أرشــــــيـــف حوار الخيمة العربية - يا بنت قصيده الى الي ببالي

يا بنت
السلام عليكم :

اخواني الكرام اسمحولي ان اترككم مع هذه القصيده وامل ان تنال اعجابكم جميعا ..

يا بنت ماني بتبع اللي مقفين
..................ولا عز في منهو تبع مقفيات

وان ما دريتي والله انك بتدرين
......................اليوم ولا بشهرن مقبلات

أرقا مع العليا ووطي سلاطين
.......................واقايش الهيه بعز وثبات

اغبش مع الايام واوفي موافين
.................واحي حيات المجد والنايفات

ماني بنا اللي ياخذ المجد باللين
..................يشهد مدير الكون والكائنات

هذي سوات اظعاف ولا مساكين
..................يتبع دفاس العلم بالمغريات

ويترك زحازيحن على العز ظارين
..............ويركض مع اللي يتبع الملهيات

واليا غدا ليليه كما ليل حطين
.................يمسي وناره بالخلا طافيات

وان كان دربك مثل درب الشياطين
...................عزي لمنهو دربه المفتنات

ويا حبذا لو ان راسك نياشين
...............واطلق رصاصن بالعنا معدمات

والله لو انك ملاك المزايين
.............عقب الغدر وش عاد للمقبلات

يا بنت سقتي كايدات السكاكين
............طعنه غشيمن بالهوا مسهرات

اراقب الطعنه واشوف الملبين
.........حولي ولا املك كود روس الوصات

اكتب سرابن يتعب الها الظياميين
.............وشوف درب الموت والمهلكات

عفت الهوا لو الهوا بالملايين
...............وعفت الوعايد بالهوا ظايعات

وغديت انا وياك مثل المساجين
.............ما نعرف الغايه وحجم الخطات

يا بنت ضاعت غايتي والموازيين
............وضاعت علومن بالصدر خافيات

ليه الجفا ليه الغدر ليه تشكين
.............تشكين منهو مرخص الغاليات

اليا بغي يحصي حصاد البساتين
...........ما جاب منهو يكبس الحاسبات

اجيبها جمله وانا فاهق الطين
.............ولا خير في منهو وطا طاينات

وطويت انا صفحه بتاريخ تشرين
...........وخذيت موقف حسم للمبهمات

وعرفت انا للحب لو طال بسنين
............لا بد ما يكشف ظعيف الهقات

وعرفت درب العز ودرب الشياهين
...........وان الخطا يمحيه فرض الصلات

وان ما خذيتي العلم باللي تودين
............تري الطوف اربع وعندي عصات