تصويت ....... الدخول مجاناً.......
السلام عليكم ورحمة الله وبركاته
بعد كلام الامير سلطان والمتضمن إعلان الجهاز الاداري والفني بعد عشرة ايام الذي سوف يقود المنتخب في كاس العالم اش رايكم في ابعاد المدرب الوطني ناصر الجوهر هل انت مع ابعاد المدرب او لا ؟؟ ومن ترشحون لتدريب المنتخب في كاس العالم اتوقع المدرب بيكون (يوردنسكو ) مجرد توقع ;) شكراًًًٌَُ |
هلا بالغالي دايم السيف :)
والله انا اشوف ان الجوهر اثبت كفأته أكثر من مرره لكن ربعنا مايعجبهم العجب !! وأحس ان الثقه معدومه في كون ان المدرب يكون من أبناء الوطن :( انا داري اني انفخ في قربه مشقوقه ... بس ان كان الدعووه كذا اقول انا ان جورج بن آرثر أفضل واحد لهلمهمه :) [ 05-11-2001: المشاركة عدلت بواسطة: موادع ] |
هلا بالاخ العزيز موادع
انا معك اخوي ان الجوهر اثبت جدارته بس ماتلاحظ ان المنتخبات اللي لعب قدامهم الجوهر مستواها متدني ولا تنسى ان المنتخب في كاس العالم بيلعب قدام منتخبات عالمية وعلى هذا الاساس انا اشوف ان المدرب الاجنبي الجيد هو الافضل لما يتمتع به من خبرة عالية تؤهله للتعامل مع المنتخبات العالمية وشكرا لك :) |
العذر و السموحة .. أخوي دايم السيف
أنا ما أتكلم في السياسة .. ما قول إلا ((( الله يعز الحكومة ))) :cool: |
الجوهر بكاس الخليج إيه...
بكاس العرب... ممكن... لكن بكاس العالم صعبة شوي... لأنه إلى هالحين ما عنده خبره بكيفية التعامل مع المنتخبات الكبار.... ومع إحترامي للجميع الجوهر ما يصلح مدرب بكاس العالم.... مساعد ممكن... جورج آثر ما يصلح للمنتخبات... يصلح للأندية فقط... أما يوردانيسكو فصراحة ذا داهية ومدرب كبير... وأتمنى إنه يقود الأخضر بكاس العالم ، خاصة إنه يعرف أكثر لاعبين السعودية.... وشف يوردانيسكو يوم كان يدرب رومانيا بكاس العالم 98 بفرنسا ، صراحة الفريق الروماني صار مختلف... |
هلا بالاخ الغالي كوكتيل
وشفيك خايف ما قلنا شي اجل وش بتسوي لو انك مع الشباب في الخيمة السياسيه :D :D *&*&*&*&*&*&*&*&*&*&* هلا بك يا نبع الحب مشكور على ردك الجميل وانا اوافقك على رائيك شكرا لكم جميعاً :) |
للاسف انا اشوف ان اتحادنا ماعندهم سالفه .. والا الجوهر وش فيه ؟؟! وش ناقصه !؟؟ وانا استغرب من اللي يقول ان ماعنده خبره في التعامل مع المنتخبات العالميه ؟! طيب وشلون يصير عنده خبره ؟ تنزل عليه من السما والا يجيبها من بيتهم يعني !؟؟ اذا ما عطيناه فرصه في مثل هالمسابقات الكبيره وخليناه يكتسب (( خبره )) بعد ما اثبت انه كفؤ وقد المسئوليه فمتى ان شاء الله ناوين نعطيهاياه ؟؟ شي يقهر والله ..
ومادامهم صاملين انهم يجيبون مدرب اجنبي فأتمنى من الله ان يكون الجنرال يوردانيسكوا لانه عارف اللاعبين السعوديين وعنده خبره فيهم .. ولانه مدرب كبير وعقليه عبقريه .. العاقل .... |
أخوي العاقل...
الجوهر يكتسب خبره... إذا كان مساعد ليوردانيسكو بكاس العالم مثلا... كذا يستفيد من يوردانسيكو وكذا تجيه الخبره... (فهمت)؟؟؟ |
أقول أخوي .. دايم السيف
في الخيمة السياسية .. الحش في اللي حولنا أما فيذا .. الحش فينا .. تفرق و أنا أخوك عرفت .. قصدي ;) |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.