|
يمّه الغُربه وفرقاك ملتمّه ...!!
[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] يمّه الغُربه وفرقاك ملتمّه = دمعةَ العين هذي مالها داعي يا بعد راسيَ انتي ليه مهتمّه= الوجع لي سواةَ الناي للراعي آخر اخباري الذّمه هي الذّمه = والوصايا هذيك تقدّي اشراعي ما به إلا السواد يحاود اليِمّه = ولابه إلا البياض اللي ورا اضلاعي واشعلن ما يفارق ليلْ حضن أمه = واخضر(ن) كل صبحْ من اول اتباعي يتعب البرق ما اتعبت النظر يمّه = حل مرباعي أو ما حل مرباعي حدقي بامهات الغيث يا يمه = وانشديهن بعد ما قلّّت اطماعي انجبن لي عروسة حلمنا ضمّه؟ = أو بعد توّها تشرب عطش قاعي؟ واذكري كيف كان العود أبو عُمّه = يتعلّى صهيله وارخي اسماعي أُمنياته بدربٍ ودي آتمّه = آخره صعب واصعب منه مرجاعي يوم كلٍ فزع له خاله أوعمّه = يكفي انّي وردت العدْ بذراعي أرفع الراس بين الروس ما همّه = وآتباها وانا الغرقان باوجاعي يُمّه الحُر طبعه يعشق القمّه = وانتي اللي فطمتيني على اطباعي الهوى دام راسي حي ويشمّه = والله اني لاسوق هناك ذعذاعي غُربةٍ تلوي ذراع اشجع الخَمّه = لا تخافينها لو تقلب اوضاعي يمكن تبعثر الرجّال وتلمّه = بس بدري عليها تلوي إذراعي [/poet] ( ناصر القحطاني ) تحياتي :) |
أخي الفاضل الوافي أحسنت الإختيار جزاك الله خير فعلآ قصيدة تحس إنها قريبة من النفس ومحببة نظمها جميل فريد سهل ممتنع ممتع.. يُمّـه الحُـر طبعـه يعشـق القمّـه وانتي اللي فطمتيني علـى اطباعـي هل خلفها قصة ما؟؟ أو هكذا بدى لي ..!! |
Re: يمّه الغُربه وفرقاك ملتمّه ...!!
إقتباس:
من جد قصيدة مليانه عزة نفس وكبرياء وين منها الكثيرين هاليوم كلمات القصيدة فيها ألم وترجي وكبرياء إختلطت كل هالمعاني وشكلت لوحة راااائعة بالحيل والشطر الأخير من القصيدة فيه إعتزاز بالنفس مع كل اللي جاء بالقصيدة من أولها وكما قال أخوي غيث إذا كان وراها قصة أخوي الوافي يا ليت تكتبها لأن واضح إنها قصيدة وراها قصة تسلم أخوي على هالمشاركة وجعلك على القوة دوم يا رب بااااي :rolleyes: |
أخي الكريم / غيث صدقت ورب الكعبة عندما سمعت هذه القصيدة ذرفت من العين دمعة لست بحمد الله عاقا لوالدتي أبدا وأسأل الله أن يحفظها لي ذخرا وسندا ولكني وجدت فيها ما يلامس الأحاسيس والوجدان ، فذرفت العين دون أن أشعر وكما أشرت فهي قريبة للنفس بصورة غريبة ، وهذا يدل على صدق مشاعر الكاتب فما يخرج من النفس يصل مباشرة إلى النفس وأما عن القصة فلا أعرفها الآن وربما أحضرها إلى هنا مستقبلا بإذن الله فقد قال لي أحد الإخوة أنها بالفعل نتيجة موقف معين أشكر لك مرورك العاطر من هنا ، فقد زاده مرورك عبقا واخضرت جوانبه وكيف لا يكون الأمر كذلك وأنت الغيث ..؟ تحياتي :) |
أختي الفاضلة / همس القصيدة ليس فيها كبرياء للشاعر على والدته ولكن فيها إستجداء للرضى منها ولكنه لا يفتأ يذكر شموخه وكبرياءه عند نفسه حتى يثبت لها أن ذلك ليس إلا من نتاج تربيتها له سعدت بقراءة حروفك مرسومة هنا ، فشكرا لمرورك الكريم تحياتي :) |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.