أبشرك يمة ... لقيتها يمة !!
 

السلام عليكم

أختي العزيزة ريم هادي أول مشاركة لي هنا بعد ماصرتي مراقبة .. هي مرة حلوة .. إن شاء الله تعجيك :)

من كلمات الشاعر " عبدالرحمن بن مساعد "

مسكين
شين وفقير .. :(
وفي الدراسة حاول انه يستمر ولا استطاع ..
وضعه صعب ..
ابوه مات وهو صغير وماتركله إلا الفقر وامه واخته والهم من فوقه وتحته.. ومالقى لجل الهروب من الضياع ..إلا انه يدوّر وظيفة ..
أي وظيفة ..
ولقى من ضيقته مخرج.. وظيفة دخلها معقول يمّشي الحال لو أعرج..
ومرت سنة وسنين والمسكين صارت كل آماله زوال ..
واتزاحمت في داخله الأسئلة :confused: … من هي اللي بتقبله .. وليه ؟!

وفي يوم مامثله أبد .. شافها .. :eek:
أجمل من أجمل ما رأى .. وضحكتله .. مستحيـــــــــــــــــــــل .. ضحكتله ! :heartpump :heartpump
مشت من أول الحارة ولحقها .. ودخلت في بيت جارة ..
سأل عنها وعرف قنوعة اسمها سارة .. تصير اخت ( المَرة) الجارة..
أرسلّها أخته تجس النبض.. جت البشاير ..
وافقت .. :)
راح لأمه وفرحته كُبر السما والأرض … أبشرك يمة ..
لقيتها يمة ..
سارة أخت حصة (مرت) منصور ..!
أبيها وهي تبيني وأبغى منك الشور … خلاص يايمة خلاص ..
بقول لهمومي الوداع ..بقول لهمومي الوداع ..خلاص يا يمة..

ياولدي .. بس هذي أختك في الرضاع !! :( :eek:




شفتي النحس !! .. الله يبعده عني وعنّك وعن الجميع ... تحياتي :)

:grin: :grin:

حلوه أختي اليشمك وعند المصريين مثل يقول ( المنحوس منحوس ولو علقوا على راسه فانوس ) :D:D:D:D

تسلمين يا الغالية ولاعدمناك

بااااي :rolleyes:

الله يسلمك
 

الله لايحرمنا من هالضحكة المشرقة :eek:

ايوة والله المنحوس منحوس ولو على راسو ميت فانوس ..

تحياتي لكِ :)

أختي اليشمك
تسلمين يالغالية
وتذكرت أبيات لشاعر يندب حظه النحس فيقول
[poet font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
إن حظي كدقيق فوق شوك نثروه = ثم قالوا لحفاة يوم ريحٍ إجمعوه
صعب الأمر عليهم ثم قالوا = إن من أشقاه ربي كيف أنتم تسعدوه
[/poet]
:):):)

الله يجنبنا النحس والمنحوسين
إلا قولي لي هل فيه علاقة بين النحس والنحاس :D:D:D

باااااي :rolleyes:

ممممممم

إيوة في علاقة ...








إذا كان الفانوس مصنوع من نحاس :D

تحياتي
:)

الله هذا النحس ولابلاش شكرا أختي اليشمك على موضوعك الرائع لشاعر الأنسانيه الأمير عبد الرحمن بن مساعد الذي جسد النحس في حروف رائعه

أخـــ :heartpumpـــــ امير القلوب ـــــ :heartpumpـــوك

شكرا على المشاركة
 

السلام عليكم

أخي محمد .. الله يبعد النحس عني وعنك وعن الجميع .. بس بالفعل الأمير عبد الرحمن صور النحس بطريقة مختلفة بحيث إنو أصبح نكتة أو موقف فكاهي .. شاعر بمعنى الكلمة..

تحياتي لك وكل عام وأنت بخير

:)

أختي اليشمك
قالت لي واحده من صاحباتي بعد أن قرأت القصيده ( وبعد ضحتكها :D ) إنها سبق وقرأت قصيده أخرى للأمير عبد الرحمن بن مساعد فيها نحس أكبر وأكبر
وحاولت معها تتذكرها ولكنها ما أستطاعت التذكر
وقالت لي أن القصيده جاء فيها ذكر فريق كرة قدم وإنقلاب وأشياء مثل هذي
فإذا تعرفيها أكتبيها هنا رجاءً
وسأحاول أنا من طرفي أدورها :)

بااااي :rolleyes:

تصدقين أختي اليشمك
أنا كتبت الرد من هنا ، وإتصلت علي صديقتي من هنا
وأعطتني القصيده
ولقيت القصيده التي تقصدها هي نفس القصيدة اللي كتبتيها ، ولكن مقاطع ثانيه
وهي

إقتباس:

يوم الاثنين اغتنى .. وصار بين الاغنيا ترتيبه الثالث يوم الثلاثاء الفجر .. مات في حادث ________ فريق كورة .. دائما ترتيبه في الدوري الاخير واذا لعبوا واستبسلوا .. قبل الاخير وبعد السنين الممحلة .. جاهم رئيس ثروته كثر التراب عيّن مدير .. عنده من الخبرة كثير شال الكبار ولعّب شباب وجاب المدرب اللي له اسمٍ مهاب واتقدموا .. وصلوا للدور النهائي ويوم النهائي .. قبل المباراة بدقايق في البلد حصل انقلاب

:D:D:D:D

باااااي :rolleyes:

السلام عليكم

أيوة عرفتها القصيدة .. عندي المقطع حق الكورة وحق اللي اغتنى :D .. وعندي كمان قصيدة سبتمبر وقصيدة تعاريف .. وقصيدة مشاهد ( راح احط مشهدين منها .. حلوة مرة :) )

المشهد الأول
تحضنه.. لجل تضحك للي وراه!
وماهمها لو شافها .. غايته اسمى كثير من العتاب ومن الغضب
تحضنه وفي بالها ذاك اللي اعطاها الرقم ..في ليلة(ن) كان النهار فيها بقايا سكرته
وللأسف إنه نسى يكتبلها كم غرفته! :eek:

المشهد الثاني
شاعر يُطل… جمهور غفير ..
فوضى .. صفير ..
وهناك في الصف الاخير .. صحافي ماسك الجوّال ..
-ألو .. هلا سمير كيف الحال؟ .. أنا في الامسية .. تو مابدت..لأ لسة مابدت ..
-افردلها صفحة أربعة.. خذ التغطية لازم نلحق المطبعة.. هذي رغبة رئيس التحرير ..
(لحظة سكوت)
-لا يا اخي الأمسية ماخلّصت.. قلتلك تو مابدت ..
-بس مافي وقت.. خذ العناوين وصيغها بطريقتك ..وحط اسمي فوق الموضوع على اليمين..
أيوة سمير تسمعني؟!
-أقولك الامسية مابدت ..
-خذ العناوين :
جمهور غفير .. تفاعل غير عادي من الجماهير ..تصفيق حاد..نجاح منقطع النظير .. قصائد رائعة مثلها ماصار وما راح يصير..هكذا هو دائما رائع .. هكذا هو دائما مبدع ..شاعرنا الكبير !


أتمنى تكون عجبتك :)