مهند يحييكم من جديد
 

السلام عليكم

شحالكم يااهل الخيمة الكرام
انشالله طيبين وبخير
توي راجع من السفر وحبيت اسلم عليكم.
.
.
.

ياهلا وغلا باللي لفا علينا....

وانا اقول الخيمة منورة اليوم.....اتااااري مهند وصل....

اهلا بك الصراااحة الخيمة من دونكم ما تسوى...اهيا تسوى بس معاكم احلى....كخخخخخ...ترى امزح....

حمدالله على سلااااامتك ياخوي...

وتفضل القهوة من ايدي هالمرة.....ترى المسكين فرااااااس عنده امتحااااناااات ولا كاااان رحب بك وقدم لك القهوة بنفسه...

وعلى فكره...فيلسوووووووف...الصديق القديم والعزيز لنا....يسلم عليك وعلى الجميع....

شريرة 1

هلا شيومة
شحالك انشالله بخير وسعادة
والله يسلمك وين الباقي رقوووووووود
والخيمة منورة بوجود الحبايب
شيومة جبت لك هدية حلوة بكرة بعطيك الحين انا تعبان اطلعها من الشنطة.
مثل ما يقولون الصباح رباح.
وفراس الله يوفقه
وفيلسوف الله يسلمه
وشخبار باقي الربع.
.
.
.

عليكم السلام ورحمة الله وبركاته
سلامة الأسفار اشلونك يا مهند
اشدعوه وأنا وين هديتي

شسالفه يا مهند شفت
فيها هديه مارديت
ما راح اتنازل عن
الصوغة ........

فراس
سلط الله على ابليسك
ما تخلي سوالفك
ومعقول انسى اخوي فراس
انت اول واحد فكرت اجيب له الهدية
لك حق ماتتنازل لانها موجودة
.
.
.

أخي العزيز مهند
السلام عليكم ورحمة الله وبركاته

الحمد لله على السلامة ... اشتقنا لموضوعاتك .. كم نحن سعداء بعودتك ...
وأنت كذلك يا اخي فراس ... وبقية الأخوة والأخوات ...
استمروا بارك الله فيكم ..

واعذروني في التأخر في الترحيب بكم.. لأنني كنت مسافرا ... ولم أعد إلا هذا اليوم ... وهذه أول مشاركة لي في الخيمة بعد العودة ...

أخوكم/أبو عاصم

الحمدالله على سلامتك يامهند
وحيقية اناسعيد جدا بوصولك
لنا

هلا بالشيخ ابوعاصم نورت الخيمة بوجودك ياخوي
والله اشتقت لك من اول ما رجعت
وعمرة مقبولة انشالله وشاخبار مكة والحرم
شوقتنا لزيارتها.

هلا باخوي الزعيم والحمدلله على سلامتك بعد وين انت مختفي؟؟

وهذي الهدايا اللي وعدتكم فيها كل واحد ياخذ هديته ويسامحني على القصور.

انا معكم يامنهدوينك اخر علومك
وش جب لي منالسفر هدية والا ايش
تلصيق عمر
لكن تصدقني انا احترمك
كثيرا واعزك

يا سلاااااااااام...هداياااااااا حلووووووووة...

شوف انا ابي اكبر وحدة...ليش..؟؟....تسألني ليش.....؟؟...مش انا الساعد الايمن لك في الترحيب ولا نسيييييت....؟؟..

ابي احلااااها واكبرهاااا...ما عندي ايثاااار...خاااصة في الهداااايا.....كخخخخخخ

تعيش وتجيب لنا يا مهند.....كخخخخخ

شيطونة....

شكرا لك يا أخي مهند على هذه الهدايا الحلوة ...
واسأل الله أن يتقبل منا ومنكم صالح الأعمال ... وكما قلت وفقك الله الروحانية الايمانية في مكة المكرمة .. وفي الحرم الشريف تجعل المرء يشتاق لها .. وطيبة أهلها كذلك تجعل الانسان يستأنس بهم ... وقد تشرفنا بالسلام على العلماء (سماحة الشيخ محمد بن صالح بن عثيمين .. وإمام الحرم فضيلة الشيخ صالح بن حميد واستفدنا من دروسهم وكذلك استفدنا من دروس سماحة الشيخ عبدالعزيز آل الشيخ .. وسماحة الشيخ صالح اللحيدان وغيرهم) وإذا عقدت العزم أنت أو أحد الاعضاء للذهاب هناك للعمرة .. فأخبرني .. حتى أتصل بمن ينسق لك السكن والمواصلات هناك .. لأنه لازال لي اصدقاء في مكة .. كما أنني تعرفت على بعض الاخوة من أهل مكة الطيبين ولن يقصروا في خدمة زوار بيت الله الحرام .. هذه هداياي لكل عضو في هذه الخيمة ...

محبكم في الله
أبو عاصم

اخي الحبيب ابو عاصم
ماشاءالله اخبار تفتح النفس وتشوقنا لزيارة العلماء ومجالستهم وأشكرك على نبل أخلاقك اخي العزيز
وما تقصروتدوم لنا ذخر ان شالله

وما هي اخبار الشيخ بن عثيمين سمعت انه مريض؟؟
انشالله صحته احسن.
.
.
.
اخوك مهند

السلام عليكم ورحمة الله وبركاته امابعد..الى كل الاصدقاء
انا ضيف جديد على "حوار الخيمه" وبصراحه اجهل الكثير عن
طريقه التعامل بهذه الاماكن الا انني احببت ان اجرب عسى
ان تقبلو بي ضيفا خفيف ((الوزن)) عليكم


::انا الجبل اللي مايهزه ريح ** ماغير حبك اللي يهد اجبال

مع تحيات **^^ الجبل ^^**

اهلا بك اهلا صاحب الدار انت تفضلوا

و عليكم السلام و رحمة الله و بركاته:

أهلاً بك أخي الجبل و مرحباً بك بين اخوانك

اهلين مهند
شلونك؟ وين هالغيبة؟
كل مرة تغيب وترد تقول مهند يحيكم وتختفي
اي تحية هذي.... (مزحة ثقيلة دم )
حياك الله وبالتوفيق ان شا الله
------
هادية
-------

اهلين ومرحبتين بالجبل
حياك الله

هلا هادية ، ضجكتيني والله انتي ما تشوفين تاريخ التحية من متى؟
ولا الذرة مؤثرة عليك، بس تصدقين شوقتيني للكشري والجلابية.
انشالله في الصيف القادم اذا الله اعطانا عمر بس المشكلة سقراط ما اشوفه.
.
.
.

اهلين ومرحبتين بالجبل وحياك الله.

اهلين هادية
الحين انتي ما تشوفين التاريخ اللي كاتب فيه الموضوع بس شاطرة تلوميني، الشرهة مب عليكي ،على الذرة اللي تبيعينها.
تصدقيني هادية شوقتيني للكشري والجلابية والله كانت ايام حلوة
ياليت ترجع ، ولا سقراط وش اخباره ما اشوفه يبين؟؟
عسى ماتم هناك؟

انشالله نلتقي في الصيف ياهادية ان الله اعطانا عمر مع الذرة والكشري وبدلة سقراط.

.
.
.
مهند

يا هلا بيييييك اخ مهند اول شي الحمد لله عالسلامة يا جي من السفر مع انها يمكن متاخرة شوي بس كفشة و انت عالخط عشان تشوفها طازة
الحمد لله احنا بخير اذا الكل سالم و بخير
هنووودة

هلا والله مهند
تصدق اني ما شفت التاريخ الا بعد ما أضفت الرد.
بس الحق على الشادي مو علي ولا على الذرة
هذا سقراط ما ادري وينه هو بعد مختفي مثلك
الظاهر متفقين
-----------------
هادية
----------------