eek::eek::D
وخذها مني خبرة اثنين لاتسطيع التغلب عليهم :

1- الجزار
2- الشريطي البياع

وحنا ونا اخوك ربع الاسهم بالتلفون تشتري وتبيع وهذي سهلة علينا مع ضيق الوقت وسرعة دوران الزمن .

الا ايش رائيك بالراجحي يقولوا هناك سهم مجاني ؟؟؟؟؟؟؟؟؟؟؟؟؟

هلا اخوي كيم

ابعد عن الراجحي .....

الحين خلك في العقار وتحديدا في مدن مثل مكة الخبر جدة

ونوع ما الرياض......

اما الشريطية فابشرك اني مرة دخلت في مجالهم في بيع وشراء الاغنام واكلت هوى وطلعت بكبدة حاشي.......وشريطية السيارات ما فيه احد لعبوا عليه كثري

في زمن من الازمان عنت اعمل في مجال دراسات الجدوى والعالم تجي وتاخذ الدراسات وبعدها بكم سنة تسمع اسمه رنان بالسوق وحنّا يا موظفين المكتب على حالنا ..لأن الاقتصادي عنده الافكار بس ما عنده الجراءة بينما التاجر الفطري عنده الجراءة ويبحث عن ربع الفكرة ليطبقها فكيف بفكرة كاملة...

كوكتيل وش رايك بالثمامة هالأيام يمدحونها

العقار وبس
 

العقار اضمن شيء اخي القوس وان كان دوران الاستثمار فيه بطيئة وعائده لاتتجاوز 5-8 % .

اخي القوس خلينا نحمس بعض بعمل ما لعل وعسي .

تقصد نتشارك .... ما عندي مانع وندخل معنا كوكتيل شريك ثالث عشان نطبق قولة القدر يقعد على ثلاث ونضرب بالمثل القائل قدر الشراكة ما يفوح عرض الحائط ....

يالله عطنا افكار جديدة وندرس من خلالها السوق.......

وان كان تبي مشروع سريع خل نروح نسوي شيء بالحفر لأن لوصارت الضربة بيصير فيها شغل حليل

حبيبنا القوس ..
و أنت عاد تتوقع أني اقصد ====> ذاك ;)
بالتأكيد .. انا اقصد شيء آخر ..

بعدين . .

أن كان فيه عندكم أمور تجارية .. تراي موافق
و ذا اليومين التجارة هي اللي يصمد الجيب .. :)

أما الراتب ..
فسلم لي عليه .. يتبخر في عز البرد ;)

على فكره ..

وش أخبار اسهم الإتصالات ؟؟ ؟؟

الحين انا اشتري منك اسهم اتصالات 220 ...وبعد اسبوع من السبت الجاي فوق 270 والله اعلم ...

ادري انك ما تقصد بس ولهان على مزح معك ..وش قلت بالثمامة

الثمامة . !!

خل لما يقضي مهرجان الجنادرية ..
الزحمة فيذاك إلى الرأس . . و المطافيق خبرك مثل الرز
و أنا اشتريت سيارة جديدة .. و أخاف (( يقشعني )) أحد


بعدين .. كن البرد زاد شوي <=== إلا كثيييير :gun:


بس وش اللي طلع الثمامة الحين بالذات ؟

نسيت ارد على نقطة الأسهم ..

شف الله يسلمك ..

أنا من النوع اللي ينام على الشيء ...

يعني عندي أسهم من 12 سنة .. ما أدري وش صار عليها

و (( متعنقط )) فيها و عارف أنها تسوى شيء كثير ..

عشان كذا ..

الظاهر أن اسهم الاتصالات راح تكون مثلها .. الظاهر
خصوصا و أنها شركة رابحه .. يعني مضمونة .. ;)

ارحم يالتاجر كوكتيل ...اثرك من اصحاب الملايين ..وحنا ما ندري...

بس لا تكون اسهم الهنود الحمر ...تراك اقشر الله يخليلك عبدالله...

الاتصالات في السماء
 

الاتصالات اقفلت علي 250 ريال ...........نبيع ولا نشري
هاه قوس ايش رايك؟؟

300 ريال سهم الاتصالات .......وين القوس
 

القوس سهم الاتصالات اقفل اليوم ظهرا علي 250 ريال للسهم

والعصر هذا اليوم يطوف ال 300 ريال كما توقعت

وفي نهاية الاسبوع الحالي بين 500 - 700 ريال السهم

اخي القوس مالعمل ؟؟ تنصح بالشراء

شريت هذا الصباح ب 227 ريال للسهم .............هل نبيع ونكسب حوالي 30 ريال في السهم ولا ننطر اخر الاسبوع .

والله عجايب سهم الاتصالات :eek::eek:

نطب فيها طبه وحدة والرزق علي الله .........قوس , كوكتيل انصح بالشراء اليوم او غدا والبيع اخر الاسبوع ولا تتاخروا

قبل شوي كنت بشاشة الاسهم ومل وصل اللي تقول ...

اشتر اقل من 200 للبيع السري واقل من 250 للبيع بعد اسبوعين ثلاثة وغير كذا انحش عنهن

اصبر وبع ب 300

القوس

سهم الاتصالات تجاوز 300 ريال اليوم 29/5/2003 ومتوقع الوصول وتجاوز حاجز 500 ريال قريبا .

والي عنده كاش ننصح بالشراء علي مسئوليتي :D:D

شكرا قوس علي النصيحة والان سعر السهم اليوم 29/5/2003 م 303 ريال هل نبيع ولا ننطر 500 ريال مارايك ؟؟:D:D;);):eek::eek:

هلا كيم اذا مش مزنوق لا تبيع .....الحين الوضع حلو للأستثمار

اشتر بنك الاستثمار يعني اسهمه ...

بس اصبر الين تجيهم موجة طيحة الاسعار وضف منهم واذا غلا بع

صبحكم الله بكل خير كيم كام و القوس

طيب السؤال ..

متى تتوقع تنخفض الاسعار ؟

و متى راح ترتفع ؟؟

عشان الواحد بعمل حسابه ...

بعدين وييييييين اللي يبي يصير سعر السهم 700
يا رجال خله يوصل 400 ريال و أنا بيااااااع

كوكتيل الحين اشري منك باربع مية والدفع بعد سنة

القوس ...

السنة على الوضع اللي نعيشه تساوي الف سنة

عرفت وش اقصد .. أو ابق ابوها :cool:

قوس

ايش رايك بالراجحي زيادة 50 ريال في اقل من اسبوع هل تتوقع يوصل 1000 ريال؟؟ ويقولوا هناك سهم مجاني نهاية العام ؟ ماريك ؟

الراجحي كويس بس سعر سهم غالي .....انصحك بالأستثمار اضمن بس الراجحي اكيد يكسب ....

انت ركز على الاتصالات وخذ زيادة.....

عموما السوق مرتفع ولا يشجع....

قوس

سهم الاتصالات اقفل اليوم علي 315 ريال وبكره الاربعاء 4/6/2003يوصل 350 ومع منتصف الاسبوع القادم يطوف 400 ريال .

مارايك بالارتفاع الصاروخي هذا وهل نشتري ولا نبيع


انصحك بسابك يمكن توصل 250 او 300 ريال خلال اسبوع .........مارايك ؟؟


الراجحي سوف يقفل و يطوف الالف خلال اسبوع واحد ومع نهاية يونيو 2003 يمكن يوصل 1100 ريال ..............مارايك .


الواحد فعلا داخ ..........يبيع ولا يشتري ؟؟؟؟؟؟؟؟؟

الاراضي سوقها واقف قوس لماذا ؟؟ دورة الاسهم اسرع واضمن مع سهولة البيع والسرعه فيه .

السوق ... مخبوووووووووص

السوق واضح واللي عنده راس مال لا يشاور ....

او حول لي والنص بالنص

وين واضح معه ؟

ارتفاع في الأسعار بدون سبب مقنع !!!
العملية لا تخضع لاي قواعد و مبادئ اقتصادية ...
خذني .... جيتك

الكهرب الكهرب

اللي معه سيوله محترمه يحط بالكهرب ولايشاور
هذاني من اسبوع حطيت كل غليتي فيه وشاريه 63.5
واليوم سجل ال66 وقريب بيوصل لل70

;)