أرشــــــيـــف حوار الخيمة العربية - كتبتلك يا حبيبي وأنظمت قافي .

[poet font="Arabic Transparent,7,black,bold,normal" bkcolor="transparent" bkimage="backgrounds/12.gif" border="double,6,blue" type=1 line=200% align=center use=ex length=0 char="" num="0,black" filter=""]
كتبتلك يا حبيبي وأنظمــت قــافــي .
[/poet]

[poet font="Arabic Transparent,5,black,bold,normal" bkcolor="transparent" bkimage="backgrounds/14.gif" border="solid,8,darkblue" type=0 line=200% align=center use=ex length=0 char="" num="0,black" filter=""]
كتبتلك ياحبيبي وأنظمت قافــــــــي = وخطّيت لك هالأبيات بيت ورا بيــــــت

كتبتلك ودمع عيني على الخد اذرافي = وياما من اسبابك ياحبيبي قد بكيــت

ألا ياريت بس تدري يانسل لشرافــي = وش هو حال قلبِِ انته له سبيــــــت

وش هو حال قلبي وفكري ولطرافــي = لي غبت عن عيوني لحظة واختفيت

آآآه ثم آآآه من حبك يالغر يالسنافـي = بعد ماصابني سهم حبك وابتليـــــــت

بايت حليف السهر بين واعي وغافـي = وطيفك مايفارقني ولوتعبت وغفيــت

صدق لاقالوا وينه الدوا الشافـــــــي = لاصار الجرح غياب من ابقربه اهتنيـــت

وانا في وصفك أقول وهذا اعترافــي = انته ملاك من كل زين قد خذيـــــــــت

انته نبع من الحنان دوم صافــــــــي = ارتوي من صفا عطفه لاظميــــــــــت

وانته نهر من الحب بالحيل دافـــــي = يضمني بدفا حبه لا اشتكيـــــــــــــت

انته قمر لالاغزال لاماهو كافـــــــــي = انته جمال الكون من حسنك عطيـــــت

وين بلاقي مثلك وين أبد مافـــــــــي = وانا في حبك يا خلي اكتفيـــــــــــــت

ألاياريت لي ذكرى ياريم لريافــــــــي = لاغبت عن عينك وعن عينك سريــــــت

وبصبّر عيوني بطيفك لاصارن اشغافي = وانته عساك عن ذكراي ماتكون لهيت

أشهد اني أحبك واحلفلك احلافــــي = والله اني أحبك ومن حبك ارتويــــــــــت

ولك قدر من الحب بالقلب خافــــــي = قدر عالي انت فوق عرشه اعتليـــــــت

ودرب حبك يالغلا أبد ماله انحرافـــــي = وانا على وعدي وعهدي ماحييــــــــت

وانا على عهد الوفا ياخل وافــــــــي = وطبعي في المحبة لاحبيت وفيــــــــت

عساك اتصون محبتنا ياكامل لوصافي = وعساها تدوم محبتنا أبد مابقيــــــــــت

ونار حبك ياحبيبي تلهب في جوافي = الله يعين العاشق اللي مثله استويــــت

حسافة يازماني بالحيل حسافـــــــي = على وقتِِ من دونه حبيبي قضيــــــــت

واختم قصيدي بمثل مابديت به قافي = وعساني في وصف حبك وفيت وكفيــت

[/poet]