مش قادر أتوب - يعقوب احمد يعقوب
 

مش قادر اتوب
عن كل شي.. مكتوب
لاعن طفل زغير
ولا عن بحر كبير
ولا عن شمس بتبكي
بتبكي وتضحك
في لحظة غروب مش قادر اتوب

مش قادر اتوب
عن عصفور وطاير
ومن الصبح مسافر
تا يرجع لزغارو
بكمشة حبوب.. مش قادر اتوب

مش قادر أتوب
عن ام سهورانه.. وعيونا نعسانه
ومريضة وعيانه.. وعم تغني غناني
لطفلا المرعوب
من نارالحروب.. مش قادر اتوب

ولا عن حقل سنابل
ولا عن ضحكة عامل
بعدو كثير متفائل
ومآمن هـَ الجاهل
بنصر الشعوب.. مش قادر اتوب
مش قادر اتوب..


كلمات رائعة ومعبرة

اتمنى لك حياة موفقة اخي الكريم

كل الشكر والتقدير أخي يعقوب ..

يا ريت ترجعلنا وتكتب كمان وكمان ...

تحياتي .