|
لالالا.........للسعودة....
البارح قالتلي اميمتي رح اشترلنا فاكهه وخضرة من السوق...وانقز تقول مقروص(ايه هين)
واركب السياره وادحدر لسوبر ماركت بجنب بيتنا .. بعدين قلت في نفسي ياولد رح لسوق الخضره واشتر من هالشباب السعودي الحلو اصرف من هالهنود .واكسب اجرهم وكسبهم.. والله واوجه لسوق الشمال . وانزل عند اول واحد يبيع طماط ..جالس بحوض الددسن ومتلطم بالشماغ والمعسل بحجرة .. قلتله بكم الكرتون ياولد؟ انا قلت ياولد...مادريت الا بهك الطماطه بوسط عيني ..الولد جابته امك يالوح ...ب35تبي ولا انقلع ... ....... هذا اوله ينعاف تاليه ..واروح للي جنبه ..عاد عقلت الحين ..وعرفت النفسيات كيف .وحرصا على عيني الثانيه وباقي جسمي قلت اترفق شوي. مساك الله بالخير ؟ هلا ومرحبا مساك الله بالنور ..امر .؟ مايامر عليك عدو ..لو سمحت بكم كيس البصل؟ مادريت الا هك الزبيريه اللي تمشي الف موجهه لجبهتي ..خير خير يابو الشباب عسى ماشر؟ انقلع هناك مابقى علي الا ابيع بصل نعنبودارك وشلون تبيني امسك الجوال عقب البصل يالله تقذرف. افففففففففففففف وش السواة الحين وشلون بشتري. واشوى وتطيح عيني على هكالولد المرتب باين عليه ولد ناس .. شماغ منشا وجزمه جديده..واللياقه واصله سره.. توني بسأله بكم التفاح ... ويدق جواله .. الو ..اهلين حياتي كيفك.. انا الحين بمزرعة الوالد مسافة الطريق واكون عندك ... ههههههههههه (مزرعة الوالد ) ..................... وعقبها ركبت سيارتي ..وارجع لهنودي واتقضى منهم ..لا وانفخ عليهم بعد. اجل سعوده ... ههههههههههههه ... خير انشاءالله .. |
حقيقة هذه رائعة يا ملقوفنا الحبيب
خيال خصب ( أمحق هيك خصوبة) ونفس طويل( أتقول إنه نفس شيشة) كخخخخخخخخخخخخخخخ ....نهيا هههههههههههههعععععععع حبيبي يا المنشق ..... بالله أجبني لماذا لا تريد أن نكمل مشروع الفندق؟ يا سيدي مستعدين نعطيك الوظيفة اللي تبيها ... أوكي؟ أخوكم : جمال |
يامنشق ياعزيزي .... اسعد الله صباحط بكل خير ... تر السعوده في ها المجال في اولها ... ودي نشجعهم .. مره مرتين بيمشي الحال ..... |
أيه والله معك حق يا أخي ابا ركان وفكره زينة
خللي المنشق يروح ويشتري منهم ( جوز هند) وبعدها نفتك منه تدري ليش ؟؟؟؟؟؟؟؟؟؟ لأن البياع مجرد ما يشوف الملقوف حيلقفه بأكبر حبة جوز هند عنده ....... ( لا بعيد الشر ... إن شاء الله سامية 58 ولا هو) مع مراعاة فارق الأعداد ........ أخوكم : جمال |
.... صباح الخير ابوحمدان ... كيف فاتتني هاذي ... ياليت المره الجايه يرمونه بطوبه... .... امزح يامنشق ... |
اخي المنشق
صراحه تستاهل !! ليش تقول للرجال ياولد ......ترى انا لما اسمع احد يقولها لبياع وخاصة ان كان في محل محترم يطيح من عيني هذا بفرض انه رقى لعيني اصلاً فكيف والحال في سوق خضره, ويقابل هذي لما شاب انيق كشخه يقول لبنت اموره او صغيوره اذا سالته عن شيء لا او ماعندنا ياخاله(منتهى قلة الذوق) بس اليوم شفت منظر صباحي للسعوده يحرق موضوعك هذا خذ المنظر: عند فندق المنهل الي على شارع المطار القديم وجنبه بالضبط سيارات تبي تدخل من اليمين على الشارع والا جايك واحد غبي طالع من النفق بسرعه ويبي يلف يمين وكانه شاري الشارع وطبعا بغينا نروح ملح وكان في الشارع مجموعه كبيره من السيارات الي كلها سعوديين ...... تصور تخيل - - - - - - - - - - - - - - - - - - - - - - - - - - - - - - - - - - - خلاص يكفي تصورت معي !!!!!!! ولا واحد من الي كانوا بالسيارات حرك عقاله او لجلج مومين بيده بل قام الجميع بحركة رائعه حيث قاموا بعمل صف بالسيارات بطريقه تصك على الي داخل عرض وحجروه يمكن خمس دقايق لما اجبروه مايلف مع كذا لفه من اليمين كان المنظر في غاية الروعه الا انه واحد مثل خوياك الي شفتهم بسوق الخضره جاي ورانا ويضرب بواري ويومي بيدينه الثنتين متهدداً ومتوعداً طبعا جاي بعد الموقف ما يدري وش السالفه.....هذا الاخير ودك تسفره..... خلاص استاذ جمال عسى ماشر (اشوف كنك تعبان شوي) هذا جزاي الي كاتبه فيك شعر مديح (كفخني ان مدحتك شعراً مره ثانيه) . |
الاخت ..... مع اجمل تحيه ..
اظن عندكِ خبره في السواقه تر يوم توصفين كنك من سواقين ... خط البلدة..(باصات البطحاء)...الفنانين |
ابوركان هلا والله بزعمك بتحرجني ايه هين (للعلم)انا معي رخصة سواقه دوليه بس للاسف ماهي من ديرتنا(فيه ناس يحطون انفسهم بمواقف ماهي قد كذا)اللهم لاشماته......والله دعابه.
وبعدييين وش الي حارق رزك اااااااووووووووووووه ه لاتكون انت الي كنت قاعد تضرب بواري ورانا معليش انا اسفه ترا كلمة ودك تسفره كذا يعني اي كلام. |
لا تفهمين خطاء
جاني احساس سريع يقول انك كنتِ في الموقف هاذا وتسوقين ... وتخيلت بعد انك حاطه يدكِ علي الباب مثل (((العرابجه))))) .....ومشخصه شخصيه بنت البكار بعد امزح ياساميه ..... |
يا أهل السعوديــــــــــــــة...
خفوا علينا بصراحة نص اللي ينكتب ما أفهمه..ترى مو كلنا ساكنين بالرياض!!!! إلا إذا كنتم لا تريدون أن نشارككم الحديث تحياتي فيافي |
اخوانى اخواتى :
السلام عليكم ورحمة الله وبركاته أخوكم يحب يشاركم الدردشه فى موضوعكم ولكن جديد على الساحه ويرجوكم التحمل والصبر ياالحبايب حتى اتعود على الحوار معكم تقبلوا تحياتى جميعا اخوكم ريدان |
اخي ابو ركان
ادري انك تمزح (امحق مزح) تكفى لاتزعل ترا والله احس وانا اكلمك اني اكلم اخوي الكبير . بعديين لبس العباة الي اعرفه له ثلاث اشكال: 1- تفريعه(يعني الي لابسه العباة تسترها الله بالخير) 2- ملكي (العباة على الكتف والغطاء على شكل سوبر مان) 3- عادي (غطاء عادي والعباة على الراس) وهذا افضلهم في اعتقادي اما بنت البكار ياخوي مابعد وصلتنا. اختي فيافي انا ضد الحزبيه (وش دخل الحزبيه)المهم الموضوع ماهو انا الي كتبته بس حبيت ارد على اخواني وبالعكس ياختي الموضوع الي ما نبيكم تشاركون فيه ابن امه ما بعد كتبه. وعلى فكره يا فيافي ترا اللغة العاميه (الي كنك مطلعتها من قليب) الي نستعملها في الحوار انا واتكلم عن نفسي بس ترا ما نستعملها في حياتنا اليوميه الا نادراً وخصوصاً مع كبار السن. ونستخدمها في الحوار من باب الوناسه فقط. اخوي ريدان ادخل من غير حرج ترا الخيمه للجميع. |
اختى ساميه الله يسعد مساك و( شاكرلتش ) على قول اخونا احمد الحامدفى الاف ام شاكر لك ترحيبك رغم انى يئست ان احد من المجموعه يرد على المهم انا سعيد برفقتكم وياريت تقلبوها لهجه حجازيه شوى على شان ننوع والربع مايضايقون من لهجه متكرره والا اش رايك ساميه؟
|
اخوي ريدان اظن ان احسن واحد ممكن يقوم بهذا الدور ابوركان.
ايشبوه هو.............لاني يااخي اؤمن بالمثل النرويجي ياشين السرج على البقر. |
ساميه كني اشوفك قلبتي موضوعي استراحه وفلة حجاج وكراث ووساعة صدر ...هاااااااه ......
|
حبيبي يا المنشق
بدي اقولك قصة صارت معي في السعودية قبل عشرين عام ومن أول يوم وصلت فيه مدينة أبها.. ذهبت إلى مديرية الصحة وطرقت باب مدير الشؤون الصحية ودخلت وقلت له السلام عليكم .. فقال لي وعليكم السلام .. أخرج بره وأمسك سرا ...!!!!!!  فخرجت ابحث عن السرا في الغرف المجاوره فقابلني فراش بيده دلة شاي فسألته : يا والدي وين السرا ؟ فقال لي : أيش من سرا ؟.. فقلت له المدير قال لي أن أمسك السرا .. فأين السرا تكفا ؟ فقال لي تعال معي يا وليدي .. وذهبنا مرة أخرى بجوار غرفة المدير ولم يكن أي مخلوق في الممر .. وقال لي الفراش .. دق على الباب وخش .. فقلت له .. هلحين المدير بيزعل ..لأنه قال لي لازم أمسك سرا.. فضحك الفراش وقال لي .. يا وليدي سلامت عقلك ..السرا يعني توقف في الدور ....وترى ما في أحد إلا أنت.. يعني من أول يوم خشينا فينا السعودية ضحك علينا الفراش .. ولسه عاوز إتسعود الوظايف يالمنشق ...........؟؟؟؟؟ ( والله العظيم هذه القصة حصلت معي بجد ) |
وقصة ثانية حصلت معي أنا وصاحب لي فلسطيني
كنت اسوق السيارة من أبها إلى جيزان وفي الطريق ( بعد العقبة) شعرنا بالجوع فوقفت السيارة ودخلنا لمطعم ابو يمن يعني يمني ( إمحق هيك مطعم) وجلسنا بجوار طاولة وفجأة أتي تجاهنا شاب لابس وزره وزنوبه يعمل في المطعم..وقال لي : ما تشا ؟ فقلت له : إيش عندكم من أكل ؟ فقال لي : عندنا قلابة , مقلقل ولحم صغار . فنظرت لصديقي فوجدته فرطان من الظحك .. وسألت الشاب اليمني مرة أخرى فجاوبني بنفس الشي .. قلابة ومقلقل ولحم صغار ..فطلبت منه أن يأخذني معه لداخل المطبخ لكي أتعرف على هذه الأكلات وفي النهاية وجدنا عنده علب فول .. فاكلنا فول .. وإذا خلص العيش والفول ... راعي المحل مش مسؤووووووووووول  حبيبي يا المنشق .. إذا بدك قصص من هالنوع ترى عندي واجد من السعودية ..... إنت بس قوللي ... |
وخذ هذي القصة كمان
إنتدبوني أعمل شهر في مستشفى الملك فهد بجيزان ( كنت أعمل كيميائي تحاليل ) ومرة من المرات قلت لفنية المختبر الفلبينية أن تحضر لي عينة دم من مريض منوم في قسم العظام لعمل تحاليل كيمائية له .. وبعد ربع ساعة عادت الفلبينية وقالت لي بأنها لم تستطع سحب عينة دم من المريض .. فذهبت بنفسي للمريض وفوجئت بان المريض ملفوف كل جسمه بشاش ولم أرى منه إلا عينيه ومناخيره .. وفكرت أن أطسه( بكس ) لكي أخذ دم من مناخيره ولكني سألته ...خير .. شو اللي صار لك ؟ فقال لي : شي (شي باللهجة اليمنية تعني ولا حاجه) .. وأكمل حديثه وقال : كنت راكب دباب وضربتني سيارة ... فقلت في بالي لا حول ولا قوة إلا بالله .... إذا الرجل اللي كان راكب دبابه مش مبين منه إلا مناخيره وعنينيه ,,, أكيد اللي في السيارة إتعيش إنت .. فسألته طيب ..وايش صار للناس اللي في السيارة ؟ فقال : شي .. فنطت عيوني من وجهي وقلت له .. يا رجل إنت كنت راكب دبابة وهيك صار فيك وكيف ما صار حاجة لركاب السيارة ... ففهم المريض اللي على السرير اللي جنبه إني في الطراوة .. فقال لي .. يا أخي دباب يعني الموتور اللي يشبه السيكل ... على كل .. خلص عقدي في السعودية ولم استطع أن أخذ عينة دم من ذلك المريض ... |
المنشق..شفت سوالفك وش سوت..ياشين سوالفك بعض الاوقات..
خليت جمال يتذكر سوالفه في السعودية.. جمال حبيبي والله هالسوالف موجودة في كل ديرة..بس كل ديرة مافيها واحد زي المنشق يكتب عن مصايبها.. المنشق..تراك ظلمت شباب السعودية..والله الشباب ماهم مقصرين بالعكس السعودة احسن شي سووه..والشباب فاهمين حتى لو طلع منهم واحد ولا اثنين اي كلام..ترا البقية قد المسئولية واكثر..الله يعطيهم العافية ويكثرهم.. تحياتي DAYEM. |
والله يا أخي الحبيب الدايم ما تذكرت السعودية إلا وتفر الدمعة من عيني ووالله إني أحبها لأنها وكما شاء الله لها أن تكون بمثابة الحبل السري الذي يمد الجنين بالحياة فهي مهبط الوحي وهي قلعة الإسلام كونها قبلتنا التي نفتديها بأرواحنا وبها روضة النبي المشرفة واضرحة صحابتة الكرام ومنها إمتد نور الإسلام ... حماك الله يا أغلى تربة وطئها إبن أدم واسأل الله أن يفرج كرب قدسنا الحبيبة مسرى رسوله الكريم ...
اللهم أمين |
صباح الخير ...ياشباب .... اول شي ياساميه51 معليش تاخرنا .... لكن ودي اشجع فيك هذه المعلومات العامه الجيده عن لبس العبايه وبعدين ماتعرفين بنت البكار ياشيخه يا,,,... علي العموم عشان فيافي بس ابشرح بنت البكار ... هاذي ياعزيزتي تشخيصه ... يسونها الشباب اللي يفحطون ويجلسون في الشوارع يسونهم ((((دشير))) ... ولا ياساميه؟؟ ولكِ تحياتي يافيافي ... ريدان اشبك يابويا ... ترا الخيمه تاسع الجميع \ ها رضيتِ يا ساميه ... وللجميع اجمل تحياتي  |
الى المتحظره ساميه
كيف بنت تستعمل الانترنت وتتمصخر على لبس العباية وخاصة يوم قلتي ملكي والغطاء على شكل سوبر مان .اظن انك قد شفتي ان اغلب الطبيبات السعوديات يلبسون الغطاء بهالشكل والكل الان صار يلبس ملكي ماعتقد انه عيب اومجال للمصخره وكبيرات السن يلبسون العادي او (المتحظرات مره مثلك)ماله داعي فرض رايك. |
يا انسه الرياض المحترمه ...
لاتاخذين الموضوع جد ... ؟؟؟ تر الموضوع مو حسب ظنك ... الوضع كله مختلف ... والمعرفه مجرد ثقافه عامه عن الجنس اللطيف ... فهمتي .....ولا ....لا ... يا انسه ... |
مراحب للجميع
للمرة الثانية أقول والله أني اقرأ الكلام أفهم شوي والباقي أفسره على كيفي ...وشكرا يا سامية والله لولا طاش ما طاش كان ما فهمت ولا كلمة وبعدين عبيكم أحسن من العبي اللي عندنا بالامارات عندنا عباة فرنسية عباة مخصرة وكمها ضيق مرة يعني اللي تلبس كم واسع شوي تحت العباة تطلع وكأنها معضّلة يعني تلعب كمال أجسام كخخخخخخخخخخخ وتحياتي لكم فيافي |
والله يجماعه اشوف الموضوع خرج عن السعوده واتحول للعبايه ونوعها
والمساجلات زادت يبه كل واحده حره تلبس العبايه بالطريقه الى تعجبها (واحنا ملنا ) المهم يابوراكان الله يحييك عندنا فى المركاز تدق ذيك التعميره والا المعسل ونضرب من هاذيك السواليف الى يحبها قلبك ونخلى الهم نسيان0 والدعوه مفتوحه للحبايب كلهم 0 الداعى اخوكم ريـــــــــــــــــــدان |
أقول يالمنعبج ترى خياللك وسيع واجد وتحب تملح الكلام ترى ماهوب بالشكل اللي أنت متخيلة لاتبلف علينا كلنا نجيب مقاضينا من سوق الخضارة ونشووف ربعنا ويش حليلهم الظاهر انك تتفرج على أفلام كرتون واجد ولا.
المعذرة يامنششششششق بس تراك ماعندك سالفة ........ |
اخي ابو ركان
حاولت اخذ الموضوع مثل ماانت اخذته ولا قدرت لان الي ياكل الكفوف ماهو مثل الي يعدها فعن اذنك (تكفى ابو ركان امسك عباتي شوي بس لا تعفسها.....شكرا ارجع وراء شوي برضه.... شكرا انسة الرياض مع اني ماكان لي مزاج اتناقر اليوم بس يالله كله في سبيل الوطن اقول اختي ياليتك اخذتي من الطبيبات السعوديات غير طريقتهن في لبس العباة ولوان الموضوع بهذه الطريقه فيه ظلم للطبيبات وانا ما اعمم بس كلامك غير صحيح فاكثر الطبيبات بطلوا وضع البرشوت الي فوق روسهم واكتفوا باللفه العاديه وعليها نقاب واغلبهم اذا جاءو يطلعون من المستشفى حطت العباة هذا اولا ومع احترامي لمهنة الطب الي كنت اتمنى دخوله( تخصص بيطري) لعظم نفع هذا المجال بمواقف كثيره الا ان الله مااراد. وبعدييين طريقة الملكي لم تعد مقصوره على الانسات فقط بل وكبيرات السن (الله لايبلانا) وقبل هذا وذاك ياليت ترجعين للموضوع مره ثانيه وتعلميني وين فرضت رائيي فيه انا قلت باعتقادي يعني راي شخصي. ولا احب اسوي فيها شيخه وافتي لك تقدرين تلقين الفتاوي اذا بغيتي من اهل العلم. بس كلمه اخيره لك ياانسه ترا للكثيرات بعض التجاوزات اوتهاون في الملابس والي تكون اخر صيحه ولا انكر اني لي حظ من هذا التهاون يعني اخر هبال واخر موضات بس حدودنا البيوت اما اذا طلعنا عقل وثقل (غصبا عن وجيهنا) وكلمه قالتها وحده وعجبتني للي يلبسون ملكي (اخر شيء من ملابس الوحده وتغطى فيه اذا راحوا يصلون عليها بعد ما تموت عباتها وشوفي العباة الي على الكتف وش تبي تغطي منها). جزاكِ الله خير . ابو ركان عطني عباتي ............شكراً انا مشغوله اليوم واجد (تكفى يا مادلين اولبرايت الضعوف ) اراكم بعد العشاء. |
الحين انا مااكتب شي الا تهاوشون عقبها .....
اصبروا بكلم المعلم .. تعال تحت ابيك . . . . . . . . . . . . . .الحين ورى ماتروح تجلس على قهوتك وتشرب معسلك وتفكنا.. شفت لك رد قبل هذا لموضوع لي ومابغيت ارد عليك ..والحين جاي وراد بعد... طيب ياخي بالله اذا شفت اسم المنشق برى لاتضغط على موضوعه ...وترى اسلوبك هذا بينفر الناس منك .. اذا دمك ثقيل لاتحاول تستخفه .... |
-أنا دمي ثقيل ماشي ياعم بس ماني بكاش
-مواضيعي اللي أنت تترفع تقراها خلييهاللعالم الفاهمة - وقولتك أجلس على قهوة ومعسل والذي منة ذي خلييها للشباب الفاضي أنا أشيش في الإستراحة والقهاوي أهلها معروفين. أخيراً يامنشق حنا في خيمة والخيمة ماتسع إلا للزقرتية. والمعذرة كان جالك منا الخطاء والعذر والسموحة المعلم . |
Powered by vBulletin Version 3.5.1
Copyright ©2000 - 2025, Jelsoft Enterprises Ltd.