يكفي غدر يا..
 

الغدر

يكفي تجاملني وما قلت كـافـــي
من عافني ماله بقلبي مكانــه
الصدق بين عقب ما كان خـافــي
وبانت عيوب اللي يخون الأمانه
أخلصت لك من قلب صافي ووافـي
وأسقيتني مـر الغدر و الخيانـه
يا ظالمه خافي من الله خافــــي
وش ذنب قلـب يرتجف مكانـه
لأجلك أضحي وأدعس الشوك حافي
لكن حشا مـا أرتضي للإهانـه
ويكفي تجاملني وما قلت كــافـي
مـن عافني ماله بقلبي مكانـه


24/11/1421هـ

مبدع يا الصياد ... صح لسانك

صعب ان تلقى الخيانة ممن أخلصت له..

وأفضل حل له كما قلت أخي الصياد..


من عافني ماله بقلبي مكانه..

تعبيرك رائع ..

فجر

ابيات معبرة يا اخي "الصياد"
صح لســانك ... ولا تبخل علينا بالمزيد

اخوك المحب/
مســـــير....

السلام عليكم ورحمة الله وبركاته:
صح لسانك وعشت ........
ومن عافنى عفناه لو كان غالي ..........
لا تبخل علينا بحكيك الحلو