|
لا لا لا وين رايح ؟؟ لازم تدخل ....
السلام عليكم ورحمة الله وبركاته
مساكم الله بالخير هذا بالنسبه للي يداومون في المساء اما انتوا ياللي تداومون الصبحيه فصباحكم فل ولا تنسون فيروز على الصبحيه فيه ناس بينتقدون هالكلمه بس منيب ما سحها :rolleyes: خلونا نرجع للموضوع جيت اليوم فتحت الجهاز وجا ببالي فكره قلت لازم اطرحها لكم يمكن تعجبكم ولو ما عجبتكم عادي يعني لا احد يرد مجامله اتفقنا :D ترى ابشع شي المجامله نرجع للموضوع وش كنت اقول ياربي ايه تذكرت :D جات ببالي فكره بس ترى مو كل مره تجيني فكره احيانا تجي واحيانا تروح بس لما تروح بترجع اكيد المهم جا ببالي فكره وانا اشوف قطار الاصدقاء وقريت فيه شوي ما تلاحظون انه تغير التوقيت :D مو مهم التوقيت بس المهم المضمون لا تدققون عاد الفكره تقول كل واحد وتكلم عن بلده او منطقته او حتى عن حارته وش رايكم لو كل واحد فينا يجي ينقي له يوم من الايام ويقول لنا وش سوى فيه بس مو ينصب علينا ويقول رحت وجيت وسويت وهو ما سوى شي حتى لو انك نايم من الصبح قول نمت وانقلبت على جنبي وبعدين جاني كابوس اسمه عسى ماشر عادي ولا الثاني اللي يقول جالس على النت علمنا وين دخلت ووين رحت ووين جيت يمكن تدلنا على مواقع تفيدنا يعني شي زي كذا مو بالضروره ان الواحد يجيب كل شي لا مانع من التمليح شوي ادري طولت عليكم بس صدقوني لو اني ما ني مضطر اطلع كان قفلتو النت بالمره مو بس الموضوع عموما شوفوا الموضوع وقولو ينفع ولا لا عشان لو فيه ناس كثير بنسوي جدول عشان نروح مع صديقنا لكل مكان يروحه اكيد مو اصدقاء والصديق ما يخلي صديقه يروح لحاله :D :D :D نشوفكم على خير |
بصراحة , ما فهمت حاجة :confused:
|
رشود
يالله حيه :D ليه من قال لك اني انا فاهم شي :D بس على ما اذكر اني كتبت الموضوع وانا راجع من العمل فيعني تعرف انت الوضع الكلام يركب بعضه فوق بعض :D :D :D المهم انا بعد جهد جهيد تذكرت ان الموضوع تحت عنوان يوميات الاصدقاء :D :D لا تاخذون الموضوع على محمل هزلي ;) يعني فكروا شوي قبل ما تحكمون على المظهر فيه ناس كثير ما تعرف تنظم وقتها مثل حالاتي :rolleyes: وممكن استفيد من غيري من الاخوان لما اعرف هو وش يسوي وممكن تلاءمني طريقته اتوقع معظم من قرأ الموضوع اخذه على محمل الهزل وما الومه طريقه الطرح شوي فكاهيه ولكني لا استطيع الكتابه بالفصحى لوقت طويل لاحترامي لها انشاء الله فهمتوني ؟؟ |
اخي عسى ما شر
انا فهمت ان الموضوع ( مفكــــرات يوميـــــــة ) يعني كل واحد اذا حب يكتب لنا عن يومه ايش سوى فيه والا انا غلطانه:confused: يومي اليوم كان عادي لكن بكره يوم العمل ان شاء الله بقولكم ايش سويت ولكم التحية :) ;) :) |
السلام عليكم......
اخي العزيز عسى&ى&ى ماشر . فكرة حلووووة :D . الله الله حطني في قائمتك ان شاء الله .. تحياتي لك :D ;) :D |
عسى&ى&ى ماشر
تسلملي ... ما قرات موضوعك الا الان وانا اريد ان اعمل ( شاتدون):) بالانكلش:) يعني بين اني فهمت وما فهمت اعود غدا له ان شاء الله وتصبحون على خير |
تصدقون
ادري تصدقون اجل بتكذبوني في وجهي بعد :D هلاااااااااااااااااااا وغلاااااااااااااااااا الجدول مزحوم وش رايكم تراجعوني بكره انا هذي قصتي اليوم رحت لواحد باداره معينه قلت له بالله تشوف الموضوع الفلاني قال راجعني بكره بالله وش رايكم؟؟؟:rolleyes: هلا اختي العنود انتي اول وحده بالجدول بكره لك نبي تقولي لنا وش سويتي يعني ممكن تساعدي احد على ترتيب وقته اخوي العاشق خلاص اخوي راح ندرجك في الجدول ولا يهمك بس الله بيوم من الايام الحافله يعني نبي يوم تكون مريت فيه على السوده ودلغان والقرعاء ولو تقدر تمر على الحبله ما عليه:D :D اخوي ابو طه يالله حيه انت ماشفت شي بس لما تجي لا تنسى الملف الاخضر العلاقي لازم عشان لزوم الشغل:D اخواني ننتظر مشاركاتكم صدقوني ابي ارتب وقتي ولما الاقي واحد يناسبني ترتيبه راح يكون قدوتي وراح اقول له شدو حيلكم فيه واحد ممكن يقتدي بكم:D وننتظر اخواننا في المنتدى لنرى ما هو مفيد تحياتي:D |
...موضوع حلو...
حطني في الجدول ...مع ان اليوم نفس امس ...وبكرة نفس اليوم كل يوم نقوم الصبح ....نروح الجامعة ....يجوا الدكاترة وينفخوا رؤسنا ...نرد البييت وناكل بندول ونخمد لليوم الثاني....: SLEEP: :SLEEP: اما التفاصيل الجامعية ...لين تحطوني في الجدول ....تقرونها :D :D بـــــــــــــــــــــــــــــــــــاي |
خوله ما اشوفك جبتي ملف علاقي:mad:
وجامعيه عاد اقول ملف علاقي يعني علاقي:mad: كذا كانو يسوون المدرسين وحنا في الابتدائيه عاد انا لازم اسوي خايف عشان بكره ما اروح المدرسه;) والقى عذر للغياب اوكى خوله وش رايك بعد اسبوع :rolleyes: يعني رتبي حالك وهات من نصبات البشريه اللي بالجامعه واذا فيه احد ينام بالمحاضره عادي قولي لنا عليه يمكن يشوف اسمه هنا ويبطل مع اني احس انك اول وحده :SLEEP: ننتظرك خوله وننتظر جميع الاخوان |
السلام عليكم......
مساء الورد لكل الورد .... مساء الغلا ... وكلمة هلا ... مساء الورد ... وعظيم الود ... مساء الشوق يا كاملين الذوق ;) ... رسالة وصلتني على الجوال و اعجبتني و انا اعتقد و اجزم بانكم تستحقونها و ان شاء الله تصل الى المستوى اللي تسوونه كلكم :D اخوي عسى&ى&ى ماشر :gun: ... اجل حطيتني في الجدول و اول واحد :mad: .. طيب ... طيب :rolleyes: اليوم سلمك الله من بعد صلاة الفجر ... اخذت لي غطيطة حتى الساعة السادسة صباحاً ... بعدها ذهبت للعمل الساعة 6:30 و كنت اول الواصلين و كلي نشاط و حيوية ... انجزت بعض الاعمال ... بعدها مريت السناك بار و اخذت لي بعض الافطار ... بعدها اكملت العمل ... الساعة 11:30 رحنا نتغدى انا و ربيعي في المطعم ( الدايينق هول ) .. وعدنا 12:10 .. صلينا الظهر و اتممت بعض الاشغال ... حتى الثالثة عصراُ ... و بعد الصلاة رجعت مكتبي و قعدت على الكمبيوتر اتمم رسمات هندسية و خلصتهم حوالي 3:35 .. بعدها جيت البيت و سويت لي قهوة و شاي و قعدت على الكمبيوتر ... اتصفح الجرائد و المنتديات و ايضاً اكمل محاضرة ساقوم بالقاءها قريبا امام مدير الادارة.. بين المغرب و العشاء قرات شيئا من القران و ا جريت بعض الاتصالات بالشلة .. و هكذا اتممت اليوم ... عسى الله ان ينفعنا بما عملنا و ان يكون لنا لا علينا .... هاااه طيب و انت اخوي عسى&ى&ى ماشر ... وش سويت اليوم :D تحياتي للجميع :D ;) :D |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.