يارب تفوز السعودية
 

اليوم السبت حيلعب منتخبنا الوطني مع اليابان وأعتقد الي حيغوز اليوم اقترب جداٍ من اللقب على قول البدو حذفة حصاة لاكن اذا مافاز اليوم المنتخب السعودي واللة ماعاد اتفرج علية مرة ثانية واشجع المنخب البنقلاديشي ابرك
ويش تقولون نقول الاخضـــــــر................. يارب

لا ... ياا لعوسج أن شا الله يفوز المنتخب السعودي على اليابان

اقول يالعوسج تراك حلفت انك ما تتابع المباريات اذا انهزم وهذاه انهزم يالله خلك بالمنتخب البنقلاديشي..
وبعدين ربعك ماهم اللي انت تبي وانا اخوك اترك عنك بس ولا توجع راسك معهم اغسل ايدك وانا اخوك...ز

اسمحولى يأخواني انا انصدمت في المنخب السعودي ولو اني كنت متشائم من اول يوم شفت فية المدرب المفلت اسف اقصد الفلتة ماتشا الة هو ووجة الي يبيلة راعي شاورمه علشان يحت وجهه
لكن مااشرة الا على المسؤلين الي خلولة الحبل على الغارب تصدقون ياشباب انا مادري ويش معناها هذي الكلمة ماعلينا
اخوي كاشخ اولا انا ماخذ شوي على خاطري منك روح للصفحة اياها واقرا ردي عليك ولو ان ابو حميد قاعد يحد مقصة كل ماشافلي مشاركة
بعدين انا من اليوم ورايح انا بنقالي واشجع المنخب البنقلاديشي
ياكبر اسمهم وبألحقهم من زبالة اسف من مكان الى مكان ولاتلوموني
العوســــــــــــــــــــــــــــــــج بالشدة

سلام ياشباب زيكم تراني انصدمت في منتخبنا امس بعد المهزلة الي حصلت امس مع اليابان ودقونا 4 وكانت قابلة للزيادة والظاهر انهم استحو مننا وسجلو في انفسهم هدف علشان معنويات الغربان اسف اقصد الصقور الخضر وانا اول يوم شفت المدرب المفلت اقصد الفلتة وانا اقول شوف العنز واحلب جلي واللة مايجيبة الا ان نودية لراعي شاورمة يحت وجهه الي كل خد يوزن كيلو قولو ماشااللة لاينحسد ياعيني ولو كان فية خير ماخلاة الطير
الاخ كاشخ ترى في فمي ماء
لاكن مايخالف انت الكبير وانا الصغير وكلامك في صفحة النكد اسف جدا اقصد التنكيت جرحني واتمنى انك تقراء ردي وانا استنى ردك في نفس الموضوع ونفس الصفحة وياليت تتوسطلي عند ابو حميد علشان لايقعد كل ماقراء لي موضوع حد مقصة تقول داخل افتتاح
وبعدين يأخي احنا شباب مفية داعي للحساسيات الزايدة عن الازم
يعني خلو البساط احمدي
العوســــــــــــــــــــــــــــــــــــــــــــج

اسف ياشباب الموضوع ارسل مرتبن الجهاز عندي يعمل بالديزل

الأخ العوسج مساك الله بالخير

نتمنى ان يكون طرحك للمواضيع اكثر جديّه .. وان تنتقي الكلمات المناسبه وان لا يكون هناك تجريح لأحد .
نعم للنقد الهادف الذي يفند لنا اسباب الهزيمه .. نعم للطرح الجيد مع وجود نقد لا ذع وبدون تجريح ... وعدم الخروج عن الموضوع .

انا اعذرك ... لأن منتخبنا السعودي قدم عرض هزيل ( وفشلنا ) وصدمنا... و لكن ليس بهذه الطريقه تنتقد ........
في انتظار مواضيع جيده .


المراقب

استاذي المراقب اللة لا يمسيك الا بالخير والعافية حقتنا ماهي المغربية
اخويى الكبير / واللة اني احب بلدي وكل مايمثل بلدي ولكن شفت الي صار وحبيت انتقد الوضع باسلوب كومدي اولا لكي يصل النقد الخالي من التعقيدات الغوية وباسلوب مبسط يفهمة الكل ...
ويقول المثل المضحك المبكي والدليل انهم شالو المدرب وهذا يدل ان كلامي فية من الحقبقة الشي الكثير بس هم باسلوبهم وانا باسلوبي عموما اخوية اذا شفت اني زودتها بشرك اللة بالحق وتراى عشاك اليوم عندي قول اللة يرحم والديك تم الا تم الاتم
مادام انك مشغول تراني عاذرك .....