ننتقل الان بكم الى بث خارجي مع مراسلنا النشط DAYEM اليك الكلمة يادايم..
 

(طبعا ودي أسلم عليكم واحد واحد..بس أنا الان على الهوا وماعندي وقت..وأخاف بعد يطردوني من المحطة ثم والله ماتنفعوني بشي..أنا عارفكم زين..كخخخخ).
احم..احم..
أعزائي المشاهدين..دايم يحييكم من موقع الحدث كالعادة..
من هنا من الخيمة المفتوحة حيث نشب صراع مرير بين دولة الاقلاع وبين الخيمة المفتوحة..(الدم صار للركب..هههههه)
كان هذا الصراع نتيجة لنزاع حدودي بين الدولتين حول ملكية بعض المواضيع المشتركة..
بدأت الأحداث بغزو منظم من فرسان الاقلاع بقيادة الفارس الملثم ليش كذا (طبعا هذا اسم..ماهو سؤال..كخخخخخ)..
قام ليش كذا بمحاولات متكررة لاثبات ملكية دولته لهذه المواضيع..وقام باحضار العديد من المستندات (كلها من على وقت جدي طعيميس..الله يرحمه..قبل مليون سنه..ههههه)..اتهم فيها القائد المنشق بتزوير المواضيع وضمها لأراضي الخيمة المفتوحة..وقام المنشق بدوره بنفي هذه الأقاويل..واتهم الموساد بالضلوع في هذه القضية (مشكلتكم يالعرب ان كل شي تحطونه في راس الموساد..كخخخخخ) وقال أن هذه محاولة لتشويه صورته أمام شعب الخيمة ومحاولة لزعزعة الأمن والاستقرار فيها..واستشهد بمحاولات متكررة لاغتيالة.. تعرض لها في وقت سابق حيث أطلق مسلحون مجهولون وابل من الصواريخ الكلامية على مقر اقامته (ايميله..كخخخخ) ولكنه نجا منها باعجوبة (أبو سبعة ارواح ماينخاف عليه..ههههه)
وفي تصريح خاص لمحطتنا..ذكر المنشق انه يملك أوراق تثبت ملكيته لهذه المواضيع وانه قام باخفائها في مكتبة الكونجرس (مجلة فواصل..كخخخخ) تحت اسم اخر..خوفا عليها من السرقة.
وبين نفي واثبات..تسارعت الأحداث وكادت أن تتحول الى صراع مسلح بين الدولتين الجارتين..حيث حشدت الجيوش على الحدود..ونزعت الأقلام من أغمادها..وامتطى كل قائد حماره..كخخخخخ
وفجأة..حدث مالم يكن في الحسبان..
هبت عاصفة رملية عنيفة..طيرت المنشق من الميدان (مشكلته انه معصقل..يعني وزن خفيف..يعني جلد وعظم بس..كخخخخخ)..بعد اختفاء المنشق الاضطراري بسبب عامل الوزن.. تولى القيادة جمال.. فارس بني حمدان.. (جمال ديمقراطي..وفاهم القوانين تمام..وهرجه واجد..كخخخخ)..تقدم جمال من ليش كذا وطالبه بوقف سفك الدماء..ووضع حد للمأساة..وضرورة اللجوء الى محكمة العدل الانترنيتية (الحكيم..ياسين)..اقتنع القائد ليش كذا (قائد واسمه ليش كذا..عجبي..كخخخخخ) ووافق على احالة القضية للسيد ياسين..
اتجه القائدان الى ياسين (لقوه جنب طعس..يشويله ضب..لأنه يموت في أكل الضبان..كخخخخ)..
استمع الحكيم للطرفين..وكان يلتهم الضب التهاما..تناول كوبا من البيبسي (يهضم الأخ..كخخخخخخخ)
ثم امر باعتبار المواضيع منطقة محايدة..يحق لكلا الدولتين التمتع بخيراتها..ماعدا الضبان فهي له فقط (مدمن ضبان..هههه)
خرج كل قائد وهو مقتنع بهذا القرار الحكيم..(جمال..كان مقهور من ياسين..لأنه أخذ الضبان كلها..بس قال نقلبها سمك أحسن..كخخخخخخ)
وعادت المياه لمجاريها..وعاد السلام يرفرف بين الدولتين من جديد..وراحت الضبان فيها..كخخخخخ
(بس المشكلة..المنشق لحد الان مالقوه..لا يكون الموساد خطفه بس..كخخخخخ)
(تراني كنت أمزح..لاأحد يزعل..كخخخخخخخخ)
شكرا للمتابعة..والان أعود بالمكرفون للزميل لاري كنج في واشنطن (ويش دخل لاري..مدري..كخخخخ)..
DAYEM
مراسل شبكة CNN
الخيمة المفتوحة
اليك لاري..هههههه
.................................................. ..........
الحين تعالوا سلموا..بس بالدور..كخخخخخخخخ
(أنا داري انكم مقهورين مني وتتلزقون فيني.. بعد ماصرت مشهور وأطلع في التلفزيون..ههههههه)
تحياتي DAYEM.

شكرا دايم ..الحين ماحنا مرسلينك لسوق مقيبره علشان تشوف السبب بارتفاع سعر الحمام القلابي ...وانخفاض سعر الضب النجدي للنص ....

وش وداك للخيمه المفتوحه جعل راسك للفتح (بسم الله علي)كخخخخخخخخ

البس ثوبك وزبيرياتك واركب ونيتك وحرك للموقع اللي قلنالك عليه واترك عنك الامور اللي ماخوذ خيرها اخللللللللللللص

اليك (بتله) ........صفقني ان فهموها

سعيدان..قصر حسك..لاأحد يسمعك..فضحتنا..
انا كنت رايح للسوق..بس قابلني دحيم وقالي ان مراسل CNN (نزار أبو كرش..هههه) مريض ومنومينه في شهار (الرجال انهبل من كثر المصايب اللي يغطيها..كخخخخ)..وانت تعرفني رجال شخصية وسكبه..ودايم أجيب ممتاز في التعبير في مدرستنا..هههههه
ويوم دروا الامريكان عني..قالولي تعال مكان نزار..واناماطمعت وقلت ياولد هذي فرصة علشان تطلع في التلفزيون وتشوفك حبيبة القلب (حصة..هههه)
بس المشكلة طلع ماعندهم دش..كخخخخخخ

ماعليك حصه كلمت على خويتي هيله وقالت لها اني شفت حميدان قالتلها هيله خويتي وشلون قالت سحبنا سلك من جارنا ابو رقيه
بس تقول انك طالع مالك داعي يوم تلبس زبيريه مع البدله الفرساتشي اللي انت شاريها من حلة القصمان بميلانو (ايه هين)
المهم ضف عدتك ومكرفوناتك وكميرة العكوس وحوستك واطلع لقصر منفوحه للأفراح يقولون شابه مطاقه هناك بين الطقاقه ساميه ومطرب فرقتها جمال
يقولون انه اخذ فلوس النقطه وبينحاش بس مسكته مع علابيه والى الحين مبلعته 4 سنون ونص لسانه ..اخللللللللللللللللص لاتبلعه باقي سنونه ولسانه ونبلش فيه

اليك (بتله)

خخخخخخخخخخخخخخخخخخخخخخخخ

بروخ انام
يقولك فيه مطيري اول مره يطلع خويته وداها للهيئه


(مع احترامي وتقديري وخوفي من العتبان) وش دخل العتبان ..اقول رح نم بس ...طيب

أي مطران وأي عتبان..ياسعيدان..
الظاهر قمت تخور على الصباح..كخخخخخخخخ

مذيع ممتاز واخبار حلوة



دايم شوف الدبدووووووووووب فرحان بالكلمة

معقولة..خايفين تسلمون..؟؟
الظاهر علشاني كتبت الموساد..ترا كلها سوالف بس لاتخافون..كخخخخخخخ
وبعدين المنشق سلم ولا صارله شي مع انه مطلوب القبض عليه من الموساد..كخخخخ
وحتى فجر وهي بنت سلمت ولا خافت..كخخخخخ
سلام..

اهلا بالدايم
صديقي كنت انتظر هده البادرة من المنشق لكنك سبقته اليها اشكرك عزيزي...لقد اتقنت الوصف ...واصل.
الناي الحزين ياسين

الصديق ياسين..
سعيد بعودتك..وسعيد برأيك..
شكرا لك..
تحياتي DAYEM.

وأنا يا دايم جاية أسلم
ترى أنا شجاعة ما أخاف لا من الموساد
ولا من غيره ..
أسلوبك رائع بل أكثر من رائع
وهو يذكرني بأسلوب الكاتب
(رفيع الشان)
اللي يكتب في فواصل

وتحياتي
فيافي

والله داري يافيافي انك كفو..تعجبيني والله..كخخخخخخ
شكرا لك ياعزيزتي على سلامك..وأهم شي انه أدخل ولو جزء بسيط من الابتسامة على محياك..
تحياتي DAYEM.

صباح الخير..
طبعا هالموضوع قديم شوي وكان يتكلم عن مشكلة مرت بالخيمة من فترة..معظم الاخوان الجدد مالحقوا عليها..
بس قريته اليوم الصباح وحبيت أعيده للساحة..يمكن يضحكم شوي.
تحياتي DAYEM.

صباح النور يا عسل بالبدر لما وصل

إيـــــــــــــــــه ده ؟؟؟؟؟؟؟

يا رجل وينك ؟ والأ عامل بالمثل اللي يقول ( الثقل صنعة)
كخخخخخخخخخخخخخ
أخوك وحبيبك
جمال

ياصباح الفل والياسمين..على حبيب الملايين جمال.
انت اللي وينك؟؟ من البارحة وانا أدور عليك في مضارب بني عبس..بس الظاهر ان أم محمد مشددة عليك الحصار هاليومين..كخخخخخخخخخخ
تصدق انا لحد الان مانمت..ذبحنا السهر ياشيخ..والاجازة حلوة.
محتاجين جلسة سوالف انا وياك ياابومحمد على الايميل..في القريب.
تحياتي DAYEM.

يا صباح الينسون على الناس اللي يطنشون
يا سيدي أختك ام محمد سافرت اليوم لمصر لمدة شهر ( ولطعتني) أنا
واولادي الأربعة .... يعني ( فضي القرد لمعط الجلد) .. لكن بيني وبينك الشيطان بدا يلعب في عبي قصدي (الفار)
وخايف أنه أكمل ديني بثلاث سويديات وزي ما بيقول المثل ( إن غرقت مركبتك إلحقها رجلك) ........
يا حبيبي يالدايم هلحين أخوك عامل زي ماكينة ( المونولكس) غسيل وكوي وجلي وطبخ ..
أقول : ما في حواليك سريلانكية وألا فلبينية تقوم في هالولاد ؟
تكفى والله يا الدايم ........ يا شماتة المنشق فينا دا حين.

إدعـــــــــــــولنا

أخوكم : جمال

ياصباح الليمون على الناس اللي يكنسون ويطبخون ويكوون..كخخخخخخخخخخ
حبيبي جمال..يعني الحين تاخذ راحتك على الاخر..ترا العزوبية حلوة..لاأحد يسألك وينك رايح ولا من وين جاي..كخخخخخخخخخخ
تعال للخيمة بس وخلنا نشب نارنا ونسوي قهوتنا..ونسولف مع ربعنا واترك عنك السويديات وهمهن..ولاتنسى انك مستشار جمعية لاللزواج..وابشرك اليوم طردنا أبو راكان الخاين منها بعد ماسواها وتزوج..كخخخخخ
يازين سوالفك ياابومحمد..كخخخخخخخخخ..أشوفك الليلة باي.

كانت أيام..؟؟

دايـــــــــــــم السلام عليكم ورحمة الله وبركاته
صراحه انت فقت تصوري عنك في الابداع
انا هذا الموضوع اول مره اشوفه
لاكن حقيقه
يجب ان يحفظ هذا الحوارالذي دار بينك وبين المنشق
لانه حقيقة قمه في الابداع
اني اعجز عن الوصف واكتفي باني اقول لك عطني راسك!
لاتخاف ماني باطه
هذه بوسه علي راسك والثانيه علي خشمك
والثالثه وصلها حق المنشق
اخوكم.....حرق المهيني

اني اعجز عن الوصف واكتفي باني اقول لك عطني راسك!
لاتخاف ماني باطه
هذه بوسه علي راسك والثانيه علي خشمك..ياحرق-المهيني.
اخوي حرق..
انا اللي مدري وش اقولك..احرجتني والله بكلامك..
لكن تدري ليش الحوار أعجبك..لانك من جد صاحب صدر وسيع ودم خفيييف..وتحب الضحكة والابتسامة..
الصراحة احلى مافي الحوار اللي دار بيني وبين المنشق او بيني وبين حبيبنا جمال..هو انه كان عفوي مرررة..يعني انا كتبت الموضوع عادي..ومادريت الا المنشق طاب علي بوحدة من حركاته الحلوة ومسوي فيها..لاري كنج..وبدت السوالف.
انا ادري والله اني مقصر معكم هالايام..ودخولي للخيمة قليل ومواضيعكم الحلوة لحد الان ماشاركتكم فيهالكن هذا والله بسبب ظروف كثيرة لكن ان شاالله تزووول قريب..
تحياتي لك ياغالي.

ياحبيبي , موساد وخلافات

والله شغلكم يخوف, انا بطلت الحركات هذي من زمان ,الله يرد ايامك ياالشيومه

سووووووووووووووووووووووووووووووبر

يا صباح الحب والرواق...على من لهم تهتف الاشواق


---------مجرد مشاركة


---------------------اخوكم الشادي

يا مساء الذكريات يا دايم..


فعلاً كانت أيام حلوووووة.. وذكرتني بامتحانات الثانوية..

أنتهز أي فرصة لدخولي الخيمة ..

وكان يوم الأحد 11/6/2000 لما شفت هذا الموضوع..

وكم كان رااااااائعاً..



فجر