ألــــــــــــــــــــــف مبروك للعالمي وعشاق الأصفر
 

سالخييييررررررر شباب:)

حبيت ابارك للفرق اللي وصلت للمربع بشكل عام وللنصر بشكل خاص وإجازة سعيدة للفرق الباقيه ..هع;) والله الله ببطولة الصداقه..وهع مرة ثانيه;)

وأنا فاتح هالموضوع علشان ابارك لفرق متأهله ..مو علشان فريق فاز على فريق ضمن مباريات الدوري ..على العموم كل واحد وتطلعاته..وهع;)

عاد تصدقون واحد هلالي مرسل لي رساله أمس على الجوال ويقول فيها

اخي النصراوي:





تبرع بنقطه واحده وامسح بها دمعة محتاج هلالي!!!

.....
تصدقون هالرساله جت متأخره والا ان كان ناقز لبريده وموصي عبدالرحمن بن سعود على شان ينهزم ..لأني عارف انه مهوب ماخذ الكأس ..وهع;)

وبعدين وين موادع؟؟؟؟ ورا اسمه مطموس هع:D ...
يقولون انه مخلوع ..هع <==سجع هع <==سجع مرة ثانيه :D

نرجع لمحور حديثنا ..أين موادع؟؟ ومن اللي اخلعه؟؟<==صار ضرس ..وبعدين انتم ما تدرون ليش بومبا رجع؟ .. يقولون انه مستغل هالفتره و سارق له كم طنب من أطناب الخيمه الرياضيه وعلى كم كوره منسمه ..هع:D

بس يقولون دايـم السيف..رجعهن:D وهع

السلام عليكم....

الف مبروووك للفرق المتاهلة ... خصوصاً النصر.. بس هو يبي يحقق البطولة و ياخذ الكاس ... هع<<<< مثل بعض ناس :p

ان شاء الله يتوفقون مع ان المربع ما به حلاوة دام الهلال مو فيه ..

عموماً مبرووك يا HONDA999 و يا دايم السيف.. و لكل النصراويين .. بس عاد حققوا البطولة تكفون :p

تحياتي :)

هلا والله اخوي هوندا

نورتنا يالغالي ياليت يفوز النصر دايم ====>> ماهو بنا:D

علشان نشوفك والف مبروك على تأهل النصر وهاردلكم يالهلاليه:p

بس يقولون قلبو مربع الذهب الي خماسي الذهب عشان مايزعلون:D:p

ان شاءالله نشوف الهلال في الصداقة مع النصر :p



سكراً لكم

العـــــ 2002 ــاشق :) الله حيه ..من ناحية ان الدوري ما له طعم بدون الهلال ..عزالله انك صادق ..تبي تفوتنا الافلام الهنديه ..هع ههههه:D مشكور على ردك


دايـم السيف.. مرحبا ..:)تصدق مهيب بعيده يسونها ..بس اكيد ما جت على بالهم;)


كوكتيل مراحب ..وش هالقطاعه؟؟:o انا على الاقل هذي عادتي ..وحتى الشباب اللي خبرك هذي عاداتهم, اما انت فهذي مهيب من عاداتك ..المهم اذكر ان فيه موضوع لك ..حق التضبيب والجرابيع ..كتبته وهجيتاااا:D ..


صراحة ردي مرتب...إذا بغيتو تردون سوو زيي ...انا عارف ان دايم يبي يحطي لي نجمه:D

يا جماعه هدو الوضع

<=== يحسبها هواش الحين

المهم بس !! على البركة فوز النصر وأبارك لنفسي ولهوندا ولكل نصراوي يشجع النصر

<=== أكيد نصراوي بيشجع النصر ولا وش ظنك بيشجع الشعله

وعلى طاري موادع وما موادع <=== الا غصب يحط سجع

---- ترى موادع مخلوع مثل صدام يعني مهوب الحكومة موخرته لا هذا أجتياح الاحتلال على المراقبين وتراه مهوب هو اللي مخلوع معه كم واحد ... وبس

وأيضاً صرح مصدر مسوؤل أن موادع

كما يزعمون الذين أسموه بالارهاب بأن لديه أسحلة التزليب في الاشراف قالو نوخرة

================================================== ==
المهم بس !! على البركة فوز النصر وأبارك لنفسي ولهوندا ولكل نصراوي يشجع النصر
================================================== ==

افاااااااااااااااا

ماهقيتها منك يالخنساوي

نسيت

============> كبير المشجعين النصراوين:D


لا تعيدها مرة ثانية:D:D:gun:

مرااااااااحب شباب :D


الحين تتباركووون بفوزكم على الرائد ؟؟؟؟؟

امحق من طموح

:D:D:D:D

لا عزالله ان الكوره السعوديه في تقدم دام هذا طموح احدى فرق العاصمه :gun:

الخنساوي..كنك داري اني ابتهاوش مع واحد راد في هالموضوع ..الذكاء شرق وهو عنه قبله;)

دايم السيف.. طيب عارفين انك نصراوي بس لا تخرب موضوعي ثاني مره ..لا تواخذني اعصابي مهيب معي عشان هاللي ابرد عليه بعد شوي:mad:

الذكي ..قصدي بومبا:angryfire يأشباب من جاب طاري الرائد:confused: على العموم ما تنلام الدبجة اللي جتكم تجيب اكثر ..بعدين فشلتونا انتم وأحيائكم هالتعبانه:gun: ..بس يقولون المتر عندكم ارتفع الى اربعت اريل ..وهع:p

هلاااااااا والله هوندا :)


تارك الذكاء لك انت وخشمك الي في وجهك :D

اجل وش جاب طاري الرائد ها لو مافزتو على الرائد كان ما طلعتو للمربع وبعدين انت يالي تدعي الذكاء وش جاب طاري حينا في هل موضوع من زينكم انتم وحيكم الي ماتاصل لبيتكم الا بخريطه تقول في تورابورا والا مشاالله على الروائح العطره الي تنبع من الحي :gun:


شكريا هوندا


ايه نسيت اقول مثلك هع :D

النقطة السوداء في صفحة النصر السوداء هي
أنه لعب على مستوى العالم !!! ..

الله يفضحكم .. فضحتونا عند الخواجات ...
الحين يبي يحسبون أن كل الأندية السعودية خيخة مثل النصر :rolleyes:

ورى ما تندمجون مع سدوس أو الفيحاء أو الوشم ;)
كود يجيكم كم بطولة حتى لو كانت إقليمية :D:p


وش ذا الغبار اللي كبس على أنفاسنا يا ناس ؟
من اللي مفحط و مثور الغبار على الرياض :mad::gun:

بومبا..الله حيه ..انا اقول انك ذكي حتى اني مسميك الذكي ..بس انت اخبرك متواضع :p ..وبعدين اقرأ ردي زين علشان تعرف وش جاب طاري حيكم..الا على طاري حيكم امس مريت هناك ..وتخبر النصر كالعاده طلع وانا زهقان ..قلت ياولد (أئوي ألبك مع ديو:D )وانا اللي اصفط الموتر عند ذيك البقاله واخذ لي ديو ..ويوم فتحته وما ادري الا اللي حولي قاموا يتبطحون على الارض :eek: وقلت عمى !! وش جاهم؟؟:confused: واتذكر ..وقلت ما ينلامون ..وقلت يا ولد الهجه بس لا يجينا شي الله يستر..وهع:p

كوكو ;) ((النقطة السوداء في صفحة النصر السوداء ))حلوه ذي ..وشلون نشوف النقطه اجل ..هع:)..وبعدين اي فضيحه ؟؟ ما بعد ثمانية المانيا شي..:cool:

مالكم وجه.........
 

مالكم وجه تفرحون بالتأهل اللي ما جاء الا بالطقاق بعد الفوز الصعب على الرائد واللي يزيد الطين بله دخلتوا المربع وهزمكم القادسية:cool:

على العموم مبروك التاهل والهزيمه;) واوعد الموسم الجاي

8
8
8
8
8
8
8
واللي ما يطول العنب .............

أقول هوندا .... على بالهم ما أنفقعت مرارتهم يوم طلعو من الدوري

....
ولا يستهزون بالقادسية وعلى بالهم القادسية الحين فريق سهل .. ماخذ كأس أسياء ومستهزين فيه

... يابن الحلال . المشكلة أنهم يقيسون الفرق على فريق الهلال ...
" ما يحتاج أكمل "

^
^
^
^
^
^
^
^
^
شباب الي يجيد لغة فرنسيه لا يبخل علينا في الترجمه :D

قسم بالله يا جماعه فيه مثل وأبي أقوله لكم

" لا تدخل عصك في شي ما يخصك "

يا جماعه أنا قايل بومبا ولا هوندا
.......
...
الظاهر يا بومبا تحسب كل ما يقال في الدنيا تحسبه لك ...
.. هذي الحاله تسمى .. سيكولوجية النقوص في علم النفس
.. وأظن أن هالحلة تنطبق عليك
......

وللمعلومية .. تراني أعرف واحد في كلية اللغات والترجمة
لغة فرنسية ... يترجم لك هالكلام ...

وقبل الختام .. أنا على الاقل أتكلم لغتين عربية وفرنسية
... لكن غيري .. ما يفهم الموضوع بكبرة ..
زي بعض الناس نقول مبروك التأهل للنصراويين
ويقول كل هذا علشان فزتو على الرائد وأمحق من طموح ...
والله اذا كان دخول المربع مهوب طموح أجل وش الطموح ..

ياجماعةالخير ماتشوفون نادي النصر اسم علي غير مسمي فريق كله هزايم ومابوه نجوم فريق الفلس اي والله اني صادق وأدي دئقني اعملو بيها زي منتو عاوزين ان شافو حتة كاس في العشرسنيين الجايه,يابابا ماغيره اللي يجيب الكؤوس والبطولات هلال النجوم والامجاد بس اه ياالقهر ماله حظ هالسنة والله ماله طعم المربع بدون الزعيم.

أحسن مربع صار بهاذي السنة ... بدون غش او تحيز في التحكيم .. إثارة ومتعة ... ياريت كل السنوات على هذا المنوال :)

هاي شله:D يازينكم اذا قمتم تتناقرون في موضوعي ..تصدقون اني اضحك ..لان فيه نقرة تجيني منا والنقره الثانيه من هناك ..حشى صرتم ديوك:D ..المهم خلوني ارد عليكم واحد واحد بما أن ذا الموضوع موضوعي ..

دبدوب..خش في عيني ازين:rolleyes: ياحبيبي اذا صارت مشاركاتك 100 تعال كلمني ..بعدين شكلك يوزر ثاني لواحد في بالي;) بعدين ليش ما نفرح بالرابع ترى لهم مكافأة تنفع النادي علشان يسددون فاتورة التلفون :D

الخنساوي..ايه عليك بهم

بومبا ..الملقب بالذكي:D ..انت هالحين اكتب عربي زين علشان تبغى ترجمه كلام فرنسي..اجل كاتب ((الي)) تراها تكتب كذا((اللي)) وهع:p

الخنساوي ..ايه عليك به ..هع ..وابي اطلب منك طلب ..ابغى تحلل شخصيته لأني عجزت افهمه ..وبعدين وشلون ما تبيه يرد عليك وانت راد عليه (دبدوب);)

الفجر السعيد.. انت هالحين حدد هويتك ..قصيمي والا مصري؟؟ كلامك مخلوط ..الا فجر السعيد وش تقرب لك ؟؟ و ما ادري هالسنه كاتبه مسلسل والا لا؟

المتيم المجهول.. من ناحية هالسنه صراحة المربع ما له داعي ..صراحة مشتاقين للأفلام الهنديه ..اجل لاعب يطلع الكورة بيده من الباب ..هع:eek: