حبيت قبلك
 

حبيت قبلك

إلى إ.

حبيت قبلك يا حلوتي كتير...وبفصول حبي بترخ سنيني

قلبي بتعرفيه فاق عا بكير...من خلقت بالحلوين ضانيني

ساعة عرفت الحب كنت زغير..وطفولتي بالحب مسكوني

وكبرت ما في بالقلب تغيير..دوم بعيون الحور شاقيني

متعود برفة رموش يطير...وما عاد يهدا ولا يهديني

السمر إلهن عالقلب تأمير..والشقر إلهن عالقلب موني

وما في حلو بهالمدى الكبير..إلا تمنيت سكنو جفوني

ولو ينزرع درب الحلو مسامير..ولو بتسكرو سيوف مسنوني

بمشي عادربو ما إلي تأخير..عيونو على دربو بيمشوني

حبيت قبلك يا حلوتي كتير..قبلك خمرة الحب سقيوني

وكل كاس وفي إلو تأثير...وكل حب بالصدر ياقوني

وإنتي الخمر مكرر التقطير..إنتي مواسم عمر مخزوني

انتي الرسم من قبل هالتحبير..انتي الربيع بعود تشريني

فكرة قبل ما يخلق التعبير....ونغمة ال بالأوتارمكنوني

حب اللي صار وحب عم بيصير ..وحب اللي راح بيصير يا عيوني

انتي اللي حبيتا زغير كبير.....ووين اللي كان الحب بتكوني

يا سلام

محمد ت،

هل هذا من شعرك أم أنه من شعر محمد ب؟

على كل، فإن هذا لسان لبناني مبين، وأنت لسانك فلسطيني قويم. :)

يعني لا أعتقد أنه لك، ولكن قد أكون مخطئا.

:)

أخي عمر
القصيدة كتبها محمد ب في الأصل ثم لطشها منه محمد ت (حكم القوي على الضعيف)
وهي تجربة في العامية نادرة خطر على بالي نشرها بعد أن رأيت هذه الخيمة
بالنسبة للهجة فاللبنانية لهجة نوع من الزجل هو الأكثر انتشاراً عندنا ومعلوماتي في الشعر الشعبي الفلسطيني قليلة مع الأسف لسبب معروف هو الشتات وأعرف قليلاً ولكن معرفتي بالزجل اللبناني أكثر-على الأقل بسبب فيروز والرحابنة!
مع التحية

السمر إلهن عالقلب تأمير.
.والشقر إلهن عالقلب موني


من هيكِ رَوَّحنا العمر تعتير
وصحابي مشحر صارو ينادوني

ما إلنا غير الهَريبةْ تدبير
من خيمة منال لميثلوني


:D :D :D

من هيك ضيعنا العمر تعتير
صحابي مشحر دوم نادوني
ما في لنا غير الهرب تدبير..
واختر أخي أبو طه شطراً أخيراً
أما الفكرة فظريفة وأما الوزن فلم "يزبط " معك لا أعرف لماذا

رجاء ..
 

نرجو من جميع الاخوة المشاركين في خيمة النثر و العامية الالتزام
بالمشاركة الادبية من نقد وتعليق بناء

وايضا الالتزام بأخلاق الخيمة و آدابها

حتى لا يلتبس الامر
 

أخوتى رواد الخيمة ،،

تعليقى السابق كان تعقيبا علي مشاركة قد تم حذفها


شكرا لكم

وأرق المنى