أرشــــــيـــف حوار الخيمة العربية

أرشــــــيـــف حوار الخيمة العربية (http://hewar.khayma.com/index.php)
-   الخيمة الرياضية (http://hewar.khayma.com/forumdisplay.php?f=10)
-   -   موادع ... ادخل ابيك بكلمة راس ...!!!! (http://hewar.khayma.com/showthread.php?t=9847)

العاقل 15-10-2001 11:21 PM

موادع ... ادخل ابيك بكلمة راس ...!!!!
 
هالحين معجبتك خيمتك ووضعها اللي مايسر لاعدوا ولاحبيب ... كل ماجيت اكتب موضوع ترددت وقلت ان كتبته من بيقراه ومن بيرد عليه .. اصلا كل اللي موجودين سبعه واللي يردون خمسه وانت اكثر واحد يرد والباقين اللي يشجعون فريق الجاليات ولاهوب قصور فيهم مايعتد بأراءهم { قويه بس ماعليش الصراحه تزعل } ...

يعني حبيبي موادع انا اشوف انك لازم تنشط الخيمه بأي طريقه ومهوب شغلي اني اقولك وشلون انت المشرف وهذي وظيفتك { قل ماقصرت } انا اللي علي سويته وكله بدافع محبتي لك ولاسلوبك الراقي في الردود اللي يدل على انك انسان متسامح ومتقبل لوجهات النظر الاخرى ...

ماعليش اخوي موادع ان كان موضوعي ناشف وصريح { ايه هين } بس هذا طبعي وانااحب الصراحه ,,

اخوك العاقل ..



:D :p :p :D

دايم السيف 16-10-2001 11:01 AM

السلام عليكم ورحمة الله وبركاته
اخوي العزيز العاقل بعد التحيه الطيبه
عندي كلمه حق ودي اقولها...........
صراحه اخوي موادع ماقصر متابع الخيمه مثل ماقلت اخي العزيز ومتواجد دائما....
بس المشكله وين ؟؟؟؟؟؟؟؟؟؟؟
المشكله بالاعضاء نفسهم هم اللي غير متواجدين
باستثناء بعضهم صح كلامي .............
هل من المعقول ان الاخ موادع يكتب مواضيع ويرد عليها بنفسه !!!!!!!!!!!
اما بالنسبه لي اخي العزيز فأنا (واعوذ بالله من كلمة انا ) متواجد في الخيمه
مع اني عضو جديد مالي داعي لكن احببت الخيمه واعضاء الخيمه :D :D ولا اقدر البعد عنها ولودقيقة (قويه دقيقه صح ) :D :D
اسف على الاطاله شكرا لك

موادع 16-10-2001 04:05 PM

حياك الله اخوي العاقل
تذمرك اخوي العاقل من مسأله قلّه الأعضاء هذا راجع إلى ان أغلب الأعضاء على شاكلتك ‍‍.. يحضّرون يومين ويغيبون شهرين ‍‍!! ويبون الأعضاء يردّون عليهم !
إذا ماكان لك حضور وتفاعل مع الأعضاء المتواجدين أكيد راح يكون عدد زوار موضوعك قليل .. وهذا شي أكيد لأن العضو إذا ماأثبت نفسه بتواجده المستمر على شان يثبت ان مواضيعه أهلاً للمتابعه .. أكيد انه ماراح ينال استحسان الأعضاء ‍!

وعلى فكره ترى انا عضو زيي زيك ... يعني لا انا ماخذ دوره في الأشراف ولا انا خريّج معهد رقابه :) .. يعني انا أحياناً احاول جاهداً اني ارتقي بمستوى الخيمه .. ويمكن انت من الأعضاء القُدامى اللي يذكرون كيف كان مستوى الخيمه .. وكيف كان عدد المواضيع المطروحه وكان الموضوع الواحد يستمر أكثر من أسبوع ماأحد زاره ‍!! أما في الوقت الحاضر فأعتقد ان الوضع تغير تماماُ .. والحمد الله الوضع من أحسن لأحسن
كلنا مُطالبين اننا ننشط مستوى الخيمه الرياضيه .. والأمر مو واقف علي انا بلحالي لأن اليد الوحده ماتصفق .. ؟؟ كل المطلوب منكم أعطائي اقتراح معقول وفعّال بهالشأن وان شاء الله راح يكون في موضع اهتمام :) .. ماأنسى اخوي ريفالدو ارسلي رساله بخصوص وضع مسابقه لتنشيط المنتدى وبيّنت له اني مُرحب لفكرته .. وأنا الآن أعمل بخصوص هالمسابقه وطريقه طرحها ..

عموماً احب اوضح لك يالعاقل ان منتدانا فرع من أصل .. يعني لا تقارنه بالزعيم ولا العالمي ..... ويكفي لنا فخراُ ان منتدانا منتدى مُستقطب أغلب الفرق العربيه .. فيه أعضاء كثيرين من دول الخليج وأعضاء من سوريا .. مو هيك ياشباب ؟ هيك :) وأعضاء من لبنان .. وهذا مفخره كبيره للخيمه وروادها .. وحنا نرحب بهم ونحييهم على ثقتهم في منتدانا ..

أخيراً كان أملي ان هالموضوع يكون على رسايلي الخاص لكن ... يالله راح اترك هالموضوع كمثار لهنقطه على شان اللي في دلوه شي بهالخصوص فل يدلوا بهِ :)

وشاكر ومقدر لك اخوي العاقل على صراحتك وعلى أهتمامك بخيمتنا الغراء :)

ولك جزيل الشكر اخوي دايم السيف على هالمجامله اللطيفه وماننحرم منك يارب :)

العاقل 16-10-2001 11:07 PM

اخوي دايم السيف ... مشكور اخوي على ردك ومشكور بعد على نشاطك الملحوظ في الخيمه .. على فكره اسمك وش معناه ..!؟ :)

اخوي الغالي موادع ...وانا اقول وش يخليني كل مااغيب عن الخيمه مده .. ارجع وانا مشتاق بس ماادري وش انا مشتاق له بالظبط .. اثره انت يالماخوذ :D :p {{ امون صح }} ..

والله اخوي موادع خوفتني بردك اول مره احس انك معصب :eek: بالعاده ترد وانت رايق بس هالمره شكلي وطيت لك على طرف ;) .. الحقيقه ان الاعضاء من دول الشام يدهرون وانا توني راد على موضوع للاخ علاء يناقش فيه اسباب عدم حصول نادي الكرامه على كأس فخامة الرئيس للموسم الماضي :p ,,

تلومني اذا اشتقت للخيمه بسبتك ,, عموما موضوعي هذا قصدت منه اني اسلم عليك بس بعد غيبتي .. والجايات اكثر ان شاء الله ..

العاقل ...

:p :p

موادع 17-10-2001 02:19 PM

ناس ماتجي الا كذا =====>> :mad:
خخخخخخخخخخ ياحبي لك يالعاقل :) انت واحد من اللي امون عليهم بزياده لأن لك سابق عهد في مسأله التحذيف .. لولا الله ثم انت ان كان ماعرفت شي اسمه ديلييت :D
على فكره علاء اللي انت راد عليه هذا من أنشط رواد الخيمه .. بس الله يهديه مزعجنا بفرق الكرامه يقول انه أحسن من الزعيم :D تهقاه صاز ؟!

على العموم الله يسلمك وترا المنتدى بدونك وربي ماله طعم خلك ويانا حبيبي <==== على باله متأثر بلهجات الدول العربيه :D


يالله تشاو سي يو فمان الكريم :)

HONDA999 17-10-2001 02:45 PM

<==توه راد على موضوع علي صالح اللي يناقش تقدم الكرة اليمنيه المخذل :eek:
<==ينكت :D

الزعيم 17-10-2001 05:00 PM

(الــــــــــــــــــــــزعــــيـــم)
ممممممممما
زعيم زعيم

العاقل 20-10-2001 01:31 PM

هلا والله الله محيي الربع ...

موادع شفت ان افضالي عليك واجده ومهوب بس خليتك تعرف وش ديلييت .. لا بعد خليتك تعرف وشو ( لوك ) يعني قفل وانا عندي الى هالحين فذ قفول من ذيك الفتره الله لايعيدها والله يحنن قلبك علينا يااحلى مراقب (( نسايسه لقادم الايام )) :) :D ..


الاخ هوندا ... شكلك قاري موضوع الاخ علي في مندي النصر (( منتدى الجاليات )) .. بلا الاخوان الزيود وعيال عمهم يدهرون هناك .. :) :)


الاخ الزعيم ... اسمك الزعيم وردك مافيه الا كلمة الزعيم وهذا اللي صبرني عليك والا مافهمت الحقيقه من ردك وش تبي بالظبط .. :p

دايم السيف ماقلت لي وش معنى اسمك <=== ياوالله الحقنه :D ..


العاقل ...

دايم السيف 20-10-2001 02:09 PM

هلا اخوي عاقل
ماسمعت اللي قالوا (الاسماء لا تعلل )
لكن وش اسوي بعلل ابوها علشانك عزيز وغالي :D :D
ماعمرك سمعت عن الشاعر دايم السيف لو يكون جوابك بلا قوووووووووووووووووووويه :confused: :eek:
الامير الشاعر خالد الفيصل هذا الاسم المستعار حقه ومعناه خالد=====>دايم & الفيصل ====> اسم من اسماء السيف = دايم السيف
انشاءالله عرفت الاسم وش معناه
شكرا

العاقل 21-10-2001 10:18 AM

هلا اخوي خالد الفيصل :) :D انا والله اقول هالاسم مهوب غريب علي ...

شكرا اخوي على التوضيح واستر ماواجهت :cool: :cool:


Powered by vBulletin Version 3.5.1
Copyright ©2000 - 2024, Jelsoft Enterprises Ltd.