تعرف شلون شم الورد
احب لون الورد قبل قطفه
واليا قطفته اغازله قبل شمه واملي عيوني من بهاء حسنه واقربه يمي قبل اضمه واشرب انفاسه قبل افله واشم فيه الحسن والعطر قبل احله واخذ من جذوره عطاء قبل احرقه |
القوس .. خل الورد خله الورد للخلان أجمل حله الياسمين و الفل .. لي كله و إن بغيته أجل هو لك .. فتله إن بغاك فهو لك و إن بغاني خله و إن ضيع دربي .. طلبتك دله ما عرفتك بخيل .. على الأقل طله اشوف فيها الورد .. تشفي العله عاشق هايم و لهان ترهقه ذله لعيون الورد .. اشرب كل زله القوس صحبتك هي راس المال و الغله غديك تترك عنك الردي .. في المله |
كوكتيلوه كلي لك .....وان بغيت الدنيا كلها تركتها لك بس نبي رضاك...
مريت البارحة ماما نورة اخذت شاورما وكوتيل شربته وجدعت السنتدوتش لثومه جدعته وخليت الكوكتيل لأني احب اسمك واحبه |
إقتباس:
أنا أفدى ذا الوجه .. على فكره .. ترى صاحب مطاعم ماما نوره واحد من الاصدقاء كانك تبيهم يلغون الثوم في الشاورمة .. أزهلها .. ما عاد يطب الثوم في صبة المطعم إلا كان تهريب .. الشكوى لله :D |
يغار الورد من حلا وردك ودي امتع يديني في هوى قطفك وودي افكك واسبح في هوى ظلك واحلك بموية واشرب من ندى سحرك واشهد لك اني مت في شذى وردك وساعتي طاحت وصار الوقت وقتك تلعبنا الايام واتوه في هوى حبك |
طبعاً بيغار كل مين ركض وراك وإنت سافهه حتى لو ضامي جأك تستأهل أكثر ياكريم ما جاك :heartpump |
ومن ما يغار منك
الا سبقت لشوفتك عيني اليمنى منها غارت وولعت عيني اليسرى وشلون باقي الغيد منك تحرّى حتى انا بحلمي اغار من علمي بعلمي اشوفك وبالحلم ما ادري ما ظن مثلي لقى مثلك معه حظي والزين يفرض والا زاده العقل يغري وانتي جمعتي هاذي وهاذيك وزود حبي |
يـــــغـار كــل مــيـن ذاق ودك ...............
كل مين سبقني وذاق منك حلى ودك وده بذبحي وما يبي هنا نجتمع وهناك حاسوبي وغثوني وبالهواجيس ضاع دربك صار الحلم أبرك من العلم اروح لمك الحظ جمع القلبين ولجمعنا الحظ عصلك ما ادري العقل يطاوعهم وشوي حبك أبرك تاه العقل بسبتهم والقلب يخفق بحبك |
انا اللي اذبحك
يذبحك قبل الناس خفوق ما رحمتيه وتشكيك عندالناس عين(ن) هجرتيها اللي سبق لبق بس ما اخذ قلب خذيتيه انتي خذيتي النوم وصرت اسهر اناجيه واناجي قلب كان قلب واليوم منهو باياديه وازرع بذور الحب لعيون مثلك قطفتيه |
قوس شاكرين جدا على ابيات الورد حي الابيات لالفت منك مخصوص وحي الحروف وحي من هو كتبها |
وأ نــا فـــدوةٍ لــك إلــي يــعـرف إشــلـون يـشـم الـورد............
ما ذبحه غير حبك وبدمي يجري وشلون أقوى هجر هواك العذبي أدري والله أنا أدري بس هم بدربي تناجيني واناجيك والحكي عثربي بيصدون الهوى والنور عنك وعني والبذور بالماء والشمس هي تنمي |
الا الهجر
الا الهجر يا زين ما اقواه يا كود تقوى الشمس تفارق سماها او كود حوت البحر يهجر مياهه او كود يالف على حب الحبارى صقرها او كود عيني بعد هجرك تاخذ مددها |
الأ صــــــيـل
الأصيل الوفي ماينكر العشره يكره صفه بالذئب وهي غـدره ومين هذا طبعه قفي عن دربه لا حُسوفه ولا ندامه على مثله إن أكرمت الكريم فإنت ملكته وإن أكرمت اللئيم فإنت مرته |
حيالله اللي
حيالله اللي تذبح المعزة وتسلخها اخت الرجال تذود عن محارمها تقوى الحروب ان هبت هبايبها تطعن وتذبح وتفرس من يفارسها وان جاء سلام ترى الطاعة وحشمتها مضيافة للضيف والكرم من طبايعها مع البنات الا مشت قليل من يماثلها |
والـــشــر ما يـــجــيــــــك .
واجبك قعـودالله يحـيك وياهـلا والله فـيك مـا عـليـك زود وإنـت منـهـم الله يِحِـيـيك أقوى الحـرب بكل قـوة بوجـه من يعاديك فـارس وروضـت الفـرس وشـلون أعـصـيك ألبـي لك ياولي أمري وأخجـل النـظر فيك والله يسـلمك بعض ماعـندك ومخـبور بيك بينهم أنا مدلـله وقدم الرجاجيل ذيبه تليك |
الذيب الا شافك تاقف دروبه والبدر الا لاحظك ضاعت علومه يا جامع من الزين كل مزيانه عقل وفاء وعنق الريم وعيونه وجفل الظبي ومن بلقيس سيقانه عيبك الا اخذتي العقل وافكاره مايرجع لراعيه غير مليان بجنانه |
الذيب لوفاك بيركض للمـوت برجوله وبهـيبتكْ الصـحرا ريحها تِهِـب نِسـمه والبـدر بالسـما نوره يواسـي ظـبـيه بهـدوء الليل فـز الريم سـمع هـمسه من شفاتك الرطبه تنثر همساتٍ عذبه بحـضـورك وزينـك تنافـس البدر بنـوره وعيونك من تحت هـدبها سهامٍ مجنونه أسـرت ظبي وصـارت بك مبهـوره هـذا وجـمال الصـوره ويـلي من مكـنونه مجنون ومجنونه صوابهم عاصفه محرومه |
ما ابي الذيب ولا ابي قرب هاك الذيبة ابي ملاك الحسن هالي توشح بزين عينه ظبية تهبى الذيابة قربها هاك الليلة تجفل اليا اشتهت جفل ما هيب مرتاعة بس التغلي خلقه الله لمثل واشباهه تاخذ عقل وتاهب عقل والقلب زين برجاحة اليا بغت صفت جنود الانس والجن واشباهه ومن هو الحظيظ اللي له مشتاقة |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.