|
فضفضه رمضانيه مع الشيخ عادل4
 احبتى فى الله بحبكم لازم لازم لازم تحبوني وسامحونى لانى باكتب من قلبى مباشره بالعاميه يعنى وممكن يكون فى احباب مش فاهمين شويه ولكن ساحاول على قدر المستطاع الكتابه بالفصحى شويه  اليوم سادس يوم رمضان تخيلوا فات سته ايام رمضان عايزين نشد ياجماعه الهمه .. ياترى اخبار رمضان ايه معاك حاسس انك قريب من الله .. طيب احنا اتكلمنا فى اللقاء السابق عن ثواب رمضان وقلت لكم هو باختصار :: مغفره من الذنوب عتق من النار كنوز حسنات مضروبه *70 اجابه الدعاء واليوم نتكلم عن الخامسه ودى باللى فات كله :: ليله القدر ليله خير من الف شهر أي حوالي 84 عاماً، فمن عَبَدَ الله تعالى في هذه الليلة، فكأنما عبد الله 84 عاماً، فتخيل يعنى متوسط عمر حضرتك ..يعنى حضرتك لو ادركت الليله دى ..كانك بتعبد ربنا منذ 84 سنه ، إن العبادة في هذه الليلة وحدها، خير من عمرك كله، وصلاة ركعتين من قيام الليل في هذه الليلة، كأنك بتصلى منذ 84 سنه .. تخيل كافه الحسنات قد ايه .. يعنى الدمعه فى الليله دى كان بحر من الدموع من خشيه الله وضع فى ميزان حسناتك ؟؟ والصدقة في الليلة هذه، كأنما كان العبد يتصدق منذ 84 سنه .... كان اللى يبوس ايد امه فى الليله دى.. كانه بار بامه منذ 84 سنه شايفين ياجماعه ليله القدر عامله ازاى .. استعد ليها من الان .. سادس حاجه والاخيره اهى سادس حاجه دى باللى فات كله سادس حاجه يفرح الله بعباده الصائمين: يقول الله تعالى في الحديث القدسي مباهياً ملائكته بعباده: "يترك طعامه وشرابه وشهوته من أجلي، الصيام لي، وأنا أجزي به، والحسنة بعشر أمثالها" (صحيح/الألباني/ صحيح الترغيب والترهيب/978) سيبك من كل كنوز الحسنات اللى فاتت .. يقول ربنا انظروا ياملائكتى لعبدى فلان ..شوفوا عبدى ترك شهواته من اجلى .. اشهدوا ياملائكتى انى قد غفرت له ياه ... تخيلى حضرتك لما اسمك ينادى من اول يوم فى رمضان فى السماء تخيلوا الشاب اللى عمره 20 سنه قد غفر له .. . فلماذا هذا الإكرام كله، وهذه النعم علينا؟ لأن ربنا رب كريم حبيب رحيم، هذا هو ربنا الذي نعبده، وهذا هو ربنا الذي نحبه، والذي نحمده أن بلغنا رمضان، هى دى القصه وهو ده رمضان هى دى فرصه عمرى وعمرك بصراحه ياجماعه احنا لا ندرى ربنا حايعطينا كام رمضان نبقى سالمين فيه وفاضيين ؟؟ والله ياجماعه يمكن العمر يصفى على 5 او 6 رمضانات ..؟ اصل رمضان ده كنت مسافر ؟ ورمضان ده كنت مريض ؟ .ورمضان ده كنت مشغول ... متقولش اصل رمضانات جايه كتير ..انت لا تدرى حايصفصف على 5 او 6 رمضانات؟ بالله عليك لو كنت بتقرا لى وفاضى اليوم اقسمت عليك .: اصحى السنه دى نحن لا ندرى كام رمضان جاى علينا .. فكم من إنسان مات في هذه الأيام، ولم يدرك هذا الشهر الكريم. إن من نعم الله على العبد أن يحييه حتى يشهد رمضان، لعله يكون من عتقائه في هذا الشهر. طب ده ثواب رمضان ..وهل ثواب رمضان ده لاى احد حايصوم ..؟ اقول لك لا ..؟ وده ما ساكمله معكم ان شاء الله لو فى العمر بقيه   |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.