موقع حلو بس لازم تكون اصدقاء(انا جديد)
مرحباجميعا انا ولد الرياض شاب عمري 21 سنه طالب جامعي واحب اكون صداقات معكم كلكم لان بصراحه بصراحه انا احب اتعرف الناس واعرف اساليبهم وتفكريهم واخذ رايهم في اشياء تخصني وخاصه وانا عندي افكار غريبه يمكن محد يفكر فيها الا انا وبسئلكم عنها واخذ وجهت رايكم فيها مثلا وبعد صار الصديق هذي الايام نادر ومحد يعرف معنى الصداقه صرنا اذا طلعنا مع احد معين قلنا عليه صديق اذا شارمك شخص معين هوايه معينه قلنا عليه صديق والله انا ما ادري؟وتحصل كل واحد عنده فوق الخمس اصداقاء وهذا مستحيل اذا صار عندك صديق واحد احمد ربك واشكره ومع هذا صعب تحصله شكلي طولت شوي بس اعذروني المهم اناودي اتعرف على كل الموجودين وياليت كل واحد يعرف بنفسه قبل وانشاء الله تستمتع مع بعض واحنا جايين هنا ليش؟ مهو علشان تستانس صح ولا
طيب مشكورين كلكم وخلينا نشوفكم ولد الرياض |
تحيه طيبه يملؤها الورد والريحان لولد الرياض اهلاًوسهلاًفيك با لخيمه بس الشباب قاهريني في طريقت طرح المواضيع ونقاشها (الشكوى لله)....
ماعلينا يا ولد نجد على العموم ياهلا ومرحبا فيك بين اخوانك..تحياتيahmed.alhjaaz |
البساطه هي عنواني يا اخ احمد واظن اسلوبي ما في شي انشاء الله
|
تحيه طيبه
الاخ/ولد الرياض ان ما كتب لايمسك على كل حال انت صديق جديد وكيف لي ان اعرف اسلوبك وانما قصدت التنويه عن رايي لا اكثر... ارجو عدم التسرع وقذف الأمور على عواهنها... AHMED |
السلام عليكم
اهلا بك يا اخ ولد الرياض و مرحبا بمشاركاتك معنا و السموحة |
يا اخ احمد رايك على العين والراس بس ماهو سبب الرئي هذا في اعتقادي الشخصي فيه ظلم حتى ولو لم تقصدني فيه لانك ظلمت الشباب.والاسلوب ما يحدده نوع الجنس سواء ولد او بنت تحدده الاخلاق والادب واذا كان انسان اولا؟ شكرا يا اخ احمد على المداخله الحلو بالعكس ارحب فيك ولابد ان كل واحد يفهم الثاني صح احنا هنا للفائده اخوك ولد الرياض
|
شكرا يا اخت فاطمه على الترحيب
وانشاء الله منك تستفيد ونفيد اخوكي ولد الرياض |
السلام عليكم ورحمه الله وبركاته
عزيزي ولد الرياض ان ما قلته عن طريقت طرح المواضيع ومناقشتها فعلاً حاصل فااحد الأخوان مثلاً يكتب موضوع يريد ان يشاركوه الشباب با المناقشه وتلاقي اللي يرد عليه القليل وبالشي اليسير ويقف النقاش على ها الحال حيث ان الأخوان لايكلفون انفسهم عناء المشاركه الوافيه والبنائه مع زملاءهم وفي نفس الوقت تلاقيهم يتهافتون على الخيم و لهم نصيب الأسد من المواضيع الملفته للنضر بعددها هذا ليقال هذا فلان هذا من جهه. اما الشي الثاني فحدث ولا حرج فتجد بعض الأخوان يكتبو عن الأدب بخيمه التعارف والعكس وعن المواضيع الدينيه بالخيمه المفتوحه وهذا لايجوز حيث انه كل خيمه مخصصه لمواضيعهاومن يرى غير ذلك فالينضربنفسه. اخيراًمن يكتب موضوع بأحد الخيم فاليتابعه ولا يتركه هكذابل يزوره يومياً ويقرأ ما كتب به ويعلق عليه كذلك من شارك بالموضوع فلينضر ما اوت اليه مشاركته وبماذا علق عليها ام ان ما كتب عبثاً. اخواني هذه الحقيقه والحقيقه دايم مره ما كتبت هذا إلا حباً وتمسكاً فيكم.. اخي ولد الرياض عذرً على التوضيح وسامحني هذا والله يحفضكم والسلام ختام================ دعوه:: -1 عن الحب والصداقه. -2 هل عدم القناعه بالأنسان عاده ام غريزه. الموضوعين بخيمة الأصدقاء والتعارف. الأخ/ولد الرياض -الأخت فاطمه-الأخت صدفه-ومن له القدره على المشاركه.آمل ان تشاركوني في نقاش هاذين الموضوعين شاكر ومقدر حسن التعاون... ============================================= AHMED |
الى الاخ احمد
انا معك في كل ما تقول ووجهة رايك صحيحه بس احنا كلنا لازم نحاول نجتمع على راي واحد وهذا صح وبيني وبينك طيب شوف مثلا تجد في ناس يبون بس يكتبون اي كلام وخلاص علشان الناس ترد عليهم وناس يبون الطرف الجنس الاخر يرد عليهم بس سواء ولد او بنت وما يبون الفايده يعني اظن انت عارف هذا الحركات ....انا انشاء الله بشارك في مواضيعك اللي قلتها وانا عندي مواضيع بعد بس احتاج الوقت لكتابتهاواشكر على التوضيح اخوك ولد الرياض |
Powered by vBulletin Version 3.5.1
Copyright ©2000 - 2024, Jelsoft Enterprises Ltd.