أرشــــــيـــف حوار الخيمة العربية

أرشــــــيـــف حوار الخيمة العربية (http://hewar.khayma.com/index.php)
-   الخيمة السياسية (http://hewar.khayma.com/forumdisplay.php?f=11)
-   -   خالد الفيصل .............. شاعر ام مقتبس !؟ (http://hewar.khayma.com/showthread.php?t=19154)

كاتب الاسلام 21-01-2002 10:02 PM

خالد الفيصل .............. شاعر ام مقتبس !؟
 
بسم الله الرحمن الرحيم

لكل فرد ذوقه الشعري ، لكن ذوقي بعيدا كل البعد عن أمثال خالد الفيصل

ولعل هذا الكلام لا يرضي متذوقي الشعر النبطي فقط ....؟ وأما خالد الفيصل فيجيد عسف الأبيات والتصنع ولعله يستأجر الشعراء بخشم الريال؟؟؟؟

إما إلقاءه فهو العامل الوحيد على جذب انظار العامه والبسطاء فقط؟؟؟


وليس في أبياته مايدل على صدق العاطفه أبدااااااااااااااااا ،،،،،، ؟

وأين الجواب ؟؟؟؟؟؟؟؟؟؟؟؟


فاني أعرف رجل في المملكة العربية السعودية شاعر يبيع

قصائده على المغنين و قد قال انه قد باع قصائد له على

خالد الفيصل و غيره ممن يدعون الشعر .

لكن هذا لا يمنع ان الامير الشاعر خالد الفيصل شاعر و له

قصائد جميله كما قلت كذلك ان الشاعر له نسم واحد في

شعره اما الشاعر الامير فيختلف نسمه في الشعر .



لذلك حين يخرج ابن الملك تترقرق قلوبكم خوفا من ذلك الرجل

وتحجب الكاميرا ماوراءها وتلطم الألسنه عن النقد وتقطع السواعد عن التفنيد

ومن الرجل الذي يستطيع في السعوديه ان يقول بصوت عالِ انه مقتبس

ففي قصائده نفائس شعراء كثيرين لاشاعر واحد فقط ؟؟؟؟

إذا الشعراء الذين تحت قصائده متعددين ، فليس لخالد الفيصل ألسنه عديده أو قلوب كثيره تنثر قصائد مختلفة المستوى والأداء ولكن كلها تتفق في عدامه العاطفه


وارجو ان تجعلوا أعصابكم في ثلوج موسكو

لكي تتحاوروا وتطلبوا الأدله ولا تهاجوا وتدافعوا عنه على غير بينه


شكرا لكم..............................:D :D :D

arz2001 22-01-2002 12:26 PM

ليش نحط أعصابنا فى ثلاجه الله يهديك


كل اللى ذكرته صحيح100% فهذا الشاعر يشترى الشعر بقريشات
زيه زى بن مكتوم حق الإمارات

والله يعطيك العافيه على هذى الحقيقه
ولى عوده من خلال موضوعك هذا


:) :)

اليمامة 22-01-2002 12:51 PM

الاخ كاتب الاسلام

شوف الشعر اللي يقوله خالد الفيصل رائع جدا جدا جدا كشعر نبطي

والقاءه جميل 00 ولكن ؟؟؟تعال مشوار بسيط عشان فيه سر:p





































































هو مايكتب الشعر 00 :eek: هو :SLEEP: وغيره يكتب الشعر:rolleyes:


وفيه سر ثاني :eek:





























































فجأة صار فنان تشكيلي :eek: :D

وفيه سر ثالث:eek:




































































بدر بن عبدالمحسن قال ليش خالد الفيصل شاعر ورسام وانا شاعر وبس 00 وصار رسام الثاني:eek:


وكمان؟؟؟؟؟؟










































مافيه اسرار الى الحين غيرهم:D

شظايا الما111ضي000 23-01-2002 02:38 AM

الأخوان والأخوات اعلاه

ما يهمنا أن كان خالد الفيصل شاعراً أم لا

ما يهمنا أن كان يشتري الشعر أم يبيعه

ما يهمنا أن كان فنان تشكيلي أو لا

المهم في الموضوع أن شركة أبها للسياحة تعمل وتجيب الفلوس

المهم أن ميزانية المشاريع المقرره للمنطقة صرفت في مكانها

المهم أن نستقبل الفنانيين والفنانات في الصيف

المهم أن ينبسط الأمير عبدالله والأمير سلطان أذا زاروا المنطقه

المهم أن يستمتعوا بالعرضة الجنوبيه

أسف أقصد العرضة النجديه

لا لا العرضة السعوديه !!!!!!!!

هذا المهم من أين أستطيع أن أخذ الفلوس وبالقوة

وأسئلو وزير الماليه

والي ما عنده ما يلزمه 00


تحياتي لكم
وسلاماتــي

مستشر 24-01-2002 03:35 PM

اسعد الله أوقاتكم بكل خير ..

وش ذا كله .. ؟!!!

بس اسمعوني .. !!!! :rolleyes:

*
*
*
*
*
*
*
*
*
*
*
*
*
*
*
*
*
*

إذا كان صاحب السمو الملكي الأمير الشاعر/ خــــالد الفيصل … دايم السيف ..!!

وإذا كان الشاعر الأمير وصاحب السمو الملكي/ بدر بن عبد المحسن … مهندس الكلمة ..!!

إذا كان حسب كلامكم واللي يعتقد البعض منكم أنه سر بس للأسف سر قديم أكل الدهر وشرب عليه بس معليش الظاهر توها توصل للأجهزة مخابراتكم الشاطحة..؟!

إذا أنهم يطحسون في البران ويتصيدون البدوان ويشترون القصيد منهم (( يعني يدفعون فلوس )).. :eek:

انتبهوا لها النقطة وينسبونها بعدين لأنفسهم ..!!

لا بقول لكم سالفة وبعدين نرجع نكمل موضوعنا:

ذاك اليوم كنت رايح منطقة صحرواية بين الرياض والقصيم ..
رايح لواحد صديق الوالد موصيني عليه بعده عايش بخيمة في وسط الخلاء مع أبله ويربي حمام بعد ..!!

(( الظاهر أن هالحمام مسوي فيها عميل مزدوج ))..!! :D

المهم وصلت وإلا أشوف جمس شكله خطيييييررر..

بسرعة نزلت من سيارتي وتوجهت له تعرفون عاد أنا مستشر وفي نفس الوقت ملقوف..

طبيت عليهم تدرون من لقيت هناك لقيت الشايب مقابل له واحد ماسك ورقة وقلم وكن الشايب يملي على ذاك ..

ويفز الرجال ويتلطم بشماغه ويركب سيارته ويدعس ..

طاحت منه ورقة ..!!

أخذتها وتدرون وش كانت ..!

ورقة .. بس !!

ورقة فخـ…ـمه مطبوع في أعلاها: :(

المكتب الخاص لصاحب السمو الملكي الأمير / خالــد .. الفيصل..! :gun:

الظاهر أن خالد الفيصل خم خوي الوالد ورفيق دربه وإللي متجاوز المائة بمائة عام وضاحك عليه يشتري منه الشعر ويسوي فيها شاعر على قولتكم .. :mad:

واسمعوا هذه القصة بعد ..

ذاك اليوم يستأذن سواقنا الخاص بيروح زيارة لأخوه إللي عايش هنا في هالديرة ..

فقلت منت رايح !!

تراك صاجتنا بأخوك ذا كل يوم والثاني تبي تروح له ؟!

قال بابا كفيل مالهو نو الاود يخرج بر بيت !!

ليه ..!!

ومنهو كفيله ..!!

وش يشتغل أخو مال أنتا ؟؟؟!

وش قصة أخو سواقنا .. ;) !!


*
*
*
*
*
*
*
*
*
*
*
*
*
*

السالفة ومافيها ..

أن كفيله هو الأمير بدر بن عبد المحسن ومهنته خطاط ورسام..

مشكلته أنه ممنوع من مغادرة سرداب قصر شاعرنا وفناننا بدر

طايح في المسيكين أوامر ارسم هذا ولون ذاك .. ولانتهيت ازهم علي

اجي أوقع في ذيل اللوحة حقتي..يابدر الدجى!!!

يشترون شعرهم ويستأجرون خطاطين هنود علشان يرسمون لهم لوحات فنية ..

وقبل ما تجف الألوان ويخطون توقيعهم الشخصية .. عليها بكل بساطة وهدوء ..!!

تبغون الحقيقة ماهي مشكلة على الأقل يدفعون فلوس .. :D

المصيبة والمشكلة أن فيه بعضنا مسوي زحمة وحركة وثقافة و سياسة
وسرقة و نسخ دفعة وحده بكل وقاحة وغباء منقطع النظير وينزلها في الخيمة تحت مسماه الكريم .. !!

انتبهوا وراجعوا أنفسكم وبطلوا السرقة حرام .. حرام .. حرام وعيب عليكم ..!

وترى ما تخدعون إلا أنفسكم !!

وإلا حنا فاهمين الدنيا مقلوبة؟؟!

والفرق بينكم وبينهم وإللي هو لصالح هذوليك لأنهم يدفعون فلوس لأصحاب هالمواهب إللي يبيعونها عليهم بمل إرادتهم..

وأنتم تسرقون أفكار بعضكم وتغثون بها صدورنا ..يا سارقي الأفكار!!!

واللي على رأسه بطحة يحسس عليها ..؟؟؟! :mad:



وسلامتكم ..!!


أخوكم .. مستــ…:cool: …ـشر،،،

ابو تميم 25-01-2002 01:14 PM

تعلموا فن مقاطعة اشعار واغاني هؤلاء وهي حرام عموما.
لاتبتسم لمن يتمثل باشعارهم.
صد عن الغوين وهم متبعيهم.
ستجد نفسك كريم عزيز النفس.
والحمد لله ان السرقة من شعر شعبي وليس فصحى.

اليمامة 25-01-2002 02:41 PM

يامستشر

وش يقرب لك ابو شرين ;) ؟

وبعدين قبل التعليق على كلامك اسمح لي ان اتطفل بالسؤال التالي

كيف الصدف خلتك تروح للشايب ( صديق ابوك ) وبالصدفة كان عنده احد العاملين عند خالد الفيصل 00 ثم تكون الصدفه الثانية ويشتغل عندك اخو الرسام اللي يرسم لبدر بن عبدالمحسن:D ؟

مزودها شوي يامستشر:mad:

======================

ثم تعال وتشرف وورينا من اللي سرق ثقافة غيره ونسخها في الخيمة 00 وحدد ماهي الموضوعات :mad:

وان ماقدرت تحدد فاسمح لي :SLEEP: صح النوم 00وسمي نفسك الدمعة الحائرة:p

لاتزعل 00 :D

احنا مانزعل:mad:

مستشر 25-01-2002 02:45 PM

السلام عليكم ..
 
ماسمعت الغراب إللي نعـق * وين مثلي على مثله يفيــــــق

منزلي في الطويل إللي شهق* ومنزله قاعة الوادي السحيق

كنه الشوك في ثوبي علـق * يوذي الشوك ولايقطع طـــــريق!! :p

:D :D :D شباب هذه أبيات لشاعرنا مهندس الكلمة صاحب السمو الملكي الأمير / بدر بن عبدالمحسن.. والنعم



:eek: مدري من يقصد فيها ..!!

*
*
*
*
*
*
*
*
*
*
*
*
*
*
*

:rolleyes: بس أكيد !!!
*
*
*
*
*
*
*
*
*
*
*

:cool: مو أنا ..!!

وسلامتكم !!!!

ابو تميم 25-01-2002 04:29 PM

ماهقيت ان البراقع يفتنني.
الفتنة في الدين (احسب الناس ان يقولوا امنا وهم لا يفتنون)

مستشر 26-01-2002 05:09 AM

هلا وغلا ياسمينة..أو اليمامة السياسية !!
 
كـــــــيف حالك ..؟

تصدقين ذاك اليوم جالس اسولف أنا واحد قريبي عضو في مجلس الشورى .. !!

واقترحت عليه أقتراح ممكن يدرسونه ويتشاورون في مجلسهم وهذا الأقتراح طوال الله عمرك ..

هو ليش مايفتحون في الجامعات كلية علوم سياسية بناتية ..!!

بصراحة الخيمة خلتني أكتشف مواهب مؤودة ومدفونة عند كثير من الأخوات والله يعافي الخيمة إللى عطتهن وجه وخلتهن يسلوفون فيها براحتهن .. :rolleyes:

وفي رائي أنه راح .....!!!

ومعليش أختي اليمامة ممكن تقولين لي ليش مستغربة أني لأقيت خالد الفيصل بشحمه ولحمه عند خوي الوالد (( العم بو شلاح ))..!

لا بعد مهي مصدقتني وقايله أنه خوي أو وزير خالد على بالها ماأعرف خالد زين ..! :mad:
هالمره مشيتها لك بس لاعاد تتعودينها مره ثانية وقبل ماتردين على أنزلي وشوفي توقيعي تحت ..!

تعالي عندي لك سر خطير ..!!!
*
*
*
*
*
*
*
*
*
*
*
*
*
*
*
*
*
*
*
وأنا متأكد أنك ماراح تصدقين هالمرة بعد بس أسمعي تدرين أن الأمير بدر بلشة ذاك اليوم جاني مبكر وإلا أخذه معي بالسيارة واوصله لمكتب الأستقدام يقول أن سيارته خربانه وموقفها بالورشة .. وهو مختفي من الساحة الفنية له مدة ....
*
*
*
*
*
*
*

خلاص الباقي تعرفينه ..!

ترى اعطيناك وجه زيادة ..!

تراك بلشه وعلى طاري البلشات ترى في ناس واجد عندنا عندهم هالأعراض ..!!!! :confused:

وأظنك وحدة منهم وإلا ليش ودك تعرفين من قصدت بالمثل حق البطحة ..! ;)

أشوف قاعده تحسحسين ... آآآآآآآخ عذراً قصدي تدققين في الموضوع .. :(

إللي مايعنيك وفي نفس الوقت يمكن يكون يعنيك!!!

لدرجة بديتي تلخبطين بالحكي ..!!!

أنـــــــا مستـ... :cool: ...ـشر :mad: تبيني أغير أسم الفن :eek: تاستك ..!
وأبدلها بالدمعة الحائرة .. روحي بس الله لايسامحك براسك ذا إللي ذكرني بدمعة الأحزان.. هههههههها

هاه ترى للأن حنا نمزح .. محد يزعل شباب ..!

بس أبي فهم يمامتنا يمكن تكون تظنني أحد المعتوهين إللي تنسرق منهم قصايدهم أو أفكارهم وهم :SLEEP:

ابشرك تطمنى مافي أحد أصلاً يمكن أن يتجرأ علي ويبوقني .. أو يلطش قصائدي بعيده عليكم ..!

لإني معلن أفلاسي من زمان وغيرت مهنتي قبل ماروح ذاك اليوم وأبيعها في حراج بن قاسم الأدبي وخلينا هالمهنة لغيرنا لأن أصبح الشعر فرض عين لكل هامل دلخ عاطل عن العمل .. !!

وإللي على لسانه قصيده.... يطلعها :p ..!!


برضه إللي على راسه .... كملي يا....يا.... سمينة


Powered by vBulletin Version 3.5.1
Copyright ©2000 - 2024, Jelsoft Enterprises Ltd.