كبرياء الهوى...
 

كبرياء الهوى..

جوني ثلاثة كلبوهم محــبـيــن
وكلن بنفسه حاجـتــن ما قضاها
قلت آمروا قالوا نصيناك عانين
وافزع الحال اللي حياته شكاها
الاولى مجبور في داعج العين
لكنها خطبت وغيره خذاها
قلت انت حل مصيبتك يامسكين
تصبر الين النفس تلحق هواها
اما تولــــع في هوى ناس ثانين
والا تـســــرح ثم تسرح معاها
والثاني الي عذبه كامل الزين
وافقت وراحت مادرى وش بلاها
قلت انت لاتتبع هوى ناس خالين
واتهين نفسك من سبايب جفاها
نفس العنا بالك تذلك على الشين
خلك عزيز النفس وأقطع رجاها
والثالث اللي ماعرف للمزايين
يبي الهوى ويخاف من منتهاها
قلت انت بالك تدخل الحب هالحين
ليما هذيك البنت ابحث خفاها
كانك لقيت احباب قلبك حبيبين
ادخل واحذر لايصيبك عناها
وكانك لقيت انه نوايا شياطـين
بالك توهق بالمحبه وشقاها

.................لطلال السعيد

سؤال تبادر لذهني ...
لو كنت مكان طلال السعيد ...وجاك هالثلاث المحبين
وش بترد عليهم ؟؟!!

السلام عليكم ورحمة الله وبركاته

قصيده جدا جميله لعلها تصف حال الكثير والكثير جدا فان لم يكن الاول كان الثاني وان لم يكن فهو الثالث لا محاله الا من رحم ربك

اما ماذا سأقول فسأحتفظ بردي الى ان يأتيني احدهم

سلام