|
طاطي راسك طاطي طاطي .. انت ف وطن ديمقراطي ( شعر ) ..
قصيدة جميلة للشاعر / أحمد فؤاد نجم ( بلدياتى من الشرقية ) طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي لما تكون شغال بذمة .. خايف على مصلحة الأمة .. شغلك يطلع من غير لازمة .. علشان مبيعلاش غير واطي طاطي راسك طاطي طاطي .. انت ف وطن ديمقراطي لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي طاطي راسك طاطي طاطي انت ف وطن ديمقراطي .. انت ف وطن ديمقراطي |
من أحمد فؤاد نجم إلى حسني مبارك سيدي الرئيس في عيد ميلادك الكام وسبعين كل سنة وأنت طيب واحنا مش طيبين كل سنة وأنت حاكم واحنا محكومين واحنا مظلومين واحنا متهانين ويا ترى يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - هاتفتكر مين وللا مين في عيد ميلادك الكام وسبعين بقول لك كلمتين الأوله شيلتنا طين وهل تعلم أن النيل بقى رشاح والجو أصبح بيئة والعيشة ولعة والشرفا قلوبهم عالبلد والعة وانت عاملهم مذبحة ولا بتاعة القلعة والاقتصاد سداح والسرقة بقت كفاح ومصر متاحة بس للسياح وعرض البلد بقى مستباح والتانية ورتنا الويل دا الخطوة في عهدك بقت ميل والضحك بقى نواح وعويل والكوسة عارف الكوسة ممكن أقولك فيها موواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز على المتعلمين والأساتذة بقم دجالين والقادة بقم طبالين واديني في الهايف يا حبيب الملايين والتالتة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسة مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن البلد بقى تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام…. عام والفساد…. ساد وفي جتة بلدنا بيرعى أفتكر لجنابك إيه وللا إيه وكل ذكرى ليك بدمعة آآآآآآآآه آآآآآآآآه أنا كنت حالف ميت يمين أكملهم لك تمنية وسبعين بس هاكفيهم ورق منين وكل سنة وأنت واحنا طيبين http://norayounis.com/2006/08/02/123 |
من هناك من موقع جزائرنا
إقتباس:
|
دوما من موقع "دزايرنا.كوم"
إقتباس:
|
نقل إلى هنا للتخصص
|
كل واحد فينا له ماله وعليه ماعليه.
أصلح الله الأحوال والأقوال والأفعال. وقيض الله لأهل مصر من يأخذ بأيديهم إلي الخير. المصابر الشرقاوي . الشراقوة ناس طيبون وأصلهم من عرب الجزيرة العربية وكثير منهم أشراف. تحياتي وتقديري والمودة والسلام عليكم ورحمة الله وبركاته |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.