البيت الأبيض - يعقوب احمد يعقوب
 

البيت الأبيض

عنا المواطن متهوم
من مهدو.. حتى لحدو
وقدروا ومصيروا مرسوم
وقدر اللي جاي بعدو
ورغيفُه مُرْ ومشؤوم
مْغبرَّ.. وجهو مع خدو


ولما ينام ولما يقوم
ضابط مباحث حدو
وجواز السفر مختوم
باختام ما ينعدو
ومقصقص ما هو مفهوم
وكل الدنيا بتعدو
ارهابي.. وبشو متهوم
بتهمة دمعه عاخدو
جهنم فوقو كيف يقوم.. إلاوجمراتا بْرِدُوا
هـَ العربي مبنى مهدوم.. من بيو لسابع جدو

وبدهن يبقى شيء مهزوم
يسقط كلما بدو يقوم
وكل الكلاب تشدوا
لا تفسر كلو مفهوم..
البيت الأبيض يا جدو..
فيو غراب وفيو بوم
وكلما زعقوا.. بيهدو..


العنكبوت ما بتقدر تسير من دون بيتها
والشعوب غرقت في نوم عميق

اخي بارك الله فيك

كل الشكر لك أخي يعقوب على هذا المقطع الزجلي الجميل .

مع فائق التقدير .

تحياتي .