رؤية أخرى لإنفجارات الرياض
 

[poet font="Simplified Arabic,4,red,bold,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
يا دار لا تخشيـن عـادي وغـدّار =حتى ولو هو منـك خاسـر رهانـه
انتي الجبل مـا هـزّه بيـوم تيّـار =وانتي الشمس تحرق غيوم الرعانه
اللي حدث ما هوب من فعل الاخيار =مهما الهـدف والعذراسمـه خيانـه
ما قال ربـي نقتـل معاهـد الـدار =ولا قال نفجع مسلـمٍ فـي ومانـه
عقلٍ مدبّر يختفـي خلـف الانظـار =يغسل عقولٍ ما بهـا مـن ذهانـه
طيورٍ ظمايا صادها تحت الاشجـار =والطعم جاهز في صكوك وضمانـه
طارت عمايا مـا تميّـز للاخطـار =والحبل في يدّه وهـو فـي مكانـه
ولو مـا تنفـذ تنقتـل دون إنـذار =ماسـك عليهـا عهدهـا والأمانـه
محـدٍ تنبّـه يفهـم طيورالاسـرار =ولا حـدٍ يوقظهـا بعقـل وفطانـه
ولا حدٍ تفكّر ليش طـارت للاوكـار =وصارت هدف للي خدعهـا لسانـه
السر واضح ولا يبي عصر الافكـار= شباب ضايـع ولا افتهمنـا لشانـه
محدٍ بحث وضعه وهمّـه ولامـرار =طيّـر وحصـل وكـرٍ زود جنانـه
اعطاه دنيا وآخـره وسيـف بتـار =فيه الهويّـه يـوم ضـاع بزمانـه
صار البطل من عقب ما هوب محتار= وكـلٍ يشجـع والنشيـد بـأذانـه
ما عاد له همٍ سوى اللعـب بالنـار =موتـه بدايـة مرحلـه لاطمنـانـه
ما يـدري انّـه لعبـه بيـد تجّـار =كسبوا ثمن فعلـه وموتـه مهانـه
لا بد مـا نفهـم ونحمـي للاطيـار =ونمنع بذور الشر فـي كـل خانـه

[/poet]

جميل جدا مشاعل وخصوصا :

____________

ما يـدري انّـه لعبـه بيـد تجّـار

............................... كسبوا ثمن فعلـه وموتـه مهانـه


لا بد مـا نفهـم ونحمـي للاطيـار

................................ونمنع بذور الشر فـي كـل خانـه

____________

صح لسانك وبقي مدادك طول الدهر مشاعل الخير والنور :):)

ويجب فعلا العناية بالنشيء وكسب وقت فراغهم بالمفيد من الاعمال بدلا من التسكع بالاسواق واذية خلق الله ......وقد يتمادي الفراغ بهم الي الجريمة والارهاب التي نراها بارزة امامنا هذه الايام .

نسال الله الهداية والتوفيق والصواب .....امين يارب العالمين

هلا وغلا أختي مشاعل
ومن جد الأبيات اللي وضعتيها بها الخيمة حلوة حلوه بالحيل
ويا ليت تقولين لنا هي من شعرك أو ناقلتها
وإذا كانت من شعرك أختي فليش ما تشاركين معنا :(
بالفعل أختي أبيات حلوة بالحيل
والله إنك صادقة
تسلمين يا الغالية
ويا ليت ما تنقطعين عنّا :)

باااااي :rolleyes:

الفاضلة مشاعل:

صدقت وأجدت واحسنت

لك مني كل تحية وتقدير