|
لماذا يقولون لا لا لا لا لا لا لا لا لا والف لا ...........جاوبوني
في مجتمع مثل مجتمعنا يملئه الطفش والملل وجميع انواع ونكهات الزهق وش ممكن الشخص انه يسوي علموني وش يقدر يسوي اعرف ناس لما يطفشون يحطون حيلهم بالرياضه وناس يتفرجون على التلفزيون وناس ياكلون ويدخلون المطبخ ويسون جميع اصناف الاكل الحلو اللي مليان كربوهيدرات (انا من هذه الفئه)ويلا يزيد وزنهم بالدقيقه 50 مليون كيلو ولا يصير يجي شئ قدهم وما يزيد الامر الا سوء ولا واذا طلع ياكل بمطعم ولا راح السوق ما يلاقي الا المعاكسات وقله الادب من هالشباب اللى فاضين ما ادري بس وش يبون والله انا من الناس المسالمين اللى على قولتهم
الباب اللى يجي منه الريح سده واستريح ما اطلع وكل الناس اللى في سني يستغربون اني والله ساعات اجلس كل عطله نهايه الاسبوع في البيت انا خبري بالناس اللى يستنون نهايه الاسبوع بفارغ الصبر علشان يطلعون وغيرون جو بس خلاص انا مليت مليتتتتتتتتتتتتتتتتتتت مليتتتتتتتتتتتتتتتت خلاص طفشت من نفس الروتين حاسه نفسي بنفجر وعلى قولتهم الكبت يولد الانفجار والمشكله اذا راح الواحد لعرس ولا عزيمه راح جمع ذنوب ووزع حسناته بالجمله على خلق ربي ورجع مفلس ما عندا ولا حسنه (حش بفلانه وتطنز على فلانتانه وخذوخل من المجاملات والضحكات والابتسامات الكذابه ) طيب ما فيها شئ لو الواحد طلع شوي من بيته وراح يغير جو شوي عند صاحباته (طبعا مو اي صاحبات) صاحبات موثوق منهم طيب فيها شئ ردو على وش هالعادات والتخاريف مو والتقاليد اللى يقولونها الاباء لابنائهم والله العظيم لو كل ابو وام اعطو الثقه العمياء لابنائهم كان كل احد عاش بسلام صحيح انو في كثير من الابناء يكون مشيهم في الحياه مو سويين ولا مضبوطين بس هذا يكون في حاله المراهقه بس اذا كل واحد حط عقله في راسه عرف خلاصه والكتاب يبين من عنوانه والله من رائي انا انو ما فيها شئ لو رحت شوي عند صاحبتي غيرت جو لبست من ملابسي الجديده وتكشخت وبعد ساعات رجعت بالله فيها شئ ولا لا افيدوني برايكم ليش الاباء دايما يشوفون اولادهم وخاصه بناتهم انهم ما يعرفون مصلحتهم وكل ما سمعو قصه ولا شافو خبر التفتو على ابنائهم وعطوهم كم نظره ويلا بدئت دوامه الشك وين؟ومين؟وكيف؟ وليش ؟وشلون؟ومتى؟ ويلا يبدا التحقيق البوليسي يعني شلون هم مثلا يشكون بتربيتهم لنا ولا ايش انا ما ابي تقولون لي والله هم من حقهم ..... يخافون عليكم .. ومن هالكلام انا اعرف انو كل واحد منكم عاش هذه الفتره لكن انا متاكده انو في بعضكم خلاص يشوف موضوعي قديم معتق ما فيه فايده لكن انا والله اشوف ان هذه القضيه مو بس تواجهني انا بس بل تواجه كثير مننا خاصه البنات انا ما اقول والله تطلع 24 ساعه من البيت ولا تعرف اهلها انا اقول تطلع زياره عند صاحبتها اللى امها وابوها يعرفونها ويعرفون عائلتها ويعرفون وش هم من لحيه بس زياره لمده ساعات وترجع فقط من باب التغير لا اكثر ولا اقل الاهالي ما عندهم الا كلمه لا لا لا والف لا طيب ممكن اعرف السبب يقولون لا وخلاص لا تناقشين فهموني طيب عطله نهايه الاسبوع والواحد مال من الدراسه وده يغير وانا من كثر ما اتعثر للناس صاروا خلاص ما يغزموني حتى والله ساعات اتعذر حتى قبل ما اقول لاهلي (خلاص ما عندي كرامه انا طاح وجهي ماعندي مويه وجه)من كثر ما اطلب منهم احس اني كني اطلب اني اسافر للقمر شئ كذا مستحيل ليش طيب اذا كل اب وام اعطى الفرصه لابنه ولا بنته انهم قد هذه المسؤليه لستفادوا الابناء كثير راحوا شوي عن صاحبهم ولا صاحبتهم ورجعو نفسياتهم حلوه على اهاليهم لو سمحتو حطو ارائكم وحاولو تقنعون امي بهذه النقطه  اختكم.... twix |
وش تبين تسويين اذا طلعتي؟؟؟
احمدي ربك على النعمة اللي انتي عايشة فيها الطفش من قلة الايمان |
السلام عليكم
اهلا اختي تويكس دمك عسل ياشيخة مع ان كلامك يعور القلب بس ارتسمت الابتسامة علي عزيزتي انا معك بكل اللي قلتيه بس ارجع واقولك الكلام اللي ماتبين تسمعيه ان الاهل هم اهم شي بحياتك واكيد خايفين عليك مو منهم من المجتمع وكل يوم قصص نسمع قصص رهيبة لكن الامر كمان يرجع لك اكيد هم واثقين من تربيتهم لك وفخورين فيك بعد لكن الامر كمان راجع لك حسسيهم انك قد المسؤولية وانك عارفة الصح من الغلط يعني بينيلهم انك مهتمة بدروسك واثبتيلهم هذا بنتائج الامتحانات بينيلهم كمان انك محافظة على صلاتك وذكر الله مثلا ذكريهم بوقت الصلاة حاولي تجمعي اخوانك الصغار وتقصيلهم قصة خليهم يتعرفوا على صديقاتك مثلا اعزميهم انت عندك في البيت عشان يكون الامر اكثر سهولة لك اذا جيتي تبي تستاذنيهم تروحين عند وحدة منهم صحيح الكلام كثير لكن صديقيني اذا عودتي نفسك على كذا و شلتي الملل من بالك بترتاحين اكثر وبتدعيلي كمان وباكر الايام تثبتلك ان الاهل كل همهم مصلحتك وخوفهم عليك اللي يخليهم يتصرفون كذا ولو كانت ردة فعل خاطئة بسمة امل |
السلام عليكم ورحمه الله وبركاته:
يعني شلون الطفش من قله الايمان لا والله انا مؤمنه بالله تعالى اصوم واصلي وكثير ناس من سني في هذا الوقت حتى ما يعرفون وين اتجاه القبله انا ما اتكبر بس هذا فعلا شئ يخليني افتخر فيه اختكم.... twix |
السلام عليكم وبعد.......
في الحقيقة أنا شاب عمري 17 سنة و مع أن عمري 17 أهلي يعاملوني كأني بزر صغير عرمي 5 سنين . يا ناس يا عالم شاب بعمري يرجع من بيت صديقه الساعة 9 المساء و مو أي صديق ولد عمتي و العزيز لدي . ولما أكون مع الشباب (كلهم أولاد عماني ) يرن التلفون الخبيث الي ما يجيب إلا الأخبار المعفنة (يعني الهواش و الصراخ) من الأهل طبعا (يعني من مين ) بالتحديد الوالده (حقها على فوق راسي) ,المهم الصوت ينسمع على بعد كيلو و فجئه التلفون ينقطع(إنصكت السماعة على وجهي ) بعدها ما تلقون إلى إني حيران وش أقول للعيال إلي صاير كلهم يقزقزون فيني وأنا وجهي يصير تقل طماط من الإحراج الي جاني. مب بس مره صارتلي كل مره أروح عندهم يجيني الضغط من الخوف من رنة التلفون و يومي يروح نكد ليه عشان إذا تأخرت أكلت علقة و إذا رحت بدري أطيح من عين الشباب . والله حاله كل ما أروح أسوي عملية العمر والمستحيلة(mission imposible) قيصر العرب أخوكم العزيز الي دائما يتوهق *تكفون عطوني الحل(أنا أوافق رأي تويكس) |
السلام عليكم ورحمه الله وبركاته
شكرا لك يا بسمه على هذا الرد لكن انا شكلي ما وضحت اشياء وهي اني انا سويت كل الطرق اللى تخليهم يثقون فيني اما من ناحيه اصدقائي فانا سويت دوريه شهريه يعني مو مره شهريه جمعت اصحابي المقربين وامهاتهم علشان امي تتعرف عليهم اكثر ولكن هل في فائده؟؟؟؟؟ طبعا لا والمشكله انهم كلهم بنات ناس معروفين يعني مو اي احد اختكم ... twix لو سمحتم افزعو معي الله يخليكم |
السلام عليكم ورحمه الله وبركاته
تدرون وشو اللى بيكتب بهذا الموضوع باعطيه اكبر هديه بالعالم وتذكره سفر لاي بلد اوروبي وساعه وجوال وتلفزيون ورسيفر واشتراك بالاوربت والاوائل والشو تايم وسياره موديل 2007 وبيت وزوجه واهل وفواتير الكهرباء والتلفون والمويه والمطاعم وكل شهر ارسله خيشه رز وسكر وكيس صابون وفي اجازه رمضان عمره على حسابي والحج حج على حسابي وبدكير ومنكير وقص شعر وحلاقه للرجال ووظيفه له بعد ما يتخرج ولعياله ولزوجته نقل للبلده اللى هم فيها وبسه وكلب وسمكه وطير وسلحفاه وحارس وسواق مع سياره وخدم وحشم وبودي قارد وجهاز كمبيوتر ولاب توب واشتراك لمدى العمر بالانترنت وبحر وجبل ونهر وارض وجمل وخرفان وارانب و................................................. ................................ اختكم.... twix |
الموضوع طويل بس انتبهت الى وجود هدايا لذا اعدك بقراءته قريبا يا اخت تويكس***جاد*** |
اسعد الله صباحكم ...
طبعا أنا عزابي ، ومشكلتكم اشوفها قدام عيني مع اخواني الاصغر مني .. يعني بينهم وبين الوالده او الوالد .. مثلا اخوي اللي عمره 17 سنه .. يبي يطلع مع اصدقاءه ويرجعون الساعة 12 او وحده صباحا في الويييك اند طبعا .... بس الوالدة والوالد راسهم والف سيف لا ما يرجع هذا الوقت!!... طبعا مع وساطاتي .. قلت لهم .. الولد أو البنت ...وخاصة البنت .. اذا حجرتو عليهم اربع جدران في اربع جدران راح يسوون اللي في راسهم والعن كمان .يعني خلو الامور تحت عيونكم احسن من انها تصير من وراكم . والله اني اعرف ناس يرجعون للبيت الساعة 7 مو 9 .. بس بعد ما يكونو مسوين الهوايل برا ... طبعا بالنسبة لي .. كان شرطي على اخوي ... انه اي تقصير في الدراسة .. راح يذوق معنى التسلط الحقيقي اذا صار من جهتي انا.. والحمدلله هو الحين في راحة نفسية ونتائج دراسته في العالي .. يعني التفاهم والاخذ والعطا زين .. خاصة مع البنات ... بصراحة انا لاحظت شي مع اخواتي او بنات اختى او اخوي .. ان البنت تحب وتمووت في انها تكون موضع نقاش ..يعني تفرح اذا احد بدا يناقشها وياخذ رايها ويجادلها ... صدقوني راح تحس بالفرح والسرور يالله انا رايح اكل تويكس الحين.. ولا اقول لكم احسن شي سنكرس ... مفكر |
هلا تويكس الحلوه
والله يا عيوني انتي جيتي على الجررح انا بتحصل معاي نفس المشكله كل ما قلنا بنطلع قالوا ليش وفين وعند مين ومع مين هي مره وحده سوها معاي وخلوني اروح عند وحده من صديقاتي بس عشانهم يعرفون ابوها وامها وجدها وعمها وخالها وعشانهم جيران كمان وطول ما انا عندها هاتك يا اتصالات بسرعه ارجعي يلا اتخرتي ومع اني ما تاخرت اتهزات لما رجعت البيت بس اقولهم انتم ما تثقون فيني يقولون طبعا نثق بس ما نثق في الناس والله من المصايب الي يسمعوها هذا الايام لهم حق تويكس يا عيوني تعالي انتي اقنعي اهلي ولكي مني الجوائز الي قلتيها واكثر كمان ولا اقولك تويكس لا تستني الحل هذي المشكله ازلييه المزعجه جدااا sweet girl |
السلام عليكم ورحمه الله وبركاته
شكرا على ردك يا مفكر والله اني حسيت انو بزياده كلامك اللى زي العسل تبتقنع امي وابوي ياليتك اخوي وساكن معنى بالبيت اما انت يا سويت قرل لازم اننا نتحد مع بعض ونقيم ثوره تخليهم يفكون عنا شوي وعلى كلام مفكر انه من مصلحتهم انهم يسكون علينا وما يخلونا نطلع يلا يا اهل الخيمه ردو علي (الصديق بوقت الضيق ) افزعو معي اختكم.... twix |
تصحيح
 انو مو من مصلحتهم يسكون علينا)اعتذر عن الخطا المطبعي اختكم... twix |
السلام عليكم ورحمه اللع وبركاته
وينكم يا اهل الخيمه الطيبين؟؟؟؟؟؟؟؟؟؟؟؟ من جد خيبتو ضني فيكم  اختكم... twix |
يا الغالية علينا يا توكس حنى هنا معاكي
 dont be mad  be happy :lol  k |
السلام عليكم ورحمه اللع وبركاته
شكرا يا قيصر العرب علي ردك |
السلام عليكم ورحمة الله وبركاته:
حبيبتي توكس اتصدقين اول ما قريت موضوعك قلت اكيد كتبتيه وانت معصبه وزعلانه بس معليش اهلك على عينك وراسك صحيح كل منا تجيه حالات طفش وزهق ويتمنى انه يطلع يغير جو يقابل ناس يتناقش معاهم ولكن حبيبتي كل منا له ظروف خاصة فيه . حبيبتي ممكن تسمحيلي يمكن طريقة عرضك للخروج او اسلوب استئذانك لهم مو مره ترى الاهل يحبون اللي يستسمحهم وشوف اللي بخاطرهم وصدقيني اهلك بالاول والاخير يحبوك ويتمنو يشوفو السعادة والضحكة مرتسمه على عيالهم وبعدين حبيبتي حاولي معهم مره وثنين وثلاثة اللين ما يقتنعوا بوجهة نظرك ولا تنسي حبيبتي انه انتم من جيلين مختلفين وصدقيني لابد ما يكون في اختلاف في وجهات النظر بس انتم الاثنين اكيد تسعون لراحة بعض . وبعدين حبيبتي لا تخافي ولا تتضايقي مصيرك تروحي لصحباتك وتزهقي منهم الله يوفقك ويخليلك اهلك ويخليك لهم وللحديث بقة |
السلام عليكم ورحمة الله وبركاته
العزيزه توكس...... ما شاء الله الأصدقاء ما خلو شئ اقوله ..... عندما يكون عندك اولاد او بنات انشاء الله تعرفين كيف انت تخافين عليهم حتى من الهواء...عزيزتي لا تعصبين .......بكره بتضحكين على نفسك ... _____________موضي______________________________ |
السلام للجميع , وبعد اذن الأخت الكريمة تويكس
صدقيني كنت مثلك تماما حتى ال 18 عاما بعدما دخلت الجامعة والآن بعدما تخرجت هاأنا ابحث عن والدتي رحمها الله وكم اتمنى ان تعود تلك الايام التي كانت تمنعني فيها من الخروج والسهر اختاه صدقيني كل ما يفعله اهلك لعدم خروجك هو خوفا عليك وستكونين في يوم من الايام اما لتشعري وتفعلي نفس ما كانوا يفعلوه فها انا كنت اتذمر من خوف اهلي علي ولكني ها انا الان اخاف على نور عيني نواف الذي لا املك سواه مثل خوفي اهلي علي فانا اتمنى الا يغيب نواف عن ناظري نصيحه مجرب ابونواف |
يعني يا تويكس فعلا فتحت جروح الكثير من البنات
في الحقيقة الأخوة و الأخوات هنا لم يتركوا لي شيئا أقوله عزيزتي من آيات الله تعالى التغير في الكون و في أنفسنا بالنسبة لي أجد ملجئي بالصبر و ايناسي بالصلاة والدعاء و القراءة و الكتابة أحيانا... أحيانا أخرج في نزهات قصيرة و أيضا الرياضة تساعد اذا كان هناك نوادي اشتراك للنساء.. أما الصديقات فاراهن عندما يكون هناك فرصة متاحة.. --------------------------------------------------- لا تفرحن بدنيا أقبلت و صفت بكل ما ترتضي, و احذر عواقبها! أختكم |
انا مع كلام دلوعتى ...باين من طريقة كتابتك للموضوع انك معصبة هونيها وتهون ولاتخلين حياتك محور هذا الاهتمام ....خلاص شى منتى قادرة تاخذينة انسية....ولاتخلى هاذى الشى يتحكم بحياتك...وتشوفين الحياة بمنظار اسود...حاولى تقتنعين باالواقع وتتعيشين معة صدقينى الشى هذا سوف يخف الين مايروح ...قولى هاذى حياتى وهاذولى اهلى ....حاولتى تغيرينهم ماقدرتى خلاص ارضى باالواقع ..وصدقينى اذا ماكنتى انت من داخلك سعيدة الدنيا كلها لو اجتمعت عشان تسعدك ماراح تسعدين .....وبعدين كبرت ولا صغرتى هم اهلك وادرى بمصلحتك....حتى لوان الشى سخيف ول يستاهل...وبعدينالحياة لها جوانب عديدة وليس لها جانب واحد...حاولى ان تخرجين من متاعيك وتدوسين عليها ولاتجعلين المتاعب تدوسك..؟ّّّّ!........ودمتى لى حبيبتى توكس......
|
السلا معليكم ورحمة الله وبركاته
هذا رد خاص بابو نواف ..... تحياتي لك واحترامي ...... ردك مره جميل وهادف ارجو منالله ان يهدي بناتنا وابنائنا لما فيه خير وصالح .. _____________موضي_________________ |
تحية عطرة في هذا الصباح الجميل أسئل اللة أن يباركة لنا وخاصة للأخت تويكس .....
الى جميع الأعضاء بالخيمة المفتوحة والى مراقبها الشادي وتحية شكر الى الأخت موضي على تذوقهافي الكلام معي وهي التي شجعتني في المزيد منالنصيحه الفراغ القاتل الذي أتمنى من جميع الناس أن لايدعوة يلعب في أنفسهم لان الحياة الحلوة مشاغل ولو وجدأحدمنا وقتة فارغ فليعرف ان لدية شيئا نسي ان يعملة.اتمنى من اللة أن يهدي الجميع الى مافية الخير والصلاح . "القناعة كنز لايفنى " ...... حكمة هذا اليوم يا تويكس |
 |
السلام عليكم ورحمة الله وبركاته:
انا هنا اقدم تحيه خاصة لواحد يفكر بصراحة وجهة نظرك في الموضوع حيل عجبتني والله يخليك لاهلك ولخواتك واخوانك ودمت لهم وانا مع راي اخوي ابو نواف يا توكس بكره لما يجيك عيال صدقيني راح تخافي عليهم لانه الدنيا ما تنامن وماعاد فيها امان رغم كذة همسة في اذن والدة توكس معليش خليها تروح اذا انت عارفة الناس هذولاء ومره بالشهر ما راح تضر بس ياام توكس وابو نواف الحمايه الزائدة خطر وخطا في التربيه لاني لازم اعطي ابني الحرية في اتخاذ القرار واعطيه مجال يفكر بالبدائل يعني لما امنع طفلي من انه يذهب لصديقه اعطيه بديل يشغل وقت فراغه كاشتراك في نادي تعلم شئ جديد يجب علينا ان ننفس عن انفعالات اطفالنا ونوجهها بالطريق السليم لانه في كل انسان طاقة يجب ان تستغل بالطريقه السليمه الله يوفق الجميع |
بعد التحية والسلام ..., ( خاص لأي والد)
كما قلتي يا دلوعتي أنا أوافقك الكلام لكن أتعرفين أن الطفل يتعلم الضار والنافع منذ سن الخمسة أشهر آتيكي بمثال في طريقة تربيتي لولدي . الآن طفلي عندما أعلمة وأقول لة هذا خطأ مرة ومرتين وبعد الخامسة ( مثلا اذا شفتة مصر على لمس شيء معين مثل فصل جهاز الكمبيوتر هذا ماكان يفعلة نواف ) فانني أقوم بضربة مع كلمة خطأ وأزيد على هذا التكرار طبعا في بداية الأمر فقط فانة في المرة القادمة مع أي شيء من المفروض أن لايلمسة يتعلم ان كلمة خطأ هي شيء ممنوع منة أو سيعرف بأنني سأضربة. الآن نواف وعمرة 15 شهر أن قلت لة تعال نام معي يقول لأ سأنام في غرفتي وسريري وان كان على حظني ونام واستيقظ بعدها حتى لو الفجر يصحيني أو أمة ليقول أفتحوا الباب لأذهب لسريري . من هنا أقول أن الطفل يتعلم من سن 5 أشهر طبعا نواف سيعلم الذي بعدة وهكذا فهذا هو أساس التربية في نظري. أنا لاأنكر أن أعطية الحرية المطلقة وأجعلة كصديق لي وأقول لة على سبيل المثال تعال الآن نذهب ونروح البر ونطعس ونروح نشعل النار لكي أعلمة من أين يأتي الخطر أن كان في البر أو البحر وسترا سترا سترا.. من هنا فأنا أخطط لة سير حياتة الصحيحة لكي أجعلة يمشي في الطريق الصحيح مستعيننا ومستشيرا لأبية وأمة لكن لا أجعلة يختار الا باقتناع مرضي لة ولنا هذه نصيحة ليسست مني لكنها من أب مجرب , من الممكن أن غيري لايتفق معي لكنني لااقول الا انني اريد ولدي أن يصبح أفضل مني في كل شيء . اسف للاطالة واتمنى ان تعم بالفائدة ابو نواف |
السلام عليكم ورحمه الله وبركاته:
اهلين توكس :ايش اخبارك انشاء الله بخير والله انا مره مشتاقه لك بس بقولك ايش الموضوع الحلو هاذا بصراحه جبتيها والله وبكل كلمه قلتيها انك صادقه فيها. انا مع رئى الاخوان الى ردوا عليك صح ان الاهل خايفين علينا وهمهم مصلحتنا بس هم مع كذا مو معطينا مجال اننا نسوى اى شى دايم على السانهم كلمه لا ليش ما ادرى طيب فهمونى ليش لا يردون انا قلت لا وانتها الموضوع با الله هاذا جواب طيب فهمونى ليش لا علشان اقتنع بس. واشكرك مره ثانيه على كتابتك هاذا الموضوعالحلووووووووووووووووووووووووووووووووووووووو وووووووو |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.