أرشــــــيـــف حوار الخيمة العربية - احلى طرق النذالة!!!!!!!!!!!

أحلى طرق النذاله؟؟؟؟
اتمنى تعجبكم

اذا كان هناك عزيمة يعني عشاء.....بعد ماتغسل افتح المويه الحارة الين
تشوفها

تولع وسكر المغسلة وشوف الي بعدك وش يصير بحاله

بس اضحك من قلللللللللللب

اذا جاك واحد ماتبيه وسويت له شاي.....لا تجيب كاسة ام عروه عليك بكاسات
الجبن

وصب له بها....واملها حيل للأخر على شان مايقدر يمسك الكاسه

واذا كانت الخدامه ما تعرف تسوي شاي خلها هي اللي تسويه

واذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل

شويه وكل مره كلمه على انه واحد ثاني وقول " لالا والله مقدر الحين عندي ضيف

يمكن بعد عشر دقايق "........ولا تنسى شي مهم لاتلبس ساعة عشان كل شويه تسأله كم الساعة

...ولما يكلمك لاترد عليه على طول من أول مره سو نفسك ما سمعته

واذا اتصل بك واحد دمه ثقيل وثرثار رد باختصارات الحمدلله ايه لا مادري يمكن

الظاهر احاول واذا طوّل اوهمه انك تكلم واحد بجنبك اذا شفته بعده يثرثر

وإذا مش ناوي يخلص استخدم حيلة الخط المقطوع وقول " ألو ألووووووووو وينك

.....ألوووووووووووو يابو الشباب........ الظاهر ان الخط انقطع " بعدكذا سكر السماعة ... بس وتفتك منه

...الا اذا اتصل ثانيه ساعتها عاد الباقي عليك

واذا بغيت تجنن الخدامه ادخل المطبخ واشرب نص كاس عصير وكأنك مش متعمد كب

الباقي ع البلاط واذا كان المطبخ مفروش يكون احسن ...........

وافتح الثلاجه وطلع سلة فاكه اخذ منها شي بسيط واتركها ع النمليه وخذ السكرية
وانت طالع من المطبخ ارميها ع الباب ..........
واذا نامت وهي بعز النوم صحيها
وقولها تسويلك عشا
ساعتها بيكون الضغط عندها ألف

بس الخوف انها تحط لك سم فيران ...!!!!!!!

واذا حبيت ترفع ضغط اهلك الحريم لما يطلبوا منك توديهم السوق بعد ما يجهزوا

ويطلعوا اركب السيارة وخليك طبيعي وفجأه قلهم أففففففف السيارة موراضيه تشتغل
طبعاً انت ماخذ احتياطك وفاصل اصبع البتاريه و شوف شبيسوون فيك ساعتها

.........الله يعينك عليهم أقصد عليهن ....

والطريقه الثانيه عشان يحرمون يطلبوا منك توديهم السوق ....لاتشغل مكيف
السياره بس التهويه ( المراوح ) وقلهم التكييف خربان خلهم ينطبخون واذا قالوا

نبغى نفتح النوافذ قلهم خربانات واذا فتحتوهم ما راح يتسكروا بعدين

ملاحظة : جربها أكثر من مره على التوالي واضمن لك نجاحها بعد كذا راح
يحرموا.....صدقوني تراني مجربتها ......)....

واذا كلمك صاحبك ع الجوال وحسيت انه مستعجل
ويبي منك شي سلف ولا حاجه مهمه قوله :
" ترى ماسمعك الصوت مشوش ويقطع ألو ايه ايه معاك الو وووو وينك " ورد على كلمه
وحده وطنش بالباقي وشوف شيصير له .....