|
لأول مرة زواج في الخيمة العربية ..
إعلان بما اني عضو في لجنة جمع شتات العوائل ن وبما اني ماذون انكحة الخيمة العربية غليكم هذا الإعلان للراغبين بالزواج
أولا : شروط الزواج : 1/ أن يكون المتقدم عضوا في الخيمة . 2/ أن يكون العضو مشارك باستمرار . 3/ أن يكون العضو من ذوي الصفات الطيبة والعالية . 4 / أن يكون العضو اعزب مهوب مثلي متزوج . ثانيا : الزوجة موجودة ولن أبيح باسمها حتى أوافق انا على المتقدم . ثالثا : الجميع لهم الحق في مشاركة العروسين فرحتهما بطرح الأسئلة المنوعة. وشكرا للجميع ،،، سارع بالتقدم فالعروسة ،،، بانتظار العريس |
والله شكلها عروس مقشع
:D ولاماقمت تدلل عليها :D:D |
أخي العنيد بما إنك أول واحد ترد ،، وبما ان الشروط تنطبق عليك ( إلا الشرط الأخير مدري عنك )
إذا أعلن اليوم زواج العضو النشيط العنيد على العضوة النشيطة دلوعة بابا أرجو من الجميع مباركة العروسين حتى نبدا بالتفاصيل ... |
الموضوع مش واضح ممكن توضيح اكثر |
دايم العلو اتق الله في أخواتك هنا فما هكذا تورد الإبل :( لاحول ولا قوة إلا بالله |
أبشر يالجارح أوضح على إنه أوضح من عين الشمس بس مدري وشفيك الله يهديك .
الموضوع ومافيه إني طرحت على اخيتنا دلوعة بابا الزواج من أحد الأعضافوافقت بالشروط المذكورة ،،، علما بأن الأمر هزل في هزل ولا حد يصدق إنه بيحصل زواج أو منهالقبيل ،، بس أريدكم طرح اسئلة على الزوجين إذا تم الاتفاق . والآن بما ان العروسين أمامنا قبل ان نبدا ، هل توافقان على الزواج من بعض . |
دايم العلو أتمنى عليك قبل أن تستمر في الموضوع أن نقرأ رأي الأخت الفاضلة / دلوعة بابا عليه مكتوبا هنا وبعد كتابة رأيها يكون لك الحق في الإستمرار من عدمه فأنت تتحدث عن فتاة لم تبلغ العشرين من عمرها وعازبه ومثلك يعلم تماما أن أمور الزواج والطلاق والخلع ( جدهن جد وهزلهن جد ) ولا مجال للهزل في هذا الجانب أبدا مهما كانت الأسباب وإن كنت إلى هذه اللحظة أشك أن كاتب الموضوع هو ( دايم العلو ) الذي عرفناه ولعلنا ننتظر معا رأي الأخت / دلوعة بابا فيما كتب إلى الآن تحياتي :) |
أخي الوافي حمدالله على سلامتك ، وجزاك الله خيرا على نصيحتك
وأقول الموضوع أولا هزل في هزل ثانيا : لم اطرحه إلا بعد موافقة أختي دلوعة بابا . ثالثا : إذا كان جميع الأعضاء لا يريدونه انا مستعد لإلغائه والتأسف للجميع رابعا: ثق أخي الوافي أنني أتعامل مع الأعضاء هنا كأخوة لي ،، ووالله لم ارد شيء في نفسي ، فانا ولله الحمد متزوج ومستور . أنا بانتظار مشاركة الجميع |
ألف ألف ألف مبروك لدلوعة بابا والعنيد وبالرفاهيه والبنون وجعل منه المال ومنها العيال وهذه هدية مقدماً  وبالتوفيق ولكم أجمل تحياتي :) |
أخي الوافي كاتب الموضوع هو هو دايم العلو الذي عرفته
وأنت أدرى مني في احكام الزوج ، هل يعقل أن يكون الزواج من دون ولي ، وهل أعرف انا أو انت أو حتى العريس من هي دلوعة بابا . أخوي الوافي : والله إني أحبك في الله واعلم أنك تغار على محارم الله ، لكن الموضوع كله هزل في هزل ... وهذه أول المهنئين للعروسين . |
الموضوع أخذ أكبر من حجمه ..
لم يكن سوى مجرد مزحه .. واعتقد أنها مزحة ثقيلة عليكم .. اعذروني ... لم يكن القصد من الموضوع الإساءة .. اعتذر للجميع .. وللأخ دايم العلو .. لأنه أصبح في موقف كهذا بسبب قرار غير مسؤول ناتج من عدم التفكير .. اعتذر .. لأن القصد أبدا لم يكن كما فهمه الجميع .. أي زواج سيتم ؟؟ وكيف ؟؟ وهل أعرفكم أنا ؟؟ هل تعرفون من أنا ؟؟ كل هذا مزح .. وهزل .. اعتبروا وكأن الموضوع لم يضاف ولم يوجد من الأساس .. ودعونا نكمل لعبنا ومرحنا في خيمة الأصدقاء والتعارف تحياتي واعتذاري للجميع .. دلع |
نزولا عند رغبة صاحبة الموضوع ، واعتقد أن الأخ العنيد أيضا لم يعجبه ،،
لأنه تاخر في الرد ،، فهذا الموضوع يعتبر لا غيا وكأنه لم يكن ،، أماأنت اختي دلوعة بابا فلم تضعيني في موقف خطأ ، الموضوع وما فيه إنه مزح في مزح ، وإذا كان هذا المزح لا يعجب إخواننافنتنازل مهما كلفنا الأمر لأنه ليس لنا اعز من أصدقاء عرفناهم بالخير ، والنصح . فارجو من الجميع التماس العذر لأخيهم إذا كان أخطأفي إيصال الفكرة . |
وش دعوة للزعل يا دلوعة بابا والله ندري إنه مجرد مزح يالله عاد وسعي صدرك الموضوع موب كبير لهذه الدرجه ولا شيء وناظري أنا بعد أبي عريس علشان غرت منك :D يالله اضحكي مثل العادة ضحكتك الحلوه وانتظر تباركي لي إذا تم عرسي ... طيب :D ================================================== =================== أخوي دايم العلو كونك المأذون في الخيمة شوف لي عريس بس يكون مناسب تكفى ومن اعضاء الخيمة ولي تختاره لي أنا موافقه عليه بس من اهم شروطي يكون حكيه زين يعني ( لسانه حلو ) ويكون قلبه أبيض ( يعني موب حقود ) ويكون دمه خفيف ( يعني يوسع الصدر ) ويكون مثقف ( يعني عنده خبره بعلوم الحياة ) ويكون إنسان متحضر ( يعني ملم بحضارت العصر إلى حنا فيه ) ولك الشكر :D:D:D وتحياتي :D |
ما حصل إلا كل خير ..
ولكل جواد كبوة .. :) اتمنى ان الكل ينسى اللي حصل واللي حصل ماهو الا شي ما يسوى :) تحياتي لكم دلع |
هههههههههههههههههههههههه
همسة العنا .. الله يرج بليس .. والله ضحكتيني من قلب .. الله يعطيك ويرزقك بولد الحلال .. قولي امين .. ويرزقنا معك :p ( ادعي لنفسي حرام :D ) والله الله يعين .. اذا لقى شيخ الخيمه كل هالمواصفات مجتمعه في رجل !! بتكون اعجوبه لا تزعلون مني يا معشر الرجاجيل بس ذي الحقيقه هههههههههههههههه تحياتي دلع |
أنا كنت بهون من شغلة ماذون أنكحة الخيمة .. بس قلت ياولد مامداهم يعينونك وتهون !! حتى ولا عقد سويته حتى لوطلاق !!! لذلك قررت أبقى في شغلتي ،،،بس مانيب رايحن أدور على أحد اللي يبيني يجيني ومعه ألف ريال بعد ،، لأني بطلت الشغل بالمجان ....
أختي همسة العنا : أنا والله خلاص خجيت ما أدور على أحد . هاه يامعشر الشباب من يبي اعقد له على همسة العنا |
أخي / دايم العلو حاولت أن أرسل لك رسالة بالخاص فلم أستطع وأشهد الله أنني ما عرفتك إلا محبا للخير والصلاح وأهله وما كتاباتك السابقة إلا دليلا على ما أقول وأنا أخي العزيز لا أعتب إلا على من أحمل لهم في ثنايا روحي محبة أعلنها دون خوفٍ ولا وجل ولعلنا نجد بديلا لهذا الموضوع بأن تجعل أحد الإخوة ( عريسا ) وبقية الزملاء يطرحون عليه أسئلة عن المواصفات التي يتمناها في زوجة المستقبل وعن طريقة حلّه لبعض المشكلات التي يتوقع الإعضاء أن يقع فيها مع زوجة المستقبل وبذلك تكون قد أوفيت بالمقصود من موضوعك وتحققت الفائدة من مثل هذا الطرح دون ربط أحد بأحد أشكر لك أخي الكريم علو أخلاقك وسمو همّتك التي نبعت من بين السطور التي تكتبها هنا وأسأل الله أن يجزيك خير الجزاء تحياتي :) |
الناس وين
وهمسه العنا وين :D |
هاااااو يالجارح وش فيك إنت بعد أخذ الموضوع صدق أقول تكفى وسع صدرك ولا ما تبي تعرس هههههههههه :D وش فيكم كل واحد شايل طيران عبد القادر ياكافي :D:D:D تحياتي :) |
إقتباس:
:D
|
ياحبي لك يا همسة العنا :D
واللاه اني حبيتك وابخطبك لاخوي يووووووووه الحين بيهاوشوني :D الله يحفظك يارب .. ويرزقك بولد الحلال قولي امين :D دلع |
الأخت دلوعة بابا أرسلي طلبات أخوك لي ، وأنا سوف أقوم بالتنسيق وكتب الكتاب .. بس على الله تنطبك شروط همسة العنا على أخوك ،،،
ولا أنسى الألف ريال موزع بين العروسة والعريس يعني كل واحد يدفع لي خمسمية ريال ، ولن ألاضى بأقل من ذلك ،،، شغل البلاش ولى عندي ..:angryfire |
أختي همسة العنا :
طيب لوقال باسكنك عند أمي وابوي في نفس البيت توافقين ؟ |
آمين آمين والله يرزقك إنت بعد بالي يخاف الله ويهنيك ويدلعك يارب قولي آمين تدرين عاد يا دلوعة بابا إنت الحبيبه والغاليه ، وصدق بعد أنا حبيتك بس وشلون أخوك مثلك ، إن كان مثلك أبد ارضى به بدون شروط ، وإذا هو عنده شروط يبشر ويامر ، بس نبي راي المأذون :D دايم العلو ، شكله يبي يأخذ من مهري منكم ألف ومني ألف والله نشبه وشلون نزين العرس بدون ماهو يعرف :D وهو المأذون الشرعي لنا :D |
إن شاء الله ما يكون سمعنا يا دلوعة بابا :p المأذون دايم العلو ليه يا ابن الحلال تبي تحوس عرسي هااااو إلى صار هو ما عنده بيت أنا أخذ البيت وإذا صمم رايه وش الحيله ريحة أبو علي ولا عدمه وودي أقولك شيء لا تطلب أكثر من 500 ريال ترينا نبي نهون وعاد إنت مأذون وشرعي لاحظ شررررررررعي :D نبي الدبره من الله وهو المعين :D |
اختي همسة العنا نظرا لقلة الزباين على مأذون الأنكحة قررت تخفيض الأجرة من الف إلى خمسمية أي واحد فيكم يدفعها ، مافيه مشكلة .
أخت همسة العنا : هذا زواج مهوب لعب .. س / هل تقبلين أن يكون مهرك خمسة آلاف ريال فقط ؟ |
تبي الصدق يالمأذون دايم العلو لو توفرت به شروطي إلي قلتها لك ما أبي منه إلى ريال فضة بس علشان نطبق السنه وما نخالفها والباقي هين وإنت ابشر تبي 1000 تبي 500 خذها مني ولا تطالب العريس علشان لا يطير زين :D |
أهو كذا ولا بلاش اللي يقدرون الحياة الزوجية ،، اسمعوا يا أولياء الأمور بناتكم وش يقولن مانيبي فلوس ،، نبي رجاجيل ينشد عليهم الظهر ..
نقطة إيجابية للعروسة . طيب ياعروستناهل تريدين من زوجك أنه يحبك حبا يطغى على حب والدته ، بمعنى أنك نغارين من أمه وتحاولين إبعادها عن زوجك بكل ماتستطيعين ؟ |
إن ماله خير بأمه ماله خير فيني :( |
نقطة إيجابية أخرى ..
سوف اترك لبقية الأعضاء طرح الأسئلة حتى لا أتهم بالحياز .. يالله ياخوان اطرحوا ماعندكم من أسئلة على العروسة قبل أن نتحول إلى العريس |
لم أتوقع أن يكون الموضوع بهذا الشكل فقد اعتقدت أن الموضوع يتحدث عن التزويج الفعلي و لكن بالتأكيد سيكون له صدى طيب إن احسنتم استغلاله و ها نحن نرى أول قطافه من خلال :
س / هل تقبلين أن يكون مهرك خمسة آلاف ريال فقط ؟ ما أبي منه إلى ريال فضة بس علشان نطبق السنه طيب ياعروستناهل تريدين من زوجك أنه يحبك حبا يطغى على حب والدته ، بمعنى أنك نغارين من أمه وتحاولين إبعادها عن زوجك بكل ماتستطيعين ؟ إن ماله خير بأمه ماله خير فيني و إن سمحتم لي اسأل : إذا غضب زوجك منك ماذا تفعلين ؟ |
جـ : اتركه لفترة بسيطه يسترخي ، وبعدها اناقشه إن كان الغلط على اعتذر له وما اكرره علشان مايرد يزعل مني . |
هلا وغلا بمرت اخوي :D
والله أنا وحده ما في مني اثنين فاخوي اكيد ما يشبهني :D المهم .. خليني أسألك الحين كم سؤال .. واتحملي أسالتي .. (س1) : على أي أساس اخترتي عريس الغفله ؟ ايش هي المقومات اللي تختارينه على أساسها ؟ علشان منصبه او اسمه او عايلته او عشان شخصه ؟؟ (س2) : كيف تنظرين لأم زوجك ؟؟ وعلى أي أساس تعاملينها ؟؟ ولو كانت ام زوجك (لا سمح الله) تأذيك أو تسيء معاملتك ..بتعاملينها بالمثل ؟ (س3) : تتمنين زوجك يكون غني وجاهل والا متعلم وفقير ؟؟ (س4) : لو زوجك تزوج عليك وش بتسوين ؟ (الله لا يقول) (س5) : إذا زوجك جار عليه الزمن وصار بلا وظيفة.. وبعد ما كان غني صار مايلقى الريال .. ايش بتسوين عشان تساعدينه ؟ (س6) : لو غلط عليك زوجك ولكنه رفض الإعتذار .. تنسين له اللي سواه وإلا تظلين تطلبين اعتذاره ؟ (س7) : ايش اللي تتمنيه من عريسك :D ؟ وبس لو جا ببالي أسأله ثانيه بكتبها على طول دايم العلو .. ما عليك بتجيك الـ 500 وفوقها زياده :D اما بيانات اخوي ابرسلها لك ان شاء الله .. (شفتوا أن الموضوع خفيف دم وحلو ؟؟ والله انكم ظلمتوه ) دلع |
أخي أبو البراء : أهلا بطلتك علينا هنا في الخيمة ، وأشكر لك مشاركتك ، وسوف نستغل هذا الموضوع بمايعود على الجميع بالفائدة إنشاء الله ، بمشاركتك ومشاركة الإخوان الطيبين أمثالك نصل إلى الهدف المنشود .
|
أختي همسة العنا : من خلال إجابتك السابقة على أسئلتي وسؤال أخي أبو البراء ، يتضح انك جمعتي كل النقاط التي تؤهلك للوصول إلى زوج صالح بإذن الله ،، أسأل الله أن يجيبه في أسرع وقت ، عشان أعقد بينكم وآخذ الخمسمية ...أنتظر أيضا أسألة بقية الأعضاء ..
|
أختي دلوعة بابا وهقتيني بهالموضوع وتبين توهقين الضعيفة بخويك بعد :D ماعلينا ... بالنسبة للأسئلتك للعريسة تراها واجد ، ومن شروط طرح الأسئلة هنا أن يطرح سؤال واحد فقط لكل رد حتى تتم إجابته من قبل أحد العريسين،،
أما بالنسبة لمبلغ كتب الكتاب فهو خمسمية بس حاليا قابل للزيادة ذا كثروا العرسيان .... |
هلا والله بخت رجلي :D
أجل إلى صار موب مثلك ما أبيه ، ننسى الموضوع . وبقولك المهم تدرين إن هذا الموضوع يا دلوعة بابا موضوع جداً رائع ويفيد كثير من البنات وأنا الأن تحت الفحص الدقيق ، همن تبي تصيرين عقبي وياليت كل البنات إلي بالخيام يشاركون لأنه بالأخر بنطلع بمعلومات نفتقدها أو نكون غير ملمين بها صح ... ولا يالله بسم لله ( جـ 1 ) شيء أكيد أبي شخصه وأي شيء ثاني ماأبالي به . ( جـ 2 ) أم رجلي أمي مهما كان ولها الحق مثل أمي . ( جـ 3 ) متعلم صح وبقوة بعد ، والفقر موب عيب . ( جـ 4 ) باقول أمر الله ، وأكيد قصرت بحقه واجبه وأستمر معه . ( جـ 5 ) أكيد مثل ما أحبه يحبني ، وماراح اطلبه يعتذر بس ممكن أخليه بطريقه غير مباشره يبتسم وبكذا انتهى الموضوع . ( جـ 6 ) اتمنى طبعاً مثقف ، ومتحضر فكرياً ، وغيور ، ودمه خفيف وقلبه أبيض علشان يشوفني على حقيقتي بدون مؤثرات ، ولسانه ما يلفظ الشين ، وأحب الرجل إلى يعمل ويحب عمله بقوة وبصراحه اتمنى يكون شخصيته قويه يامر وينهي واقوله لبيه . أبد أنا احتري أي سؤال ، بس حضري روحك يا دلع .:D وياليت المأذون مايبدي رايه إلا عقب ما تمر الأسئله على كل مين تبي تخضع للفحص علشان ، هو دايم العلو وما نبي نفشله ، نبي نخليه مأذون شرعي ناجح وعالي :D وتحياتي :) |
المأذون دايم العلو يا أخوي ما نبي الحين تقول رايك وزيه شوي همن ناظر مين بتكون زوجه ناجحه :D إنت موب ذابحتك غير هلـ 500 ريال ياكافي اصبر وبتاخذ رزقك ، وإن ماخذته مقدماً لا تكتب العقد ولا بعد تقرأ الفاتحه بس إنت سمي ويصير خير وبيمتلي مخباتك قروش :D وبعد بتأخذ بشت ملكي ،وخمس تولات دهن عود حر ، وبتاخذ خمس نياق ، وعشرة خرفان ، وبعد تستاهل أكثر وش رايك بعد ، بونيت هاي لوكس . بس إنت قول يالله ياكريم كثر العروس وزوج كل البنات :D |
ماشاء الله تبارك الله زوجتوني وطلقتوني وانا ياغافل لك الله:mad: لكن هين بيت الطاعه جاهز يدور شكاوي :D:D |
حلوه منك أخوي دايم العلو ..
أجل غيرت إلى مأذون أنكحة :D:D:D:D لا .. لا .. لا المفروض أول واحد تبحث له عن زوجة كوكتيل :eek: نعم .. لان المتزوجين هم بأمس الحاجة للفرفشه ! العزاب ما تفرق معهم <== يرفع ضغط العنيد على العموم .. النت عندي دماااااااااااااااار بالكاد تفتح الصفحة و أنا قريت الموضوع من الأخير خل اشيك و أشوف الطلبات و الاسعار و ارجع لك يا شيخ :D |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.