ذكاء .. و غباء ..
نوع من الذكاء
*-*-*-*-*-*-*-*-*-*-*-*-*-*-*-*-*-*-*-* في أحد الطرق السريعة ... كان في واحد مسرع فوق اللزوم وقفه الشرطي على جنب نزل الشرطي ودار بينهم هذا الحديث الشرطي : ممكن رخصة السواقة ؟ السائق : آسف رخصتي ملغية لأنها أنتهت ولا جددتها الشرطي : طيب أوراق ملكية السيارة ؟ السائق : هذي ماهي سيارتي ، أنا سارقها الشرطي : تقول السيارة مسروقة ؟ السائق : أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه الشرطي : معك في درج السيارة مسدس بعد ؟ السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة الشرطي : وفيه جثة معك في السيارة بعد ؟ السائق : أي نعم المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة . ----------- جا الضابط وقرب من عند السائق وقال أتأكد أول الضابط : ممكن أشوف رخصة السواقة ؟ السائق : أكيد ، تفضل ، ...-(وكانت الرخصة سليمة )- الضابط : سيارة مين هذي السائق : سيارتي، وهذي أوراق ملكيتها الضابط : لو سمحت تفتح الدرج بهدوء عشان أشوف إذا كان فيه مسدس ؟ السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج الضابط : طيب إذا سمحت تفتح صندوق السيارة أبلغوني أنك قلت أن فيه جثة السائق : ما فيه مشكلة ،..-( الصندوق أنفتح ، ما ما فيه جثة )-..؟؟ الضابط : شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة السائق : حسبي الله عليه .. .. الكذاب ، أكيد بعد قال لك أني مسرع؟؟ =========== ونوع من الغباء... *-*-*-*-*-*-*-*-*-*-*-*-*-*-*-*-*-*-*-* في واحد كان مسرع مرررة على الخط ومعاه زوجته فجأة شاف في المراية دورية لاحقتة تأشر له وقف الرجال سيارته ونزل له الشرطي وسأل الرجال : أيش المشكلة ؟ الشرطي : أنت كنت مسرع فوق أل 160 كم في الساعة وهالطريق سرعته القصوى ما تتعدى 120 كم عشان كذا أنا راح أعطيك مخالف الرجل : لا معليش أنا كنت متعدي أل 100 بشوي زوجته: لا أنت كنت ماشي على الأقل 160 (قام أعطى الزوج زوجته نظرة حقد) الشرطي: باعطيك مخالفة ثانية بعد عشان الضوء الخلفي المكسور الرجل: مكسور؟؟ انا ماكنت ادري انه مكسور الزوجة: أووووه أنت كنت عارف عن اللمبة أنها مكسورة من كم أسبوع ( وأعطاها زوجها نظرة حقد ثانية) الشرطي: أبعطيك بعد ورقة انذار عن عدم ربط حزام الأمان الرجل: إيه أنا فكيته لما وقفت السيارة وجيت عندنا الزوجة : لالالا أنت أصلاً ما عمرك ربطت حزام الأمان التفت الزوج على زوجته وزعق عليها : أنت ماتعرفي تسكتي أبداً؟؟؟؟ سأل الشرطي الزوجة : لو سمحتي هو دايم يصرخ عليك كذا؟؟ الزوجة : لا بس لما يكون هو سكران قال الشرطي : سكران قال الرجل : لا لا تصدقها قالت الحرمة : ما عليك منه لاقين القارورة في السيارة يوم سرقناها قال الشرطي : يعني السيارة مسروقه قال الرجل : مسروقه وش الله يهديك لا تهمك هذي ويلتف على الحرمة ويقول لها لا تخليني أطلقك اللحين قال الشرطي للحرمة : عسى ماهو دايم يهددك كذا بالطلاق قالت الحرمة : أول خله يتزوجني وبعدين يتكلم بالطلاق ======== منقوووووووووووووووووووووووووووول للأمانة مع تحياتي أخوكم في الله ... :) :) :) :) |
هههههههههههههههه
بس أنا ما شفت الا غباء !! بس القصص هذه حقيقية ؟؟ يمكن سؤال غبي بس حبيت اعرف فما استبعد انها حقيقة |
لو كنت أعلم لأجبتك
لقد قرأتها في رسالة الكترونية وصلتني و لربما هي حقيقة .. و لكن .. هل هنالك شرطي يبلغ الضابط المناوب عن جريمة قتل و سرقة دون أن يتأكد ! الموضوع لمجرد الترفيه فقط سلام .. |: |: |: |: |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.