|
وش تتذكر عن ....... أول يوم من الدراسة ..... !!!!!!!
وش رايكم ياخوان بما أن المدارس على الأبواب الله يعين الطلاب والطالبات .. عندي فكرة صغيرونة ، احب انكم تشاركوني فيها ، إذا أعجبتكم ،، الموضوع ومافيه إن كل واحد يذكر لنا موقف سواء طريف أو محرج أواي موقف تعرض له في بداية دراسته خاصة أول يوم راح للمدرسة فيه في الصف الأول ابتدائي ،، واللي عنده مواقف لا يبخل علينا بها رجاء ماتكون طويلة أبدأ بنفسي : فعندما ذهبت لأول يوم إلى المدرسة وجلست في فصلي ودخل المعلم علينا جلسنا جميعا كل من في الفصل يبكي تقريبا كنا 30 طفل ، حاول المعلم تسكيتنا لكن مافيه فايدة ، أخرج من حقيبته حلاوى وأعطى كل واحد برضه مافيه فايده ، الكل يبكي ويصارخ استخدم جميع طرق اللطافة والتأدب لكن ماعنده أحد ،،، فما كان منه إلا ان جلس يبكي ويصارخ معنا حتى انتهت الحصة .... وعلى فكرة علمت فيما بعد أن المعلم كان أول سنة يدرس ونشبوه باولى ابتدائي .. |
هههههههههههههههههههههههههههههههههههههه
ياعمـــــــــــــــــري على هالمدرس !! عور قلبي المسيكين !! فكره حلوة وممتازه .. وطبعا بما أني طالبه ولازلت طالبه فبشارككم :) طبعا أنا نقلت مدرسه حكوميه .. ومدرستنا .. مافيها صيانه ..المهم .. اول يوم لي بأول ثانوي .. رايحه كاشخه ومدري ايش .. تعرفون بنت واول يوم مدرسه أكيد بكون كاشخه .. المهم دخلت الفصل .. والا جاتني صدمه عنيفه .. ماتوقعت الشي اللي شفته .. بعد العز والدلع .. أجي أشوف الكراسي والطاولات خشب .. وياليتهم مصفوفين .. لا محطوطين على جنب هناااااااااااااااك وياليتهم نظاف !! أكوام أكوام أكوام الغبار عليهم .. والله بدل لا أٌعد أتعرف على صديقات ..أخذت لي مناديل وقعدت امسح الكرسي والطاوله :D وطارت الكشخه وانقلبت أنا من دلع إلى كتله من الغبار :D عندي مواقف ثانيه بعد بس بعد الفاصل .. تحياتي دلع |
:) أول يوم في المدرسة ....
أفتكر انه المدرسة كانت قريبة مررة من البيت تقريبا بينهم شارع ( خلاص الحين قفلوها .. وهدموها بعد :( ) فأول يوم طبعا مني عارف اش النظام وش المدرسة اصلا مع اني دارس تمهيدي ... فكل يوم بعد طابور الصباح امسك الباب وعلى البيت :D واسبوع على هاذي الحالة كل يوم ارجع ويرجعوني اهلي الين ما خلاص تعلمت النظام .... بس الى الحين أسأل نفسي .. وين كان حارس المدرسة ذيك الأيام ؟؟؟ :) |
أختي دلوعة بابا موقف مليء بالعجة والغبرة هههههه ، بس أهم شيء لا يتكرر السنة هاذي وخذي بالك ..
إقتباس:
|
أخي المتيم المجهول:D:D:D
إقتباس:
|
اخوي دايم العلو ..
ايه فاصل MBCFM هذا :D حشى نص الوقت اعلانات ههههههههههههههههه على الغبره الا والله لاحقتني حتى السنه هذي بس تعودت .. فبودي معي محارب الغبره .. بودي فوطه ومنظف :D المهم نرجع لمحور حديثنا .. أول يوم لي في مدرسه حكوميه .. طبعا أنا نقلت لمدرسه حكومه بناء على رغبتي واصراري .. طبعا لأني دلوعه سمعوا كلامي وودوني ..يبون يسكتوني بس .. المهم .. أنا كنت فرحانه أني اتخذت قرار مهم زي كذا بنفسي :D وياني دفعت الثمن غالي ههههههههههههه المهم دخلت .. متعوده على الدلع والعز .. أشوف البنات يخوفون .. أشكالهم مرعبه .. اللي كبر امي واللي كبر جدتي .. خفت .. المهم كان عندنا حفله تعريفيه ..علبالهم شي الحين .. أنا كنت قاعده بآآآآآآآآآآآآآآآآآآآآآآآآآخر القاعه .. من الخوف :D قدامي كان في وحده .. شكلها مغنيه مشهوره :p لفت علي وقالت لي بصوت أجش مرعب : سكري الباب أنا وبكل خوف ورعب : مانيب مسكره الباب (طبعا حتى وأنا خايفه فيني سوي :D ) عادت بصوت أقوى وأقسى : أقول لك سكري الباب .. انا وبكل تأكيد ميته من الخوف منها لأن شكلها جدتي العوده .. :D بس وبود أدنى كلام لفيت وجهي وطالعت اللي جنبي .. المهم اني كسرت خشمها وخليتها تقوم تسكر الباب بنفسها وانا قاعده ملكه :D طبعا لازال في جعبتنا الكثير ..بس نخلي لكم مجال .. تحياتي لكم .. دلع |
السلام عليكم....
اخوي دايم العلو .. الله يعطيك العافية على هالموضوع حقيقة موضوع راائع كروعة صاحبه :) بالنسبة للمواقف .. فـ. عد واغلط .. بس اللي اذكره الحين هو : في اول يوم دراسة كنت جاي على قولة دلع لع .. كاشخ .. وياهي كشخة موبصاحية .. الزبدة انكب على المريندا في الفسحة الاولى .. والمشكلة انكب في شليلي يعني الثوب صار عليه بقعه من وراء .. يعني اللي يشوفني بيقول على طول مسويها :o... انا عاد دوروني .. مدري وين اودي خشتي عن الزملاء.. والحمدلله طلعونا بدري ذاك اليوم و من يومها وانا اقول لا للميرندا .. هههههه تحياتي وتشكورااتي :) :) :) |
فكررره حلووه داايم العلوو..
وهذا موقف من المواقف العديده .. في اول يوم دراسي ,, تعرف النوم رايح فيها .. كله سهر بداية السنة.. رايح للمدرسة وانا نصفي نايم .. متلطم وحالتي حاله <<< محشش :p لوووووووووول ولقيت اقرب فصل مكتوب عليه (( ثاني ثانوي )) دخلت فيه طبعاً كنت واصل متأخر :D المهم .. جلست اخر الفصل .. وعلى طول نمت :grin: وصحيت على اخر الحصه .. الاستاذ كان جديد .. المهم .. كانوا يتناقشون عن طريقة الشرح والخرابيط هذي بالنهاية قال .. في سؤال !! :o نطيت .. وقلت له .. متى الاجازه ؟؟ :D صار وجهه كذا :angryfire وقال .. يخرب بيتك دحنا لسا في بداية السنة .. المهم لما خلصت اول حصه .. طلعت اتمشى في المدرسة .. لووووول هذا اولها :p ولما رجعت .. لقيت المرشد عند الباب .. يدور علي.. قلت له خير ان شاء الله ؟؟ قال ده مش فصلك يا بني :confused: روح للفصل اللي هناك .. قلت طيب .. ولما دخلت الفصل الثاني من لقييييييييت ؟؟ نفس الاستاذ اللي كان في الفصل الاول :p هههههههههههههههههههههههههههههههههههه sMiLe :) |
إقتباس:
موقف مروع ،،، في انتظار المزيد .. أخي العاشق تصدق ان الموقف هذا حصل معي بس مو مرندا سفن أب وخبرك أخوك خجول جدا جلست في مكاني ،حتى نهاية الدوام ، وكان الطلاب يقولون قم قم وانا مطنش المشكلة جبت الشبهه على نفسي ، وشكوا فيني ومن عقبها صاروا يسموني .. خلها على ربك ،، بزران ماصدقوا يمسكون عليك شيء .. طبعا أنا نقلت من هاك المدرسة ونسو السالفه ... شكرا لك وفي انتظار المزيد |
هلا خوي سمايل موقف جدا طريف ويتكرر ،، شكل المدرس ذا يتقصدك وماله إلا انت في هالمدرسة ،، انتبه بس هالسنة تسوي هالحركة ..
في انتظار المزيد..:D |
ترررا ررا ررااااا
طبعا انا جايه اقول لكم عن موقف حصل معي السنه هذي .. قبل كم يون يعني .. قلت لكم انا سالفه الغبار .. وهذي الجزء الثاني لها .. دخلت المدرسه ورحت سشويه متأخره .. لأن سواقنا جديد ..وعبقري حبتين .. نقول له لف يمين يروح سيدا :D تقول له روح المكان الفلاني تعرفه ؟؟يقول ايوا في معلوم .. ولما يوصلك طريق مبهم ومجهول يقول ماما انا مافي معلوم ..انا وين يبغى روه ؟؟ المهم ما وصلني المدرسه الا الساعه 6 و25 دقيقه طبعا طول الطريق وانا احن !! الحين بجلس ورا :D انا احب اقعد بالقروب اللي على ا ليسار تحت المكيف الأول .. يعني الصفه الثانيه أمووووووووووت بهالمكان ..احسه يصلح للهذره والسوالف :D المهم دخلت المدرسه ..وانا مسويه شعري وكاشخه ..تعرفون اول يوم .. دخلت والا اشوف مدرستنا مصبغه !! صارت عيوني :eek: وأخييييييييييييرا غيروا فيها وصبغوها ؟؟ عاد الله لا يرويكم اللون .. وعوووووووووووووووووووووه يقرف بس اسمهم صابغينها .. صابغين عند فصولنا الدور الأول لون بني فاتح ..يناسب مع المراييل :D والحدايد لونهم ذهبي .. أما عند غرفة المديره قدام هناك ..صابغين برتقالي.. كشخه ادري .. هههههههههههههه المهم رحت اشوف باي فصل انا .. ويوم اني لقيت الفصل صرت :D من قلب .. لأني اكتشفت انهم ما فتحوا الفصول ومحد دخل .. يعني محد خذ مكاني ههههههههههههههههههههههههههههههههههههههههه المهم قعدت بسطت عند الباب دق حنك مع البنات .. وقبل لا يفتحون الباب قلت للبنات .. اسمعوا ..علم ياصلكم ويتعداكم ..مكاني حق السنه الماضيه لي انا ..ومحد بياخذه فهمتوا ؟؟ ويوم انهم افتحوا الباب ..البنات طرررررررررررررررررررر طيراااااااااااااااااان علىا لكراسي خذوا كل الأماكن الا مكاني .. خافوا مني :D والنحيسه انا ما قعدت بمكاني رحت وقعدت بالصفه الثانيه تغيير :p المهم جينا نقعد..طبعا انتوا صرتوا تعرفون قصة الغبار اول ما سويت مسحت طاولتي وكرسيي اللي جبته من فصول ادبي .. وانا ماشيه في وحده (دافوره) :D حاطه جدول الحصص على طاولتها ..انا مدري انها تبييه .. مريت وانا شايله الكرسي اخذته ورحت ابقعد مكاني.. الا البنت يطلعون جنانوتها .. قامت وقالت بعصبيه : يا (...) هاتي الجدول !! قلت لها زين خلني اخلص بعطيك اياه قالت انا قاعده اكتوب .. قلت لها انزين ما بتطير الدنيا..[خلص وبعطيك .. وماعطيتها الا يوم خلصت وليومكم حاقده علي المهم الله عاقبني.. نظفت كرسيي وطاولتي .. وحطيت عباتي بالدرج .. آخر الدوم جيت اطلع عباتي الا صايره كانها الكلاب المنقطه هههههههههههههههههههه مليــــــــــــــــــــــانه غبار قلت بخاطري والله عيونها وحوبتها هههههههههههههههههههههه هذا اللي صار معي اول يوم في هذه السنه الدراسيه .. تحياتي لكــم .. دلــع |
هههههه:D:grin:
دايم العجه والغبرة وراك وراك ههههههههههههههههههه زين ماملاك الصبغ |
ايه اضحك علي ..
مو انا المسكينه اللي ادرس ويبهدلني الغبار وانتوا تضحكون علي .. يالله معليه .. انا اللي جبته لنفسي .. احد قال لي اروح مدرسه حكوميه ؟؟ على العموم نكبر وننسى اشوفكم الويكند الجاي .. دلــع |
بدون عجه وبدون غبره:D
بقولك على موقف طريف صار لي ايام كنت باول ابتدائي مدرستنا كانت اولى ابتدائي يدرسونا ابلات:D كنت دايم اعاند الابله (ابله رجاء):Dالى هذا اليوم ماانساها كانت تطلعني للسبوره عشان اكتب كنت ابدى بالمقلوب يعني مثلا تقولي اكتب محمد ابدى بالدال ثم الميم ثم الحاء وانتهاء بالميم كانت دايم تهاوشني وانا اصر على كتابتي في يوم من الايام استدعت الوالده وقالت ابنك يعاد نابغه بكتابته بالشكل هذا بس لازم تعوده انه يكتب صح زي العالم والناس قالت لي الابله يالا قم اكتب زرع كتبتها زي العالم والناس عشان الوالده موجوده:D طاح وجه الابله وقالت والله هو دايما بكتبها بالمقلوب والوالده تناظرها بنص عين. :D:D |
الله لا يكتب علي واصير مدرسه ..
وان جار علي الزمن وصرت ..الله لا يعطيني تلميذ زيك يالعنيد !! الله يذكر ابله رجاء بالخير :D دلــع |
الله يعطيكم العافية، وتسلم اخوى دايم العلو على هالموضوع الرائع
وتسلمى يا دلوعة على هالتواصل الجميل انت وكل الاخوان:) بالنسبة لى أعزائى اول يوم لى بالمدرسة كان عمرى 4 سنوات لما سجلوني اهلى بالروضة (رياض الأطفال) وقضيت سنتين فيها اما بالنسبة لاول ابتدائى فما واجهت مشاكل فيه لانى تعودت على نظام المدارس (كراف سنتين:D) أول يوم لى بالرياض، وصلتنى امى وقعدت تنتظرنى عند باب الفصل ووعدتنى انها راح تنتظرني لاخر الدوام(وهى صادقة)اختكم عاد دخلت الفصل بثقة واناظر الاطفال وكلهم ماشاء الله كانوا هادين، وجلست بمكاني والمعلمة تهلل وترحب فينى، بعد اشوى بدت الظنون السيئة تدور في خاطرى واقول الحين امى راحت البيت عنى وتركتنى، وفجأة اوقف وابى اطلع بكل ثقة وعنفوان الطفولةهههههههه وتصدت لى المعلمة ولكن ما فيه امل عملت لها مصارعة عالمية لين طلعت، هالقوة طلعت اول يوم بس باقى الايام كل يوم ارجع البيت مضروبه واشتكى، أول ما طلعت من الفصل لقيت امى تنتظرني (واه فشلاه) وسويت نفسى طالعة اطمن عادى ما كنى مسويه شئ ورجعت الفصل والمعلمة سوت نفسها زعلانه على وجلست بمكاني (ما اعرف اعتذر ذيك الايام تونى في بدايتى :D) اسفه على الإطالة بس لكم وحشه يا اعضاء الخيمة أختكم الريم |
أخوي العنيد : شكرا لمشاركتك
أثرك عنيد على اسمك حتى من يوم توك صغيرون :D إقتباس:
لوني من الوالده كان شفت شغلي مع الأبله رجاء يعني ليه وليدي ناقص ولا يعني ناقص يوم تتهمينه بانه يقلب الحروف والكلمات :mad: موقف لا تحسد عليه أبلا رجاء الله يذكرها بالخير ... |
الأخت الريم : شكرا لمشاركتك
وهذي فائدة الثقة الزايدة تدهور الواحد في كثير من الأحيان ..:D |
اول يوم في الدراسه؟؟؟؟؟؟؟؟
اوكي اول يوم هذه السنه اوكي؟؟؟؟؟؟؟ دخلت الفصل, ثم سلمت على الاستاذه ,وتكلمنا شويه :D:D:D ( كل الاساتذه يعرفوني , :D يعني تكلمنا شويه عن الاجازه وكيف الحال, و بعدين :( راح تعرفوا بعدين ( على فكره عدد الطلاب 7 او 8 ما ادري, لانهم كثير و ما اقدر اعدهم , لكن حوالي 7 او 8 :p ) لكن في اول يوم كان العدد 5 :D المهم قعدنا ,و كالعاده من اول يوم دراسه وواجبات :o وما في فرق بين اول يوم ولا اخر يوم لانهم كلهم نفس بعض تحياتي |
اول يوم انا في دراستي اني فكرت ان اقذف بجميع حقائب الطلاب من الصف للخارج وفعلا فعلتها حتى حقيبتي معهم .. والامر من هذا انه في احد الايام عجبتني الطباشير الملونة وفي نهاية الحصة اخذتها معاي وقبل وصولي للبيت لونت وشكلت جزمتى بجميع الالوان وما ان وصلت قرب البيت وامي تنطرني من مسافة ثلاثون متر قلت يمه شوفي جزمتي ملونه ,, فعلا عطتني لكمات على وجهي وعلقة ساخنة منها وانا اقول ايش السالفة ؟ المفروض انها تفرح لكن ليش ضربتنى اتاريها ما حبت الالوان اللي انا حبيتها , على فكرة يا دلوعة جزمتى رموها زباله ,, |
ثاني يوم في الدراسة جبت معاي خمسة من جيراني من مدارس اخرى ,,
كانت فعلا مشكلة لانهم ما كانوا يعرفون اساميهم , واحد منهم كان القوس والثاني كان كمكام الهاجري ويمكن خوختيل العتيبي |
أخوي الجارح شكرا لمشاركتك ،، بس ألحين كم صار عدد الطلاب 7 أو 8 ؟؟!!:D
###### السلفيالمحتار : بالنسبة لأول يوم في دراستك :Dهههههههههههههههههههههههه:D أثرك دلخ من يوم توك صغيرون ،، والأمر الثاني أثرك سروق بعد:D:D:D إقتباس:
|
:D تقبل تحياتي اخوك الجـــVIPـــارح شكرا |
اول يوم في دراستى قلت لهم تعالوا لي وخلوا فلان جارنا
يدرس معاي ليش ما يروح المدرسة اريد ابوي اريد امي آه ه ههههههههههههههههههههههههههههههههههههههه |
وهاهي الأيام تنطوي ويمر عام فهل نستمع ونرى من أيام الدراسة ما نسلي به أنفسنا من مواقف ممرنا بها وبما أن الاختبارات على الأبواب وتكاد تفتح البيبان وتدخل بل قد دخلت فهل أحد يعطينيا من مواقف الاختبارات اللي مر بها ويتذكرها إلى الآن يالله عطونا إللي عندكم :) |
هلا وغلا اخوي دايم
هالموضوع احبه مدري ليش ههههههههههه بما انه من أخر المواضيع اللي رح ارد فيها قبل الاختبارات ودي اقول موقف حصل معي اختبار الكيمياء الفصل الدراسي الأول مدري قلته هنا والا لأ بس بقوله عالطاري يعني الله يسلمكم اختباري الكيمياء كان يوم الأربعاء من الإسبوع الأول ومدري شكان عندي اختبار اليوم اللي قبله فقمت بدري أراجع الساعه 5 مدري 4 المهم ورديت من المدرسه على الساعه 10 ..فطرت وبديت اذاكر على الساعه 11 لاحظوا اني ما نمت المهم الكيمياء طويل 8 فصول وفي فصل أنا ابدا ما ذاكرته ==> مقره بفايده المراجعه قبل الاختبار المهم قعدت اذاكر ولا طلعت.. جت الساعه 1 ونص انا بقى لي فصلين حق الاختبار الشهري.. وخلص جاني النوم مو قادره الكل طبعا بالبيت نايمين.. جيت الأخت أنا حطيت الساعه ورحت نمت.. وترن الساعه وما أسمعها.. وما قمت إلا الساعه 5 ونص وأنا اللي مفروض اقوم 2 ونص!!!! تخيلــــــــــــــــــــــــــــــــوا الموقف البايخ وقعدت أصيح طبعا محد قيمني قبل لأن عمري ما نمت وانا مو مخلصه بس ربكم كاتب.. المهم جتني امي هدتني وقالت لي خلص تعوذي من ابليس وذاكري في وقت المهم خليت السواق يوصل اخواني ويرجع لي ما جاني الا الساعه 7 وربع كنت تووووووووووووووووي مخلصه طبعا كنت اذكر من النوته اللي نكتبها مع الأبله وحذفت ثلاثة ارباع الكلام المهم وصلت المدرسه 7 ونص دخلت القاعه 7 ونص وخمس وانا مييييييييته خوف والاداره يدوروني للساعه 8 يحسبوني ما جيت تكلم المديره امي على اساس تبي تقول لها ان لو انا جيت اي وقت بتدخلني القاعه مسكينه ما يسويها غيرها والحمدلله جت سليمه أخذت العلامه الكامله.. قولوا ما شاء الله هههههههههههههههه ان شاء الله ما يحس احد بنفس شعوري ذاك اليوم عالعموم ادعووووووووووووووولي والله يوفق كل طالب وطالبه في الثانويه العامه ويوفق الكل يارب |
لا أذكر يا ولدي ... كان ذلك في عام ألف و تسعمائة و سبعة و سبعين.
|
الله يعينكم يالطلاب بعد بكرة كل واحد يجي حالق شعر راسه عشان يستلم كتبه :D واللي مايجي محلق ترى فيه نتافة شعر بنحوس عليه راسه ونسويه خرايط :D :p هكذا كانوا يعاملوننا ;) إرهااااااب :eek: |
نسيت أقول سبحان الله مر على هالموضوع سنتين بالتمام والكمال يعني إللي كان في صف أول ابتدائي قبل العام الحين رايح لثالث :D |
الأخ الكريم دايم العلو... المواقف التي تحصل في أول يوم دراسي دائما يكون فيها من
الطرافة والغرابة والألم الشئ الكثير .واسمحلي أن أذكر ما حصل لي في أول يوم دراسي عندما كنت صغيرة كنت لا ألعب إلا مع الأولاد ولا أنسجم مع البنات .. وتوقعت أني سأكون معهم في المدرسة ..فأخبروني بأني سأكون مع البنات فكانت أول صدمة...وفي الصباح لبست لبس المدرسة ومشطت شعري فأجلستني أمي وربطت شعري وهذا بالنسبة لي عار فضيحة عند الأولا د وكانت الصدمة الثانية...... أما الطامة فقد حصلت في الفصل فقد كنت نحيفة الجسم ووضعت إلى جانب طائرة جامبو تلميذة من مخلفات السنوات الفائته .. وكنت أنا التي بجنب الجدار ولا أستطيع المرور إلا بتصريح وكانت البنت خبيثة رأت الخوف في وجهي وبدأت بممارسة سلطاتها علي ومنعت منعا باتا من مغادرة طاولتي إلى آخر الدوام.. وعدت إلى البيت وأنا في غاية التعب ليس بسبب الجوع والعطش الشديدين ولكن لإحساسي بأني سأصبح تابعه لهذه المخلوقة ........ وبعد عدة أيام من المعاناة رفضت الذهاب إلى المدرسة ولم أقول لهم عن السبب حتى لا أصغر في عيونهم وتم نقلي إلى مدرسة أخرى وتنفست الصعداء .. إن أول يوم دراسي أعتبرة الدخول الحقيقي للحياة بالنسبة للأطفال |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.