أرشــــــيـــف حوار الخيمة العربية

السلام على جميع الأحبة ورحمة الله وبركاته

( نترك العربي هالمرة ونخليها بساط أحمدي :) )

طبعا كلنا نتابع على كل المحطات ( بدون إستثناء ) العربية والإنجليزية ، الدعوة الأمريكية الجائرة الى محاربة كل شي اسلامي .

وانا شخصيا ( وحتى لو تكلم ابن لادن ) ماني مقتنع ان اللي سوى هالشغلة مسلم ..ولآكثر من سبب ... واحد منها انه لايمكن لشخص مسلم مثل محمد عطا ( يدعون بأنه مقرب من الظواهري) ، و ينتمي للقاعدة ( اللي سووها اكبر من مافيا شيكاغو ) ...لايمكن لشخص مثل هذا ان يكون مؤمنا بعقيدة اسلامية صحيحة وعى منهج ابن لادن ، .... يسكر في بار ويدعي بأنه طيار ، وبعدين يفجر نفسه في طائرة !!!!!!:confused:

لايمكن لشخص مسلم واعي ( يعرف انه بيموت 100% بعد كم ساعة ) ويرضى أنه يقابل ربه وهو ( سكرااااااان :confused: )

وهذي الشغلة وحدة بس من الشغلات اللي ماقدرت ادخلها مخي ..... المهم اني ماني قادر اهضم هذي الوجبة الدسمة اللي قدمتها لنا وللعالم كله .. الآستخبارات الآمريكية .

لكن اللي ماني قادر افهمه ...ان العرب ليش مش قادرين يستغلون أرخص سلاحين في قواتهم الجوية والبرية والبحرية !!؟؟؟
ليش مش قادرين يستخدمون سلاح البترول ..وسلاح المقاطعة .. البترول نقول يمكن خطر :confused: ( هذا طبعا على حد زعم شباب الإوبك والإوابك )
لكن هل من رايكم اننا يمكن نحيي سلاح المقاطعة مرة ثانية !!؟؟ هذا هو السلاح الباقي لنا في القرن الواحد والعشرين ...واللي مايعرف تأثير هذا السلاح على الإقتصاد الآمريكي ...واللي يأثر على الإقتصاد العالمي ....يقدر يشوف ( وبنظرة سريعة ) التأثير اللي حصل بسبب المقاطعة العربية للمنتجات الأمريكية ، في الشهور الأولي من الإنتفاضة الفلسطينية .
نظرة واحدة الى تقرير وزارة التجارة الإمريكية للسنة 2001 ...تعطيك الإجابة .

الحين ... ايش رأيكم ...هل نجدد المقاطعة للمنتجات الإمريكية ، ونكون خير عون لنساء وأطفال وشيوخ ، هدمت بيوتهم عشية يوم العيد :mad:

الجواب بين أعينكم

والسلام خير ختام