كيف أرد على هذه الرسالة ؟
أرجو مساعدتي كيف أرد على هذه الرسالة بما يناسبها.. وصلتني للتو رسالة قصيرة عبر الجوال من صديق لي لم أتصل به ولم اقابله منذ سنتين تقريبا ( لا حول ولا قوة إلا بالله ) تقول الرسالة : لله يامحسنين نص رسالة لو قديمة مغبرة مشققه ممسوحة حروفها بس اذكرني .. |
تقدر تقول له: آسف .. رسائل الجوّال قصيرة غير معبّره لمن هو بمعزتك. سأتصل بك ... |
تقدر تقوله
لا القديم ولا المغبر ولا المشقق ولا الممسوحه حروفها توفيك حقك انا طول السنين ادور رساله تلبقلك مالقيت شي يوفيك حقك ;) |
انا ما اعرف بالرسائل كثير
بس ابي اقدم مساعده:D تقدر تقول له: ش السالفه؟ قمت و انت في غرفه مظلمه؟ والدم من حولك؟ لا تخاف انت في قبلي هذا اكثر ما يمكنيني ان اقوم به<======= مشكور ما قصرت:D رغم اني عارف ان هذا الرد مو زين<====== مين اللي قال لك كذا ؟:D لكن المهم حبيت اشارك :D تقبل تحياتي اخوكم الحـــVIPـــارح شكرا:D |
لا تبعثله رسالة ولا شي اتصل فيه مباشرة واعطيه مثال حي على محبتك واثبت له انك لا تنساه لكي تتذكره صوتك اثمن ما تقدمه اليه فافعل فورا |
ذكرتك في رسائل حروفها ممسوحة بس القلب مولع بحروف اسمك ولك السموحة بس لو اعجبتك تري مئة ريال مقابل لها |
الإخوة العزاء : غيث .. العنيد .. الجارح .. العنود النبطية .. كيم كام شكرا على تفاعلكم مع هذه الرسالة ،، وبصراحة هي جتني متأخرة شوي من الليل وأنا على طول كتبتها هنا ، وانتظرت تقريبا نصف ساعة أو خمس وأربعين دقيقة وماحد رد علي ،، قلت مالي إلا أرسله أي رسالة عشان بس يدري إني مازلت مخزن رقمه وارسلتله الرسالة التالية : تراك في البال هايم وتحت رمش العين نايم لا تقول قاطعتك أنت بالقلب دايم #### شكلها ما أعجبته لذلك معد رد علي . |
:confused::confused::confused::confused::confused:
|
إقتباس:
أنا أرسلتها له بس الحين هو بعد مارد شكله ينتظر اتصالي ، أنا الحين أفكر خاف اتصل عليه ويقولي : لو لي معزة عندك كان اتصلت علي من قبل ، مو الحين توك تذكرين ،،، بعد سنتين !!!!! الله يهدين وين تذكرني بعد هالوقت .. |
اخي عن خبرة وتجارب اقول لك اتصل فان لم تتصل فبارك للسنتين باخت ثالثة ورابعة
|
إقتباس:
بصراحة ماكفى عدد حروف الرسالة وحذفت منها بعض الكلمات وأرسلتها له كما يلي : لا المغبر ولا الممسوحة حروفها أنا طول السنين أدور رسالة تلبقلك ولا الحين مالقيت . ### ماعليش أخوي العنيد غيرت في أصل الرسالة لكن الشكوى لله اسمها رسالة قصيرة ، عاد ظنك أنه بيصدق ،، عساه يصدق عشان ينتظر بعد سنتين لين ألقاله رسالة تليق به . |
إقتباس:
أخوي الجارح ولي يسلمك هذي الرسالة تروع الدعوة فيها دم وظلام خاف يصير له شيء بعد مايقرا ها ، ماعليش ماني مرسلها له ،، تكفى لا تزعل . |
إقتباس:
سمعا وطاعة .. الظاهر مابه إلا هي ، لأنه معد رد علي شكله ينتظرني أتصل عليه .. ولا يعتقد إني أدور له رسالة |
إقتباس:
أخوي كم كام حرام عليك مئة ريال كثير .. خفف شوي ، أنت عارف قيمة الرسالة أقل من نصف ريال ، ولو أكلمه ساعة كاملة بالجوال ماخسرت ولا خمسين ريال .. وتراها أعجبتني بس المشكلة خاف ماتعجبه !!!! |
إقتباس:
لا إنشاء الله باتصل أخوي عابر سبيل والله يستر من العاشرة إن ماتصلت . |
طمنا عليك
شو صار؟؟؟ نفع الاتصال والا الرسالة والا بدك حلول اخرى;):);) |
سبحان الله ياديم العلو
من إسمك المعرف بيه إنت دايم العلو والدايم الله المتعال وهذا يرمز على شخصك بحب التعالي وأن تبقي على طول في العلالي وحسب الروايه الرساليه التي طحرتهاوانك لك سنتين لم تقم بأي إتصال مع عزيز لك وفجئة وصلت رسالة من المعز لك فأصبحت في حيرة وريبة ليس من الرساله او نصها بل كيف هو بان الوفا فيه بحيث بادر بإرسال رسالته ويريد يثبت لك عمق الود وإنه باق على الود القديم ما نسيك ولو إنك نسيته ومازلت إنت العزيز رغم هجر السنين ويوم قالك لله يامحسنين رفع قدرك لجل تعطف لمن هو دونك يومنك جفيته وهذا والله أعلم. ماكل صاحب ياصاحبي صاحب وما كل ورد عطر فواح رد عليه وقل استغفر الله العظيم المعذره لا تفهمني غلط ;) |
الأخت العنود النبطية : شكرا لمتابعتك وسؤالك عن ماصارت له الأحوال .. انا الان بصراحة ماتصلت عليه .. أرسلتله الرسايل اللي كتبوها إخواني الأعضاء هنا ،، وجاني رده بعد خمسة أيام ، برساله يقول فيها : دام الوفاء بقلوبنا حي مامات حبايبنا لو طول البعد غاليين ## كلمة ( الوفاء ) تشر و ( غاليين ) تشر أيضا يعني تظهر وتبين .. أنا قررت اليوم إني أتصل عليه في المساء بإذن الله ،، وبعلمكم وش صار . بس يا أختي العنود كان فيه حلول اخرى قبل ماأتصل ترى ما أستغني :) |
الأخ عاشق الحرف .شكرا لمرورك الكريم حقا الدوام لله وحده وكذلك العلو ،، وهذا من باب التفاؤل فأنا ولله الحمد دائما عالي عن كل مايخدش ديني وحيائي .. سوف أوضح ذلك في موضوع سيطرح في وقت لاحق ، ارجو أن تكون معنا ، وقت طرحه .;) استغفر الله ، فعلا من تواضع لله رفعه .. كيف أفهمك غلط ، وكلماتك الفواحه في بدايتها لا تدع مجالا للفهم الغلط |
اخي دايم العلو
اتمنى ان يكون في الاتصال الخير كله وارجو ان تطمئني ان تكون الامور قد سارت على ما يرام هنيئا لصديقك بك وهنيئا له بصديق مثلك |
الأخت العنود النبطية : شكرا لك مرة أخرى على اهتمامك ، وحبك للخير . وهنيئا لنا بوجودك بيننا في الخيام .. أبشرك اتصلت عليه ، ودار بيننا حديث طويل ،، وتندمت جدا على هذا الإنقطاع الذي حصل بيني وبينه ،، وكان من أخباره أن الله رزقه بمولودة هي الأولى اتفق وحرمه على تسميتها ( نورة ) . أيضا أنه اشترى لوالدته مع إخوته بيتا جديدا .. فلله دره ما أبره بوالدته .. وأخبار أخرى ، ، أشكر كل من دلني ونصحني بالاتصال على صديقي ،، وجزاه الله ألف خير.. |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.