|
باركولي .............................خطبت .....
سالفتي ومافيها ياجماعة الخير .....
بعد ماخطبت البنيّه اصريت على اني اشوفها ..وهي بعدت اصرّت انها تشوفني ... انا اليوم طلعت من بيتهم بعد ماشفتها ..مارحت لبيتنا ..جلست ادور بشوارع الرياض الوسيعه الجميله ...واحس ان سعادتي ماتشيلها الجدران الاربعه ..ولكن مجرد ماوصلت البيت لقيت اختي تستقبلني عند الباب وميّته من الضحك ..وتقول وعيونها كلها فضول ... وش صار ؟ انا اصلا داري انها القف من في الرياض .........................................(ايه انتي)................................ قلت لها: وخري عن وجهي الحين .. قالت وهي كاتمه ضحكتها ...اااه لوتدري وش قال ابوها عنّك؟ وش قال؟؟؟؟؟؟؟؟؟؟؟؟؟؟؟؟؟؟؟؟؟؟؟؟ طالعت فيني ببطء وسكتت..تبي تستفزني او تسحب مني المعلومات ...صرّخت بوجهها ... انطقي ! قالت وكلامها مختلط بضحكتها ....اتصل ابوها قبل شوي على ابوي وقال ::ولدكم اشد حياء من بنتنا.. قلتلها بعد ماصار وجهي لون قوس قزح (طلع وجهي كنه ورقه وعطوها بزر يشخبط عليها بالوان)...صراحه انا كنت بموقف ماانحسد عليه والله .. غريبه مع انك انت اللي اصريت تشوفها .قبل العرس؟ قلت ايه هذا بلاابوك ياعقاب اني انا اللي اصريت. طيب اجل وش فيك؟ قلت مانمت البارح من التفكير والهواجيس ...لو شفتها ومااعجبتني وش بسوي وقتها ؟ مع انهم عارفين اني ابي اسرتها وراضي عن مستوى تعليمها ...وان تركتهم ومشيت بيدرون اني تاركها علشان شكلها ماعجبني .... طيب قل لي وش صار معاك اليوم بالظبط ...؟ جلست اتذكر وش صار لي في بيت اهل البنت بس ماقلت للملقوفه شي................ (ايه انتي)....ورحت لغرفتي وانا متشقق من الفرحه والوناسه .... انسدحت على سريري ..وشبكت ايديني في بعض وحطيتها مخده لراسي وجلست اتذكر وش صار معي من ساعات::::: (( كنت البارح سهران ومتوهق وحالتي حاله ومتوتر لييين الظهر ..واطلع العصر واتجه لبيت اهلها ..كان بيتهم يوحّش من زينوه .. من زين بيتهم كان واضح ان الواحد فيهم اذا تروش مسح عراقيبه بخمسميه ... وان عرقوا مسحوا عرقهم بميه ... الخ....والخمسين والعشره والخمسه والريال مايعرفون شكلهن ... المهم .... طقيت الباب وفتح لي ابوها الباب .. حاولت ابتسم ..بس ورطت من الروعه نسيت وشلون ابتسم ...تيبّس حلقي .... رحب فيني ودخلني لمجلس كبييييير ... من كبره مااشوف اخره ...واجلس على كنب .......... الله يرحم حالك يبه ...(بلوك ومغطيها بقماش وتقولنا هذي كنبات).....جلست عاد اتخيل شكلها اذا جتني .. وانا مااعرف عنها شي ابد .. مااعرف الا انها عاشت مع اهلها برى وتعلمت هناك ... راح ابوها ودخل جوه البيت يبي يناديها ...وفجأه ........ بنت جميلة انيقه جايه باتجاهي تمشي بخطى موزونه ...سلمت علي بكل ثبات واحترام ....عاد انا (تلح) سلمت عليها وانا جالس ماقمت لها .... دخل ابوها ومير انقز من محلي ... وقال ..غريب اني اقدم عروسين الى بعضهم ....فتح الله علي بكلمه وقلت .... بخير الله يسلمك .... قامت البنت وعطتني كاس العصير ... وتطالع فيني وتقول ..الجو حار اليوم؟ كان على وجهي شوي عرق مع انه فيه تكييف مركزي ... انا بقلبي اقول ..اسكتي الله يرحم والديك لاتحاكينني بس طالعي فيني واطالع فيك وتنتهي مهمتنا ... بس عاد مدري وش خلاني اقول .. أي والله حر ... انا البارح مانمت......قالت وعيونها مثبته علي .. ليش سلامات؟ والله الفشيله وش اقولها الحين .. اقولها علشان ماعندي مكيف بالغرفه .. والمروحه متسلفها اخوي علشان مروحته خربانه ..... حطيت ايدي على جبهتي وقلت لاابدا شوي صداع ...(اففففف)....واصلا ماجاني الصداع الا من اسئلتها .... واثناء ماانا جالس ومبحلق فيها وضايعة علومي مع وجهها ... مير يجي صوت ذكرني .. بالقلابي اللي واقف وجالس يكب حصى ... وش علاقة الصداع بالطموح؟(الا والله ابوها ) لاحول الله وش يبي هذا الحين ...(ياشين بعض الابوان والله ياهم يخّربون)وقال عني اني شاب طموح طالعت فيها الا والله جالسه تطالع في ابوها وهي مبتسمه ..ماكانت حلوه ابتسامتها ... كانت ايه من الجمال .....وقلت وانا ابتسم للمره الاولى (اذاكان الطموح يجلب الصداع فلا يعدو الطموح ان يكون صداعا ) اعجبتني كلمتي بصراحه والتفت عليها بسرعه بشوف تأثير الكلمه عليها ..الا والله تبتسم لي وتشجعني .. بغيت انجن ماابي تشجيع اابد ...عاد سكت انا مرة ثانيه ..هي ماتركتني بحالي ..قالت ( هل انت طموح بجد؟ ( والله البلشه ) (اااخ ياطويلة اللسان , اذا انفردت فيك بتعرفين حدود طموحي) قلت لها وانا اطالع في عيونها .... شوي ......شفت بعيونها فتور من هالجواب .. ماطلعت منها بغير التشجيع والفتور .. وكلهم مرفوضين ......قام ابوها ونقز وقال ... انتبه منها ترى احلامها كبيره)....قلت في نفسي (اكيد بنتبه منها الحين .. اما بعدين انس موضوعها تماما).. وجاوبته وقلت ... ماهي اكبر من احلامي ...( ايه هين).....بعدين تاكدت انهم عائله رهيبه يتكلمون ببساطه ..بعدين بدت ترسل علي اسئلتها وابتساماتها اللي اشهى من احلامي ( اخذت وجه) تمنيت اقولها (اجلسي كذا بابتسامتك الحلوه .. بس بدون اسئله لاني مرهق جدا ومحرج جدا جدا ..بس انها بتلت تسأل وانا ارسلها اقرب جواب ).. ولاتنسوننا يوم الزواج .... واللي مايجيب هدية معه ماني مدخله الزواج.. يمنع اصطحاب المغاتير والاطفال ....( ايه الاطفال ) |
لا وبنغنيلك بعد
يا ليله دانا ودانا ياليله دانا ودانا يا ليله دانا ودانا ياليله دانا ودانا يا ليله دانا ودانا ياليله دانا ودانا يا ليله دانا ودانا ياليله دانا ودانا يا ليله دانا ودانا ياليله دانا ودانا يا ليله دانا ودانا ياليله دانا ودانا يا ليله دانا ودانا ياليله دانا ودانا  مبروك علــــــيـكي المنشق يا الملقوفه  |
رائع..رائع..يامنشق..كذا الشغل ولا بلاش..ههههههههههههه
وبالنسبة للهدية..أبشر من عيوني..بس لازم ترجعها يوم زواجي..أوكي..كخخخخخخخخخخخخخخخخخخخخخخخخخخخخخخخخخ تحياتي DAYEM. |
جمال وفّر صوتك ليوم العرس .... تخبر السواويق ينطقّون بسياراتهم ولا احد يعطيهم وجه ... انا بكسر هالقاعده وبجيبك ..تغني لهم ... وش رايك؟ مع اني متأكد انك لو تبلع فرشة شعر ماراح ينعم صوتك ههههههههههههه
......................... دايم انت هات الهدية ويصير خير ...(افلقني ان شفت وجهي) |
السلام عليكم
################ المنشق ############# لوكنت أعرفك حقيقة لسيرت عليك . هكذا يجب على الشباب مسكين مسكين مسكين رجل بلا امرأة ... الحديث ولكن ماقولك ( عدم دخول المغاتير واصطحاب الأطفال ) لعله من قبيل التهكم بأصحاب هذه العبارة ؟ قال الرسول صلى الله عليه وسلم " ابركهن أيسرهن مؤونة " الله الله بعدم الإ سراف . اخي المنشق يمكنك المراسلة على بريدي ( عندي لك علوووووووم ) تخص الزواج وهي مني هدية لأني جربت قبلك . أخوك فارس الساحة |
السالفة حلوة كثير بس ما خبرتنا فقت من النوم بعد هالحلم
وشو الأثار اللي كانت على السرير ؟؟؟ الأحلام أحيانا تسبب متاعب صح يا رجال . أبو أحمد |
الف مبروك يا المنشق ....
صحيح انك ملقوف زي ما قال جمال تحياتي لك الناي ياسين |
السلام عليكم
المنشق يقولون أنها رؤيا بادر بالنفي أو الإثبات وإن كانت رؤيا فياويلك من التأويل .؟؟؟؟؟؟؟؟؟؟؟ فارس الساحة |
ابو احمد ..... لاياخوي ماهو حلم ..والاثار هذي اذا انت تعاني منها ... انصحك تدخل الحمام قبل ماتنام بالليل ... علشان تجنب الشغاله هم نشر فراشك فوق السطح عزيزي .........
------------------------ شكرا ياسين فون.... ههههههه ..... حلو الاسم جديد .. ---------------------- فارس ........ صدق صدق صدق .... خلاص بعرررررررس عنّست ... |
حسبي الله ونعم الوكيل
عاجبك كذا يالدايم ؟ الراجل شايف حاله علينا عشانه معرس.. يا دايم ...... تكفى خلينا نعمل قصتنا الثانية ونخرب عليه عرسه ..... والله يا المنشق ترى لك عندي أنا والدايم مزبطه ما لها ختم ... كخخخخخخخ هههههههههي وععععععععع اففففففففففففففف |
السلام عليكم
يا المنشق وارك الله لك وبارك عليك وجمع بينكما بخير . أرى أن الجماعة سوف يعملون لك عمل وعندي الحل # عليك بالورد اليومي صباحا ومساء "وتوكل على الحي الذي لايموت " وفقك الله . فارس الساحة |
بالملاقيف والملقوفات ..اه عفوا بالرفاء والبنين ان شاء الله..
الناي ياسين |
السلام عليكم ورحمة الله وبركاته..
|
تحيه طيبه..
هـــــهــــهــــهـــــه÷÷كخخخخخخخخخ اخيرا يالمنشق هذي والله الساعه المباركه وياليته الففففففففففففففففففف مبروك ------------- انتبه من جمال ودايم ترى انا قايل من اول ان وراهم شي مير عاد اذا سار شي اطلب المعونه ودق جوال ومالك إلا اللي يقف جنبك.....((واتمخطري ياحلوه يا زينه ذى عريسك خطفناه من جنينه)) اثقل قدام العروس لا تستخف زي كل مره..وتحياتي a |
ألففففففففففف مبرووووووووووووك يالمنشق
بس ...إذا كانت السالفة جد وتحياتي لك وللعروس فيافي |
الله يوفقك يا المنشق والف مبروووووووك
|
ياالف نهار ابيض..... الف الف الف مبرووووك ياالمنشق..وش هالمفاجاه السعيده..... ومنهي المئسووووف على شبابها اقصد سعيدة الحظ الي صارت من نصيبك (منك المال ومنها العيال) والله الف اس الف مبروك الله يهديك ويفتح على بصيرتك ياخوي. |
المنشق..خلاص عرفنا انك خطبت..
بس وين باقي علومك..ليش غبت.. بسرعة..الحقنا بسالفة جديدة..اشتقنا للضحك.. تحياتي DAYEM. |
الله يبارك فيك يافيافي .... وبس ...
........ شكرا فجر الله يبارك فيك ... .................. تسلمين ساميه ..الله يبارك فيك . اما من ناحية منهي فهي (تعيسة 2000) ........................... والله غصب يادايم حجرتني هي وامها والله ياهم حللوني ... ياخي الظاهر اني بهوّن .. يازين العرس لو فيه (تيك اوي) ههههههههه ابشر بسعدك .... |
اخي المنشق
المناسبه ما يصلح لهاوجبات سريعه(تيك اوي)لانه ثبت انها ضاره ولاتحتوي عناصر غذائيه جيده (الاكلات الشعبيه)مناسبه اكثر في مثل هذه المناسبات ولازم تتاكد بعد من المطبخ ,لابد يكون نظيف والا جاءك تسمم..نياههههههه هاه. |
الاخ المنشق ...
تقبل سلامي في البداية على اني ما بعد صرت امــون .... ************************************ اجـمـل التهاني بالمناسبة السعيدة ... والـلـه يكثر من امثالك لاجل عـمـوم الفرحة للجمـيع ... ************************************************ فـــهـــد |
ساميه ......
بس بعض الاكلات الشعبيه تجيب المر للواحد ...هاه ........................... فهد ... خذ راحتك يكفي ان اسمك فهد ..... |
ياهووووووووووووووه الف مبروووك ..
بس عساه صدق أقول ولا يدري أحد ماعندها اخوات مابعد تزوجوا ..  بس ودي أقووول شي بس بدوون زعل .. ماتلاحظ ان ابوها لزقه شوي وراء مافهمها وخلاكم بلحالكم من اول شي .. أنا لوني مكانك كان قلتله رح جب مويه على شان يفهمها ..  وعلى العموم للمره الثانيه ألف مبروك لولولولولولولولولولولولولولولييييييييييي |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.