الغرب يصنع طايرات وصواريخ....
السلام عليكم ...
الجميع سمع قصيدة الشاعر حمود البغيلي التي تقول: الغرب يصنع طايرات وصواريخ *************** والشرق الاوسط ضاع نفطه بلاشــي حطوا لهم في صفحة العلم تاريخ *************** وحنا لماضينا نعيد النــقــــــــــــاشي من عقب ماكنا جبال شواميــــــخ *************** صرنا تحت حكم الاجـانب ولاشـــــــي شي يدوخ الراس تدويـــــــــــــخ *************** وشلون عقب الحر حام الفراشــــــي قولها والقلب اقوى من الصيـخ *************** متى نشوف الحق في الارض ماشــي وقد ردّ الشاعر ( باقي المفلح ) على هذه القصيده بقـــــو له: يابن البغيلي للعـــــــرب بعد تـــاريخ *************** من قمه لقمه كلام وتمــــــــــاشي شف هالجرايد كلها صورة الشــــيخ *************** والشيـخ مايسوى خسارة فلاشــي واعلام شاطر في عروض المفاصيخ *************** والحر يكفــخ بين مرشي وراشـي والا شباب من العوايد مســــــــــاليخ *************** والا بنات للــــــــنصارى تماشــي للي يقول الحق ياحمود تكفيــــــــــخ *************** وللي يقول الزور عز ومعاشــــــي ارهابي اللي ينصر الدين ياشيــــــخ *************** والا اليهودي ياخذ ارض وكاشـــي خلك بشعر المدح مدح الشواميـــــخ *************** اللي معاركهم بكاس وفراشـــــــي حناالعرب مابين كوره وبطيــــــــــخ *************** في كل ملعب تلتقينا نفاشــــــــــــــي بننتصر ياحمود بالطاخ والطيــــــخ *************** كم الف مطرب سوقهم بانتعاشــــــــي بافلامنا بنوصل الصوت للمريــــخ *************** وببشوتنا بنصد قصف الاباتشــــــــي بالرقص نقدر نكتب احلى تواريــخ *************** مادام صرنا بين خاين وواشــــــــــــي واموالنا ترجع علينا صواريــــــخ *************** وجروحنا تنزف ولا فيه شاشــــــــــي هيا تعال نوجه لبوش توبيـــــــــخ *************** ليه العرب يابوش عندك مواشـــــــي ونحذرك يابوش يكفيك تلطيـــــــخ *************** لاتحسب ان الدم ضاع ببلاشـــــــــــي حكامنا يابوش شلة مداليــــــــــخ *************** لكن يجونك ساكنين العشاشــــــــــــي ناس تسمع صوتها للمصاميــــخ *************** ناس تموت اعراضها ماتناشــــــــــــي يابوش صبرك لين تلقى المطانيخ *************** اللي يردون الذيابه كباشــــــــــــــــي اهل الفعل يسقونك الرد زرنيخ *************** اللي مع الله لازمين المماشــــــــــــــي من إيميلي :rolleyes: ;) :rolleyes: اتمنى انها نالت اعجابكم واستحسانكم.. تقبلوا خالص التحية والتقدير .....و تشكورااااااااااتي كلبوها بعد :D ;) :D |
اخخ بس من ذي القصيدة اللي جابت لي الصداع
مافي أحد الا يقولها .. الله يهديهم ذول مشغلينها في صادوها كل يوم في رمضان !! ونرجع حق محور حديثنا ... اوف كورس المشاركة حلوة |
جميله و يعطيك العافيه
يـــــــــا أبو أشــــــــــــــــــــــــــــــــــــــــواق تحياتي:) :) :) |
كنت أبحث عن هذه القصيدة لأكتبها في المنتدى فهي بالفعل رائعة جدا والأروع ماجاء رداً عليها ..
دائما الكلمة الصادقة قوية وجريئة وتترك أثرا .. تحياتي .. |
يعطيك العافية اخوى العاشق:)
مشاركه حلوووووه |
مراحب ..
شكراً على التوضيحي بس الحق علي انا لأني ما ادخل غير الخيمة المفتوحة وعذراص بس انا قلت منقول في مشاركتي السابقة ويبدوا كثيرين ما بيدخلوا هذه الخيمة واقرأ ردودهم على مشاركتي على كل حال في كل مكان ممكن تسمع سالفة من اكثر من واحد مش بس في هالخيمة تحياتي ابوا اشواق:heartpump |
السلام عليكم.......
الاخ الحبيب المتيم المجهول ... اخخخخخخخ بس اخخخخخخخخخ من ردودك ;) بس و الله معه حق في هالقصيدة ........ و الا يش رايك :cool: تقبل تحياتي و تشكورااااااااااااتي كلبوها :D;):D |
السلام عليكم......
اختي الكريمة بريق الماس ... الله يعطيك العافية على مرورك الكريم على الموضوع .. :D والله اني اتقطع من الفرحة اذا احد قال لي أبو أشواق :D:D:D تقبلي تحياتي و تشكوراااااااااااااااتي كلبوها :);):) |
السلام عليكم......
صدقتي اختي *اليشمـــك* .... فالكلمة الصادقة قوية وجريئة وتترك أثرا قوياً كذلك ... الله يعطيك العافية على المرور الكريم ... و تشريفك الموضوع .. تقبلي تحياتي و تشكوراااااااااااااااااااااااااتي لكِ :D;):D |
السلام عليكم.......
الله يعافيكِ اختي alreem ... و مشكوووووور على تشريفك الموضوع .. تقبلي خالص التحية و التقديري ... و تشكوراااااااااااااتي كلبوها :D;):D |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.