المايوه البكيني وتأثيره على الرجاج الصيني ((الجزء الاول))
 

اول شي المقالة هذي برعاية (( مايوهات نينا ريشي )) أنا يوم شفت ماعاد عندي سوالف اقولها قلت اقولكم سوالف احصلت لي (( ليتك تسكت ازين لك)). المهم القصة هذي اللي بقولها احصلت لي في اسبانيا في منطقه اسمها فنخرولا في ملقا ..( وربي مستحي اقول الاسم بس وش اسوي هي اسمها كذا ) … وتبعد المنطقة ذي عن ماربيا 40 كيلو بالسيارة .. المهم أول ماوصلنا رحنا على طول وسكنا في فندق خمس نجوم ((واحد بيتفشخر … أقول الله يسلم اميمته بس ))… المهم سكنا في الفندق وخذنا غرفه ، وجلسنا اناظر الديره من الغرفه ولا حنا مصدقين (( الله يرحم ايام النعيريه كنا نطل من فندق الشرافي ونشوف حوش الغنم تحتنا)) !! المهم عقب ماطلينا من البلكونه ولا ذا الخير وذا البحر وذا الناس رايحه وجايه وكلها لابسه حشمه على البحر (( ياكذبي)). ولمحت وانا انظر حمام السباحه من على يساري وكان ماهوب باين الا قليل منه لكن كني لمحت وجه خليجي جالس على البسيه ((ياشيني وانا اقولها)).. المهم عقب ماحطيت شناطي (( الله واشناطي صندوق القهوا اللي بالخيمه حلفت جدتي خزنه لاروح فيه))… المهم نزلت ..للبسيه (( يعني حمام السباحه بالحضري البركه بالبدوي )).. ويوم دخلت حمام السباحه ولا كله مزاليط !! حتى من الشكه جالست اناظر بعمري انا نازل بشي ولا مزلط انا بعد .. المهم يوم دخلت ولا ذي بنت خليجيه معها خدامتها وجالسه توها بتسبح لكن شافتني هونت (( تستحي فديت خشتها))… وقمت عاد انا وقلت بجلس لين تسبح ((قليل حيا فديت خشتي))..وهي طبعا حاطه في بالها انها تنتظر لين القّط وجهي واروح وعقبه تسبح … لكن انا بخبرتي سويت نفسي دلخ (( دلخ طبيعي بدون اضافة أي مواد دلاخه)). وبعدين قلت في نفسي وراها ماتسبح قدامي ولا انا رجال واللي جالسين نيلي ورفيقاتها .. المهم ركب في راسي اني اعسكر (( دلخ وتسويها)) .. وقلت انا دافع تذكرة وبايع لي كم راس غنم عشان اطرب راسي منيب قايم لين اشوفها تسبح (( بدوي متعود على العيون بالشرقيه)) ، المهم البنت يوم حست اني مسمار في لوح قامت واقصرتها وخذت خدامتها ومشت .. واقوم انا واروح عند الرسيبشن وقلت لهم عطوني غرفه على حمام السباحه قالو في زياده بالسعر .. يوم حسبت الزياده ولا يسوى قيمة طلي من الغنم الي عندي ..قلت يفداها الطلي لو سعر الغرفه قعود (( يعني جمل بالسعودي وبالامارتي بوش وبعير مدري عاد من يسميه )) المهم قلت ماعندي مانع ((يا قرد حظها طاحت بمحرج غنم)).االمهم قمت الصبح بدري واقوم واروح اعسكر في حمام السباحه ماعندي غيره (( واحد خايف يطلع من الفندق يتفاجيء انه في البطحا)) واقوم واجيب الشورت حقي (( بدون تعليق )) والنظارة الشمسيه (( الله يسلم حامد راعي البعارين جايبها معه من السودان وتسلفتها))
......
ان شاء الله قربيا سوف اوافيكم بي الجزء الثاني
..........................................
did1989@maktoob.com

تحياتي ياطير
اتحفتنا ولا تنسى انك تتحدث
بأسم الجميع((اعني كماهي احداثنا))
لاتنسى انك طوللللت بالجزء الثاني

بسم الله الرحمن الرحيم

السلام عليكم ورحمة الله وبركاته

الأخ الطير

فهمت مضمون قصتك لكنك استعصى علي فهم بعض الكلمات فهلا تطوعت بالشرح مشكورا.

وهذه الكلمات كالتالي:
اميمته
النعيريه
ماهوب
عقب
واشناطي
مزاليط
الشكه
توها
هونت
خشتها
دلخ
منيب
البعارين

أرجو ألا أكون قد أثقلت عليك بطلبي هذا.
ومع أني لم أفهم أغلب ما ورد فيها إلا أنني
أحس أنها قصة جميلة

وشكرا لك

مرحبا طير ...
شف بقول شي بس لاتحقد علي تكفى ..
عادي الكلام اخذ وعطا .. اترك العجرا واسمع وش بقول ...:
وانا اخوك ان حبيت تكتب شي ماهو من كتاباتك لاتنسى باخر الموضوع تكتب اسم صاحب الموضوع
قلتلك بدون حقد(اترك العجرا).
الظاهر انك عارف ان صاحب الموضوع هو
(رفيع الشان) وخزنة تصير جدتة هو ماهي جدتك
هههه ياخي لاتطّير عيونك ..
اخيرا اقبل تحياتي (مافية امل تقبلها ادري)
-----------------
اخوك : الطوطي

احبك وصل وبعاد احبك رضا وعناد

هلا مزموزيل صــدفة ,, اسمعي بترجملك وادعيلي اللة لايهينك ..
,,,,,,,,,,,,,,,,,,,,,,,,
اميمته= امة,مامتة,ماما,امي,ماذر,يوة,ست الكل
النعيريه= ديرةحول الدمام وعندهم شرطة يالطيففف
ماهوب = لا , نو , الاياللي , معصي ,مش خشمك
عقب = بعد , افتر , الحين اذا اكلتي عقب الاكل وش تسوين ..اكيد بتغسلين
واشناطي = شنطة=وين تحطين اغراضك اذا بتسافرين
الشكه= شك=ريب=
توها= مابعد=لسى=الى الان
خشتها= وجهها , فيسها
دلخ = غبي=سبهة=مابالخلقان احد=حوطي
منيب= معصي=لا=نو=نهي=
البعارين= جمل=سيارة الاولين=شي طالع بظهرةصعرور

شكرا للأخ الطوطي على الترجمة.
بس يا أخي ترجمتك يبغالها ترجمة.

وشكرا مرة تانية