عذب الكلام
 

من الفرحة

من الفرحة نسيت إني عليك البارحة زعلان

نسيت أقول لو تسمح تكرم .. لا تكلمني

*

اهلي بك مثل ما انت تهلي بي وانا الشفقان

احس إني أنا الغلطان وفرصتك ما تعلمني

*

ذكرت انك علي اخطيت ولكن نعمة النسيان

تنسيني خطا الغالي . . وترجع له تسلمني

*

حبيبي ما تمكن داخل فؤادي . . ولا انسان

الومك يومك انت اخطيت وإذا اخطيت انا لمني

*

حبيبي لو يطول الوقت أو يقصر ابد خلان

تراك انت الوحيد اللي يشتتني ويلملمني

*

حبيبي دايما قلبي معك مشتاق لك ولهان

غيابك عن عيوني طول هالمده يألمني




تحياتي للجميع:)
مختارة

مختاره؟

ووين اختياراتك من زمان؟

اخترت فابدعت

على فكره

اسمك في المنتدى هنا راكب

افهمها ;)

سلام

مرحبا عسى ماشر اشكر قراءتك
للمختارة وان شاءالله عجبتك ;)


تحياتي