فقط لضحك بدون حرج ...!
 

أسعد الله مساكم ..
يمكن مر عليك في بعض الأوقات مواقف تفطس من الضحك... :D

بس تلقاك محرج من إنك تخلي نفسك تفطس من الضحك .. لأن الموقف ...

مثل في يوم من الايام كان الوالد الله يطول بعمره جالس وسهران معنا أنا و أخواني ..طيب..

وشوي والا يقول أبوي لـ أخوي الكبير : قوم جيب لنا كت كات .. حنا جيعنين ودنا نأكل دجاج..؟؟؟!!!

لاتنحون وتقولون وش دخل الدجاج في الكت كات ..؟؟!! مثل ماتنحت أنا وطالعت جهة أخوي الكبير ولقيته متنح وفم فاغر وعيونه مبققه وجهه رايح كإنه علامة أستفهام وهو يناظر لـ أبوي ؟؟؟!!!

طبعا أبوي لاحظ علامة الأستفهام و التعجب إللي طلعت على راس أخوي .. وحاول يساعده ويدور له أجابة لها قال : هذا ماادري وش تسمونه ؟؟!

فزيت كماهي عادتي وقلت له : الوالد يقصد كنتاكي ...يا....

تدرون من إللي أكثر واحد فينا فطس ضحك هي الوالدة(جعلها تقبرني)..

أكيد الوالد ماصدق تضحك الوالدة معه .. (لأن العلاقات كانت مقطوعة ذك الوقت)....The End

وعلى حس هالموقف لاحظوا كثير من الألفاظ إللي يحرفها كبار السن و حتى الأطفال ..

الكاميرة ... الكيمرة

مكي ماوس ... زكي موز

مايكل جاكسون ... ميكل

سيارات الليموزين ... بامزين

فيلسوف ... تلبزون ... :D :D :D


وأكيد أنتم لاحظتوا مثل هالمصطلاحات .. يله شاركوا خلونا نفطس ضحك بعيد عن الاحراج .. :p :p

:rolleyes: :rolleyes: :rolleyes: احم احم تنويه عن بعض الشقلبة اللي حصلت فوق ..
التلفزيون ... تلبزون

الفيلسوف ... بيلسوف.. :D :D :D

السلام عليكم ورحمة الله وبركاتة

عزيزتي ...آنوف
أولاً: سافتقدك :(
ثانياً:يا حلو سواليف الكبار وتحريفاتهم
للمصطلحات " الله يخليهم لنا أن شاء الله"
ثالثاً:
ساشارك معك بكلمتين فقط هم اللي ذاكرتهمااللحين..
الأولى...للوالدة الله يحفظها
مرة كنا قاعدين بالحوش وكان الجو مرررررة
خطير وقوس قزح ظاهر بالسماء ...وكانت الوالدة
هي أول من أنتبه له وقامت تقول لنا
شوفوا شوفوا ..." قود قدح "
وما عرفنا وش تقصد إلا لين ناظرنا محل ما تأشر
للسماء......وشفناه
والثانية...
كلمة ...سيكورتي ....موظف الأمن
لدينا من يخطى بأسمه ويقول له....سكورجي
وسلامتكم
إذا ذكرت شئ ثاني كتبتة
:D :D

سلام سلام
انا مش رح احكي عن حدا رح احكي عن نفسي شخصيا

مره كانت امي طالعه قررت اطبخ انا واختي بقلها رح نطبخ (لفوصيه) و هي مش فاهمه شيء :D و انا رح اموت من الضحك على كلمه لفوصيه وهي بالاصل فاصولياء
:rolleyes: :D :) :p ;) :rolleyes:
سلمى

السلالام عليكم00
انا عاد بتكلم عن الوالدة الله يخليها لي ياارب و يحفظها ان شاء الله
المهم ادخل بالكلام و الزبدة00
مرة كانت ماما مع بابا رايحين البقالة يقضون للبيت00المهم خبركم الحريم اذا دخلوا البقالات ينسون انفسهم00
المهم اثناء التسوق00كانوا في جهة معينة00يعني كانوا يشترون00 المهم ماما كانت تختار الأشياء اللي تبيها من الرفوف وهي مندمجة في العمل00
بابا تقدم ماما و سبقها بالعربة <==== عربة البقالة
المهم ماما ما انتبهت000
يوم انها لفت عشان تحط الأغراض00لقت عربة جنبها00المسكينة حسبتها عربتها00 المهم امي الحبيبة بكل ثقة اخذت العربة و مشت فيها تتسوق00
الا بذاك الرجال اللي يقول لها 00" لو سمحتي00لو سمحتي00"
ماما حسبته واحد يلعب كانت مجهزة له هوشة و تهزيئة من اللي يحبة قلبه00ما تلف الا و الرجال المسكين يقول لها " لو سمحتي اختي00"
قالت له " نعم!!<====== معصبة "
قال لها " اختي العربة هذي عربتي ترى"
ماما ايش صار فيها ذاك الوقت!!!!!!
المسكينة كان ودها الأرض تنشق و تبلعها000
بسم الله عليها00
========
لول
المهم هذا اللي اذكره اما عن نفسي اذا تذكرت بقول لاحقا

:) :) :)

مرحبا شباب ... :p :p

رجعت لنفس الموضوع مره ثانية تدرون ليش...؟

أمس كان الجمعة طيب..!


كان موعدنا مع برنامج الناجح المقدم الناجح جدا جورج قرداحي من سيربح المليون .. ؟؟! طيب


وعلى الطاري كانت ومازالت عجوزه في حارتنا تحب متابعت هذا البرنامج مع أنها ماهي داريه وين ربي ملقي بها بس تحب تربع قدام الشاشة من يبدأ البرنامج الى ماينتهي .. وهي تردد جوز كرداح يعني ياشاطرين (( جورج قرداحي ))..
واكبرالظن أنها من المعجبات بالسيد جورج .. يابخته :D :p :D :p

وســـــــــلامتكم.