لغز(الشخص التايه)..بليز ساعدوه؟؟
 

أحبائي:
اولا:شكر خاص للصديق أحمد على فتح باب الالغاز.
ثانيا:الكلام راح يكون بالعاميه علشان يكون النقاش ودي.
اللغز:
اللغز هذا سامعه انا من قديم شوي ولكنه أعجبني وما قدرت انساه وحبيت اطرحه في الخيمه ولكن المشكله انه يبيله شرح مباشر.. لكن ابي احاول اوضحه وان شاء الله اقدر.
افرض:
شخص سافر للرياض ولكن ضيع الطريق..وصل الى نقطه يتفرع فيهاالطريق الى طريقين (أ)و(ب)(لايوجد لوحات ارشاديه على الطريق).
على الطريق (أ)يوجد شخص صادق على طول والطريق اللي واقف عليه(أ)هو طريق الرياض.
وعلى الطريق(ب) يوجد شخص كذاب ويضيع اللي يسأله وهو طريق جيزان(مثلا).
المشكله ان خوينا المسكين مايدري منهو الصادق ومنهو الكذاب فيهم..والمشكله الثانيه انه مايحقله يسأل الا سؤال واحد بس.
المطلوب:
لو كنت انت هذا الشخص ايش السؤال اللي راح يطلعك من هالورطه ويدلك على الرياض.(سؤال واحد ولشخص واحد بس).
ارشادات:
1-تخيل انك نفس الشخص وفي نفس الموقف وحاول ترسم الطريقين وابدء بالتفكير.
2-اطرح السؤال على نفسك وفكر في جميع الاحتمالات.
3-لا تنسى ان المسافه بين الصادق والكذاب بعيده.
طلب:
لا تياس واطرح مشاركتك وسأقوم بالرد على جميع الاجابات باسرع وقت ومن التصحيح ستفهم أكثر.
*يمكن المشاركه باكثر من محاوله.
ملاحظه:
اذا كنت تعرف الاجابه من قبل.. بليزاجل اجابتك الى يوم الاربعاء اللي راح يكون موعد اعلان الاجابه الصحيحه اذا ماقدر احد يحل اللغز طبعا.
اخيرا:
اتمنى المشاركه من الجميع واللي مافهم اي جزء من السؤال يقدر يسألني على dayem2000_sa@yahoo.com.
اسئله بس اما الاجابات راح يكون الرد عليها عبر الخيمه فقط.
بالتوفيقDAYEM.

اخر كلام..تساعدون الرجال ولا نلغي اللغز؟؟.
DAYEM.

طيب لو ممكن أسئله سؤالين سألت أي منهما أول سؤال مثل هل أنت إنسان فأعرف من الجواب أنه الصادق أم الكاذب.
ثم أسئله هل هذا طريق الرياض وآخذ بعين الإعتبار أنه صادق أو كاذب فأعرف الطريق.

ولكن بسؤال واحد كيف أعرف المعلومتين؟؟؟

صديقي الراعي:
اولا شكرا لتجاوبك..
ثانيا..أعتقد ياعزيزي انك لو سألت أي شخص هل انت انسان؟فان الجواب سيكون بالتأكيد نعم..لأن هذا السؤال لا يمكن الكذب فيه.
ثالثا.. كون السؤال هو سؤال واحد فقط..فهنا مكمن الصعوبه والحلاوه في اللغز.
مساعده(لأنك الراعي..فقط):
بعد أن تطرح السؤال يجب أن تقوم باتخاذ اجراء معين في داخلك بخصوص ذلك السؤال.. لتهتدي الى الطريق الصحيح.
تحياتي DAYEM.

معدرة يا اخي لم افهم بعض كلامك لانه بالعامية رجاء اكتب بالفصحى
مع الشكر
الناي الحزين ياسين

الصديق ياسين:
صديقي العزيز لقد قرأت السؤال أكثر من مره ولم أجد فيه أي صعوبه..
على كل عذرا يا صديقي وأتمنى أن تحدد لي الكلمات التي لم تفهما كي أوضحها لك.
ملاحظه:
لا تنسى انه سيتم كشف اللغز مساء يوم الاربعاء فبادر بالمشاركه.
تحياتي DAYEM.

السلام عليك اخي دايم.
انشألله اني وجدت الحل وهو كالتالي..
الشخص الذي على طريق(ب)الكذاب يكون هو نفسه الشخص التائه ويتوه كل من يسأله لأنه كذاب ولا يدل الطريق لأنه تائه فما امام الشخص التائه الموجود على طريق(ب)
إلا الأتجاه إلى طريق (أ)للشخص الصادق على طول ويسأله سؤال واحد هل هذا طريق الرياض فيجيبه
بنعم فيدل الطريق وهكذا حل اللغز وشكراًahmed

الصديق احمد:
يبدو انك لم تفهم السؤال جيدا..
الشخص التايه هو صاحبنا القادم نحو الطريقين فقط..اما الرجلين اللذين على (أ)و(ب)فهما يعرفان طريق الرياض ولكن احدهما صادق والاخر كاذب ولايجيبان الا عند سؤالهما.
اجابتك:
انت تقول يذهب للرجل الذي على(أ) ويسأله المشكله.. أنه لا يعلم ان كان الذي على (أ) صادق ام لا فكيف له ان يتأكد من صدق كلامه.
حاول مرة أخرى DAYEM.

الحل بسيط وسهل
يسأل أحدهم "إلى اين يؤدي هذا الطريق" دون ان يذكر له وجهته.
فعندها سيكون احتمال ان يقول الكاذب هذا طريق الرياض ضعيف جدا..

هنالك حل آخر :
يسأل احدهم نفس السؤال فيقول له الرياض مثلا..فيذهب فيجد نفسه في جيزان..ففي هذه الحالة يعرف بأن الطريق الاخر يؤدي الى الرياض.

اعرف الحل خطأ× خطأ لكن احاول اتجاوب مع المسابقة قبل ما تنتهي.

الصديق ماجد:
شكرا لتجاوبك..وأهلا وسهلا بك صديقا جديدا.
صديقك DAYEM.

دايم ..هلا فيك والله
بس وقت حل المسابقة انتهى وماشفنى شي.

أنت تقول إلي على (أ) صادق وإلي على (ب) كاذب خلاص وين المشكله يسأل إلي على ألف

أنت تقول إلي على (أ) صادق وإلي على (ب) كاذب خلاص وين المشكله يسأل إلي على ألف

lvvvvvvvvvvvpfh >>
اقصد مررررررررررررحبا بس بالاغريقي
شف وانا اخوك ركز معي
ركز اكثر بعد
يسأل اي واحد فيهم ... ويقول :
لو سألت خويك وين طريق الرياض وش بيقول
على ضوء الاجابة (حلوة على ضوء) يسوي عكسها تماما
لييييييييييش اها سؤال في محلة انا اقولك
لانة لو فرضنا انه سأل الصادق الصادق طبعا بيقول اجابة الكذاب ...ولو كان سأل الكذاب طبعا الكذاب بيكذب ابن اللذين ...

صحيح انا منشق بس ماعليكم باقي شوي من مخي موفرة لوقت اللزوم ... وعلى العموم الجائزة انا ماارضى بأقل من شبح بتلفون وتلفون يكون دولي ...
==================
ماني يهودي ولا مشرك ولا عربيد ...
انا اللي لاغلط تجهم واقلقة ثوبة ...

الأخ العزيز دايم .. أدام الله عزك
وتحية لكم وللجميع ..
شوف وأنا أخوك ..
أروح حق واحد من الرجلين .. ,اعمل روحي غشيم .... مخبل ... وأسأله .. يا لخو .. مو هذا بطريق اللي يوصل على (مصر ) ؟ .. إن قال لي ( أي ) .. أعرف إنه كذاب ابن كذاب .... واعوفه ..
,وإن قال لي .. أفأأأأأأأأأ ... لا بالله وأنا أخوك مو هو بطريق مصر .. أعرف أنه والله صادج ..أقوم أحب ع خشمه واقول له .. يحي أصلك ..وما قصرت .. وأنصحه بعد إنه ما يتعامل مع الرجال اللي واقف ع الطريج الثانية لينه كذاب ... وما يترافج ..
وبهيك باقدر أعرف مين اللي صادج منهم ومين الكذاب ( حاشا السامعين ) وبتوكل على الله على الرياض من صوب الراجل اللي قال لي (
أفـــــــــــااااااااااا ) .. يعني الرجل اللي أنا بست خشمه ..
وازيدكم من الشعر بيت .. ترى بعد ما اعرفت أنا طريق الرياض بصدج .. بأقوم أجيب ( حديدة ) ..مو بكبيرة.. وباكتب عليها ( طريق الرياض ) .. تدري ليش وأنا أخوك ..
علشان اللي يبون الرياض يقدرون يندلون الطريج بليا إنهم يضطرون يبوسون خشم ألرجال اللي جبنا طاريه من شويه .. وإسأل مجرب ..

وسلامتك ..
أبغى الهدية حقي تكون زجاجة عطر فاخرة لأن الرجل اللي بست خشمة كانت ريحته ... والا بلاش ..
الله يسامحك يا ابن المقاتل على هيك سؤال ..

أخوكم : جمال

الصديق موسى:
شكرا لتجاوبك..المشكله كما قلت لك انه لا يعرف الصادق من الكاذب.
...........................................
شاعرنا جمال:
نسيت صديقي الشاعر.. قد يكون الكاذب ذكيا فيعرف أنك قد تذهب لمصر عن طريق تبوك مثلا مرورا بالرياض فيقول لك لا لكي يحول مسارك الى اليمن مثلا..
وقد يكون أذكى ويقول لا هذا الطريق يؤدي الى موزنبيق..وتضيع من جد.
على العموم شكرا لمشاركتك.
...........................................
الصديق المنشق:
طلعت منت بسهل ياهووووووه..
الظاهر انك تعرفني..والظاهر بعد انك من الشله وانك اللي قايلي اللغز ذيك الليله مع الشباب في...؟؟
على كل حال مبروووووووووووووك الاجابه صحيحه.
اما الجائزه فأنتظر ان شاء الله ثلاثين سنه لين أتخرج وأتوظف وأحوش..وبعدين أعطيك الجايزه بس ذكرني..أوكي.
DAYEM.

الأخ المقاتل
سلام
كيف اتقول لي وانا اخوك بأنه الكذاب ذكي ؟؟؟؟
يعني ذكي وما بيعرف إنه الكذب حرام وعيب !!!!!
فهمني إياها يالحبيب..
وسلامتك
جمال

حبيبي جمال ياخوي المصيبه دايم اذا كان الكذاب ذكي والكذاب مايهمه حرام ولا لا المهم انه يتمتع بالكذب وبس.
DAYEM.

والله يا اخوي دايم المقاتل اني اعرف الجواب وجالسة اقرأ بسرعة واقول في نفسي عسى ما جاوبوا على اللغز ولكني جيت متأخرة شوي. بس مبروك للمنشق.

وعلشاني جديدة معكم ويشرفني مشاركتكم كلكم اطرح لكم هذا اللغز والشاطر اللي يحلة

يقول اللغز،،،،

انشدك عن ست صلوات
صلاة فرض
وصلاة تركها فرض
وصلاة بلا وضوء فرض
وصلاة بلا ركوع فرض
وصلاة بين السماء والارض فرض
وصلاة الطول بالعرض

يالله ترى ماهوب صعب

صلاةفرض=أي صلاة من الصلوات الخمس المفروضه
صلاة تركها فرض= الصلاة على الكافر
صلاة بلا وضوء فرض =الصلاة على النبي محمد صلى الله عليه وسلم
صلاة بلا ركوع فرض = الصلاة على الميت
صلاة بين السماء والارض = واحد مسافر بالطائرة ويصلي قبل وقت خروجها.
اما الصلاة الطول بالعرض = جابت لي قرحه وثار القولون معليش الرجاء اسعافنا بالاجابة جزاك الله خير

ولله الحمد توصلت لحل صلاة الطول بالعرض وارجو ان يكون صحيح
هي الصلاة في الحرم صح والا لا؟؟؟؟؟؟؟؟

بل الصلاة داخل الكعبة المشرفة