|
بين زوجتي والخادمة ... انا محتار
لا تروحون بعيد بس اليوم وقت دفع راتب الشغالة ...... والى الحين كلو عادي ....
المصيبة ان الشغالة تقول ابي براتبي تشتري لي جوال وبطاقة سوا عشان اكلم براحتي على اهلى ولا اضطر ان اسألكم استخدام جوالاتكم في كل مرة اكلم لأنني اتفشل من الطلب ..... قلت بعقلي ما هي مشكلة جوالها ومن راتبها وبتوفر علي طلب انها تكلم بجوالي ...... المهم قلت لازم استشير ام البزورة من باب العلم بالشيء .... المفاجأة هو انها رفضت رفضا قاطعا ان نشتري للمخلوقة جوال ... طيب ليش يا بنت الناس ...قالت اخاف تواعد احد في بيتنا ..قلت لو بتواعد عندها تلفون البيت تقدر تكلم وتواعد ..قالت لا انا خايفة على نفسي لا تجيب احد يذبحني(قلت بقلبي ياليت ياخذ لي شوي من حقي) او يسرق او..او ...ورفضت رفضا قاطعا .......... فوش رايكم اشتري ولا ما اشتري ......... الموضوع جد فا بليز انسر مي از سوون از بوسيبل |
السلام عليكم ..
أخي /القوس أنا أقول أسمع كلام أم العيال ... ولا تشتري:p |
بس ود انتي ما تشوفين ان هذا من حقوقها ...... بعدين انا اشوف حريمنا دايم يتسلطون على الخادمات على الصغيرة والكبيرة ...
وانا خايف من كثر الكبت تنحاش خدامتنا وبعدين ما تنفع الحسوفة |
والله خدامتكم هذة موديل 2020
أصلاً أنا غسلت أيدي منها ..من يوم انك تقول أنها تتفشل من الطلب إقتباس:
وانا أشوف أن رجالنا لا اله إلا الله متفهمين وصايرين القلب الرحيم للخدامات وملفاهم الأول:p وان كنت خايف انها تنحاش ... أقولك ..أن كان برأسه هجة بتهج جبت لها جوال وإلا ماجبت وان أنحاشت خلها ... الحوسة كلها والشغل كله بيطيح برأس أم العيال |
شوفي ما هو قصة الرجل الرحيم ولكن هذا عرف سبق ان ناقشناه مع كثير من الرجال وابدو ذلك
اضافة الى ان التعامل نراه امام اعيننا .... تدرين بعضهن تتضارب مع الخادمة بالنعال وانتي كرامة ........ بعدين تقولين اللي ناوي يهج ..هو اساسا ليش ينوي الهجة الا اذا كان متضايق ........اذا مرتاح ليش يهج ........ وغسلتي يدها لأنها تتفشل ليش ما هي انسانة تستحي وما هي انثى يغلب عليها طابع الخجل عن البجاحة ...... السؤال لو حاها جوال وش ممكن تسويه فيه يضر... عندها تلفون بيت ثابت لو بتلعب انا ومرتي نروح للعمل كل صباح |
السلام عليكم ورحمة الله وبركاته
أخي القوس أنا أر ان زوجتك لها الحق ومعها الحق.... ومثل هل الأمور المفروض كلمة الزوجة هيا الي تمشي إقتباس:
الخادمة لها حقوق أنا معك ولكن الجوال ليس أحد حقوقها ....يعني لها الحق تأكل جيد وتنام جيد وتتعامل معمله جيدة ......حتى اني أري المفروض تبين احترمك لها بس الجوال لا....., أخي عندي حل لك اشتري لها بطاقة على التلفون الثابت كل ما حبت تتكلم اشتري... الله لا يهينك بس الجوال لا ...., |
أخوي القوس...(( الله يقومك بالسلامة أن شاء الله ))
(( سالفة أن اوحده تتضارب مع الخادمة بالنعال .. وأنت بكرامة والقارئين)) تصير مو ماتصير ..لكن حالات نادرة وأنا من رأي أن اللي يصل بها حد القشارة أنها تمد يدها على الشغالة أن زوجها يعاقبها بأنه ما يجيب لها شغالة ويخليها تكرف بالبيت (( والله يعينه هو عليها)) إقتباس:
صدقني موب شرط أنها متضايقه أو لا.. أنا أعرف عائلة أستقدمت خادمة ..ويوم راح يجيبها رب الأسرة من المطار وهم في طريق العودة للبيت وقف يشتري أغراض .. رجع مالقها .. (( ماأمداهم يضايقونها )) يعني جايه من ديرتها وهي مخططه على الهجة!!!؟؟ إقتباس:
أنسانة وتستحي ..وأنثى غالب عليها طابع الخجل ... ماقلنا شيء (( بس تستحي تطلب تكلم بالجوال وما تستحي تطلب منكم تشترون لها جوال))!!!! إقتباس:
الجوال عند الشغالة ماله داعي ..تضر وإلا ماتضر (( أنتبه الشهر الجاي وإلا إللي بعده تقولك: أستاجر لي غرفة بدرة العروس براتبي .. نفسيتي تعبانه ومحتاجة أغير جووو));) إقتباس:
هذا عاد مسئوليتك أنت ومرتك .. ((أقول وش رأيك ..تشترون جهاز مافيه أزارير للأتصال وحطوه لا رحتوا للعمل)) هذا من باب الحيطة والحذر ..وليس من باب التسلط:) |
lما خليتي شيء يا ود ......
بس ترى هي قالت ابي جوال بفلوسي ما قالت جيبولي سواق بفلوسي العب معه ... هي تستحي تاخذ جوالاتنا لأنها ببلاش وندقق طولتي ما طولتي ... هذي لها عندنا الان 8 شهور لو تبي الهجة من البداية كان راحت غرفة بدرة العروس ما جابتها فلوسي تجيبها فلوسها هي لومينا وش فرق البطاقة اللي تقولين او اشتري لها جوال ... تتوقعين انها تبي تشخص فيه يعني على الخدامات ...... تعرفين نكتة الحوطي والثلاجة ........ |
وليش أخلي شيء ...والله كل إللي بنفسي قلته:p
بعدين ما أدري ليه أحس أني أعرفك :rolleyes: يمكن يتهيالي:rolleyes: يمكن:rolleyes: نرجع لسالفة (( شغالتك والجوال )) والله ياأبن الحلال أنت شكلك ودك تجيب لها الجوال ... توكل على الله وجيبه ... وماله داعي هاللفة الطويلة مع أني أحس أن كلام أم العيال هو إللي بيمشي بالأخير;) معلومة ... الغرفة بدرة العروس الليلة 700ريال ..والشغالات ياخذون 600ريال تكفى لا تنسى تعلمني بالأخير على أيش رسيت بتجيب لها جوال وإلا ..لا (( وحده ملقوفه )):cool: |
السلام عليكم ورحمة الله وبركاته
اخوي القوس والله في فرق بين الجوال وبطاقة التلفون الثابت وفرق كبير بعد الفرق الجوال ممكن تستقبل عليه كل اتصال بس التلفون الثابت لا ... الا اذا انت عندك عادي وتمنون على بعض ...:eek: مدري يمكن تجي |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.