|
يا لابسات الجنز ( ماترحمون المساكين )
بعد موضوع فتيات الاسقبال الي نزلته قبل اسبوع واشكر كل الاخوان والاخوات الي شاركو في الموضوع .... هذا موضوع اخر لا يقل اهميه ولاكن بطريقه تختلف بالطرح عن فتيات الاستقبال ...:( مع ان كلهم بالهواء سوا
قبل لا نتعمق بالموضوع فيه نقطه يليت نناقشها وهي ظاهرة جديده الا وهي جلد المعاكسين بالشارع او بالسوق او بقريح المهم انه ينطق...وهذه الخطوه يشكر عليها كل من ساهم فيها بس فيه نقطه مهمه هي هل تحد من المعاكسات ام لا .. وبعدين ليه الشاب هو الضحيه ليه هو الغلطان ليه البنت دايما على صواب ....!!!! طبعا مافيه دخان من غير ناااااااااااااااااااااااااااااااار صح ولا لا ؟؟؟ ---- اقتراح بسيط اتنمى ان تتم المعاملة بالمثل مع البنات ولكن بطريقة اخرى يعني مهوب لازم يجلدونها :D لا بس يخلونها تسوي تمارين رياضيه صعبه :D لا يعني يكون فيه اجراءات للبنات بحيث تكون رادع لها ..... يليت رايكم وخصوصا البنات بس بدون اي تعصب يعني بعقلانيه.......... ----------- اما صلب الموضوع البنات السبب الرئيسي في الغزل وخصوصا .. لا بسات الجنز :gun: يعني تشوف وحده لابسه جنز وتتمشى من العصر للعشاء وانواع (التميع) بالله وش راح تقول لها :confused: تبي تقولها يابنت الناس بعدي عن دروبي :eek: (ايه هين ) الا تبي تقول لها الله يازين الي حضرت ولا فزو لها لين اقبلت فزو لها ...... * على شان كذا اقول نداء عاجل للبنات الي يلبسن جنزات ارحمو الشباب من هبالكم ولا ترى :gun: على الشباب من قبل الجهات المختصه ( عاد افهموها زي ماتبون ) يعني وش يضر البنت اذا لبست عبات على الراس وريحت هالشباب من هالعذاب والله صار الواحد مايداني هالاسواق من هالبنات الي يذبحون الواحد (والنتيجه ياجلد ولا جمس هيئه ولا ...)!!!! ترى الموضوع كله على بعضه تجميع كلام يعني وسعو صدوركم ولا دققون لاني كتبته وانا نصي نوم :SLEEP: تقبلو تحياتي . تصبحون على خير اخوكم تحدوه... |
موضوع راااااائع,, بس انا بصراحه ما اللي رأي لاني ما بعرف كيف البنات ولا حتى الاولاد عندكم:rolleyes:
بس زي ما اانا شايفه بكنداااا... البنات و (مياعتهم) السبب بكل شي.. بس برضه الاولاد ما بقصروا... :gun: :gun: يعني الحق على الاثنين... البنات و(مياعتهم) والاولاد اللي ما بصدقوا يشوفوا بنت هيك :) رأأأأأأأأأي شخصي ... فقط!!! :D :D |
البنات هاه صار البنات السبب :mad:
اخوي تحدوه موضوعك ممتاز وجاي على الجرح :D بس والله مو بس البنات الغلطانين صح انهم ماهم هينات بس الاولاد كمان ما يصدقوون يشوفون شي اسود معدي قدامهم الا والعيون كلها وراه اذا البنت ما عطتهم وجه مشيوا وسابوها بس طبعا بعد ما سمعوها كل انواع الغزل لا والمشكله حتى لو البنت مو عاجبتهم لازم يعطونها كلمتين مره وانا بالسوق مع اختي كان فيه عيال ( والله انهم عيال متوسط) بدا بالكلام والمعاكسه والله انا في البدايه ما صدقت انهم ذول العيال اللي يعاكسون وقعدت اتلفت اشوف من وين جاي الصوت الا والاقيهم يغمزون ;) لا حول ولا قوة الا بالله من جد ما قدرت امسك نفسي وشوي وكنت بطلع الجزمه الله يكرمكم بس خافوا وشردوا عند امهم :) وطبعا ما ننكر ان البنات كمان ما يقصرون اصلا قبل ما تروح السوق تقعد ساعه قدام المرايه هاتك يا احمر واخضر واصفر (اشارة مرور) كانها رايحه زواج ولا حفله الله يهديهم ولا ريحه العطر اللي حاطته تكفي انها تعطر اللي بالسوق كلهم واخس شي لا جيت تنصح الوحده منهم تعطيك ذيك النظره اللي تخليك تتمنى ان الارض تنشق وتبلعك :( يعني انا مدري ايش قلت بس اللي فهمته من كلامي ان الغلط على الاثنين :mad: (معلش النوووووم النووووم ) وتصبحوووووون على خير:SLEEP: |
باك
اختي فرح .. روعة الموضوع في تشريفكم له انتي والاعضاء الباقين :) البنات والاولاد عندنا زي كل البنات والاولاد يعني لهم يدين ورجلين واذان بس البنات عندنا لهم لسانين يعني يختلفون عن البنات الي عندكم;) كندا .. اممممممممممم رحلتلها شهر وعلطول انحشت (ايه طيب انحشت )هذي الي عندهم مو مياعه هذي صياعه :cool: والله ان الواحد هناك يخاف على عمره من هالبنات لا يخطفونه :rolleyes: انا ما اقول ان الاولاد ملاك ما تسوون شي لاكن البنت الي في حالها ماحد يجيها ... احترم رائيك اخت فرح تقبلي تحياتي |
رجعين
الاخت العزيزه روابي.. انتي من بدايتها هواش اصبري هدي اعصابك ريلاكس ريلاكس:p الحين بداء الموضوع .. ايه البنات يتحملن 99,9999 % ههههههه لنه لو البنات مايطلعن بالشوارع ولا يروحن للسوق ولا يدرسن بالجامعه كان مافيه غزل ويرحونا.. لا امزح الظاهر اني بنطق بس هين فيه من بيفزع لي .. لا جد انا اقولك ليه البنات هم السبب الحين بالله عليك من الي صار ياطلب الرقم البنات ولا الشباب وبعدين لما تجي البنت وهي لابستلك ذاك اللبس الي يطيح الطير من السماء وهاذيك العبايه المخصره الي تسحب نص الشباب على وجيهم وذاك الكحل الي يجدع العقال من الشماغ من قوة الالتفات لا وزياده في اللعانه تجيك هالغمره تمشي مليون ولا هالنظره ولا هالاشاره وانت الي تختبص معد تدري وش تسوي وتقولين ان الاولاد هم السبب يمكن يتحملون جزاء من المشكله ...;) :mad: اما بالنسبه لعيال المتوسط انابعطيك قصه مثلها صارتلي مره امشي في حالي واذا ذيك السياره المضلله تجي جمبي وتوقف واشوف القزازه تنزل شوي قل لحووول وش يبي هذا المهم انا احسبهم شباب ومشيت في حالي ما دريت الا وهالي يجون جمبي ويخربونها يفتحون القزازه كلها ويشرون ومبسوطات وانا اناظر واقول وش هالبزارين المهم وحده منهم قالتلي عطنى الرقم يوم ماعطيتهم وجه قامو يذبون يقولون مسكين ماعنده جوال والي تقول مسكين امه ماتخليه يغازل:mad: ( بالله وش رايك ) الي فهمته من كلامك ان ودك تنامين ولا فيك النوم ودك تسهرين وفيك النوم هذا الي فهمته بكل بساطه شاكر لك مداخلتلك الحلوه يالله وخري عن طريقي تحــــدوه .... |
لا والله وانت الصادق ان الشباب يتحملون100 %
انا بصراحه الى الان عمري ما شفت بنت تطلب الرقم من الشاب:rolleyes: بس يقولوا اللي يعيش ياما يشوف وحتى لو طلبت الرقم ليش الولد يعطيها المفروض يقولوها الله يهديدك ويصلحك ما يصير وينصحها :p لو ان الشباب يربون لحيتهم ويلبسون ثياب قصيره ويمسكون السبحه في يدهم ما كان البنات جوا صوبهم ويا ليت كمان بلاش يروحون السوق لان بصراحه الاسواق للحريم مو للرجال وش يرحون يسوون فيها هاه الا تعال تراني زعلانه منك ليش تكسر بخاطر البنات مالك حق والله شكله من جد ما عندك جوال :p ولا اكيد تخاف من العاشق :mad: لنا عوده بس االحين وراي اختبار يلا وخر خلني اروح :p |
انا كان قصدي تصرفاتهم وحركاتهم وحتى طريقه تفكيرهم مش زي ما حكيت
والبنات بكندا ما بخطفوا الاولاد...انا صار لي 3 سنين عايشه بكندا و اول سنه جيت فيها اجاا ولد يضايقني ضربته كف وصار مكانه احمررررررررررر وبعدها ولا ولد قرب علي حتى ولا واحد كلمني بعدها... يعني اللي بتحترم حالها الكل بحترمها غصب عنهم :) :D :D |
المشكلة معقدة اخوي تحدوه بس انا معاك
في كل اللي قلتة البنت لها نصيب الأسد من ذلك الأنحراف والحق على ولي امرها اللي يخليها تقز الشوارع وتحط اصناف العطور وتلبس اللبس المغري للرجال والسفور وعدم الحشمة لالالالالالالالالالا وبعدين ميييييييييييين يشتكي من هالضاهره همممممم البنات وهم العنصر الفعال والمتسبب بتللك الضاهره:mad: تحدوه اتحداك تلقى حل لهذه المشكلة اممممممممممم بس فية حل واحد يقطع دابر المعاكسات وهو اللي قلتةان البنت تجلد زي الرجل بس داخل المدارس حتى المراه تجلد بمدرسة حسب التوزيع اللي موزعينها علية وتكون بالحي اللي هي ساكنة فية وبهيك صدقني صدقني صدقني ستفقد هذه الضاهرة فورا لأنة فعلا اغلبيتنا رجال ونساء نخاف من العقاب ولا نخجل والعقاب هو حل لهذه المشكلة:) |
اسمحولي بالمشاركة معكم
صراحة موضوع جميل منك اخوي تحدوه البشر كما تعودنا منك دائماً
والموضوع متداخل ومتشعب فالكل يتحمل الخطأ والمفروض يكون العقاب للاثنين سواء كان جلد او اخذ تعهدات عليهم مع حضور اولياء امورهم وإذا تكرر هذا الفعل مرة اخى من اي الطرفين يلجأون الي التشهير بهم في الجرايد وأرى ان ذلك افضل رادع لمن يقوم بتلك الاعمال المشينة وشكراً لكم |
عودنا ..
روابي.. طيب الشباب يتحملون 200% مدامه كلام ... اجل مدامك ماشفتي فانتي الربحانه :rolleyes: واذا ودك تشوفين تعالي للفيصليه ولا المملكه :mad: وشفي العجب. اما ليش الولد يعطيها الرقم هذي صعبه لان الولد ماوده يزعل البنت ولا يردها او يكسر بخاطرها :D على شان كذا يعطيها الرقم ... اقول وش رايك نصير نلبس عبايات بعد ولانطلع الا بمحرم ولا نروح للدوام لان جمبه مدرسه بنات ونخاف نتعرض لهم ههههههه الا ليه انتم ما تلبسون عبايه على الراس وبدل هالجنزات تلبسون قمصان واذا جيتو تروحون للسوق تراه مايجوز الوحده تتطيب اذا راحت للسوق لا ولازم الوحده تمكيج .... تراى العقل نعمه اما بالنسبه للبنات لا كنت مشغول ( ماعرفت اصرف ) اما بالنسبه للجوال فا كلك نظر يازين البيجر... العاشق يوه له وحشه :) ------------------------------ فرح ... انا فاهم ايش تقصدين بس اقول ان بناتنا عندهم لسان مو عند بنات كندا بس .. الخطف مو بالمعني الي تتوقعين ... البنت لما تخطف الرجال معناته لما تسرق قلبه وتفكيره هذا الخطف ( ماسمعتي عن كلمه ياخطافه الرجاله ) بالمصري.... اجل صفقتيه كف ( كفو والله ) بس ماردها لك :) ... انا تري من اقصد اقصد البنات الي يحبون يلفتون النظر.. يتبع |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.