أرشــــــيـــف حوار الخيمة العربية

أرشــــــيـــف حوار الخيمة العربية (http://hewar.khayma.com/index.php)
-   خيمة الأصدقاء والتعارف (http://hewar.khayma.com/forumdisplay.php?f=13)
-   -   قصة محزنة ((( سالفة مستوية ))) من أبو ظبي ؟؟؟؟ (http://hewar.khayma.com/showthread.php?t=13287)

عجيب الغريب 09-11-2001 04:49 PM

قصة محزنة ((( سالفة مستوية ))) من أبو ظبي ؟؟؟؟
 
تعالوا بخبركم سالفه صدقيه مستويه من كم يوم في بوظبي
السالفه سلمكم الله

اثنين شباب ..من ست ايام بالضبط...شلوا عشاهم و ساروا يتعشون في شاطئ الراحه في بوظبي...

يتهم حرمه عيوز و يلست تلقط من الاكل المتنثر...قالولها يدوه انت يوعانه...قالت هيه انا من الصبح هنيه و ما كليت شي...

قالولها انزين شو يايبنج هنيه؟قالت ولدي نزلني و بيرد عليه....

المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز روحها فليل...

قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب

"من يجد هذه المرأه يأخذها لبيت العجزه"

انصعقوا الشباب من اللي مكتوب...و يلسوا ساعه يترجونها انها تسير معاهم....

لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها"

المهم....روحوا عنها الشباب....

واحد منهم ما رضي يرقد....يتجلب و يفكر فيها.....

لين ا استوت الساعه 2 فليل...نش من على الشبريه و لبس ثيابه بسرعه...

و سار الشاطئ....شاف اسعاف و شرطه...هجم بينهم و سألهم عن الحرمه...

قالوله توفت...ارتفع عندها الضغط و ماتت...

ارتفع عندها الضغط على حسرتها على ولدها...تتحرى ان صار له حادث او مكروه...

الله يرحمها برحمته...مسكينه...

كتبت ها الموضوع بس عشان يشوفه ولدها على النترنت...و اما حاسه ان بيشوفه...

ارجوكم ساعدوني و انشروا ها الموضوع...

بس كلمه ابغي اقولك اياها....انت ما تخاف من ربك؟

شو عندك اهم من امك اللي ماتت من خوفها عليك...؟

و انت فارنها مثل الكلبه؟

تعرف اختي شو قالت يوم سمعت السالفه؟

قالت ليش ما يابها عندنا؟ نحن نباها بنحاظيها و بنرعاها..

هاي الغريبه جيه تقول..و انت الابن شوف شو تسوي....

الله بيراويك...الله فوق و يشوف كل شي...

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

الرجاء إرسال هذا الإيميل لكل من لديه قلب ورحمة

لكل من فكر يوما في العقوق بوالديه .. لعله يتراجع ويهديه الله

أرسلوها قد تصل الرسالة لهذا العاق .. ليعرف أن والدته ماتت حزنا وغما عليه .. ليدرك أنه قد خسر تذكرة كادت أن تدخله الجنة من أوسع أبوابها .. فرضى الله من رضى الوالدين

الله يرحمها ويحسن إليها


هذه القصة منقولة من أحد المنتديات وبدون اضافة كما هي باللهجة الاماراتية ....

وعجيب يقول يا ما نطوف وياااااما نشوف

عجبي عليك يا زمن العجايب :confused:

[ 09-11-2001: المشاركة عدلت بواسطة: عجيب الغريب ]

دايم السيف. 09-11-2001 07:48 PM

السلام عليكم ورحمه الله وبركاته
الاخ العزيز عجيب الغريب
جزاك الله كل خير
والله قصه تندى لها الجبين
هل وصل ببعض السفله ان يفعلوا هكذا بأماهتهم الله المستعان حسبي الله ونعم الوكيل


Powered by vBulletin Version 3.5.1
Copyright ©2000 - 2024, Jelsoft Enterprises Ltd.