اضحك و فرفش مع ابو صالح و ابو راشد
 

ابوصالح جالس مع ابوراشد بعد صلاة العصر يسولفون ويقطعون الوقت، تنهد ابوصالح
وقال: افكر في هالدين العظيم اللي طلع من مكة المكرمه ووصل الى اخر الدنيا!!!
قال ابوراشد: ايه والله انك صادق يا بوصالح، قال ابوصالح: بس لايهمونك دين
اهل اسيا الوسطى واوربا والله مالهم من لاسلام الا اسمه!!رد ابو راشد: والله
انك صادق (بالعاميه) يا بوصالح!

واضاف ابو صالح ولا دين ها الاشوام والله دينهم ماهوب اللي انت تبي يا بو
راشد!!! فرد ابو راشد: والله انك صادق يا بو صالح!! قال والا هالافارقه
والمصاريه والسودانين متصوفه مبتدعه ماهوب والله هم والاسلام والايائف!!! قال
ايه والله يا بوصالح انك صادق!! قال ابوصالح ان بغيت الاسلام في ها الديره
(السعوديه)، قال ابو راشد ايه والله انك صادق يا
بوصالح!!

فرد بتنهد ابو صالح: والله ماهوب دين كل اهل هالديره على اللي تبي يا بو
راشد!! اهل الجنوب اهل بدع وزيدية واسماعلييه مالهم من
الدين الا اسمه!! قال ابو راشد ايه والله انك صادق يا بو صالح!! واضاف ابوصالح:
والا اهل الشرقية رفضة وشيعة والله ما خذوا من الاسلام الا اسموه!! واهل الحجاز
مبتدعة صوفية ماهوب والله اللي انت تبي يا بوراشد!! واضاف ابو صالح: ان بغيت
الدين والله في نجد والباقين خلهم على يسراك (شمالك)!!

والله انك صادق يا ابوصالح!! اضاف ابوصالح والله بعد ماهوب كل اهل نجد دينهم
على اللي تبي!! اهل الرياض واللي حولها شرابين للتتن ويشوفون الدش والله مادري
عن دينهم يا ابوراشد!!! لكن لابغيت الاسلام تراه عندك بذيا بالقصيم!!! رد ابو
راشد والله انك صادق
يابوصالح!!

فاضاف ابوصالح والله ماهوب كل اهل القصيم دينهم على اللي انت تبي اهل عنيزة
واللي حولها يبعون التتن ويلبسون كبك والدشوش ملئية السطوح!!! ان بغيت الدين
والله تره بذى عندك ببريده!! رد ابو راشد والله انك صادق يابوصالح!!! واضاف
ابوصالح والله ماهوب دين كل اهل بريده على اللي انت تبي!! طلعت هالاستراحات
ومايندرى من اللي يشوف الدش ومن اللي مايشوفه ان بغيت الدين كما انزل ترى في
حارتنا بذى!!

قال والله
انك صادق يا ابو صالح!!! قال والله بعد ماهوب كل اهل الحارة على اللي انت تبي
اشوفهم يسحبون رجليهم للمسجد تقل انهم مغصوبين على الصلاة!! والله مابوه في
الحارة الا انا وانت يابوراشد!! رد ابو راشد والله انك صادق يابوصالح!! اضاف
ابو صالح: والله اني اشوفك مانتب تخشع في الصلاة
يابوراشد !!!ا

الزبده الله يخليك

كركركركركركركركركركركركركر
حلووووووووووووووووووووووة
ياجيد جدا ياممتاز
النكته حلوة
بس لاتكون انت ابو ضالح ؟؟
كركركركركركركركركركركركر

السلام عليكم
اهلا رفيع الزبدة:ابد....شوي و يقول ما احد مسلم الا ابو صالح.
اهلا مون لست انا ابو صالح بس انت فيك عرق من ابو راشد
والسلام عليكم

السيد ممتاز أفندي :
امممممممممم .
هلأ مين قال لمين ومين حكى لمين .

رمضان كريم
تؤبرني

السلام عليكم
اهلا لينكس
هذي وصلتني في بريدي

[img]http://www.afary.com/ecard/pix/eid/1.jpg[img/]

و

السيد ممتاز أفندي :
يعني هل الصور هدية منك لألي .

اذا كانو هيك .
فكل عام وانت بألف خير واعاده الله عليك باليمن والسودان عفوا قصدي البركة .

رمضان كريم
تؤبرني

هلا والله باخوي ممتاز .. حلللللللللللوه
وهي تدل على ان الانسان صار يحسب ان هو الصح بس وغيره غلط ..
وبدال ما نقول : القرد بعين امّه غزال يابو صالح .. نقول : القرد بعين نفسه غزال ..
على العموم اخوي ممتاز .. تراها حلوه .. وكثّر من هالسوالف..

اللي عادّ نفسه اخوك / الشمالي
طير شلوى